Morgunblaðið - 05.06.2003, Blaðsíða 6

SAKSÓKNARI lögreglustjórans í
Reykjavík telur 5 og 3 ára fangelsi
hæfilega refsingu í fíkniefnamáli sem
höfðað er gegn þrítugum Íslendingi
og sextugum Þjóðverja. Sá síðar-
nefndi flutti til landsins 900 g af am-
fetamíni og kíló af hassi í nóvember
2002 og meðákærði tók við sending-
unni, sem lögreglan hafði þá skipt
fyrir gerviefni, á hóteli í Reykjavík.
Málið var rannsakað af íslenskum
og þýskum lögregluyfirvöldum og
gekk undir nafninu „Operation Ger-
mania“. Er Íslendingnum gefið að
sök að hafa ætlað að koma efnunum í
söludreifingu. Krafist er þyngri refs-
ingar yfir honum en verjandi hans
krefst sýknu. Verjandi Þjóðverjans
krefst vægustu refsingar sem lög
Tveir sakborningar komu fyrir dóm í fíkniefnamáli
Saksóknari telur 5 og 3
ára fangelsi hæfilegt
Morgunblaðið/Arnaldur
Sigurður Gísli Gíslason saksóknari gengur úr dómsal í gær. Að baki honum er annar sakborninganna.
leyfa. Í málflutningi fyrir Héraðs-
dómi Reykjavíkur í gær taldi sak-
sóknari Þjóðverjann hafa verið sem
„loftbrú“ milli Íslands og Evrópu
með fíkniefni og peninga í átta ferð-
um sínum í þessu skyni. Hann hafi
tekið að sér flutninginn til að fá upp-
gefna skuld við fíkniefnasala í Þýska-
landi og hafi enn fremur haft óljósar
hvatir um að skrifa blaðagrein um
fíkniefnahring sem teygði anga sína
hingað til lands. Fyrir hverja send-
ingu átti hann helst að fá sem nam 2
milljónum króna án þess að að það
hafi alltaf gengið upp. Magn fíkni-
efnanna sem um ræddi í nóvember-
ferðinni taldi saksóknari fráleitt hafa
getað verið til einkaneyslu, eins og
meðákærði hélt fram, en sá sagðist á
þessum tíma hafa getað reykt kíló af
hassi á nokkrum dögum og borðað
tugi gramma af amfetamíni daglega.
Þriggja ára fangelsi allt of
þung refsing
Verjandi Þjóðverjans taldi þriggja
ára fangelsi allt of þunga refsingu
fyrir hlut hans í málinu. Algjört há-
mark væri tveggja ára fangelsi. Líta
þyrfti til þess að hann hefði verið
samvinnuþýður eftir handtökuna og
þar með flýtt fyrir rannsókn málsins.
Bent var á að hann hefði ætlað að
skrifa frétt um fíkniefnahringinn til
að koma aftur undir sig fótunum í
heimi blaðamennsku og ágóðavonin
ein hefði ekki rekið hann út í smyglið,
enda hafði hann haft tekjur af öðrum
störfum. Sannað væri að hann væri í
raun blaðamaður, enda hefði hann
sýnt blaðamannapassa við handtöku
og verið með dýra myndavél, fartölvu
og vesti með PRESSE áletrun.
Verjandi Íslendingsins taldi Þjóð-
verjann á hinn bóginn höfuðpaurinn í
málinu og ætti skjólstæðingur sinn
enga hlutdeild í innflutningi fíkni-
efnanna. Það hefði verið Þjóðverjinn
sem hefði reynt að koma sök á Ís-
lendinginn og söludreifing fíkni-
efnanna væri enn fremur ósönnuð á
Íslendinginn. Hann hefði ekki greitt
fyrir pakkann sem hann tók við á
fundi sínum við Þjóðverjann á hóteli í
Reykjavík og þá hefði ákæruvaldið
ekki sannað að hann hefði vitað um
innihald pakkans. Þann vafa sem
væri í málinu yrði að skýra skjól-
stæðingi sínum í hag.
Dómur í málinu verður kveðinn
upp 25. júní.
FRÉTTIR
6 FIMMTUDAGUR 5. JÚNÍ 2003 MORGUNBLAÐIÐ
MIKIL örtröð hefur verið við skrán-
ingu nýnema í Háskóla Íslands og
hefur umsóknarfrestur verið fram-
lengdur um einn sólarhring af þeim
sökum.
Að sögn Bjarkar Håkansson verk-
efnastjóra hafa myndast langar bið-
raðir og þetta er í fyrsta sinn sem
umsóknarfrestur er framlengdur
vegna aðsóknar. Í aðalbyggingu Há-
skólans hefur jafnframt verið boðið
upp á námsráðgjöf fyrir tilvonandi
nemendur.
Frestur til að skila inn umsóknum
rennur út á morgun, 6. júní, en ná-
kvæmar tölur um fjölda nýnema
liggja ekki fyrir fyrr en að skrán-
ingu lokinni.
Örtröð í
Háskóla
Íslands
ÖNNUR stúlknanna sem rændi
skyndibitastaðinn Subway í
Spönginni í fyrrinótt hafði áður
unnið á staðnum, samkvæmt upp-
lýsingum frá lögreglunni í
Reykjavík. Stúlkurnar, sem eru
fæddar 1985 og 1986, voru hand-
teknar í íbúðarhúsi í Þingholtun-
um í fyrrinótt og fundust á þeim
bæði peningar og fíkniefni. Ómar
Smári Ármannsson aðstoðaryfir-
lögregluþjónn segir að málið sé
upplýst og að stúlkunum hafi ver-
ið sleppt.
