Morgunblaðið - 24.05.2003, Blaðsíða 45

KIRKJUSTARF/FERMINGAR
MORGUNBLAÐIÐ LAUGARDAGUR 24. MAÍ 2003 45
Örn Arnarson og hljómsveit kirkj-
unnar leiðir tónlist og söng ásamt
kór kirkjunnar sem í næstu viku
leggur af stað í söngferðalag til
Danmerkur. Að þessu sinni verða
sungnir sálmar og lög sem tengjast
vorinu og sumrinu sem nú fer í
hönd. Hugleiðingarefni kvöldsins
er sömuleiðis um mikilvægi þess að
vekja vor og sól í sinni sérhvers
manns og hvernig við getum hvert
og eitt stuðlað að slíku. Í lok kvöld-
vökunnar er svo kirkjugestum boð-
ið að ganga til altaris. Að lokinni
kvöldvöku hefst aðfundur Frí-
kirkjusafnaðarins í Hafnarfirði og
fer hann fram í safnaðarheimili
kirkjunnar.
„Tónlistarveisla“
í Grensáskirkju
Á MORGUN syngja tveir stúlkna-
kórar við guðsþjónustu í Grens-
áskirkju. Um er að ræða Stúlkna-
kór Grensáskirkju undir stjórn
Ástríðar Haraldsdóttur og Stúlkna-
kór Reykjavíkur sem Margrét J.
Pálmadóttir stjórnar. Kórarnir
munu syngja nokkra létta lofgjörð-
arsálma en einnig messuliði úr
messu eftir tónskáldið Gounod.
Tónlistarflutningurinn mun skipa
stóran sess í guðsþjónustunni, að
öðru leyti verður form hennar ein-
falt og töluðu máli stillt í hóf. Guðs-
þjónustan hefst kl. 11 árdegis.
Vorferðalag Óháða
safnaðarins
FARIÐ verður mánudaginn 2. júní í
vorferðalag Óháða safnaðarins,
farið frá Kirkjubæ kl. 10, Safna-
svæðið á Akranesi skoðað. Þátttaka
tilkynnist í s. 557-7409 Ester eða
566-6549. Dóra.
Alfa-hátíð í Graf-
arvogskirkju
ALFA-uppskeruhátíð verður í
Grafarvogskirkju 25. maí kl. 20. Á
dagskrá verður söngur, fræðsla,
vitnisburðir og fyrirbænir. Allir
velkomnir hvar sem þeir hafa farið
á námskeið. Okkur langar til að
safna saman Alfa-fjölskyldunni á Ís-
landi. Fólk er beðið um að hafa með
sér meðlæti á kaffihlaðborð á eftir.
Tekin verða samskot fyrir kostnaði.
Kolaportsmessa
HELGIHALD þarfnast ekki hús-
næðis heldur lifandi fólks. Kirkja
Jesú Krists er ekki steypa, heldur
lifandi steinar, manneskjur af holdi
og blóði.
Þess vegna er hægt að fara út úr
kirkjubyggingum með helgihald og
fagnaðarerindið og mæta fólki í
dagsins önn. Í tilefni af því bjóðum
við til guðsþjónustu í Kolaportinu
sunnudaginn 25. maí kl. 14, Ragn-
heiður Sverrisdóttir mun predika
og þjóna ásamt prestunum Jónu
Hrönn Bolladóttur og Irmu Sjöfn
Óskarsdóttur. Þorvaldur Hall-
dórsson leiðir lofgjörðina ásamt
Margréti Scheving. Áður en Kola-
portsmessan hefst kl. 13.40 mun
Þorvaldur Halldórsson flytja þekkt-
ar dægurperlur. Þá er hægt að
leggja inn fyrirbænarefni til þeirra
sem þjóna í guðsþjónustunni. Í lok
samverunnar verður söngstund þar
sem við fögnum komandi sumri.
Guðsþjónustan fer fram í kaffistof-
unni hennar Jónu í Kolaportinu sem
ber heitið Kaffi port, þar er hægt að
kaupa sér kaffi og dýrindis meðlæti
og eiga gott samfélag við Guð og
menn. Allir velkomnir.
Miðborgarstarf KFUM&KFUK
og kirkjunnar.
Nýtt lespúlt á altari
Hafnarfjarðarkirkju
Í GUÐSÞJÓNUSTU næstkomandi
sunnudags verður formlega tekið í
notkun og helgað nýtt lespúltfyrir
hina helgu bók gert af messing í
Bretlandi fyrir altari Hafnarfjarð-
arkirkju. Lespúltið er gjöf frá Sig-
urjóni Péturssyni, Þóru Hrönn
Njálsdóttur og börnum með kveðju
og þökkum til Hafnarfjarðarkirkju.
