Morgunblaðið - 06.06.2003, Blaðsíða 24

LANDIÐ
24 FÖSTUDAGUR 6. JÚNÍ 2003 MORGUNBLAÐIÐ
GRUNNSKÓLANUM í Stykk-
ishólmi var slitið í Stykkishólms-
kirkju 4. júní. Mikið fjölmenni
sótti skólaslitin eins og venjulega.
Í grunnskólanum stunduðu 215
nemendur nám og 17 nemendur
stunduðu nám á fyrsta ári fram-
haldsdeildar. Við skólann starfa
44 starfsmenn og þar af 25 kenn-
arar. Það kom fram í máli Gunn-
ars Svanlaugssonar skólastjóra
að allir kennarar skólans væru
með réttindi sem skilaði sér í
góðu skólastarfi.
Hann fór yfir starf grunnskól-
ans í vetur bæði hvað varðar nám
og félagsstörf. Nær óbreytt
starfslið verður næsta skólaár og
hefur verið gengið frá öllum
ráðningum. Hann lýsti ánægju
sinni með hvað starfslið skólans
hefur verið stöðugt til fjölda ára
og setti það mark á skólastarfið.
Grunnskólaprófi luku 24 nem-
endur og var árangur þeirra við-
unandi á samrændum prófum.
Á skólaslitunum var systir
Lovísa kvödd. Hún hefur starfað í
Stykkishólmi í 35 ár. Að hennar
dugnaði lögðu systurnar í það
framsýna verk að stofna og reka
leikskóla í Stykkishólmi. Þangað
voru börnin í Stykkishólmi vel-
komin og boðið upp á þroskandi
leiki og föndur. Það var systr-
unum að þakka að Hólmarar
kynntust snemma leikskóla sem
sveitarfélagið tók síðar við
rekstri á.
Systir Lovísa stýrði leikskól-
anum í 29 ár eða til ársins 1997.
Hún hefur því haft mótandi já-
kvæð áhrif á ungdóminn í Stykk-
ishólmi þann tíma og vildu skóla-
yfirvöld sýna henni þakklæti
fyrir grunninn sem hún lagði í
námi barnanna. Systir Lovísa
flytur til Hollands í byrjun júlí og
mun þar dvelja á systraheimili
sem kaþólikkar reka.
Systir
Lovísa
kvödd á
skólaslitum
Morgunblaðið/Gunnlaugur Árnason
Systir Lovísa er á förum til Hollands eftir 35 ára dvöl í Stykkishólmi. Hún
var heiðruð við skólaslit grunnskólans. Gunnar Svanlaugsson skólastjóri,
systir Lovísa og Rúna Gíslason, forseti bæjarstjórnar.
Stykkishólmur
ESKFIRÐINGURINN Helgi Garð-
arsson hefur tekið og safnað á
þriðja þúsund ljósmynda í tölvu-
tækt myndasafn. Má segja að það
sé heildstæður gagnagrunnur um
Eskifjörð, íbúa fyrr og síðar og
flesta þætti samfélagsins. Hann
hefur einnig tekið um 600 mynd-
anna og sett á netið undir vef-
slóðinni simnet.is/hgard.
Helgi, sem er 64 ára gamall
rafvirki, hefur alla tíð haft mik-
inn áhuga á ljósmyndun, en seg-
ist hafa kolfallið fyrir stafrænu
ljósmyndatækninni árið 1996 og
þar hafi opnast fyrir honum nýr
heimur. Hann byrjaði að taka
ljósmyndir á unglingsárum, en
hóf fyrir tæpum áratug að safna
markvisst myndum af öllum Esk-
firðingum, látnum og lifandi, aft-
ur til ársins 1870. Eftir samein-
ingu sveitarfélaganna í Fjarða-
byggð, hafa svo Norðfirðingar og
Reyðfirðingar smábæst í hópinn.
Margar myndanna eru teknar í
verslun Helga, Rafvirkjanum, en
þar hefur hann hin síðari ár
höndlað með föt og gjafavöru frá
Skotlandi, en áður seldi hann raf-
tæki auk þess að vinna við raf-
virkjun.
Helgi er árvökull og hefur í
árafjöld fylgst náið með við-
burðum á svæðinu og ljósmyndað
þá. „Það liggur gífurleg vinna að
baki myndasafninu og heimasíð-
unni,“ segir Helgi og bætir við að
sjálfsagt geri sér fæstir grein
fyrir umfangi þessa verks.
