Morgunblaðið - 06.06.2003, Blaðsíða 8

FRÉTTIR
8 FÖSTUDAGUR 6. JÚNÍ 2003 MORGUNBLAÐIÐ
Vilhjálmur fimmti: Baulaðu nú, borgin mín, hvar sem þú ert.
Ármúla 44 • 108 Reykjavík
Sími 553 2035 • www.hphusgogn.is
Nr. 321 Nr. 323
Nr. 324 Nr. 325 Nr. 326 Nr. 327 Nr. 328 Nr. 330
Nr. 331 Nr. 332 Nr. 333 Nr. 339 Nr. 347 Nr. 342
Nr. 334 Nr. 335 Nr. 336
Nr. 301 Nr. 302
Nr. 304
Nr. 303
Nr. 317 Nr. 305
Nr. 306 Nr. 316 Nr. 310
Endalausir
möguleikar
Veggeiningar úr eik sem hægt er
að raða saman á ótal vegu.
Margir viðarlitir.
Umferðarátak í sumar
Í þágu öryggis
og viðbúnaðar
SlysavarnafélagiðLandsbjörg og Um-ferðarstofa munu í
sumar standa fyrir átaki til
að stuðla að auknu umferð-
aröryggi. Sérstakir um-
ferðarfulltrúar hafa tekið
til starfa og eiga þeir að
vera tengiliðir almennings
við hið opinbera. Vegfar-
endur geta komið athuga-
semdum til þeirra um það
sem betur má fara í um-
ferðinni eða vegakerfinu
og eiga þeir að koma
ábendingum til skila til
réttra aðila og fylgja eftir
að bragarbót verði gerð á.
Hlutverk þeirra er einnig
að skoða öryggisþætti í
höfnum landsins, fjalla um
umferðarmál í fjölmiðlum,
skoða hálendisvegi, gera umferð-
arkannanir svo sem á sviði bíl-
beltanotkunar, heimsækja börn í
leikskóla.
Umferðarfulltrúarnir, sem eru
sex, hófu störf á mánudag, en þeir
starfa á Norðurlandi, Austur-
landi, Suðurlandi, Vestfjörðum,
Vesturlandi, Reykjanesi og á höf-
uðborgarsvæðinu í þrjá mánuði á
sumrin. Þetta er sjöunda starfsár
þeirra. Fyrstu viku júní unnu þeir
saman á höfuðborgarsvæðinu og
stilltu saman strengi fyrir sumar-
ið. Jóhann K. Jóhannsson er verk-
efnastjóri umferðarátaksins.
– Hvernig hefur starf umferð-
arfulltrúanna þróast á síðustu sjö
árum?
„Fyrir sjö árum var aðeins einn
umferðarfulltrúi starfandi, en í
dag eru þeir sex. Fyrst var um-
ferðarfulltrúinn á sínum eigin bíl
og var þá takmarkaður akstur í
starfinu, en eftir að bílaumboð
Ingvars Helgasonar hf. gerðist
styrktaraðili fyrir þremur árum
hefur akstur ekki verið takmark-
andi þáttur í starfinu. Bílaumboð
Ingvars Helgasonar hefur styrkt
verkefnið rausnarlega og lánað
umferðarfulltrúum Landsbjargar
og Umferðarstofu sex bifreiðar og
í ár erum við á stórglæsilegum
Subaru Impreza bifreiðum. Sjóvá-
Almennar sjá svo um að tryggja
bílana fyrir okkur og Olíufélagið
hf. sér um að alltaf sé nóg elds-
neyti á bifreiðunum. Starf um-
ferðarfulltrúa hefst fyrstu vikuna
í júní og stendur til ágústloka.“
– Hvernig kemur hinn almenni
ökuþór til með að verða var við
umferðarátakið?
„Umferðarfulltrúarnir verða á
ferðinni um landið í sumar auk
þess sem við verðum með vikuleg-
ar greinar í Fréttablaðinu. Þá
verðum við tvisvar í mánuði á Út-
varpi Sögu og svo komum við upp-
lýsingum á framfæri í héraðs-
fréttablöðunum. Ekki má gleyma
Úvarpi Umferðarstofu auk þess
sem við erum með vinnusvæði á
netinu á vefslóðinni www.lands-
bjorg.is þar sem fólk getur fylgst
með því sem við erum að gera.“
– Er fyrirhuguð útgáfustarf-
semi þessu samfara?
