Morgunblaðið - 05.06.2003, Blaðsíða 23

LISTIR
MORGUNBLAÐIÐ FIMMTUDAGUR 5. JÚNÍ 2003 23
Norræna húsið kl. 12:30 Fyr-
irlestur Jons Brænne um með-
höndlun friðaðra bygginga og
mannvirkja með sögulegt gildi.
Fyrirlesturinn er í boði Þjóðminja-
safns Íslands og verður fluttur á
ensku undir yfirskriftinni:
„Principles, practice and docum-
entation in colour examination of
buildings. Surface treatment of the
exterior of historical buildings,
materials and methods.“
Jon Brænne er sérfræðingur í for-
vörslu málaðra yfirborða á sviði
bygginga og muna við NIKU,
Norwegian Institute for Cultural
Heritage Research. Hann hefur
diploma sem málverkaforvörður frá
1974 í Noregi og vann sem mál-
verkaforvörður við þjóðminjavarð-
arembættið (Riksantikvaren) í Nor-
egi (1968-1994), einkum við
rannsóknir á byggingum, forvörslu
á veggfóðri og ámáluðu skrauti. Ár-
in 1982-93 var hann deildarstjóri
forvörslu við sömu stofnun. Síðan
1994 hefur hann verið í rannsókn-
arstöðu og unnið sem málverka-
forvörður við NIKU, Norwegian
Institute for Cultural Heritage
Research.
Í DAG
 Sjá einnig Staður og stund á mbl.is
KVENNAKÓR Garðabæjar hefur
starfað í þrjú ár undir stjórn Ingi-
bjargar Guðjónsdóttur söngkonu og
hefur þegar getið sér gott orð fyrir
fágaðan og fínlegan söng. Það sem
helst mætti finna að er vöntun á
hrynskerpu og að söngstjórinn gerir
sér auðheyrilega far um að ofbjóða
ekki röddunum, bæði er varðar efn-
isval og raddmótun, sem er aðals-
merki góðs söngkennara og mun, er
tímar líða, skila góðum árangri.
Fyrstu fimm viðfangsefni kórsins
voru íslensk söngverk, Gömul vísa um
vorið, fallegt lag eftir Gunnstein
Ólafsson, Hjá lygnri móðu, við texta
eftir Halldór Laxness, og Klement-
ínudansinn eftir Atla Heimi Sveins-
son, gamansamt lag eftir Karólínu Ei-
ríksdóttur, Úr Árstíðarsöngli, við
texta eftir Steinunni Sigurðardóttur,
og síðast Gloria tibi, íslenskt þjóðlag.
Öll voru lögin sungin af þokka og lát-
leysi.
Ave verum corpus eftir Mozart og
Tantum ergo eftir Gabriel Fauré voru
helst til dauflega flutt en fyrir hlé
voru svo fluttir sjö moravískir dúettar
eftir Anton Dvorák, falleg lög sem í
heild voru vel flutt, en helst að það
vantaði í þau meiri galsa og tilþrif í
hryn, sem Tékkar eru frægir fyrir og
heyra má oft í þjóðlögum þeirra, en
Dvorák kunni manna best að leika sér
með þessi einkenni í sínum tónverk-
um.
Eftir hlé voru sungin ensk tónverk,
fyrst þjóðlagið Early one morning, þá
hið fræga Come again eftir Dowland,
sem var mjög fallega sungið, og So-
und the Trumpet eftir Purcell. Tvö
síðustu ensku lögin eru eftir Elgar,
við texta eftir Alice konu hans, en hún
var honum stoð og stytta, svo mjög,
að eftir lát hennar 1920 samdi hann
nær ekkert. Þess ber að geta, að Elg-
ar átti framan af mjög erfitt uppdrátt-
ar, og það var ekki fyrr en hann var
um fertugt (1898) að hann vakti veru-
lega athygli með Enigma-tilbrigðun-
um og það er haft fyrir satt, að Alice
hafi í raun stappað í hann stálinu, svo
að hann gafst ekki upp á því að hasla
sér völl sem tónskáld. Þessi lög, Fly,
Singing byrd og The Snow, eru fal-
legar tónsmíðar og voru best sungnar
af kórnum. Þar mátti heyra, að Ingi-
björg er að byggja upp góðan kór, og í
líðandi tónlínum verksins blómstruðu
raddirnar, er gefur fyrirheit um góð-
an söng í framtíðinni. Með í þessu
verki léku Júlíana Elín Kjartansdótt-
ir og Sigurlaug Eðvaldsdóttir á fiðlur
og Helga Laufey Finnbogadóttir á pí-
anó, sem gaf verkinu fyllingu og
studdi vel við söng kórsins.
Þrjú síðustu lögin voru vinsæl dæg-
urlög, fyrst dúbí-dúbí-dú-útfærsla á
Gavottu eftir J.S. Bach, bítlalagið
Here, there and everywhere og síðast
Hvítir mávar. Það verður að segjast
eins og er, að söngurinn var ekki jafn-
góður í þessum lögum og í fyrri verk-
efnunum og sérstaklega lítt sannfær-
andi í gavottunni. Hvað um það, þá
báru tónleikarnir í heild þess glögg
merki, sérstaklega í verki Elgars, að
vel hafði verið unnið og æft, svo að
fróðlegt verður að fylgjast með þess-
um kór undir stjórn Ingibjargar Guð-
jónsdóttur, er honum eflist áræði og
kraftur í uppfærslu erfiðra verkefna.
TÓNLIST
Tónlistarhúsið Ýmir
Kvennakór Garðabæjar undir stjórn
Ingibjargar Guðjónsdóttur flutti
íslensk og erlend söngverk. Undirleikari
var Helga Laufey Finnbogadóttir og sam-
leik á fiðlur önnuðust Júlíana E. Kjart-
ansdóttir og Sigurlaug Eðvaldsdóttir.
Fimmtudagurinn 29. maí.
KÓRTÓNLEIKAR
Að byggja upp góðan kór
Jón Ásgeirsson
Fimmtudagur
Hásalir kl. 18:30 Að nálgast sjálf-
an sig – jógatími við lifandi tónlist.
Hafnarborg kl. 21: Djasstónleikar
Jakobsen&Möller.
Bjartir dagar
í Hafnarfirði
KIRKJULISTAHÁTÍÐ stend-
ur til 9. júní. Yfirskriftin er „Ég
ætla að gefa regn á jörð“.
Fimmtudagur
Hallgrímskirkja kl. 12: Tón-
listarandakt. Prestur: Sigurður
Pálsson. Sigrún Magna Þór-
steinsdóttir og Dagný Björg-
vinsdóttir leika á Klaisorgelið.
Trúlega Bergman (III) kl.
20: Málþing um trúarstef í
kvikmyndum Ingmars Berg-
mans (seinni hluti). Fyrirlesari:
Maaret Koskinen, einn fremsti
Bergmanfræðingur heims. Að
loknum fyrirlestrinum verða al-
mennar umræður.
♦ ♦ ♦
FERTUGASTA sýning á banda-
ríska söngleiknum „Með fullri reisn“
eftir Terrence McNally og David
Yazbek, verður í Þjóðleikhúsinu á
morgun. Það er jafnframt síðasta
sýning verksins á þessu vori.
40. sýning á
Með fullri reisn
♦ ♦ ♦