Morgunblaðið - 05.06.2003, Blaðsíða 40

40 FIMMTUDAGUR 5. JÚNÍ 2003 MORGUNBLAÐIÐ






 
 
 

    



 




  
 



    
!
 
"#"# " " BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÞAÐ VAR farið 23. apríl til Beni-
dorm á Spáni, flogið var til Alicante
og farið með rútu þaðan á Gran hot-
el Bali, en þar byrjaði lúxusinn.
Fengum við bæði morgunmat og
kvöldmat sem gistum þar, alls 189
manns. Þessi ferð var á vegum Sum-
arferða. Fararstjórinn okkar, Bjarg-
ey Aðalsteinsdóttir, lét útbúa 4
vikna dagskrá fyrir okkur og þar
var ýmislegt í boði. Við gátum farið í
göngur, leikfimi (hraða og hæga),
joga, spilavist og bingo svo margt
var hægt að gera sér til skemmt-
unar. Var þetta allt innifalið í verð-
inu, sem var stillt í hóf.
Allir voru sammála um að annan
eins lúxus hefði enginn fengið áður,
ferðin tók 29 daga. Við vorum þarna
úti á kosningadaginn og marga ef
ekki alla langaði til að fylgjast með
kosningaúrslitunum. En þá var þar
ung kona, Helga Sigurðardóttir,
sem hafði milligöngu um það að við
gátum fylgst með kosningasjónvarp-
inu í gegnum gervihnött og var hald-
in kosningavaka á hótelinu, þar sem
fólkið kom saman til þess að fylgjast
með úrslitunum. Þar að auki voru 2
sinnum haldin skemmtikvöld undir
berum himni, þar sem allir komu
saman og sungu, spiluðu á hljófæri
og fóru í ýmsa skemmtilega leiki.
Við ferðafélagarnir í þessari ferð
vorum svo ánægð og þakklát að við
stóðum fyrir söfnun og þegar heim
var komið var keypt blómakarfa og
innrammað þakkarskjal, sem við
færðum forsvarsmönnum ferða-
skrifstofunnar að gjöf.
Að lokum viljum við enn og aftur
þakka þessu frábæra fólki, sem stóð
fyrir þessari ferð til Benidorm. Megi
þessi ferðaskrifstofa lengi lifa
Húrra, húrra, húrra.
Fyrir hönd ferðafélaganna.
ERNA AGNARSDÓTTIR,
DAGRÚN KRISTJÁNSDÓTTIR.
Sólarlandaferð
eldri borgara með
Sumarferðum
Frá Ernu Agnarsdóttur og Dag-
rúnu Kristjánsdóttur:
Frá afhendingu skjals og blómakörfu til aðstandenda Sumarferða í þakk-
lætisskyni. Frá vinstri: Helgi Jóhannsson, Þorsteinn Guðjónsson og Bjarg-
ey Aðalsteinsdóttir.
ÁSTÆÐA þess að ég sagði af mér
sem formaður Bárunnar, stéttar-
félags, á aðalfundi félagsins 28. maí
2003 eru eftirfarandi:
Í fyrsta lagi, ég hef þá skoðun að
þeir sem ekki eru á vinnumarkaði
vegna aldurs eigi ekki að vera kjörn-
ir stjórnarmenn.
Í öðru lagi tel ég nauðsynlegt að
stjórnarmenn séu staðsettir vítt og
breitt um félagssvæði Bárunnar, það
tel ég mjög áríðandi fyrir félagið, að
stjórnarmenn gætu verið í sambandi
við vinnustaðina og látið vita á skrif-
stofu félagsins ef þeir hafa grun um
eitthvað sem þyrfti að skoða.
Í þriðja lagi hafði ég ekki stjórnina
með mér í þessum málum, að
minnsta kosti ekki alla.
Ég hafði lengi von um að meiri-
hluti stjórnarinnar stæði með mér,
en það brást eins og dæmin sanna.
Að endingu óska ég félögum í Bár-
unni allra heilla í framtíðinni og
þakka samstarfið, einnig óska ég
stjórninni allra heilla.
Þetta er ástæðan fyrir því að ég
taldi best fyrir Báruna að ég segði af
mér.
KRISTJÁN JÓNSSON,
fyrrv. formaður Bárunnar.
Ástæður afsagnar
formanns Bárunnar
Frá Kristjáni Jónssyni: