Morgunblaðið - 05.06.2003, Blaðsíða 11
FRÉTTIR
MORGUNBLAÐIÐ FIMMTUDAGUR 5. JÚNÍ 2003 11
ÚTSALA - ÚTSALA
Dæmi um verð: Áður: Nú:
Peysa m/v-háls 6.900 3.900
Hlýrabolur 2.400 1.400
Toppur m/mynstri 3.000 1.800
Bómullarpeysa m/rennilás 5.700 2.900
Samkvæmisbolur 5.300 2.900
Bolur 2.600 1.600
Gallajakki 5.100 2.900
Velúrjakki 6.300 3.800
Pils 2.600 1.600
Samkvæmispils 6.900 3.900
Buxur 5.700 2.900
Sumarkjóll 4.900 2.900
...og margt margt fleira
40—50% afsláttur
Síðumúla 13, sími 568 2870,
108 Reykjavík.
Opið frá kl.10.00-18.00
ÁSTAND fjallvega er almennt mjög
gott miðað við árstíma, samkvæmt
upplýsingum frá Vegagerðinni, en
aurbleyta töluverð eftir snjóléttan
vetur.
Flestir vegir eru að opnast fyrr en
tíðkast hefur síðustu ár og gætu allir
hafa opnast eftir tvær til þrjár vikur.
Vegagerðin hefur nú birt nýtt kort
um ástand fjallvega og frá síðasta
korti fyrir viku hefur sú breyting
orðið að leiðin úr Eldgjá inn í Land-
mannalaugar hefur verið opnuð, um
tveimur vikum fyrr en vanalega.
!"
##$%# %#&''()#*$ # +
$( ! (
((*% #,-
.( /
''(*%+ *"#"* 0#%* 1 "( &( 2
Fjallvegir blautir en
á undan áætlun
TENGLAR
..............................................
www.vegagerdin.is
MORGUNBLAÐINU hefur borizt
eftirfarandi athugasemd frá Haraldi
Sigurðssyni vegna þess sem haft var
eftir honum í frétt Morgunblaðsins
um erfiðleika á Raufarhöfn og Kópa-
skeri síðastliðinn þriðjudag:
„Ummæli mín má á engan hátt
taka þannig að rekstur Fjallalambs
standi illa og sé þess vegna í hættu.
Þau eru eingöngu byggð á tillögu frá
starfshópi á vegum landbúnaðar-
ráðuneytisins þess efnis að leggja
beri niður allar kjötvinnslur sem
ekki hafa útflutningsleyfi.“
Aths. ritsj.
Það skal tekið fram að í samtali við
blaðamann nefndi Haraldur Sigurðs-
son þessa skýringu, en hún féll út við
vinnslu fréttarinnar.
Athugasemd
vegna Fjallalambs
EYSTEINN Jónsson,
rekstrarverkfræðingur frá
Keflavík, hefur verið ráðinn
aðstoðarmaður Guðna
Ágústssonar landbúnaðar-
ráðherra.
Eysteinn er fæddur 1970,
en undanfarin ár hefur hann
starfað sem sérfræðingur á
fyrirtækjasviði hjá Spari-
sjóðnum í Keflavík. Eysteinn var
kosningastjóri Framsóknarflokksins
í Suðurkjördæmi í nýafstöðnum
kosningum. Eysteinn er fiskiðnaðar-
maður frá Fiskvinnsluskóla
Íslands, en einnig hefur
hann lokið námi í iðnrekstr-
arfræði af útgerðar- og
markaðssviði Tækniskóla
Íslands 1995 og M.Sc. námi í
rekstrarverkfræði frá Ála-
borgarháskóla 1999.
Eysteinn er sonur Jóns
Eysteinssonar, sýslumanns
í Keflavík, og Magnúsínu Guðmunds-
dóttur, og er sonarsonur Eysteins
heitins Jónssonar, fv. ráðherra og
formanns Framsóknarflokksins.
