Morgunblaðið - 24.05.2003, Blaðsíða 21

HÖFUÐBORGARSVÆÐIÐ
MORGUNBLAÐIÐ LAUGARDAGUR 24. MAÍ 2003 21
ÍBÚAR í Rimahverfi í Grafarvogi af-
hentu fulltrúum skipulagsyfirvalda í
Reykjavík í gær undirskriftir 500
manna sem mótmæla fyrirhuguðu
deiliskipulagi nyrsta hluta Land-
símalóðarinnar sem svo er kölluð.
Íbúarnir telja að ekki hafi verið kom-
ið til móts við kröfur þeirra um að
byggðin á svæðinu verði í samræmi
við þéttleika og hæð byggðarinnar í
kring.
Málið á sér talsverðan aðdraganda
en um eitt og hálft ár er liðið frá því
að deiliskipulag lóðarinnar var fyrst
kynnt meðal íbúa. Kom þá strax fram
mikil andstaða við þéttleika væntan-
legrar byggðar. Emil Örn Kristjáns-
son, talsmaður íbúa, segir því fara
fjarri að komið hafi verið til móts við
athugasemdir fólksins í hverfinu.
„Formaður skipulags- og bygg-
inganefndar hefur ítrekað haldið
fram að það sé sátt um þetta mál en
það er beinlínis ósatt,“ segir hann.
„Það sést best á því að í fyrra skil-
uðum við inn 550 undirskriftum frá
íbúum í þeim götum sem liggja að
reitnum, eða allverulegum meiri-
hluta íbúa. Í þessari viku ákváðum
við að fara aftur af stað og höfum
fengið 500 undirskriftir þrátt fyrir að
hafa bara haft tvo daga til stefnu. Svo
gott sem allir sem við töluðum við
vildu ítreka sínar kröfur.“
Undirskriftirnar voru afhentar
skipulagsyfirvöldum í gær, en þá
rann út frestur til að skila athuga-
semdum við tillögu að deiliskipulagi
nyrsta hluta reitsins þar sem gert er
ráð fyrir fjölbýlishúsum fyrir eldri
borgara. Skipulag reitsins að öðru
leyti hefur verið samþykkt.
Emil bendir á að þó að hæð fjöl-
býlishúsanna sé ekki eins mikil og
upphaflega var ráð fyrir gert séu þau
enn of há auk þess sem íbúðafjöldinn
sé sá sami. Með undirskriftunum séu
íbúarnir að hnykkja á þeim kröfum
sínum að byggðin verði grisjuð, hæð
húsa verði í samræmi við aðliggjandi
byggð, útivistarsvæði verði aukin og
að áætlanir verði gerðar um upp-
byggingu skóla og leikskóla í hverf-
inu.
Klofningur í meirihluta
skipulagsnefndar
„Við höfum haft spurnir af því að
landeigandi hafi lýst yfir vilja sínum
til að hafa makaskipti við borgina á
hluta landsins þannig að borgin gæti
eignast þarna svæði sem mætti
skipuleggja fyrir útivist. Það væri
synd að missa af því tækifæri.“ Hann
bendir einnig á að greinilegur klofn-
ingur sé í meirihluta skipulags- og
bygginganefndar um málið því
fulltrúi Framsóknarflokks í nefnd-
inni hafi nýverið komið með tillögu
um að þetta verði endurskoðað.
Þá óski íbúarnir einnig eftir að rík-
ara samráð verði haft við þá um mál-
ið en því hafi verið lofað fyrir síðustu
sveitarstjórnakosningar. „Ég var
fulltrúi íbúa í samráðshópi sem þá
var skipaður en kom einfaldlega að
fullmótuðum tillögum og var beðinn
um að segja mitt álit. Svo drukknaði
umræðan í þessi fjögur skipti sem
þessi hópur hittist í einhverjum smá-
atriðum. Það var ekkert tekið á aðal-
málinu sem er of þétt byggð.“
Athugasemdafrestur vegna Landssímareits rann út í gær
Afhentu mótmæli 500 íbúa
Grafarvogur
Morgunblaðið/Kristinn
Emil Örn Kristjánsson, Einar Birgir Hauksson og Þórdís T. Þórarinsdóttir
(t.h.) afhenda Salvöru Jónsdóttur, sviðsstjóra skipulags- og byggingasviðs
Reykjavíkur, og Helgu Bragadóttur skipulagsfulltrúa mótmæli íbúanna.
