Morgunblaðið - 05.06.2003, Blaðsíða 20

LANDIÐ
20 FIMMTUDAGUR 5. JÚNÍ 2003 MORGUNBLAÐIÐ
SKÓLASLIT og brautskráning nem-
enda Verkmenntaskóla Austurlands
var laugardag 17. maí sl. í Egilsbúð. 36
nemendur voru brautskráðir af 8 mis-
munandi brautum, 23 af stúdents-
brautum, 3 af iðnbrautum, 2 af sjúkra-
liðabraut, 2 af vélstjórnarbraut 1.
stigs og 4 nemendur úr iðnmeistara-
námi.
Nemendur braut-
skráðir frá VA
Neskaupsstaður Þá útskrifuðust tveir nemendur
frá Fjölbrautaskólanum Ármúla. Um
40 nemendur stunduðu nám á vegum
Símenntunar VA (SÍVA) í bæði ein-
ingabundnu og starfstengdu námi.
Á fjórða tug starfsmanna starfaði
sl. skólaár við stofnunina og skóla-
meistari er Helga M. Steinsson.
Nemendafjöldi var 191 á haustönn en
245 á vorönn, þar með taldir nem-
endur SÍVA.
SKÓLASLIT fara fram í skólum um
þessar mundir og svo var einnig í
Þykkvabæjarskóla í vikunni. Að
loknum hefðbundnum dagskrár-
atriðum var dagskráin helguð þátt-
töku skólans í verkefninu „Skólar á
grænni grein“.
Fulltrúar frá Landvernd og
menntamálaráðuneytinu afhentu
skólastjóranum, Unu Sölvadóttur,
hinn svokallaða Grænfána sem er
umhverfismerki og tákn um árang-
ursríka fræðslu og umhverfisstefnu
í skólum. Nemendur skýrðu frá og
sýndu verkefni sem unnin voru í
vetur með umhverfisstefnuna að
leiðarljósi. Að lokum færði Valtýr
Valtýsson, oddviti Rangárþings
ytra, skólanum vatnslitamynd eftir
Ingunni Jensdóttur fyrir hönd
sveitarfélagsins og umhverf-
isnefndar þess.
„Skólar á grænni grein“ er al-
þjóðlegt verkefni sem Landvernd
stendur fyrir hér á landi en hún er
aðili að alþjóðlegu stofnuninni FEE
(Foundation for Environmental
Education) sem stofnuð var 1981.
Aðildarfélög stofnunarinnar eru 21
frjáls félagasamtök í jafnmörgum
Evrópuríkjum.
Til að fá Grænfánann þurfa skól-
ar að uppfylla viss skilyrði sem þeir
ná með því að stíga sjö skref í átt til
bættrar umhverfisstjórnunar.
Lokaskrefið er að gera umhverf-
issáttmála sem lýsir markmiðum
skólans í stuttu máli.
Síðastliðið haust var ákveðið í
Þykkvabæjarskóla að taka þátt í
Grænfánaverkefninu og gera skól-
ann eins umhverfisvænan og unnt
er. Ráðist var í að afla gagna frá
Landvernd og ýmsar breytingar
voru gerðar á vinnubrögðum og
nýjar reglur settar.
„Meginmarkmið skóla sem
marka sér umhverfisstefnu er
menntunin að kenna börnum
ákveðna hegðun gagnvart um-
hverfinu sem hlýtur síðan að verða
reglan en ekki undantekningin þeg-
ar þau eru orðin fullorðin,“ segir
Una Sölvadóttir, skólastjóri í
fréttabréfi um umhverfismál sem
Þykkvabæjarskóli gaf út í tilefni
dagsins.
Þykkvabæjarskóli
fær grænfánann
Morgunblaðið/Anna Ólafsdóttir
Nemendur og kennarar Þykkvabæjarskóla ásamt gestum við skólaslitaathöfnina.
Hella