Morgunblaðið - 05.06.2003, Blaðsíða 16

ERLENT
16 FIMMTUDAGUR 5. JÚNÍ 2003 MORGUNBLAÐIÐ
BILL Clinton, fyrrverandi forseti
Bandaríkjanna, sagði eiginkonu
sinni, Hillary Rodham Clinton, fyrst
sannleikann um samskipti sín og
Monicu Lewinsky, sem verið hafði
lærlingur í Hvíta húsinu, helgina áð-
ur en hann viðurkenndi fyrir rann-
sóknarkviðdómi í Washington að
hann hefði átt í „ósæmilegu“ sam-
bandi við Lewinsky. Frá þessu grein-
ir Hillary í minningabókinni „Living
History“, sem kemur í bókabúðir
vestra eftir helgi.
Hillary lýsir í „Living History“,
sem fjallar um ár Clinton-hjónanna í
Hvíta húsinu, því áfalli sem hún varð
fyrir þegar Clinton gerði loks hreint
fyrir sínum dyrum. Segist hún ekki
hafa þurft að taka erfiðari ákvörðun
um ævina en þá að halda hjónaband-
inu áfram og í framhaldi bjóða sig
fram til öldungadeildar Bandaríkja-
þings fyrir New York-ríki.
Hillary segist í bókinni hafa stað-
fastlega trúað þeirri sögu eig-
inmannsins að hann hefði einungis
hjálpað Lewinsky er hún bað hann
um aðstoð vegna atvinnuleitar.
„Fyrir mér virtist Lewinsky-málið
aðeins vera enn einn liðurinn í ósvífn-
um tilraunum pólitískra andstæðinga
til að þyrla upp moldviðri [í kringum
forsetann],“ segir Hillary en í janúar
1998, fyrst eftir að greint var frá því
að Clinton hefði hugsanlega átt í
ósæmilegu sambandi við Lewinsky,
varði hún einmitt bónda sinn með
kjafti og klóm. Sagði hún þá í sjón-
varpsviðtali að hann væri einfaldlega
fórnarlamb „víðtæks samsæris
hægrimanna“ sem með ásökunum
um meint ástarsamband hans við
Monicu Lewinsky freistuðu þess að
„afmá úrslit tvennra kosninga“.
„Ég gat varla andað“
Meira en hálfu ári síðar, þ.e. í
ágúst 1998, stóð forsetafrúin enn í
þeirri trú að Clinton hefði ekkert
rangt gert. Að morgni laugardagsins
15. ágúst 1998 vakti Clinton hins veg-
ar eiginkonu sína og sagði henni í
fyrsta skipti að málið væri mun alvar-
legra en hann hefði fram að því viljað
viðurkenna.
„Hann gerði sér nú grein fyrir því
að hann myndi þurfa að greina frá því
að um óviðeigandi, náin kynni hefði
verið að ræða. Hann sagði mér að
samband þeirra hefði varað stutt og
verið slitrótt,“ segir Hillary í bókinni.
Rifjar hún upp að Clinton hafi ver-
ið skömmustulegur á þessari stundu,
enda hafi hann vitað að hún yrði afar
reið yfir þessum tíðindum. Síðan seg-
ir Hillary í bókinni: „Ég gat varla
andað. Á sama tíma og ég barðist við
að ná andanum fór ég að gráta og
öskra á hann: Hvað meinarðu? Hvað
ertu að segja? Hvers vegna laugstu
að mér? Ég var öskureið og varð
reiðari og reiðari. Hann stóð bara þarna og sagði: Fyrirgefðu, fyr-
irgefðu. Ég var að reyna að vernda
ykkur Chelsea.“
Vildi „snúa Bill úr
hálsliðnum“
Útgáfu „Living History“ hefur
verið beðið með nokkurri eftirvænt-
ingu. Bókin er 562 blaðsíður á lengd
og þegar í upphafi á að prenta um
eina milljón eintaka, sem þykir mjög
mikið. Útgefandinn, Simon & Schust-
er, væntir þess hins vegar að bókin
seljist vel.
