Morgunblaðið - 05.06.2003, Blaðsíða 4
FRÉTTIR
4 FIMMTUDAGUR 5. JÚNÍ 2003 MORGUNBLAÐIÐ
Skógarhlíð 18, sími 595 1000.
www.heimsferdir.is
Verð kr. 49.950
M.v. 2 í íbúð, flug, gisting, skattar.
11. og 18. júní, Ferðir til og frá flugvelli
kr. 1.800. Almennt verð, kr. 52.250.
Nú getur þú tryggt þér síðustu sætin í sólina í júní á hreint ótrúlegum
kjörum og tryggt þér síðustu sætin til Benidorm, þessa vinsæla áfanga-
staðar. Sumarið er komið á Spáni og hér getur þú notið lífsins við frá-
bærar aðstæður og nýtur traustrar
þjónustu fararstjóra Heimsferða
allan tímann.
Munið Mastercard
ferðaávísunina
Verð kr. 39.963
M.v. hjón með 2 börn, 2–11 ára, flug,
gisting, skattar. Staðgreiðsluverð.
11. og 18. júní. Ferðir til og frá flugvelli
kr. 1.800. Almennt verð, kr. 41.960.
Stökktu til
Benidorm
11. og 18. júní
frá kr. 39.963
Játar hnífa-
árás í Hafn-
arstræti
BANDARÍSKUR varnarliðsmaður
á Keflavíkurflugvelli hefur játað fyr-
ir lögreglu að hafa beitt hnífi í átök-
um í miðbæ Reykjavíkur á sunnu-
dagsmorgun. Var hann úrskurðaður
í gæsluvarðhald til 25. júní í Héraðs-
dómi Reykjavíkur.
Hörður Jóhannesson yfirlögreglu-
þjónn segir manninn hafa verið
handtekinn eftir að lögreglan í
Reykjavík fékk aðstoð frá rannsókn-
arlögreglu bandaríska sjóhersins og
lögreglunni á Keflavíkurflugvelli.
Maðurinn hafi síðan játað að hafa
beitt hnífi í átökunum og í kjölfar
þess verið í settur í gæsluvarðhald.
Áður höfðu þrír menn verið hand-
teknir vegna málsins en sleppt eftir
að héraðsdómur hafnaði gæsluvarð-
haldskröfu lögreglu á hendur þeim.
Sá sem situr nú í varðhaldi var ekki
einn þeirra.
FYRIRTÆKIÐ Columbus IT
Partner hyggst auka hlutafé sitt
samkvæmt tilkynningu til kauphall-
arinnar í Kaupmannahöfn þar sem
það er skráð, en áður hafði hlutaféð
verið fært niður samkvæmt ákvörð-
un hlutafjárfundar í apríl á þessu ári.
Í Hálffimm fréttum greiningar-
deildar Kaupþings Búnaðarbanka
segir að rekstur Columbus IT Partn-
er hafi gengið mjög illa undanfarin
ár. Eigið fé félagsins hafi verið nei-
kvætt um 15,3 milljónir danskra
króna um áramótin en hafi verið orð-
ið neikvætt um 28 milljónir danskra
króna í lok mars.
Aukningin sem um ræðir nemur
32 milljónum hluta sem verða boðnir
á 3 danskar krónur hver, eða samtals
96 milljónir danskra króna, sem sam-
svarar ríflega 1,1 milljarði íslenskra
króna. Lokagengi hlutabréfa félags-
ins í gær var 5,75 danskar krónur.
Stærstur hluti sölutryggður
Stærstur hluti útboðsins er sölu-
tryggður og er þar aðallega um að
ræða skuldbreytingu. Í tilkynningu
frá félaginu segir að ef afgangurinn
seljist ekki muni lausafjárstaða fé-
lagsins lítið batna og jafnframt kem-
ur fram að hugsanlegt sé að frekari
fjármögnunar sé þörf og að óvissa sé
um framhaldið hjá félaginu.
Opin kerfi og Skýrr, sem er dótt-
urfélag Opinna kerfa, eru meðal
hluthafa í Columbus IT Partner.
Fyrirtækin ætla ekki að taka þátt í
hlutafjáraukningunni, en þau hafa
bæði orðið fyrir töluverðu gengistapi
vegna hlutafjáreignarinnar eins og
fram hefur komið við birtingu upp-
gjöra þeirra.
Ax hugbúnaðarhús hefur verið
dótturfyrirtæki Columbus IT Partn-
er frá árinu 2000, en Ax hugbúnaðar-
hús varð til árið 1999 við samruna
hugbúnaðarsviðs Tæknivals, Kerfis
og hluta úr Skýrr. Hjá Ax hugbún-
aðarhúsi, sem starfar á sviði við-
skiptalausna, eru um 70 starfsmenn.