Er vel við hæfi að helga lespúltið
einmitt á þessum sunnudegi því
hann er bænadagur þjóðkirkjunnar
og sérhver bæn kristins manns
byggist á orðum heilagrar ritn-
ingar. Í sömu guðsþjónustu verða
börn borin til skírnar. Prestur er sr.
Þórhallur Heimisson. Kór kirkj-
unnar leiðir söng undir stjórn Ant-
oniu Hevesi. Eftir guðsþjónustuna
er boðið upp á kaffi í safnaðarheim-
ilinu. Guðsþjónustan hefst kl. 11.
Hafnarfjarðar-
kirkja.is
SUNNUDAGINN 25. maí verður
opnuð formlega ný heimasíða Hafn-
arfjarðarkirkju. Slóðin er hafn-
arfjardarkirkja.is. Á heimasíðunni
er að finna allar upplýsingar um
starfsemi safnaðarins, starfsfólk og
það sem hæst ber hverju sinni, nám-
skeið, tónleika, helgihald, barna og
æskulýðsstarf, fundi og annað. Þar
hefur einnig verið tekinn saman
mikill fróðleikur um kristna trú og
ýmis önnur trúarbrögð, um sögu
Hafnarfjarðarkirkju og um tákn-
mál kirkjunnar. Í hverri viku munu
birtast pistlar um margvísleg efni
er varða kirkju og þjóðmál á heima-
síðunni. Fyrsti pistillinn ber heitið
„Lifum lífinu lifandi“ og fjallar um
fjölskylduna í nútímanum og hvern-
ig best er að rækta hana. Á vefnum
er einnig hægt að fá upplýsingar
um viðtalstíma presta og senda inn
fyrirspurnir og ábendingar. Þar er
auk þess að finna margs konar
tengla í vefsíður er tengjast kirkju
og trúmálum.
Samverustund
í Friðrikskapellu
á Hlíðarenda
SUNNUDAGINN 25. maí nk. verða
liðin 10 ár frá vígslu Friðrikskap-
ellu á Hlíðarenda. Til að minnast
þessara tímamóta verður haldin
samverustund í kapellunni hinn dag
kl. 17. Ræðumaður verður séra
Ólafur Jóhannsson, formaður
KFUM og K, og mun Karlakórinn
Fósbræður syngja.
Vígsludagur kapellunnar er fæð-
ingardagur sr. Friðriks Friðriks-
sonar, stofnanda KFUM og K, en
kapellan sem nefnd er eftir þessum
mikla frumherja var reist af fjöl-
mörgum einstaklingum, meðal ann-
arra samferðamönnum sr. Friðriks,
minningu hans til heiðurs. Í dag er
Friðrikskapella vettvangur ýmiss
konar starfs í anda sr. Friðriks. Að-
ildarfélög kapellunnar, sem eru
KFUM og K, Fóstbræður, Knatt-
spyrnufélagið Valur og Skáta-
samband Reykjavíkur, hafa með sér
sjálfstjórnarstofnun um rekstur
hennar. Á vegum aðildarfélagnna
og stjórnar kapellunnar fer fram
margháttuð starfsemi í húsinu.
Einnig er Friðrikskapella lánuð til
funda, tónleikahalds og einkaat-
hafna. Á vegum kapellustjórnar eru
þar kyrrðarstundir í hádeginu hven
mánudag allt árið um kring að und-
anskildum sumarmánuðunum júní,
júlí og ágúst. Allir velunnarar Frið-
rikskapellu eru velkomnir á sam-
verustundina.
Messuhald í
Hallgrímskirkju
á bænadegi
SUNNUDAGINN 25. maí á bæna-
degi þjóðkirkjunnar verður messa
og barnastarf í Hallgrímskirkju kl.
11. Sr. Jón Dalbú Hróbjartsson
prédikar og þjónar fyrir altari
ásamt sr. Sigurði Pálssyni. Hópur
úr Mótettukór Hallgrímskirkju
syngur og organisti verður Jón
Bjarnason.
Morgunblaðið/Arnaldur HalldórssonFella- og Hólakirkja
Ferming í Neskirkju sunnudaginn 25. maí
kl. 11. Prestur sr. Örn Bárður Jónsson.
Fermdur verður:
Arnmundur Ernst Björnsson,
Skerplugötu 5.
Ferming í Digraneskirkju sunnudaginn
25. maí kl. 11. Prestur sr. Gunnar Sig-
urjónsson.
Fermdur verður:
Brynjar Hlöðversson,
Vatnsendabletti 507.
Ferming í Glaumbæjarkirkju sunnudaginn
25. maí kl. 13. Prestur sr. Gísli Gunn-
arsson.
