Morgunblaðið - 24.05.2003, Blaðsíða 61

MORGUNBLAÐIÐ LAUGARDAGUR 24. MAÍ 2003 61
ÁLFABAKKI / KRINGLAN / AKUREYRI / KEFLAVÍK
EINNIG SÝND Í LÚXUS VIP Í ÁLFABAKKA KL. 2, 6 OG 10.
Sýnd kl. 2, 4, 5, 6, 8, 10 og 11. B.i. 12. / Powersýningar kl. 4, 6, 8 og 10. B.i. 12. / Sýnd kl. 12, 5, 8 og 11. B.i.12. / Sýnd kl. 5, 8 og 10. B.i. 12.4.

KVIKMYNDIR.COM

ÓHT Rás 2
KVIKMYNDIR.IS
„Grípandi og gefandi með
óborganlega bardaga“
„DRIFKRAFTURINN er örugg
frammistaða aðalleikkvennanna,
Elodie Bouchez og íslenska skálds-
ins Diddu Jónsdóttur (í hennar
fyrstu mynd),“ segir gagnrýnandi
Variety, Scott Foundas, í umsögn
sinni um Stormviðri Sólveigar
Anspach.
Líkt og gagnrýnandi Screen Int-
ernational segir Foundas að mynd-
in dragi upp nýja og sannari mynd
af viðfangsefni sem fengist hefur
verið við í þekktari og stærri
myndum á borð við Rain Man og I
am Sam. Það sem setji myndina þó
niður sé að hún virki fremur sem
skissa en fullklárað listaverk og að
hún nái ekki að grípa áhorfandann
nægilega sterkum tökum. Þó spáir
Foundas því að myndinni eigi eftir
að ganga vel, sérstaklega á kvik-
myndahátíðum um heim allan.
Greinilega þykir Foundas sterk-
asta hlið myndarinnar hversu vit-
urlega Anspach forðast að hleypa
sögunni af sambandi geðlæknisins
Coru og íslenskum sjúklingi henn-
ar út í einhverja óþarfa og ódýra
væmni, að myndin skuli ætíð virka
blátt áfram, trúverðug og sönn.
Líkt og gagnrýnandi Screen Int-
ernational sér gagnrýnandi Var-
iety ástæðu til þess að geta sér-
staklega framlags Diddu til
myndarinnar, segir túlkun hennar
með afbrigðum næma og tilfinn-
ingaríka. Í umsögn Variety er Sól-
veigu og tökumanni hennar,
Benoit Dervaux, þar að auki hælt
sérstaklega fyrir það hvernig þau
nýta sér á áreynslulausan og til-
gerðarlausan máta náttúrufegurð
Íslands.
Umsögn Variety um kvikmyndina Stormviðri
Didda er
drifkraft-
urinn
Didda í hlutverki sínu.
Cannes. Morgunblaðið.
„LEIKARARNIR sem ég var svo
lánsamur að fá voru svo góðir að mitt
verk gekk eiginlega út á að klúðra
ekki neinu,“ sagði hæverskur Clint
Eastwood við blaðamenn í Cannes,
að lokinni fyrstu sýningu á nýjustu
mynd hans Dulá (Mystic River) sem
er í aðalkeppni hátíðarinnar. Þeir
eru heldur ekkert slor leikararnir í
þessari 24. mynd hans sem leik-
stjóra; Sean Penn, Tim Robbins,
Kevin Bacon, Laura Linney, Laur-
ence Fishburne og Marcia Gay
Hardin. Öll í toppformi í myndinni
undir styrkri stjórn gamla töffarans,
sem verður 73 ára gamall í næstu
viku en ber aldurinn þó engan veg-
inn með sér.
„Ég var of unglegur til að geta
leikið á móti þeim,“ gantaðist karl-
inn, aðspurður hvers vegna hann
færi ekki með hlutverk í myndinni.
Dulá er örlagasaga þriggja manna
– æskuvina – sem ungir að árum
urðu fyrir skelfilegu áfalli er einum
þeirra er rænt og misnotaður kyn-
ferðislega. Þetta er atburður sem
breytir lífi þeirra allra til frambúðar
og fylgir þeim á einhvern hátt allt
fram á fullorðinsárin og kemur enn
upp á yfirborðið er ung stúlka er
myrt á hrottafenginn hátt. Stúlkan
reynist dóttir eins þeirra (Penn),
annar er lögreglumaður og rannsak-
ar morðið (Bacon) og grunur beinist
brátt að þeim þriðja (Robbins). Þessi