Að sögn Bjarna Kristinssonar,
rekstrarstjóra Subway, var lítið af
peningum í sjóðsvélinni sem
stúlkurnar tæmdu enda séu pen-
ingar reglulega fluttir úr honum í
læsta hirslu. Þá segir hann að
skýrar myndir hafi náðst af ræn-
ingjunum en öryggismyndavéla-
kerfin á Subway-stöðunum séu
tengd við miðstöð Securitas.
Önnur stúlkan hafði
unnið á staðnum
Búið að upplýsa ránið í Subway
SEX skipverjar á Stakkanesi ÍS-848,
sem unnið hafa að björgun skipsins
Guðrúnar Gísladóttur KE-15 í N-
Noregi síðustu mánuði, bjuggu sig til
heimferðar í gær en á miðnætti í nótt
rann út frestur sem þeir gáfu eigend-
um Guðrúnar Gísladóttur, Íshúsi
Njarðvíkur, til að gera upp við þá van-
goldin laun. Guðmundur Guðmunds-
son, skipstjóri á Stakkanesinu, segir
að við lokun banka síðdegis í gær hafi
engar greiðslur verið komnar og því
stefndi allt í að þeir myndu yfirgefa
skipið og halda heim á leið.
„Við höfum ekkert fengið greitt um
nokkurn tíma og sumir hverjir eiga
inni talsverða fjármuni. Það hefur
ekkert verið talað við okkur að fyrra
bragði og við erum í algjörri óvissu.
Virðingarleysið við okkur er algjört.
Við kærum okkur ekki um að vera í
vinnu sem við fáum ekkert greitt fyr-
ir,“ segir Guðmundur sem bætir við
að skipið sé að verða olíulaust, ekkert
símasamband hafi verið um borð þar
til að þeir sjálfir útveguðu sér síma.
„Allur fréttaflutningur hefur snúist
um að hér sé allt í fullum gangi og í
góðum málum. Blaðran sprakk hjá
okkur núna og við ákváðum að segja
okkar sögu,“ segir Guðmundur.
Tafist að útvega fjármagn
Haukur Guðmundsson, eigandi Ís-
húss Njarðvíkur, bindur vonir við að
fá aukið fjármagn á næstu dögum
þannig að björgun Guðrúnar Gísla-
dóttur geti haldið áfram og hægt
verði að gera upp við skipverjana. Sú
vinna hafi tafist nokkuð.
Haukur segist ekki vilja standa í
deilum við Guðmund skipstjóra opin-
berlega en vill þó segja að hann hafi
ekki staðið undir væntingum sem
gerðar voru til hans í upphafi. Trún-
aðarbrestur hafi komið upp milli
manna. Einnig séu ýmsar rang-
færslur í því sem Guðmundur hafi
haldið fram í fjölmiðlum, m.a. um að
skipið væri nær olíulaust.
Ósætti milli skipverja á Stakkanesinu
og eigenda Guðrúnar Gísladóttur
Krefjast van-
goldinna launa
SVEITARFÉLAGIÐ Höfðahreppur
blés nýlega af áform um Kántríhá-
tíð á Skagaströnd næstu versl-
unarmannahelgi. Kántríhátíðin
hefur verið haldin níu sinnum og
farið mjög vaxandi undanfarin ár.
Magnús Jónsson, sveitarstjóri á
Skagaströnd, segir að mikil fjár-
hagsleg áhætta hafi verið tekin
vegna hátíðarinnar og því hafi
sveitarfélagið ekki lagt í slíkar
framkvæmdir. „Hátíðin var orðin
nokkuð kostnaðarsöm og margir
vildu breyta til og stokka þetta upp.
Aftur á móti verða haldnir
Kántrítónleikar á laugardagskvöldi
verslunarmannahelgar og gospel-
messa á sunnudeginum. Svo má
vænta þess að Kántrýbær hafi eitt-
hvað innan sinna dyra að vanda, þó
enn sé of snemmt um slíkt að
segja.“
Hallbjörn Hjartarson í Kántrýbæ
segir þessa ákvörðun sveitarfé-
lagsins valda sér sárum von-
brigðum. „Mér þykir þetta mjög
miður. Við höfum verið að byggja
þessa hátíð upp, hún hefur verið í
örum vexti undanfarin ár og hátíð-
in í ár hefði verið sú tíunda. Mér
finnst það hart, þegar maður er bú-
inn að vera að brjóta ísinn og ná
þeim árangri að vera með næst-
stærstu útihátíð landsins, að henni
sé sópað út af borðinu vegna ein-
hverra einstaklinga í bæjarfélaginu
sem ekki geta sætt sig við hana.
Mér finnst ekki mikið að bæj-
arfélagið borgi tvær og hálfa millj-
ón til menningarmála á ári, því það
er örugglega miklu minna en mörg
bæjarfélög gera. Þess vegna þykir
mér sú staðhæfing, að kaupstað-
urinn geti ekki staðið í því að gera
þetta vegna kostnaðar, afar léleg
afsökun.“
Kántríhátíðin á Skagaströnd blásin af
Hallbjörn ósáttur
Morgunblaðið/Jón Sigurðsson
Kántríkóngurinn Hallbjörn.