Myndasafn til sölu
Auk mannamynda er að finna í
myndasafninu svipmyndir úr bæj-
arlífi Eskifjarðar og kirkjustarfi,
myndir tengdar sjómennsku og
þorrablótum bæjarbúa og gamlar
myndir sem ná aftur til ársins
1870, auk mynda af gömlum og
sögufrægum húsum. Fréttamynd-
ir, sem margar hafa birst í Morg-
unblaðinu, skipa einnig stóran
sess í safninu og síðast má telja
manntal ársins 1940 frá Eskifirði,
Búðareyri og Helgustaða- og
Reyðarfjarðarhreppum. Þá hefur
Helgi spyrt upplýsingar úr Ís-
lendingabók við mannamyndir
þar sem honum er unnt.
„Það er dálítið um það að fólk
fái hjá mér myndir til ýmissa
nota,“ segir Helgi og hugsar sér í
framtíðinni að selja tölvudisk
með myndasafninu þeim sem
áhuga hafa. „Draumurinn er ein-
hvern tíma að geta sett mynda-
safnið í sölu og hugsanlega væri
hægt að setja albúmið í heild inn
á netið síðar meir. Ég hef fengið
mjög jákvæð viðbrögð víða að við
heimasíðunni og brottfluttir Esk-
firðingar kunna greinilega vel að
meta framtakið.“
Allir Eskfirðingar á einum stað
Helgi Garðarsson hefur í áratug
markvisst safnað ljósmyndum.
Fjarðabyggð
Morgunblaðið/Steinunn Ásmundsdóttir
MIKLAR endurbætur verða unnar
á Gamla skólanum eða Bjarmanesi á
Skagaströnd í sumar. Húsið sem er
með elstu steinhúsum á landinu var
byggt 1913 og nú á að færa það í upp-
runalegt horf að utan í sumar. Í dag-
legu tali gengur gamla steinhúsið á
Hólanesinu á Skagaströnd undir
nafninu Gamli skólinn.
Á árunum 1913 - 1921 var í húsinu
verslun og íbúð verslunarstjórans
ásamt minni íbúðum í kjallaranum.
Var það Verslunarfélag Vindhælinga
sem lét reisa húsið yfir starfsemi
sína. Upp úr 1921 var húsið síðan
notað sem skólahúsnæði og gegndi
því hlutverki allt til ársins 1958 er
skólinn flutti í nýtt húsnæði. Húsið
þjónaði líka sem samkomuhús í mörg
ár samhliða skólastarfseminni og
síðar sem íbúðarhús, lögreglustöð og
nú síðast hefur verið í húsinu vísir að
sjóminja- og munasafni Skagstrend-
inga.
Í sumar á að koma húsinu í upp-
runalegt horf eftir því sem hægt er.
Það felur meðal annars í sér að rífa
útbyggingar seinni tíma og byggja
nýjan inngang sunnan á húsið eins
og upprunalega var á því. Þá þarf að
skipta um þak, endurnýja glugga og
byggja skorsteina sem upphaflega
voru þrír á húsinu.
Einnig þarf að ráðast í umfangs-
miklar múrviðgerðir en á húsinu eru
mjög fallegar múrstrikanir sem
reynt verður að endurgera. Bera
múrstrikanirnar merki um mikla
fagmennsku múrarans sem á sínum
tíma hefur eytt miklum tíma í að
strika í blautan múrinn hleðslu-
munstur þar sem hvergi skeikar um
millimetra.
Múrviðgerðirnar verða unnar af
Hendli ehf. en byggingarstjóri yfir
endurbótunum er Helgi Gunnars-
son. Eftirlit og verkfræðihönnun er í
höndum Línuhönnunar en arkitekt
verksins er Jon Nordsteien.
Áætlað er að framkvæmdirnar í
sumar muni kosta um 5 milljónir
króna en á næsta ári er síðan gert
ráð fyrir að taka húsið í gegn að inn-
an. Þegar því verður lokið er reiknað
með að heildarverkið verði komið í
um 18 milljónir króna. Það er Höfða-
hreppur sem stendur að fram-
kvæmdunum en Húsfriðunarsjóður
mun sjá um fjármögnunina að ein-
hverju leyti.
Eftir endurbyggingu er Gamla
skólanum síðan ætlað endurnýjað
hlutverk á menningar- og menntun-
arsviði á Skagaströnd.
