Morgunblaðið - 05.06.2003, Blaðsíða 41

MORGUNBLAÐIÐ FIMMTUDAGUR 5. JÚNÍ 2003 41
HELGI Ólafsson (2.473) hefur
farið vel af stað á Evrópumótinu í
skák, sem nú
stendur yfir í
Tyrklandi. Eftir
fimm umferðir er
hann með 3 vinn-
inga og hefur
mætt afar sterk-
um andstæðing-
um, en meðalstig
þeirra eru 2.575.
Hannes Hlífar
Stefánsson
(2.565) er einnig
með 3 vinninga eftir sigur í fimmtu
umferð, en hefur mætt stigalægri
andstæðingum. Ingvar Ásmunsson
(2.327) tapaði fyrir þýska FIDE-
meistaranum Oliver Brendel (2.378)
og hefur ekki enn komist á blað. Alls
taka 207 skákmenn þátt í þessu
sterka móti, en því lýkur 14. júní.
Frídagur var á mótinu í gær, en
sjötta umferð verður tefld í dag. Þá
mætir Hannes rússneska stórmeist-
aranum Alexander Lastin (2.632),
Helgi mætir 11. stigahæsta kepp-
anda mótsins, ísraelska stórmeistar-
anum, Ilia Smirin (2662), en Ingvar
situr hjá.
Helgi Ólafsson hafði ótrúlega lítið
fyrir að leggja rússneska stórmeist-
arann Vladimir Burmakin (2.569) í
fjórðu umferð mótsins þótt hann
stýrði svörtu mönnunum.
Hvítt: Burmakin
Svart: Helgi Ólafsson
Nimzoindversk vörn
1.d4 Rf6 2.c4 e6 3.Rc3 Bb4 4.Dc2
0–0 5.a3 Bxc3+ 6.Dxc3 b6 7.Bg5
Bb7 8.e3 d6 9.f3 Rbd7 10.Bd3 c5
11.Re2 He8 12.Db3?! --
Nýr leikur, sem varla er góður.
Framhaldið sýnir vel, að ýmsar
hættur steðja að drottningunni á b3.
Eðlilegast er að hróka stutt, sem
svartur getur svarað með 12.-- e5,
12. -- d5, eða 12. -- Hc8.
12...h6 13.Bh4 d5 14.0–0 Ba6
15.Hfc1? --
Hvítur áttar sig ekki á aðalhótun
svarts. Best virðist að leika 15.Da4
Bxc4 16.Bxc4 dxc4 17.Had1 cxd4
18.Hxd4 De7 19.Hxc4 o.s.frv.
15...b5!
Óvæntur leikur.
16.cxb5 --
Enn verra er að leika 16.Dd1 bxc4
17.Bc2 Hb8 og hvítur á peði minna
og mun lakari stöðu.
16...c4 17.Bxc4 --
Eða 17.Da4 cxd3 18.Rf4 d2 19.Hd1
Bb7 o.s.frv.
17...dxc4 18.Dxc4 Bb7
og hvítur gafst upp. Hvítur hefur
misst móðinn við að tapa manninum,
en hann hefði getað látið svart hafa
fyrir sigrinum, með því að leika
19.Dc7, t.d. 19.-- Hb8 20.e4 e5
21.Dxd8 Hexd8 22.Hc7 g5 23.Bg3
Re8, þótt það hefði varla breytt úr-
slitunum í skákinni.
Hraðskák á þriðjudögum
Alþjóðlegi meistarinn Jón Viktor
Gunnarsson skaut stórmeisturum og
alþjóðlegum meisturum aftur fyrir
sig á stjörnum prýddu fjórða hrað-
skákmóti þriðjudaga.
Jón Viktor hlaut 6½ vinning úr sjö
skákum og kom eina jafntefli hans í
lokaumferðinni, eftir æsispennandi
endatafl gegn Jóhanni Hjartarsyni.