Íslenskir eigendur taka
ekki þátt í útboðinu
Columbus IT Partner í Danmörku eykur hlutafé
TOLLSTJÓRAEMBÆTTIÐ inn-
siglaði í gær fyrirtækin Planet
Reykjavík og Thorvaldsen bar í
Reykjavík en þau eru í eigu sama
fyrirtækisins. Samkvæmt heimild-
um Morgunblaðsins tóku aðgerðirn-
ar skamman tíma og fengu matar-
gestir á Thorvaldsen bar ekki
tækifæri til að klára mat sinn, en
þeir þurftu þó ekki að greiða fyrir
hann. Þá var gestum líkamsræktar-
stöðvarinnar Planet Reykjavík gert
að fara í sturtu og yfirgefa stöðina á
fimm mínútum.
Engar upplýsingar hafa fengist
um málið hjá tollstjóraembættinu
þar sem starfsregla þess er sú að
ekki eru veittar upplýsingar um
skuldastöðu einstaklinga eða fyrir-
tækja né aðgerðir vegna þeirra. Hjá
innheimtusviði embættisins fengust
þó þær upplýsingar að yfirleitt væri
gripið til slíkra aðgerða vegna van-
goldinna vörslugjalda.
Hjá embætti ríkislögreglustjóra
fengust þær upplýsingar að um-
ræddum fyrirtækjum hefði ekki ver-
ið lokað að kröfu embættisins og að
það hefði ekki komið að lokuninni
með neinum hætti. Embættið hefði
hins vegar haft uppi tryggingaráð-
stafanir gagnvart fyrirtækjunum
vegna rannsóknar Landssímamáls-
ins svonefnda og sett fram
kyrrsetningarkröfur á hendur þeim,
sem sýslumannsembættið í Reykja-
vík hefði fallist á.
Slíkar kyrrsetningarkröfur ættu
við um fasteignir, ökutæki, banka-
reikninga, hlutabréf og kröfuréttindi
grunaðra einstaklinga í málinu en
tengdust ekki lokunum umræddra
fyrirtækja og ættu ekki að hafa áhrif
á rekstur þeirra.
Gestir þurftu
að yfirgefa
staðina í snatri
Fyrirtækin Planet Reykjavík og
Thorvaldsen bar innsigluð
NEMENDURNIR í 7. bekk
RB í Hjallaskóla í Kópavogi
tóku út vinninginn sinn í
samkeppni Regnbogabarna
um lausnir á tveimur klípu-
sögum. Vinningurinn var
dagspartur með Evró-
visjónhópnum en augljóslega
var Birgitta Haukdal söng-
kona mesta aðdráttaraflið.
Dómnefnd taldi að lausn 7.
RB í Hjallaskóla væri best af
um 70 svörum sem bárust
frá 7. bekkjum víðsvegar að
af landinu en 196 bekkir
fengu verkefnið sent.
Að sögn Freyju Friðbjarn-
ardóttur, framkvæmdastjóra
Regnbogabarna, var það
Hallgrímur Óskarsson, höf-
undur Evróvisjónlagsins, sem
hafði samband við samtökin
og lýsti vilja Evró-
visjónhópsins til að aðstoða
samtökin. Úr varð að vinn-
ingur í samkeppni 7. bekkja
um lausn á klípusögum um
einelti var að verja dagsparti
með hópnum. Morgunblaðið/Arnaldur
Unnu dagspart með Birgittu Fáar en skýrar reglur
ÞETTA taldi 7. bekkur RB vera
bestu leiðina til að berjast gegn ein-
elti:
Sá sem er vitni að atburðinum þarf
strax að segja frá. Það þarf að sjá til
þess að umsjónarkennari, skólastjóri,
foreldrar og námsráðgjafi fái þegar í
stað vitneskju um eineltið. Það á líka
að segja frá heima.
Sýnum þolanda vináttu og nær-
gætni. Fáum hann með í leiki. Reyn-
um að byggja upp sjálfsmynd hans.
Fræðum gerendur um afleiðingar
eineltis og gerum þeim ljósa van-
þóknun okkar á atferli þeirra. Reyn-
um að fá þá til að skilja hvernig þol-
anda líður, til dæmis með
hlutverkaleik. Það þarf að hjálpa
gerendunum því að sennilega líður
þeim illa.
Reynum að koma á sáttum milli
gerenda og þolanda. Það væri ef til
vill hægt með því að þeir ynnu sam-
an að áhugaverðu verkefni í skól-
anum, til dæmis fyrir skemmtikvöld
eða annað spennandi verkefni.
Setjum bekkjarreglur gegn einelti.
Fáar en skýrar. Komum þeim boð-
skap á framfæri að við sættum okkur
aldrei við einelti.
ÁHRIF bandarísks sjónvarps ráku
tvo stráka úr Hafnarfirði til þess að
gera Elliðaárnar í Reykjavík að
leiksvæði sínu í gær. Þeir settu á
flot lítinn gúmbát í því skyni að
taka upp heimamyndband í anda
kjánaprikanna í þættinum Jackass.
Eins og sjá má var öryggisbúnaður
af skornum skammti. Bátsmaður
sigldi því um stund og myndatöku-
maður mundaði vélina af árbakk-
anum. Lögregluvarðstjóri sagði að
í fljótu bragði virtist ekkert í lögum
sem bannaði svona siglingar.
Morgunblaðið/Arnaldur
Kjánaprik í Elliðaánum