Gamli skólinn endurbyggður
Skagaströnd
Morgunblaðið/Ólafur Bernódusson
Gamli skólinn þarf sannarlega á andlitslyftingu að halda. Má vel greina
múrstrikanirnar á neðri hluta hússins.
NÝ afurð á neytendamark-
aði er beinlausir laxabitar,
framleiddir hjá KK-matvæl-
um á Reyðarfirði. Þeir fást í
fjórum gerðum sósu og eru
tilbúnir til matreiðslu á
grilli, pönnu eða í ofni.
Bitarnir eru unnir úr eld-
islaxi frá Sæsilfri í Mjóa-
firði. Fiskinum er slátrað og
hann flakaður í laxaslátur-
húsi Síldarvinnslunnar í
Neskaupstað og hefur full-
vinnsla verið í undirbúningi
í nokkurn tíma.
KK-matvæli á Reyðar-
firði voru stofnuð 1987. Í upphafi
voru framleiddar pitsur, fisk- og
kjötbollur og salöt. Pitsurnar duttu
fljótlega út vegna samkeppni og við
hefur bæst kæfa, sem að sögn eig-
enda fyrirtækisins, Kristbjargar
Kristinsdóttur og Harðar Þór-
hallssonar, er burðarsöluvaran.
Krillumarmelaði var markaðssett
fyrir tveimur árum og nýlega kom
önnur bragðtegund í verslanir. Þá
selja KK-matvæli í umboðssölu hátt
í 40 matvælategundir og pakka síld
í neytendaumbúðir. Hjá fyrirtækinu
starfa nú níu manns og var velta
ársins 2002 um 35 milljónir króna.
Jón Ingi Ingimarsson, verkefn-
isstjóri hinnar nýju framleiðslu,
segist vongóður um að Íslendingar
taki laxabitunum vel og fagni því að
fá ljúffengan gæðafisk á grillið í
sumar.
Laxabitarnir verða fyrst um sinn
seldir í Samkaupum í Njarðvík og
Hafnarfirði, Nettó á Akureyri og í
Mjódd og Fjarðarkaupum í Hafn-
arfirði. Einnig mun varan fást á
heimamarkaði eystra.
Ný neytendavara frá Sæsilfri
Egilsstaðir
Morgunblaðið/Steinunn Ásmundsdóttir
Hörður Þórhallsson og Kristbjörg Krist-
insdóttir, eigendur KK-matvæla.
Tilbúnir laxa-
bitar á grillið
TÖFRAR Mývatnssveitar í mynd-
um og tónum er yfirskrift 20. einka-
sýningar Sólveigar Illugadóttur
sem hún opnar í Sel-Hótel Mývatn
laugardaginn 7. júní nk. kl. 15.00.
Þar sýnir hún 16 olíumálverk úr
náttúru Mývatnssveitar og eru
verkin öll unnin árið 2003. Þá verð-
ur einnig kynntur nýr geisla-diskur
sem listakonan er að gefa út og ber
nafnið „Töfrar“.
Jóhanna Seljan mun flytja nokk-
ur lög af nýja diskinum sem hefur
að geyma 11 lög flutt af fjórum
söngvurum og landsþekktum tón-
listarmönnum. Sýningin er opin alla
daga til 30. júní og eru allir vel-
komnir.
Morgunblaðið/BFH
Sólveig sýnir
olíumálverk
Mývatnssveit
STOFNAÐ hefur verið félag um
rekstur sumardvalar fyrir börn í
Dalvíkurbyggð. Hugmyndin er
frá Framfarafélagi Dalvíkur-
byggðar og felst í því að börn á
aldrinum 10–14 ára geta valið um
eins eða tveggja vikna dvöl á
heimilum í Dalvíkurbyggð, ýmist
í sveit eða þéttbýli.
Sameiginleg dagskrá verður
hluta vikunnar en þess á milli
nýta börnin sér þau námskeið og
afþreyingu sem í boði er fyrir
börn í Dalvíkurbyggð s.s. reið-
námskeið, íþrótta- og leikjanám-
skeið, sund og gönguferðir.
Undirbúningur er í fullum
gangi en gert er ráð fyrir að
verkefnið verði formlega sett af
stað á haustmánuðum. Sumar-
dvölin er sérstaklega ætlum
börnum sem búsett eru erlendis
en er öllum opin. Nánar upplýs-
ingar er að finna á vefnum
www.dalvik.is, segir í fréttatil-
kynningu.
Sumardvöl barna
í Dalvíkurbyggð
Dalvík