Fermdar verða:
Aldís Rut Gísladóttir,
Glaumbæ.
Ingiríður Hauksdóttir,
Geldingaholti II.
Sigríður Ýr Unnarsdóttir,
Laugavegi 17 Varmahlíð.
Þórdís Ágústsdóttir,
Ytra-Skörðugili III.
Ferming í Ísafjarðarkirkju
Sunnudaginn 25. maí kl. 14.00. Prestur
sr. Magnús Erlingsson.
Fermd verða:
Aldís Dröfn Stefánsdóttir,
Túngötu 15.
Gunnlaugur Gunnlaugsson,
Fjarðarstræti 59.
Kristján Sigmundur Einarsson,
Urðarvegi 28.
Ólöf Vignisdóttir,
Smiðjugötu 7.
Yngvi Snorrason,
Aðalstræti 33.
Ferming í Lögmannshlíðarkirkju sunnu-
dag 25. maí, kl. 14.00. Fermdar verða:
Bryndís Helga Ólafsdóttir,
Arnarsíðu 12a.
Sonja Ágústsdóttir,
Skarðshlíð 22c.
Ferming í Hóladómkirkju sunnudaginn
25. maí kl. 11. Prestur: Sr. Ragnheiður
Jónsdóttir.
Fermdur verður:
Elmar Eysteinsson,
Nátthagi 1, 551 Sauðárkrókur
FERMINGAR
UMFANGSMIKIL liðakeppni
sem gengur undir þessu nafni er
haldin ár hvert í Bretlandi.
Skammstöfunin stendur reyndar
fyrir „Four Nations
Chess League“.
Keppnin er skipulögð
af fyrirtæki sem var
stofnað sérstaklega
um keppnina. Keppn-
istímabilið er frá nóv-
ember til maí og tefld-
ar eru ellefu um-
ferðir. Keppt er um
helgar og yfirleitt eru
tefldar tvær umferðir
um hverja keppnis-
helgi. Liðsmenn ein-
stakra liða eiga ekki
annað sameiginlegt
en að vilja tefla í sama
liði. Þeir koma því t.d.
ekki endilega úr sama
skákfélagi. Keppnin er afar vel
kynnt og haldið er úti mjög góðri
vefsíðu um hana þar sem er að
finna nánast allar upplýsingar
sem hægt er að láta sér detta í hug
um keppnina. Keppninni í ár lauk
með sigri Wood Green sem hafði
tryggt sér efsta sætið fyrir síð-
ustu umferðina. Meðal liðsmanna
Wood Green voru Michael Adams,
Nigel Short og Jonathan Speel-
man. Eftirfarandi skák var tefld í
tíundu umferð í fyrstu deild
4NCL.
Hvítt: Lawrence Trent (2257)
Svart: Desmond Tan (2307)
Trompowski-byrjun
1.d4 Rf6 2.Bg5 e6 3.e4 h6
4.Bxf6 Dxf6 5.Dd2 d5 6.Rc3 c6
7.0–0–0 Bb4 8.e5 Dd8
Betra virðist að leika 8...Dg5
9.Dxg5 (9.f4!? Bxc3! 10.Dxc3
Dxf4+ 11.Kb1) 9...hxg5 10.Rge2
o.s.frv.
9.a3 Be7 10.f4 a5 11.Rf3 b5
12.a4 Bb4
Eðlilegra er að opna strax línur
á drottningarvæng með 12...bxa4
13.Rxa4 Rd7 14.Dc3 Dc7 15.h3
Hb8 o.s.frv.
13.De3 Bxc3 14.Dxc3 bxa4
15.h4 Db6 16.Hh3 Ba6 17.Hg3
0–0
Eftir 17...g6 18.h5 gxh5 19.Rh4
Bxf1 20.Hxf1 Rd7 21.f5 Db5
22.Hf2 c5 23.fxe6 fxe6 24.Rg6 Hh7
25.Rf4 Ke7 26.Hg6 Rf8 27.Hf6
Hb8 28.dxc5 stendur hvítur betur.
18.f5 exf5 19.De3 Kh8 20.e6 f6?
Skárra er 20...fxe6 21.Dxe6 Db7
22.Re5 Hf6 23.De8+ Kh7 24.Hg6,
t.d. 24.-- a3 25.bxa3 Rd7 26.Bxa6
Hxe8 27.Bxb7 Hxg6 28.Rxg6
Kxg6 29.Bxc6 He7 30.Bxd5 og
hvítur stendur betur.
21.e7 He8 22.Re5! Ha7
Eða 22...fxe5 23.Dxe5 Hg8
24.e8 og hvítur vinnur.