ÚTLIT er fyrir að nýtt íþróttahús í
Hofsstaðamýri í Garðabæ verði
stærra en áætlanir gerðu ráð fyrir
og innihaldi tvo löglega keppnis-
velli í handbolta. Frávikstilboð Ís-
lenskra aðalverktaka, þar sem gert
var ráð fyrir svo stóru húsi, reynd-
ist vera lægra en kostnaðaráætlun
Garðabæjar fyrir lítið íþróttahús.
Að sögn Ásdísar Höllu Braga-
dóttur bæjarstjóra hafa nokkrar
hugmyndir verið á borðinu varð-
andi stærð hússins í Hofsstaða-
mýri. Ýmsir, m.a. forsvarsmenn
Stjörnunnar, hefðu óskað eftir húsi
sem væri nægilega stórt til að
rúma tvo löglega keppnisvelli í
handbolta en í ljós hafi komið að
slíkt hús yrði ákaflega dýrt, þ.e.
kostnaðaráætlun fyrir það hljóðaði
upp á liðlega 700 milljónir.
„Það var ekki talið ráðlegt að
fara í svo stórt hús þannig að húsið
var hannað dálítið minna en þó
þannig að þar yrðu tveir góðir æf-
ingarvellir fyrir handbolta, tveir
löglegir körfuboltavellir og fleira.
Kostnaðaráætlun fyrir slíkt hús var
rúmlega 500 milljónir og niður-
staða bæjarráðs var að bjóða út þá
stærð en hvetja til frávikstilboða
þannig að ef að verktakar hefðu
áhuga á að bjóða í stærra hús þá
væru slík boð velkomin,“ segir hún.
Niðurstöður útboðsins voru
kynntar á fundi bæjarráðs í vik-
unni og kom þá í ljós að fráviks-
tilboð ÍAV fyrir stærra húsið var
lægra en kostnaðaráætlun bæjar-
ins fyrir minna húsið gerði ráð fyr-
ir eða rétt tæpar 500 milljónir. Í
framhaldinu ákvað bæjarráð að
hefja viðræður við ÍAV um gerð
stærra hússins.
Reksturinn verði boðinn út
í einkaframkvæmd
Að sögn Ásdísar Höllu voru út-
boðsaðilar einnig hvattir til að skila
inn frávikstilboðum sem gerðu ráð
fyrir að húsið yrði byggt í einka-
framkvæmd. „Miðað við þau vaxta-
kjör sem Garðabæ bjóðast núna
sýna allir útreikningar að það er
ekki skynsamlegt fyrir okkur að
fara með þetta í einkaframkvæmd
þegar litið er 50 ár fram í tímann.
Hins vegar virðist vera hagkvæm-
ast fyrir okkur að eiga húsið en
bjóða út reksturinn og það er verið
að skoða það mál líka.“
Ásdís segir stærra húsið munu
innihalda alla sömu starfsemi og
minna húsinu var ætlað. Til við-
bótar verði sjálfur íþróttasalurinn
stærri og sömuleiðis ýmis rými
sem tengjast almennri þjónustu í
húsinu.
Stefnt að stærra íþróttahúsi í Hofs-
staðamýri en áætlanir gerðu ráð fyrir
Verði með tvo
löglega keppnis-
velli í handbolta
Garðabær
LEIKSKÓLINN Hlíðarendi vann á
dögunum til verðlauna í teikni-
sögusamkeppni á vegum UNESCO,
Menningarmálastofnunar Samein-
uðu þjóðanna. Frá þessu er greint
á heimasíðu Hafnarfjarðarbæjar.
Árið 2002 barst skólanum bréf
frá UNESCO þar sem honum var
boðið að taka þátt í alþjóðlegri
teiknisögusamkeppni undir yf-
irskriftinni: „Teiknaðu friðinn fyr-
ir mig“. Leikskólinn sendi inn
teiknisöguna „Vatnslausa land“
sem fjallar um að deila með öðr-
um. Á dögunum var tilkynnt að
leikskólinn hefði hlotið þriðju
verðlaun í aldursflokki 4–5 ára
barna. Það voru tíu börn á aldr-
inum 4–5 ára sem unnu verkið
ásamt þremur leiðbeinendum. Ný-
lega fengu þau sent viðurkenning-
arskjal ásamt bókagjöfum frá sam-
tökunum og var myndin tekin við
það tækifæri.
Ljósmynd/Bryndís Ævarsdóttir
Hlutu verðlaun UNESCO
fyrir teiknisögu
Hafnarfjörður