Morgunblaðið - 05.06.2003, Blaðsíða 48
48 FIMMTUDAGUR 5. JÚNÍ 2003 MORGUNBLAÐIÐ
Sýnd kl. 6.Sýnd kl. 10.15. B.i.14.
Sýnd kl.7, 8 og 10. B. i. 12 ára.Sýnd kl. 6, 8 og 10. B.i. 12 ára.
Sýnd kl. 5.45, 8 og 10.15.
KVIKMYNDIR.COM
Kvikmyndir.is ÓHT Rás 2
„Grípandi og gefandi með
óborganlega bardaga“
Kvikmyndir.is
Sýnd
í stóra
salnum
kl. 8.
Sýnd kl. 6.
ÁLFABAKKI
Sýnd kl. 10.10. B.i. 14 ára
KRINGLAN
kl. 5.30. Ísl. tal.
ÁLFABAKKI
kl. 4. ísl. tal.
Það borgar sig að kynnast fólki vel áður en þú ferð á
blint stefnumót á netinu.
Queen Latifahfer á kostum og Steve Martin slær í gegn í
sinni stærstu gamanmynd frá upphafi!
Frábær rómantísk
gamanmynd
sem hefur
allstaðar
slegið
í gegn.
KRINGLAN
Sýnd kl. 7.
ÁLFABAKKI
Sýnd kl. 5.45, 8 og 10.20.
KVIKMYNDIR.COM
ÓHT Rás 2
ÁLFABAKKI
Sýnd kl. 6 og 8.
KEFLAVÍK
kl. 8.
AKUREYRI
kl. 8.
Kvikmyndir.is
KARL Ágúst Guðmundsson vann sér
til frægðar á sínum tíma að vera
trommuleikari og eini karllimur
hljómsveitarinnar Bellatrix sem var
um skeið á barmi heimsfrægðar en
flosnaði upp af ýmsum sökum.
Karl kenndi einsemdar hér á Ís-
landi þar sem kona hans var við nám í
Kaupmannahöfn og brá því á það ráð
að setjast að hjá spúsu sinni í Dana-
veldi: „Ég ákvað að það yrði skrambi
þægilegt að fara til Kaupmannahafn-
ar og slaka aðeins á í eitt ár, velta
vöngum yfir stefnu minni í lífinu og
hætta að spila í bili.“
Karl varð þó fljótt eirðarlaus og
hitti, þarna úti, Íslendingabandið
Drep. „Við spiluðum mjög þungt
rokk, með Flosa í Ham innanborðs og
fleiri góðum piltum. Það var fínt
þangað til gítarleikarinn okkar var
handtekinn í Færeyjum fyrir eitur-
lyfjasmygl. Þá leystist þetta aðeins
upp,“ segir hrekkjalimurinn Karl
kíminn.
Þá segist hann hafa leitað á mildari
mið og rambaði á sveit sem á end-
anum þróaðist í það sem nú heitir
Grammarphone og samanstendur af,
auk Karls, þeim Vali Einarssyni, og
Dönunum Casper Trane og pilti sem
vill láta kalla sig Gorm, en Valur bætt-
ist við fyrr á árinu þegar bandið vildi
víkka sjóndeildarhringinn, eða „ud-
vikle“, eins og Karl slettir á dönsku.
Þeir félagar hafa verið iðnir við að
semja lög og segir Karl Ágúst þá vera
komna með efni sem fyllt gæti þrjár
plötur og segist mjög ánægður með
afraksturinn: „Ég hef aldrei verið í
bandi sem er svona auðvelt að vinna
með. Við erum allir svo samstilltir –
viljum gera nákvæmlega sömu hlut-
ina.“
Blautir
Karl, sem enn heldur tryggð við
trommurnar þó hann sé farinn að
dufla við bakraddarsöng, segir tónlist
Grammarphone nokkuð ólíka þeirri
sem landsmenn þekkja til Bellatrix:
„Við erum mýkri, þetta er meira
popp. Þótt Bellatrix hafi verið mikið
poppband þá var það soldið „alternat-
ive“ popp. Það sem Grammarphone
spilar er meira popp-rokk,“ segir
Karl og minnist á bönd eins og
Coldplay og Muse. „Við getum verið
mjög blautir,“ segir Karl hlæjandi, en
leiðréttir sjálfan sig: „Mjúkir! En svo
getum við verið harðir líka. Þetta er
allt þar á milli bara.“
Karl virðist sæll að vera kominn í
strákaband: „Það er ljómandi gott.
Núna getur maður talað um fótbolta
og strákahluti – gert strákahluti.
Þetta er öðruvísi. Ekkert endilega
betra, bara öðruvísi.“
Karl átti erindi til landsins, og
ákvað að slá til og halda tónleika.
Bandið hefur aðeins haldið eina tón-
leika áður, í Köben, og hlaut þar af-
bragðsgóðar viðtökur að sögn Karls,
bæði hjá áheyrendum og í blaðaskrif-
um gagnrýnenda.
Kalli úr Bellatrix trommar nú með
Grammarphone: Casper, Gorm, Valur og Karl Ágúst.
