Morgunblaðið - 06.06.2003, Blaðsíða 44

44 FÖSTUDAGUR 6. JÚNÍ 2003 MORGUNBLAÐIÐ






  

  
 
    

   
 
  !"

# $% 
"! & & "
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Í AÐDRAGANDA alþingiskosning-
anna 10. maí sl. gengu sægreifar fram
á fjölmiðlavöllinn, með fremsta í
flokki Davíð og
Halldór sem upp-
fræddu mig sauð-
heimskan almúga-
manninn um þá
staðreynd að yrði
hróflað við grunn-
skipulagi kvóta-
kerfisins, þá yrði
ofurvá fyrir dyr-
um, landsbyggðin
legðist í rúst og,
einfaldlega, að efnahagskerfi lands-
manna mundi hrynja sem spilaborg.
(Samanber Raufarhöfn nú 29.5. 03. og
Stykkishólm fyrr í vetur.) Spilaborg
okkar heitir Króna, þar sem gull-
trygging krónunnar er þorskur, ýsa,
loðna, síld og aðrar fisktegundir sem
veiðast við Íslandsstrendur, sem sagt
höfuðbaktrygging gjaldmiðils okkar.
„En sniðugir erum við Íslendingar“
(tilv. Spaugstofan), við höfum úthlut-
að til fárra manna Gulltryggingu
Krónunnar, til einkaávöxtunar, sér-
eignar, og erfðaréttar! Stórútgerðar-
fyrirtæki geta selt frá sér Gullkíló á
1000 kr, eða leigt frá sér til leiguliða á
150 kr/kg.Veiðiskylda nú er 50%
þannig að útgerðir geta leigt helming
úthlutunar Viðbótarkvóta sem vænt-
anlega verður 30.000 tonn. Þorsk og
20.000 tonn ýsu, ef Guð og vilji leyfa,
geta stórútgerðir selt fyrir ca. 50
milljarða eða leigt 50% fyrir tæpa 4
milljarða. Kvótalitlar útgerðir leigja á
150 kr/kg sem þýðir að 1000 tonn
leigjast á 150 milljónir á ári. Sé þessi
verðlagning færð yfir á húsaleigu-
markaðinn og tekið dæmi af húsnæði
sem kostar 20 milljónir yrði það leigt
á 3 milljónir á ári eða 250.000 kr. á
mán! Getur það nokkur maður?
Kvótalitlar útgerðir sem leigja kvóta
á 150 kr/kg draga leigugjöld fyrst frá
aflaverðmæti, sem skerðir laun sjó-
manna amk.um helming, öllum til ar-
mæðu og skammar, og er einnig lög-
brot. Bankarnir hafa þakksamlega
tekið við veðum beint í sameign þjóð-
arinnar, Gulltryggingu krónunnar,
gegn 205 milljarða lánum til útgerð-
arfyrirtækja. En komi sá dagur að
sjávarlífkerfið við Ísland breytist,
vegna hita, strauma, mengunar eða
ætisskorts, svo að aflahrun verði, þá
munu staðreyndir og spár Davíðs og
Halldórs rætast. Skemmst er að
minnast Kanada. Hver verður ábyrg-
ur fyrir hruni efnahagskerfisins þann
daginn? Þrátt fyrir staðreyndir og
spár Davíðs og Halldórs leyfi ég mér
að koma fram með nýja lausn og
breytingar á grunnskipulagi kvóta-
kerfisins og sérstaklega vegna hins
bráða vanda nú fáeinum dögum eftir
Alþingiskosningar. Í fyrsta lagi:
STRAX verði bætt við 30.000 tonnum
af þorski og 20.000 tonnum af ýsu. Út-
hlutað verði til sjávarþorpa (sveitar-
félaga) sem eru ca 45 hringinn í kring
um landið og meðtalin Rvík og Ak-
ureyri. Þessi viðbótarkvóti verði fest-
ur í sveitarfélaginu og aðeins veiddur
af sjósóknurum með lögheimili á við-
komandi stað og með fiskiskip á eigin
kennitölu, skráð á staðnum. Sjávarút-
vegsráðuneytið sér um úthlutun beint
til útgerðarmanna. Sveitarfélög fá allt
að 10% afnotagjald af söluverði land-
aðs afla og rennur það í sveitarsjóð.
Bankar verði beðnir um að innheimta
afnotagjald, þar sem öll viðskipti með
landaðan afla verða gagnsæ, þ.e. í
gegn um markað/markaðstengd. Við-
bótarkvótinn verði helst veiddur af
króka- og línubátum, vistvænar veið-
ar. Til glöggvunar er hér dæmi: Sjáv-
arþorp sem fengi 1000 tonna kvóta,
þyrfti ca.10-15 handfæra-/línubáta til
að anna veiðum, þar með 30 manns
við veiðar (30 fjölskyldufeður), annað
eins eða meira við vinnslu og þjónustu
í landi. Ca 80 manns hefðu atvinnu
vegna þessa! Sé þetta dæmi uppfært,
eru um 4000 störf að minnsta kosti við
veiðar, vinnslu og þjónustu sem bæt-
ast við á landsvísu. Betri afkoma
sveitarfélaga sem og veruleg fækkun
atvinnulausra á Íslandi þar sem nú
eru um 6000 manns atvinnulaus og fer
vaxandi með skólafólki sem er að
koma á vinnumarkað. Tryggari bú-
setukostir um allt land. Nýliðun vel
möguleg í sjávarútvegi. Víst er að fá-
tækt mun minnka. Ég trúi að lands-
menn verði eitthvað sáttari við kvóta-
kerfið ef slíkar breytingar eiga sér
stað, og miða ég við að kvóti til sjáv-
arþorpa verði aldrei minni en 25% af
heild eftir árið 2003.
Raufarhafnarbúar og Stykkis-
hólmsbúar, baráttukveðjur.
Valdið er hjá ykkur og landsmönn-
um öllum.
BIRGIR SÆMUNDSSON,
Fosstúni 14,
800 Selfossi.
Ný lausn!
Frá Birgi Sæmundssyni
Birgir
Sæmundsson
VÆNTANLEGUR er samningur
um sameiginlegt efnahagssvæði Ís-
lands og Færeyja, sem Halldór Ás-
grímsson utanríkisráðherra hefur
gert, samanber grein í Morgun-
blaðinu 24. maí síðastliðinn. Sagt er
að þetta sé viðamesti samningur sem
Íslendingar hafa gert við nokkurt
land. Þetta er í sjálfu sér samruni
landanna (og ef til vill í framtíðinni
sameiginlegt Alþingi). Fyrst svo er
komið með samning þennan, sem
undirritaður verður formlega í Fær-
eyjum seinna í sumar, þá spyr ég af
ákaflega miklum áhuga, hvort ekki
verði gerður sams konar samningur
um samruna einnig við Grænland?
Sem sagt samruni landanna þriggja:
Íslands, Grænlands og Færeyja,
þessara Norðvesturlanda. Græn-
lendingum gætum við Íslendingar
veitt bæði skipahafnir vegna íslagna
meðfram ströndum lands þeirra, og
einnig flughafnir vegna veðurfarsins
þar.
Mér finnst þess vegna, að þeir fé-
lagarnir Davíð og Halldór ættu að
senda Grænlendingum orðsendingu
um samruna nú þegar, um þessa
spennandi hluti – framtíðarskipan
landanna.
PÁLL HANNESSON,
Ægisíðu 86, Reykjavík.
Samruni Norðvest-
urlandanna þriggja
Frá Páli Hannessyni