„Bílaumboð Ingvars
Helgasonar hefur
útbúið afþreyingarbók
fyrir fjölskylduna.
Bókin er fyrir börn og
fullorðna sem geta
skemmt sér yfir efninu á meðan á
ferðalagi stendur. Þá hafa Sjóvá-
Almennar útbúið svifdiska, sem
við ætlum að gefa vegfarendum
ásamt bókinni í sumar. Að auki er-
um við með fullt af efni, sem teng-
ist umferðinni og við munum
dreifa til vegfarenda.“
– Hvernig ábendingar fá um-
ferðarfulltrúarnir frá almenningi?
„Við hvetjum fólk til að fara á
vinnusvæðið okkar, www.lands-
bjorg.is, þar sem hægt er að senda
okkur ábendingar sem við skoðum
og ef það er eitthvað sem má laga
eða bæta, þá komum við því á
framfæri og göngum á eftir því að
úrbætur séu gerðar. Við fáum alls
konar ábendingar svo sem að
vanti stikur á vegkafla, laga þurfi
yfirborðsmerkingar á vegum, laga
þurfi umferðarmerki, skipta þurfi
út einbreiðum brúm og skoða
þurfi öryggismál í höfnum.“
– Hvar er helst pottur brotinn í
umferðaröryggismálum?
„Mér finnst að það þurfi að
draga miklu meira úr umferðar-
hraða, sérstaklega í þéttbýli. Ef
lögreglan sér sér ekki fært að
vera í eftirliti ætti að setja upp
miklu fleiri eftirlitsmyndavélar.
Við sjáum þróunina í Hvalfjarð-
argöngunum. Þar hefur stórlega
dregið úr ökuhraða eftir að hraða-
myndavélarnar voru settar upp.
Af hverju ekki að setja upp svona
myndavélar í Ártúnsbrekku þar
sem umferðarhraði er milli 80 og
90 km/klst. eða á Reykjanesbraut
þar sem hraðinn er á bilinu 100–
110 km/klst. Það drægi stórlega
úr umferðarhraða. Þá tel ég að
það megi skoða bílbeltanotkun
betur og gera vegfarendum betur
grein fyrir afleiðingunum ef þeir
eru ekki spenntir í bílbelti og
lenda í umferðarslysum.“
– Hverjir eru hinir fimm um-
ferðarfulltrúarnir og hvernig á
fólk að nálgast þá?
„Þeir eru: Júlíus
Ólafsson á Vestfjörð-
um, sími 867-0372,
vestfirdir@landsbjorg-
.is; Magnús B. Jó-
hannsson á Vesturlandi
og Reykjanesi, sími 845-3600,
vesturland@landsbjorg.is; Björg-
vin Smári Jónsson á Norðurlandi,
sími 862-4631, nordurland-
@landsbjorg.is; Reynir Arnórs-
son á Austurlandi, sími 863-6118,
austurland@landsbjorg.is; Sig-
urður Hjálmarsson og Reynir
Ragnarsson á Suðurlandi, sími
869-0170, sudurland@landsbjorg-
.is.“
Jóhann K. Jóhannsson
 Jóhann K. Jóhannsson er
fæddur 9. janúar 1979 í Reykja-
vík. Frá 1999 hefur hann starfað
í öryggisgeiranum, fyrst hjá
Securitas og frá áramótunum
2000 til júní 2001 hjá embætti
lögreglustjórans í Reykjavík.
2001 hóf hann einnig störf á
Neyðarlínunni 112 og starfar þar
enn. Í sumar tók hann að sér að
vera verkefnastjóri yfir umferð-
arátaki fyrir Slysavarnafélagið
Landsbjörg og Umferðarstofu.
Eiginkona hans er Svanhildur Þ.
Jónsdóttir og saman eiga þau
dótturina Birtu Kristínu sem
fæddist á síðasta ári.
Vegfarendur
skili inn
ábendingum