„Núna getur maður
talað um fótbolta“
asgeiri@mbl.is
Grammarphone heldur tónleika á
Gauki á Stöng í kvöld. Tónleikarnir
hefjast kl. 23 og er aðgangseyrir
500 kr.
dönsk-íslensku sveitinni Grammarphone
SAMTÖK fatahönnuða í
Bandaríkjunum, CFDA,
völdu Narciso Rodrigu-
ez kvenfatahönnuð árs-
ins en hann hefur
löngum verið í uppá-
haldi hjá Söruh Jessicu
Parker og Sölmu Ha-
yek. Þetta er annað árið
í röð sem Rodriguez
vinnur til verðlaunanna,
sem eru nokkurs konar
ígildi Óskarsverð-
launanna í tískuheimin-
um í Bandaríkjunum.
Verðlaunin voru afhent
á mánudagskvöldið í
New York.
Sarah Jessica Parker
var kynnir kvöldsins og
skipti hún fjórum sinn-
um um klæðnað á þeim
tveimur tímum, sem
verðlaunahátíðin stóð
yfir. Hún kom fram í
kjólum hönnuðum af
Oscar de la Renta, Car-
olinu Herrera, Veru
Wang og Calvin Klein
og tilkynnti áhorfendum
hverju hún klæddist
hverju sinni. „Og allir skórnir voru
hannaðir af Manolo Blahnik,“ bætti
hún við í endann, sem kemur ekki á
óvart í ljósi þess að Carrie Brads-
haw, blaðakonan og tískudrottning-
in, sem Parker leikur í Beðmálum í
borginni hefur tekið ástfóstri við
skó eftir Blahnik.
Nýliðar ársins með Tomei
Kvikmyndastjörnur og tíska virð-
ast eiga sérlega vel saman ef eitt-
hvað er að marka verðlaunakvöldið.
Stjörnurnar geta skotið nýjum
hönnuðum upp á stjörnuhimininn á
augabragði ef þær klæðast fötum
eftir hönnuðinn á Óskarnum eða
álíka viðburðum. Sömuleiðis geta
þekktir hönnuðir veitt leikurum og
leikkonum ákveðna stöðu og sagt til
um að stjörnurnar séu með hlutina
á hreinu hvað tískuna varðar.
Þetta hjónaband tískunnar og
Hollywood var áberandi á hátíðinni.
Claire Danes mætti á svæðið í fylgd
Zac Posen, sem er ungur og vinsæll
hönnuður í New York, og Rachel
Weisz kom með Rodriguez. Marisa
Tomei fylgdi tveimur ungstjörnum
á hátíðina, Jack McCollough og
Lazaro Hernandez. Þeir hanna fyrir
eigið merki, Proenza Schouler, sem
er nefnt eftir ættarnöfnum mæðra
þeirra, og fengu verðlaun þetta
kvöld sem nýliðar ársins í tísku-
heiminum.
Brody afhenti verðlaun
Ennfremur afhenti Adrien Brody
hönnuðinum Michael Kors verðlaun
fyrir að vera herrafatahönnuður
ársins. „Öryggisgæslan er mikil
hérna. Þeir athuguðu hvaða merki
ég klæddist við dyrnar,“ grínaðist
óskarsverðlaunhafinn Brody þegar
hann afhenti verðlaunin.
Renée Zellweger afhenti einnig
verðlaun þetta kvöld. Hún mætti í
fylgd André Leon Talley frá Vogue,
sem fékk verðlaun fyrir tískuskrif.
Hún sagði að hún hefði klæðast
hvítum hönskum við Carolina Herr-
era-kjólinn sinn vegna þess að Tall-
ey væri hrifinn af konum í hvítum
hönskum. Talley svaraði því til að
Zellweger væri „póst-módernísk
Audrey Hepburn“.
Bacall mætti fyrir Kidman
Nicole Kidman fékk verðlaun fyr-
ir að vera tískutáknmynd en gat
ekki verið á staðnum þar sem hún
þurfti óvænt að fara til Los Angeles
til að vinna við kvikmynd. Lauren
Bacall tók við verðlaununum fyrir
hennar hönd en þær hafa nýlokið
við tvær myndir saman og kynnst
vel, eins og Bacall orðaði það. Bacall
hefur sjálf fengið þessi verðlaun og
þekkir vel til stællegra kvenna.
Á meðal annarra sigurvegara
kvöldsins, sem valdir voru af meira
en 450 fatahönnuðum, blaðamönn-
um, stílistum og sölufólki, voru
Marc Jacobs, sem fékk verðlaun
fyrir fylgihluti úr Marc-línunni
sinni. Ennfremur fékk skóhönnuð-
urinn Brian Atwood verðlaun, Oleg
Cassini fékk sérstök verðlaun
stjórnenda CFDA en hann er
þekktastur fyrir að klæða Jacquel-
ine Kennedy þegar hún var for-
setafrú og Anna Wintour, ritstjóri
bandaríska Vogue fékk heiðursverð-
laun fyrir ævistarf í tískuheiminum.
Verðlaun sem alþjóðlegur hönnuður
ársins fékk síðan Bretinn Alexander
McQueen.
Verðlaunahátíð Samtaka fatahönnuða í Bandaríkjunum
Hjónaband tísku
og Hollywood
Reuters
André Leon Talley frá Vogue kom
til hátíðarinnar ásamt Renée
Zellweger en hann fékk sérstök
verðlaun fyrir tískublaðamennsku.
Reuters
Hönnuðurinn Marc Jacobs stillir
sér upp ásamt Claire Danes en
hann fékk verðlaun fyrir hönnun
fylgihluta.
AP
Narciso Rodriguez smellir kossi á Söru Jessicu
Parker fyrir ljósmyndarana eftir að hafa unnið
titilinn kvenfatahönnuður ársins 2003.
ingarun@mbl.is