Morgunblaðið - 05.06.2003, Blaðsíða 14

ERLENT
14 FIMMTUDAGUR 5. JÚNÍ 2003 MORGUNBLAÐIÐ
Menntaskólinn
við Hamrahlíð
Innritun fyrir haustönn 2003
verður dagana 10. og 11. júní
Í MH er boðið upp á almenna menntun til stúdents-
prófs á þremur bóknámsbrautum: Málabraut, náttúru-
fræðibraut og félagsfræðabraut.
Meðal kjörsviða er tónlistarkjörsvið í samvinnu við tónlist-
arskóla og listdanskjörsvið í samvinnu við listdansskóla.
Námsskipulag er sveigjanlegt og gefur m.a. möguleika á
að ljúka námi á skemmri tíma en 4 árum.
Ennfremur býður skólinn, einn skóla á Íslandi, IB-náms-
braut til alþjóðlegs stúdentsprófs sem lýkur með Inter-
national Baccalaureate Diploma. IB-nám er þriggja ára
stúdentsprófsnám fyrir dugmikla nemendur.
Nemendur, sem sækja um IB-námsbraut, eiga að panta
viðtal við umsjónarmann IB-náms í vikunni 2. til 6. júní.
Tekið verður á móti umsóknum frá kl. 9.00—18:00 dag-
ana 10. og 11. júní og verða stjórnendur og námsráðgjaf-
ar þá til viðtals.
Umsóknum skal fylgja afrit af grunnskólaprófsskírteini,
fylgiseðill menntamálaráðuneytis og passamynd.
Almennar upplýsingar um skólann og viðmiðunarregl-
ur vegna innritunar nýrra nemenda má finna á heima-
síðu skólans www.mh.is .
Rektor
ÓTTAST er að 27 manns hafi látist er
flutninga- og farþegalest rákust sam-
an nærri borginni Albacete í austur-
hluta Spánar seint á þriðjudagskvöld.
Leit stóð enn yfir í brakinu í gær en
þá hafði verið staðfest að nítján hefðu
látist og átta væri saknað, fjörutíu
hefðu slasast, þar af þrír alvarlega.
Reynist svo margir hafa farist er
þetta mannskæðasta lestarslys á
Spáni í þrjá áratugi.
Farþegalestin var á leið frá Madríd
til Cartagena á Suður-Spáni með 87
farþega innanborðs. Talið er líklegt
að slysið megi rekja til mistaka hjá
stjórnanda lestarumferðar í þorpinu
Chinchilla, sem hafi beint lestunum
tveimur inn á sama spor með þeim af-
leiðingum að þær rákust saman.
Hann mun óvart hafa gefið farþega-
lestinni grænt ljós í stað rauðs sem
merkti að hún mætti halda áfram í
stað þess að bíða á meðan flutninga-
lestin fór hjá. Veita þurfti starfs-
manninum áfallahjálp er honum urðu
ljós mistökin sem hann hafði gert.
Chinchilla er um 20 km suður af
Albacete í Castilla La Mancha-héraði.
Áreksturinn varð um tvo kílómetra
frá brautarstöðinni í Chinchilla.
Áreksturinn var gríðarlega harður.
Vagnar þeyttust af teinunum og eldar
kviknuðu. „Ég hélt að við myndum öll
deyja. Við sáum að eldar loguðu í
fremstu vögnunum. Þetta var hrylli-
legt. Við heyrðum fólkið öskra en gát-
um ekkert gert,“ sagði einn farþeg-
anna í samtali við spænska
útvarpsstöð.
Í fyrstu var óttast að brennisteins-
sýra væri í flutningalestinni en svo
reyndist ekki vera. Forsætisráðherra
landsins, Jose Maria Aznar, hugðist
fara á staðinn í gær til að skoða vett-
vang slyssins.
Reuters
Spænskir slökkviliðsmenn virða fyrir sér brak lestanna tveggja í gær, en mikill eldur blossaði upp í lestunum er áreksturinn varð.
Nítján fórust í
lestarslysi á Spáni
Madríd. Chinchilla. AP. AFP.
PERVEZ Musharraf Pakistansfor-
seti veik í gær frá tveim háttsettum
embættismönnum í héraðsstjórninni
í Norðvesturlandamærahéraðinu í
Pakistan, þar sem samþykkt var fyrr
í vikunni sharia-löggjöf, byggð á
strangri túlkun á Kóraninum. For-
seti héraðsstjórnarinnar sagði brott-
vikninguna mega rekja til sam-
þykktar sharia-löggjafarinnar.
Fyrsta skrefið
Fréttaskýrendur segja að með því
að vísa mönnunum úr embætti hafi
Musharraf stigið fyrsta skrefið í
lokauppgjöri á milli pakistönsku rík-
isstjórnarinnar og héraðsstjórnar-
innar í Norðvesturlandamærahér-
aðinu, þar sem bandalag sex flokka
strangtrúaðra er við stjórnvölinn.