Í 2.-3. sæti urðu Jóhann Hjartar-
son og Ingvar Þór Jóhannesson með
5,5 vinninga, en neðar urðu margir
þekktir meistarar. Alls voru 38 þátt-
takendur á mótinu, en þátttakan er
löngu komin fram úr björtustu von-
um. Aðstandendur mótanna, bræð-
urnir Ívar Örn og Sigurður Sigur-
björnssynir hafa tilkynnt að mótin
muni halda áfram í sumar. Röð efstu
manna varð annars þessi:
1. Jón Viktor Gunnarsson 6½ v.
2.-3. Jóhann Hjartarson, Ingvar
Þór Jóhannesson 5½ v.
4.-5. Stefán Kristjánsson, Magnús
Örn Úlfarsson 5 v.
6.-11. Jón Árni Halldórsson, Ólaf-
ur Kjartansson, Arnar Gunnarsson,
Bragi Þorfinnsson, Sigurður Daði
Sigfússon, Róbert Harðarson 4½ v.
o.s.frv.
Friðrik Ólafsson með
á Grænlandsmótinu
Friðrik Ólafsson, fyrsti stórmeist-
ari Íslendinga, verður meðal kepp-
enda á Grænlandsmótinu í Qaqortoq
28. til 30. júní. Mikill fengur er að
þátttöku Friðriks, enda er hann goð-
sögn í skákheiminum og lykilmaður í
skáksögu Íslands. Friðrik, sem
fæddur er 1935, varð stórmeistari í
skák árið 1958 og næstu árin var
hann meðal bestu skákmanna heims
og vann marga fræga sigra.
Skákferill Friðriks spannar meira
en hálfa öld, því hann vakti fyrst at-
hygli á skákþingi Reykjavíkur árið
1947, þegar hann var aðeins 11 ára.
Hann keppti í fyrsta sinn á Íslands-
mótinu 1951 og varð þá í öðru sæti.
Árið eftir varð Friðrik Íslandsmeist-
ari í fyrsta sinn og eftir það sigraði
hann ávallt á Íslandsmótinu þegar
hann á annað borð keppti; árin 1952,
1953, 1957, 1961 og 1969. Hann tefldi
margsinnis fyrir Ísland á Ólympíu-
skákmótum og vann að auki frækna
sigra á alþjóðlegum mótum. Friðrik
var kjörinn forseti FIDE, alþjóða
skáksambandsins, árið 1978 og
gegndi embættinu í fjögur ár en hef-
ur síðustu tvo áratugi verið skrif-
stofustjóri Alþingis.
Nú er ljóst að þrír íslenskir stór-
meistarar verða meðal keppenda á
Grænlandi. Áður höfðu Hannes Hlíf-
ar Stefánsson og Jóhann Hjartarson
staðfest þátttöku. Jóhann er stiga-
hæsti skákmaður Norðurlanda, en
hefur lítið teflt síðustu árin, og
Hannes er stigahæsti virki skák-
maður Íslendinga um þessar mund-
ir.
Aðrir stórmeistarar á Grænlands-
mótinu 2003 eru Ivan Sokolov (Hol-
landi), Predrag Nikolic (Bosníu),
Luke McShane (Englandi), Tomas
Oral (Tékklandi), Nick de Firmian
(Bandaríkjunum), Henrik Danielsen
(Danmörku) og Regina Pokorna
(Slóvakíu).
Vakin skal athygli á því að búið er
að opna heimasíðu mótsins á þremur
tungumálum, íslensku, grænlensku
og ensku. Þar er meðal annars að
finna fróðlegar greinar um Íslands-
vininn Willard Fiske, en hátíðin á
Grænlandi er tileinkuð minningu
hans. Einnig er fjallað um tafl-
mennsku norrænna manna á Græn-
landi, en margt hefur fundist við
fornleifauppgröft sem gefur til
kynna að hinir norrænu Grænlend-
ingar miðalda hafi verið kappsamir
skákmenn.