23.Hxg7! Kxg7 24.Dg3+ Kh8
Eða 24...Kh7 25.Dg6+ Kh8
26.Rf7+ mát.
25.Rf7+ Kh7 26.h5 Hg8 27.e8D
og svartur gafst upp, því að
hann verður mát: 27...Hxg3
(27...Hxe8 28.Dg6+ mát;
27...Hxf7 28.Dexg8+ mát)
28.Dh8+ mát.
Grænlendingar læra
af Kára Elísyni
Danski stórmeistarinn Henrik
Danielsen hefur skrifað kennslu-
efni fyrir byrjendur í skák sem
notað er til að kenna grænlensk-
um börnum að tefla. Danielsen
segir skemmtilega frá og fjallar
m.a. um það þegar hann, 13 ára
gamall, var í fyrsta sinn dreginn á
skákæfingu hjá taflfélagi. Það
sem er hins vegar athyglisverðast
fyrir okkur Íslendinga er umfjöll-
un hans um Kára Elí-
son. Hann birtir eina
af hans ævintýralegu
sóknarskákum, en
Kári er þekktur fyrir
djarfa taflmennsku.
Að sjálfsögðu er það
kóngsbragðið sem er
upp á teningnum í
þeirri skák. Það kem-
ur einnig fram í texta
Danielssen hvers
vegna Kári, eða
„Kötturinn“ er talinn
„sterkasti“ skákmað-
ur sem Íslendingar
hafi átt. Kári var
nefnilega lengi vel
einn okkar besti
kraftlyftingamaður, setti fjölmörg
Íslandsmet á þeim vettvangi og
hampaði Íslandsmeistaratitlinum.
Það verður ekkert grín að mæta
Grænlendingum við skákborðið
eftir nokkur ár ef þeir taka upp
stíl Kára!
Arnar og Bragi sigruðu
á þriðjudagsmóti
Arnar Gunnarsson og Bragi
Þorfinnsson sigruðu á hraðskák-
móti, sem fram fór 20. maí hjá TR.
Þeir hlutu báðir 6 vinninga. Arnar
vann Braga, en tapaði hins vegar
fyrir Torfa Leóssyni. Í þriðja sæti
varð stórmeistarinn Hannes Hlíf-
ar Stefánsson með 5 vinninga, en
hann tapaði fyrir báðum sigurveg-
urunum. Þátttakendur voru alls
19.
Úrslit urðu annars þessi:
1.-2. Arnar Gunnarsson, Bragi
Þorfinnsson 6 v.
3. Hannes Hlífar Stefánsson 5
v.
4. Róbert Harðarson 4½ v.
5.-10. Ingvar Þór Jóhannesson,
Torfi Leósson, Björn Þorfinnsson,
Ríkharður Sveinsson, Jón Guðni
Ómarsson, Ívar Örn Sigurbjörns-
son 4 v.
11. Magnús Örn Úlfarsson 3½
v.
Þetta var annað þriðjudagsmót-
ið og áhuginn virðist vera fyrir
hendi. Vonandi tekst að viðhalda
þessum áhuga.
Skákþjálfun
Fyrirlestrar Zigurds Lanka á
vegum Skákskóla Íslands og
Skáksambands Íslands fara fram
19.-28. júní. Allir skákmenn með
2.000 FIDE-stig eða meira geta
sótt tímana, en þó er hámarks-
fjöldi settur við 20 skákmenn.
Einnig geta áhugasamir óskað
eftir einkatímum.
Þátttökugjald er kr. 7.500 og
greiðist fyrirfram. Fyrirlestrarnir
hefjast klukkan 17:30 og standa til
kl. 22:30.
Gjald fyrir einkatíma er kr.
1.000 á klukkustund og greiðist
fyrirfram. Tímasetningar eru
samkomulag.
Tilkynna þarf þátttöku eigi síð-
ar en mánudaginn 26. maí. Þátt-
taka tilkynnist til skrifstofu skák-
sambandsins, sem opin er virka
daga kl.10-13, sími: 568-9141, fax:
568-9116, netfang: siks@simnet.is
eða til Braga Kristjánssonar, net-
fang:
bragikr@hotmail.com.
Það er óhætt að mæla með því
að skákmenn, bæði yngri sem
eldri, nýti sér þetta tækifæri til að
njóta leiðsagnar þessa frábæra
þjálfara. Árangurinn af síðustu
heimsókn hans var ótvíræður.
SKÁK
BRETLAND
FOUR NATIONS CHESS LEAGUE
Nóv. 2002 – maí 2003
Daði Örn Jónsson
Bragi Kristjánsson
dadi@vks.is
4NCL
Kári Elíson