myrka, raunsanna og átakanlega
morðgáta er byggð á samnefndri
skáldsögu Dennis Lehane en hand-
ritið gerði hinn kunni leikstjóri og
handritshöfundur Brian Helgeland
(L.A. Confidential, Payback).
„Ég hef lengi ætlað að fást við
þetta sorglega viðfangsefni, afleið-
ingar af kynferðislegri misnotkun á
börnum,“ sagði Eastwood. „Áhugi
stóru kvikmyndaveranna á því hefur
hins vegar verið æði takmarkaður og
því varð ég að leita fjárstuðnings ut-
an Hollywood, sem mér blessunar-
lega tókst. Svo virðist sem hugðar-
efni mín hljóti æ minni hljómgrunn í
Hollywood þar sem menn vilja bara
gera myndir eftir myndasögum. Hef
ég verið beðinn um að gera mynd
eftir myndasögu? Já, en ég hef lítinn
áhuga á því, það hentar mér ekki. Ég
er of gamall til þess,“ sagði hann og
bætti við að hann hefði samt alveg
jafngaman af ævintýramyndum og
aðrir. „Svo er alltaf verið að biðja
mig um að leika (Dirty) Harry Call-
ahan enn eina ferðina. En ég hef
engan áhuga á því lengur.“
Kostnaði haldið niðri
Til þess að geta gert myndina varð
Eastwood að halda kostnaði í lág-
marki. Stjörnurnar þáðu lægri laun
en þær geta vanalega farið fram á,
Eastwood samdi sjálfur kvikmynda-
tónlistina og hélt filmueyðslunni í
lágmarki með því að taka nær aldrei
fleiri en tvær tökur af hverju atriði.
„Þetta er sannarlega engin Mystic
River Reloaded“, sagði karlinn í
léttu gríni.
Þau Tim Robbins, Laura Linney
og Kevin Bacon sem mættu á blaða-
mannafundinn með Eastwood voru á
einu máli um að það hefði
verið mikill heiður fyrir
sig að fá að vinna fyrir
þennan reynsluríka öð-
ling. „Hann þarf ekki ann-
að en að biðja mig og ég
segi já,“ sagði Linney sem
áður hefur leikið fyrir
Eastwood í myndinni
Absolute Power. „Ég les
allt sem hann biður mig
um að lesa, ég læsi síma-
skrána fyrir hann.“
Gagnrýnendur og
blaðamenn virtust al-
mennt mjög sáttir við
Dulá. Mikið var klappað
að lokinni blaðamanna-
sýningunni og Eastwood
var hlaðinn lofi á fundin-
um á eftir, þar á meðal af
hinum kunna gagnrýnanda Roger
Ebert, sem hélt langa (of langa að
mörgum viðstöddum fannst) ræðu
um hversu vel heppnaður endir
myndarinnar væri.
Eastwood er í miklu uppáhaldi
Frakka, sér í lagi skipuleggjenda
Cannes hátíðarinnar. Þetta er í
fjórða sinn sem mynd eftir hann tek-
ur þátt í aðalkeppninni í Cannes en
hinar myndirnar voru Pale Rider
(1985), Bird (1988) og White Hunter
Black Heart (1990). Að auki hefur
hann einu sinni verið formaður dóm-
nefndarinnar.
„Það er alltaf mikill heiður að fá að
vera með á Cannes. Ég kann vel við
mig hérna,“ hafði Eastwood á orði.
Aðspurður hvort hann væri nokk-
uð farinn að íhuga að setjast í helgan
stein viðurkenndi Eastwood að hann
gerði það æ oftar. „Það gæti gerst
fyrr en ykkur grunar,“ sagði hann
hreinskilinn. „En það segir kannski
lítið. Ég var staðráðinn í að ferli mín-
um sem leikara væri lokið þegar ég
leikstýrði fyrstu myndinni minni
Play Misty For Me fyrir 30 árum.“
Dulá frumsýnd á Kvikmyndahátíðinni í Cannes
Laura Linney leikkona ásamt kempunni Clint
Eastwood að loknum blaðamannafundi.
Clint kann
vel við
Cannes
Cannes. Morgunblaðið.
skarpi@mbl.is
Morgunblaðið/Halldór Kolbeins
www.casa.is