Góð byrjun Helga
Ólafssonar á EM í skák
EVRÓPUMÓTIÐ Í SKÁK
SKÁK
Istanbul
30. maí – 14. júní 2003
dadi@vks.is
Daði Örn Jónsson
Bragi Kristjánsson
Helgi Ólafsson
skákmaður.
TENGLAR
.....................................................
Heimasíða Grænlandsmótsins
2003: www.icechess.com/icelandic
Áskirkja. Opið hús fyrir alla aldurshópa kl.
14-17 í neðri safnaðarsal. Sönghópur undir
stjórn Kára Þormar, organista. Kaffi og með
því eftir sönginn. Allir velkomnir.
Hallgrímskirkja. Tónlistarandakt kl. 12:00.
Prestur sr. Sigurður Pálsson. Orgelnemend-
ur úr Tónskóla Þjóðkirkjunnar leika á Klais-
orgel Hallgrímskirkju. Léttur málsverður á
eftir.
Háteigskirkja. Taizé-messa kl. 20. Eldri
borgara starf. Á morgun kl. 13.30 samvera
í Setrinu (brids aðstoð).
Kópavogskirkja. Samvera eldri borgara í
dag kl. 14.30-17 í safnaðarheimilinu Borg-
um. Kyrrðar- og bænastund í dag kl. 17. Fyr-
irbænaefnum má koma til sóknarprests
eða kirkjuvarðar.
Vídalínskirkja. Bæna- og kyrrðarstund í
kirkjunni kl. 22. Gott er að ljúka deginum og
undirbúa nóttina í kyrrð kirkjunnar og ber
þar fram áhuggjur sínar og gleði. Bænarefni
eru skráð í bænabók kirkjunnar af prestum
og djákna. Boðið er upp á molasopa og
djús að lokinni stundinni í kirkjunni.
Hafnarfjarðarkirkja. Opið hús fyrir ung börn
og foreldra þeirra í Vonarhöfn, safnaðar-
heimili Strandbergs, kl. 10-12. Opið hús
fyrir 8-9 ára börn í safnaðarheimilinu
Strandbergi, Vonarhöfn, frá kl. 17-18.30.
Víðistaðakirkja. Foreldrastund í dag kl. 13.
Kjörið tækifæri fyrir heimavinnandi foreldra
með ung börn að koma saman í notalegu
umhverfi og eiga skemmtilega samveru-
stund. Barnastarf fyrir 10-12 ára börn í dag
kl. 17.
Þorlákskirkja. Biblíupælingar í kvöld kl.
20.
Landakirkja í Vestmannaeyjum. Kl. 10.00.
Mömmumorgunn í Safnaðarheimilinu.
Pabbarnir mega líka koma og alveg sér-
staklega þeir sem eru í feðraorlofi.
Kletturinn. Kl. 19 alfanámskeið. Allir vel-
komnir.
Akureyrarkirkja. Kyrrðar- og fyrirbæna-
stund kl. 12. Léttur hádegisverður á vægu
verði í Safnaðarheimili eftir stundina.
Safnaðarstarf
Morgunblaðið/Árni Sæberg
VEGNA fjölmargra fyrirspurna
verður haldið fjögurra kvölda nám-
skeið í Safnaðarheimili Akureyr-
arkirkju um meðvirkni og 12 spor-
in. Kynningarfundur verður í
fundarsal Safnaðarheimilisins kl.
20.30 fimmtudaginn 5. júní. Leið-
beinandi er sr. Jóna Lísa Þorsteins-
dóttir.
Meðvirkni
og 12 sporin
KIRKJUSTARF
Kringlan 4-12, sími 568 6211.
Skóhöllin, Firði, Hf., sími 555 4420.
DÖMUSKÓR
3ja daga tilboð
fimmtudag - föstudag - laugardag
20%
af öllum dömuskóm
face - roots - intenz - catwalk - mocca - vivaldi -
gabor - victory - imac - nike - adidas
afsláttur
Undirföt
Náttföt
Frábært úrval
COS
Undirfataverslun • Glæsibæ • S: 588 5575