Hillary fékk á sínum tíma fyr-
irframgreiðslu upp á 2,8 milljónir
Bandaríkjadala vegna bókarskrif-
anna, en alls er samningur hennar við
útgefandann upp á 8 milljónir doll-
ara. Fullyrt hefur verið að hún muni í
bókinni svipta hulunni af átta ára
langri dvöl þeirra hjóna í Hvíta hús-
inu, en Clinton var forseti Bandaríkj-
anna 1993–2001.
Hillary segir að allt þar til Clinton
sagði henni sannleikann hafi hún tal-
ið að verið væri að gera úlfalda úr
mýflugu; að forsetinn hefði í versta
falli gerst sekur um kjánaskap er
hann sýndi Lewinsky ofurlítið vin-
arþel. Segist hún hafa átt erfitt með
að trúa því að hann myndi stofna
hjónabandi þeirra í hættu. „Ég var
orðlaus [yfir játningu Clintons], hann
hafði sært mig hjartasári og ég var
bálreið yfir því að ég skyldi upp-
haflega hafa trúað honum.“
Segir Hillary að forsetinn hafi tár-
ast þegar hún sagði honum að hann
myndi þurfa að gera sömu játningu
fyrir dóttur þeirra, Chelsea. Hún lýs-
ir því síðan hversu kalt var á milli
þeirra hjóna næstu mánuðina og þá
sérstaklega í ferð þeirra til Martha’s
Vineyard strax að loknum vitnisburði
forsetans fyrir rannsóknarnefndinni.
„Hundurinn Buddy kom með til að
halda Bill félagsskap. Hann var sá
eini í fjölskyldunni sem kærði sig um
það,“ segir hún.
Sjálf komst Hillary á endanum að
þeirri niðurstöðu að hún elskaði enn
bónda sinn, jafnvel þó að „sem eig-
inkona hafi ég helst viljað snúa Bill úr
hálsliðnum“.
Í forsetaframboð 2008?
Ákvörðun Hillary um að sækjast
eftir sæti í öldungadeild Bandaríkja-
þings fyrir New York-ríki í kosning-
unum 2000 hafði heilandi áhrif á sam-
band hjónanna, að því er fram kemur
í bók forsetafrúarinnar fyrrverandi.
„Við Bill fórum að tala saman aftur
um mál sem vörðuðu annað en fram-
tíð sambands okkar. Er fram liðu
stundir fórum við smám saman að
slaka á,“ segir hún.
Niðurstaða Hillary – sem sumir
segja líklega til að sækjast eftir út-
nefningu Demókrataflokksins vegna
forsetakosninga í Bandaríkjunum
haustið 2008 – að því er varðar Lew-
insky-hneykslið er sú að Clinton hafi
breytt rangt í siðferðilegum skilningi,
en að forsetinn hafi ekki blekkt eða
svikið almenning með framferði sínu.
Varð ösku-
reið vegna
lyga Clintons
Minningabók Hillary Clinton um árin
í Hvíta húsinu kemur út á mánudag
AP
Clinton ræðir við Monicu Lewinsky og aðra starfsmenn Hvíta hússins eftir að hann var endurkjörinn forseti 1996.
AP
Kápa bókarinnar „Living History“,
sem kemur út í Bandaríkjunum eft-
ir helgi. Hennar hefur verið beðið
með nokkurri eftirvæntingu.
’ Ég gat varla and-að. Á sama tíma og
ég barðist við að ná
andanum fór ég að
gráta og öskra á
hann. ‘
Washington. AP.
Einstök ítölsk hönnum og háþróuð tækni
sameinast í þessum glæsilegu ofnum og
helluborðum sem tryggja öryggi og gleði í
eldhúsinu.
Við bjóðum nokkrar gerðir af Smeg
blástursofnum og helluborðum á einstöku
verði á meðan birgðir endast.
Einstakt tækifæri til að gera góð kaup.
Glæsilegir Smeg blástursofnar
og helluborð á frábæru verði
Verð
áður 3.995
nú kr. 3.300.
Verð
áður 5.500
nú kr. 4.500
Verð
áður 7.900
nú kr. 6.300
Verð
áður 10.900
nú kr. 8.900
Klapparstíg 44,
sími 562 3614Tilboð á Fuglahúsum fimmtudag, föstudag og langan laugardag