Nýr aðstoðarmaður
landbúnaðarráðherra
FRAMKVÆMDASTJÓRI Fjalla-
lambs hf. á Kópaskeri í Öxarfjarð-
arhreppi, Garðar Eggertsson, segir
það af og frá að rekstur
sláturhússins og kjöt-
vinnslunnar sé í hættu.
Þvert á móti séu uppi
stór áform um frekari
uppbyggingu og ætl-
unin að Fjallalamb
verði komið með ESB-
útflutningsleyfi eftir
tvö ár. Af þeim sökum
verður ráðist í 50 millj-
óna króna fjárfestingu
á nýrri sláturlínu og
meðfylgjandi búnaði.
Framkvæmdir hefjast
eftir áramót.
Haft var eftir trillu-
sjómanni á Raufarhöfn
í blaðinu sl. þriðjudag
að staðan væri ekki aðeins slæm þar
á bæ heldur einnig á Kópaskeri þar
sem rækjuvinnslan væri stopp og
rekstur Fjallalambs „virtist“ vera í
hættu. Garðar segist ekki geta tekið
undir þetta hvað Fjallalamb snertir
en ummælin megi væntanlega rekja
til nýlegrar sláturhúsaskýrslu þar
sem gefið sé í skyn að Fjallalamb sé
meðal þeirra sláturhúsa sem leggist
af. Í skýrslunni megi einnig lesa að
nokkur sláturhús muni byggja sig
upp til að fá útflutningsleyfi. Fjalla-
lamb ætli sér að vera í þeim hópi.
Hjá Fjallalambi starfa að jafnaði 15–
20 manns en þegar hæst stendur um
50 í sláturtíðinni á haustin. Fyr-
irtækið er ásamt Silfurstjörnunni
stærsti atvinnurekand-
inn í Öxarfjarðarhreppi
en á Kópaskeri eiga um
130 manns lögheimili.
Fjallalamb sérhæfir sig
í sauðfjárslátrun og
tekur eingöngu við
sauðfé af bændum í N-
Þingeyjarsýslu austan
Jökulsár á Fjöllum.
„Erum hvergi
bangnir“
Eigendur Fjalla-
lambs eru alls um 150
aðilar, þ.e. bændur
ásamt búnaðarfélög-
unum, Öxar-
fjarðarhreppi, Sval-
barðshreppi, Þórshafnarhreppi,
starfsmönnum og fleiri ein-
staklingum. Framleiðsla síðasta árs
nam 450 tonnum af lambaköti og
veltan var upp á um 236 milljónir
króna, að sögn Garðars. Hann segir
um 2 milljóna króna tap hafa orðið á
rekstrinum, að teknu tilliti til af-
skrifta og skatta, og það geti vart
verið annað en viðunandi. Frá upp-
hafi árið 1990 hafi rekstur Fjalla-
lambs gengið þolanlega og stundum
betur en það.
„Við erum hvergi bangnir og með
góðri samstöðu á svæðinu ætlum við
að halda uppbyggingunni áfram. Á
næstu árum skilja leiðir í slátur-
húsarekstri. Annaðhvort byggja
menn upp húsin til þess að fá út-
flutningsleyfi eða hætta að slátra.
Okkar aðgerð er einhver sú ódýrasta
til að viðhalda atvinnulífi á þessu
svæði. Þetta er fjárfesting upp á 50
milljónir og það er erfitt að sjá nokk-
urn atvinnurekstur rísa upp, sem
gefur 20 ársstörf, fyrir minni pen-
inga,“ segir Garðar.
Fjallalamb á Kópaskeri
fjárfestir fyrir 50 milljónir
Garðar Eggertsson
BÚIÐ er að opna Gljúfurá í Borgar-
firði, en ekki þó í þeim skilningi
sem stangaveiðimenn leggja gjarn-
an í það hugtak. Í þessu tilviki þýðir
það að búið er að opna ána fyrir
laxinum.