Daniyal Aziz, innanríkisráðherra í
stjórn Musharrafs, sagði brottvikn-
ingu embættismannanna fyllilega
samræmast lögum. Forseti héraðs-
stjórnarinnar, Akram Durrani, hafði
áður lýst því yfir að allar breytingar
á stjórninni hlytu að teljast brot á
stjórnarskrá landsins.
Annar embættismannanna var
framkvæmdastjóri héraðsstjórnar-
innar, og hinn yfirmaður lögreglunn-
ar í héraðinu. Fylgir brottvikning
þeirra í kjölfar þess að strangtrúaðir
unglingar gengu berserksgang í höf-
uðstað héraðsins, Peshawar, og rifu
niður veggmyndir af konum og vest-
rænum neysluvörum.
Lokaupp-
gjör sagt
hafið í
Pakistan
Islamabad. AFP.
Reuters
Akram Duurrani, forseti héraðs-
stjórnarinnar í Norðvesturlanda-
mærahéraðinu í Pakistan.
ÁKVÖRÐUN fjölmiðlaráðs banda-
rísku alríkisstjórnarinnar (FCC) um
að aflétta að hluta til hömlum sem
gilt hafa um eignarhald á fjölmiðlum
hefur vakið sterk viðbrögð vestra en
margir telja að breytingin verði til
þess að stór fyrirtæki stækki enn
frekar. Hefur hópur bandarískra
þingmanna þegar heitið því að koma
í veg fyrir að breytingin nái fram að
ganga.
Þrír af fulltrúum Repúblikana-
flokksins í FCC greiddu atkvæði
með breytingunum en demókratarn-
ir tveir, sem eiga sæti í ráðinu, voru á
móti. Breytingarnar fela m.a. í sér að
aflétt verður banni við því að fjöl-
miðlasamsteypur eigi dagblað og
sjónvarpsstöð á sama markaðs-
svæði. Einnig verður þakið, sem var
á hámarkshlutdeild sjónvarpsstöðv-
ar af markaðnum í Bandaríkjunum
öllum, hækkað úr 35% í 45%.
Fylgjendur breytinganna segja að
gömlu reglurnar hafi verið orðnar
úreltar og ekki hafi verið hægt að
framfylgja þeim við núverandi að-
stæður á fjölmiðlamarkaði, þar sem
miklar tækniframfarir hafa orðið,
m.a. með tilkomu Netsins og gervi-
hnattaútsendinga.
Andstæðingar breytinganna telja
hins vegar að þær stuðli að enn frek-
ari hringamyndun, styrki í sessi
nokkrar risavaxnar fjölmiðlasam-
steypur á kostnað óháðra og minni
aðila. Þær verði því til þess að færri
raddir komist að í þjóðmálaumræð-
unni, sem aftur þýði að draga muni
úr fjölbreytileika og samkeppni á
fjölmiðlamarkaði.
„Heimskulegt og hættulegt“
1.340 sjónvarpsstöðvar eru nú í
Bandaríkjunum en stóru stöðvarnar
– CBS, Fox og NBC – eru hins vegar
allar komnar nálægt 35% þakinu
sem gilt hefur fram að þessu. Því
hefur nú verið breytt þannig að stóru
stöðvarnar geta enn stækkað, sem
fyrr segir. Reglurnar banna þó sam-
runa stærstu aðilanna; þ.e. áður-
nefndra þriggja stöðva, auk ABC-
sjónvarpsstöðvarinnar.
Byron Dorgan, öldungadeildar-
þingmaður Demókrataflokksins,
sagði ákvörðun FCC „heimskulega
og hættulega“. „Ég hef aldrei séð
nokkra reglugerðarstofnun á vegum
alríkisstjórnarinnar láta jafnfljótt og
algerlega undan hagsmunum stór-
fyrirtækja,“ sagði hann á frétta-
mannafundi.
Undir ummæli Dorgans tóku öld-
ungadeildarþingmennirnir Ernest
Hollings, demókrati sem á sæti í
verslunar- og viðskiptanefnd þings-
ins, og Trent Lott, repúblikani frá
Mississippi, en hann sagði ákvörð-
unina „mistök“. Sagði Dorgan að
Bandaríkjaþing myndi koma í veg
fyrir að reglurnar tækju gildi.
Umdeildar breytingar á reglum um eignarhald fjölmiðla í Bandaríkjunum
Gerir stórum fjölmiðlum
kleift að stækka enn frekar
Washington. AFP.
ÞESSI sjö mánaða gamli ísbjarnarhúnn
henti sér með látum í vatnið í dýragarði í
Sankti-Pétursborg í Rússlandi í gær.
Þetta er annar tveggja ísbjarna sem
komu í heiminn í garðinum fyrir sjö
mánuðum.
Það var þó ekki fyrr en í gær að þeir
fengu að koma fyrir sjónir almennings
og sýna listir sínar.
Ísbjörn
leikur sér
Reuters