Árum saman hefur ós árinnar
verið álitinn allt of grunnur og ill-
fær laxi nema í vatnavöxtum. Þetta
hefur þótt standa laxveiði í ánni
fyrir þrifum, þar sem fiskur getur
ekki gengið í ána svo vikum skiptir
ef þurrkar herja á. Við ósinn hagar
þannig til að við liggur að megi
segja að Norðurá „svíni á“ Gljúf-
urá, en hún rennur þvert fyrir hana
og þar sem Norðurá er mun meira
vatnsfall og getur verið foráttufljót
í vatnavöxum, þá ræður hún ríkjum
andspænis kyrrlátri og smárri
Gljúfuránni þarna niðri á sléttlend-
inu. Gljúfurá sum sé megnar ekki
að grafa sig sjálf í gegnum grynn-
ingarnar sem Norðurá flæmist yfir.
Þrátt fyrir að menn hafi séð nauð-
synina að gera eitthvað í málinu
hefur það valdið heilabrotum
hvernig best sé að vinna verkið því
árnar renna þarna báðar á mjúkum
moldarbotni og stórvirkum vélum
verður ekki viðkomið.
Nú er tilraun í fullum gangi. Þeg-
ar til kastana kom gat lítil belta-
grafa athafnað sig þarna án þess að
sökkva með manni og mús. Undir
umsjón veiðifélagsmanna og ár-
nefndar SVFR sem hefur ána á
leigu, hefur nú verið grafin renna
langleiðina frá Stafholtshólmanum
og upp undir mynni Gljúfurár.
Renna sem þrengir mjög rennsli
Norðurár. Uppgreftrinum hefur
verið hlaðið upp í garð sem menn
að vísu vita að heldur ekki lengi ef
kemur til vatnavaxta, en hefur þeg-
ar valdið því að árnar hafa báðar
grafið sig nokkuð niður og munu
gera áfram á meðan garðurinn
heldur. Eftir er að setja punktinn
yfir i-ið með því að dýpka einhverja
30 metra sem eftir eru upp að dýpk-
andi vatni Gljúfuráróssins. Þar vík-
ur rennan frá garðinum og grafan
lenti í vandræðum í drullunni á
dögunum. Menn telja sig þó vera
búna að finna leið til að grafan geti
haldist á floti og lokið verkinu.
Stefán Hallur Jónsson, formaður
árnefndar SVFR, sagði í samtali við
Morgunblaðið að þetta væri fyrst
og fremst tilraun og hún hefði ekki
kostað mikið. Hann sagði að ef
þetta reyndist vel væri athugandi
að viðhalda verkinu og gera garð-
inn varanlegan.
Leiðrétting
Það skal leiðrétt hér með að
Pálmi Gunnarsson er ekki leigutaki
Hraunsveiða í Laxá í Aðaldal eins
og hermt var hér í vikunni. Leigu-
takinn heitir Hermann Brynj-
arsson, hins vegar selur Pálmi
veiðileyfi á svæðið í umboðssölu.
Morgunblaðið/Golli
Stefán Hallur gægist ofan í rásina. Við enda garðsins sér í ós Gljúfurár.
Búið að „opna“ Gljúfurá
ERU
ÞEIR AÐ
FÁ’ANN?
LÖGREGLUMENN í Borgarnesi
fundu 7–8 grömm af hassi í bifreið
fjögurra ungmenna á aldrinum 16
ára til tvítugs á þriðjudagskvöld.
Fíkniefnin fundust við hefðbundið
eftirlit lögreglu og voru ungmennin
færð til skýrslutöku á lögreglustöð.
Lögreglan segir málum af þessu
tagi hafa fjölgað nokkuð að undan-
förnu, en magnið sem fannst á
þriðjudag hafi verið með meira
móti.
Ungmenni
tekin með hass
í Borgarnesi