Morgunblaðið - 19.06.2003, Blaðsíða 16

HÖFUÐBORGARSVÆÐIÐ
16 FIMMTUDAGUR 19. JÚNÍ 2003 MORGUNBLAÐIÐ
Ferðalag út úr bænum (þ.á.m. sundlaugarferð) í lok hvers námskeiðs.
Ferðin er frá kl. 09.30 - 17.00.
Kennarar eru m.a. Broddi Kristjánsson íþróttakennari,
Írena Óskarsdóttir íþróttafræðingur,
Jónas Huang badmintonþjálfari,
Skúli Sigurðsson badmintonþjálfari,
Árni Þór Hallgrímsson badmintonþjálfari o.fl.
Innanhúss: Badmintonkennsla, borðtennis, minni tennis, körfubolti, bandý
og leikir
Úti (við TBR-hús og í Laugardalnum): Knattspyrna, sund, frjálsar íþróttir
á Laugardalsvelli, t.d. spretthlaup, langstökk, spjótkast, kúluvarp og hástökk.
Leikir, svo sem hafnabolti, ratleikur o.fl.
Farið er í Fjölskyldu- og húsdýragarðinn í Laugardal
Upplýsingar og innritun í TBR húsinu Gnoðavogi 1 og í síma 581 22 66.
Sumarskóli TBR 2003
Íþróttaskóli fyrir 6 - 13 ára börn í sumar
Námskeiðin eru virka daga kl. 9-13 eða kl. 13-17.
Fjölbreytt íþróttakennsla á dagskrá með áherslu á badminton.
23. júní - 4. júlí
7. júlí - 18. júlí
5. ágúst - 18. ágúst
Námskeiðin eru 10 virka daga í senn sem hér segir:
Verð er kr. 7400. Skipt er í hópa eftir aldri.
Veittur er systkinaafsláttur.
Einnig er veittur afsláttur ef farið er á fleiri
en eitt námskeið.
BÓKASAFN Seltjarnarness var
opnað í nýju og glæsilegu húsnæði á
efri hæð verslunarkjarnans við Eið-
istorg að loknum hátíðarhöldunum í
tilefni þjóðhátíðardagsins 17. júní. Í
tilkynningu frá Seltjarnarnesbæ
segir að allar áætlanir hafi staðist við
framkvæmdina og það sé ekki síst að
þakka kraftmiklum starfsmönnum
bókasafnsins.
Þá segir að hið nýja húsnæði muni
gjörbylta starfsemi bókasafnsins en
eldra húsnæðið hafi reynst nokkuð
þröngt með tilliti til þess vaxandi
þjónustuhlutverks sem safninu sé
ætlað að gegna í bæjarlífi Seltjarn-
arnesbæjar. Með flutningi safnsins á
Eiðistorg eflist einnig þjónustu-
kjarninn umhverfis Eiðistorg og
Hrólfsskálamel, en kjarninn hefur
átt undir högg að sækja. Með flutn-
ingi safnsins í stærra húsnæði skap-
ast einnig ný tækifæri í menningar-
lífi bæjarins, til dæmis í tengslum við
sýningarhald svo eitthvað sé nefnt.
Hátíðarhöld voru á Eiðistorgi í til-
efni þjóðhátíðardagsins. Þar flutti
fjallkonan Eygló Árnadóttir ávarp
og Selkórinn söng ættjarðarlög.
Skemmtidagskráin var fjölbreytt og
sýndu meðal annars sigurvegararnir
úr Freestyle 2003, hópurinn Eld-
móður, dansatriði.
Bókasafn-
ið í nýtt
húsnæði
Seltjarnarnes
BORGARSTJÓRI Reykjavíkur, Þór-
ólfur Árnason, útnefndi Ingibjörgu
Haraldsdóttur borgarlistamann og
Eþos-kvartettinn tónlistarhóp
Reykjavíkur 2003 við hátíðlega at-
höfn í Listasafni Reykjavíkur í Hafn-
arhúsi á þjóðhátíðardaginn.
Útnefning borgarlistamanns er
heiðursviðurkenning til handa reyk-
vískum listamanni sem með list-
sköpun sinni hefur skarað fram úr
og markað sérstök spor í íslensku
listalífi.
Ingibjörg hefur gefið út sex ljóða-
bækur og gefið út bók með þýddum
ljóðum. Ljóð hennar hafa verið þýdd
á fjölmörg tungumál, auk þess sem
hún hefur hlotið ýmsar viðurkenn-
ingar fyrir ritstörf sín.
Ingibjörg þakkaði fyrir þann heið-
ur og viðurkenningu sem felst í titl-
inum og kvaðst leitast við að bera
hann með sóma svo hvorugt þyrfti
að skammast sín – hún eða borgin
sem fæddi hana. Þá flutti Ingibjörg
Upphaf, fyrsta ljóðið í fyrstu ljóða-
bókinni, Þangað vil ég fljúga (1974),
og ljóðið Júnídag úr nýjustu ljóða-
bókinni, Hvar sem ég verð (2002).
Borgarstjóri afhenti Ingibjörgu
ágrafinn stein og ávísun að upphæð
ein milljón króna og lét þess getið að
borgarráð hefði samþykkt tillögu
menningarmálanefndar að hækka
viðurkenningarframlagið úr hálfri í
eina milljón króna.
Reykjavíkurborg auglýsir árlega
styrk til starfrækslu tónlistarhóps
Reykjavíkurborgar. Sérstök dóm-
nefnd fer yfir umsóknirnar og skilar
til menningarmálanefndar tillögum,
sem tekur endanlega ákvörðun um
styrkveitingu.
Steinunn Birna Ragnarsdóttir,
formaður dómnefndar, sagði við at-
höfnina: „Eþos-kvartettinn hefur um
árabil unnið ötullega að tónlist-
arflutningi af fagmennsku með
framúrskarandi árangri. Hann hef-
ur verið að hljóðrita íslenska
strengjakvartetta auk þess að heim-
sækja fyrirtæki og stofnanir á veg-
um Reykjavíkurborgar til að kynna
kvartetttónlist. Auk þessa kemur
kvartettinn fram á fjölmörgum tón-
leikum hérlendis og á erlendum tón-
listarhátíðum. Það er álit mitt að
hvaða höfðuðborg sem er geti verið
stolt af Eþos-kvartettinum sem tón-
listarhópi sínum.“
Morgunblaðið/Árni Torfason
Ingibjörg Haraldsdóttir borgarlistamaður, Þórólfur Árnason borgarstjóri
og Stefán Jón Hafstein, formaður menningarmálanefndar.
Leitast við að bera
titilinn með sóma
Reykjavík
Ingibjörg Haraldsdóttir borgarlistamaður
NEMENDAVERÐLAUN fræðslu-
ráðs Reykjavíkur voru afhent í fyrsta
sinn við hátíðlega athöfn í Tjarnarsal
Ráðhúss Reykjavíkur 17. júní. Níu
ungmenni úr jafnmörgum skólum
hlutu verðlaunin í þetta sinn en
grunnskólum í Reykjavík var boðið að
tilnefna einn nemanda hver. Þórólfur
Árnason borgarstjóri afhenti verð-
launin ásamt Stefáni Jóni Hafstein,
formanni fræðsluráðs.
Markmið verðlaunanna er að
hvetja nemendur til að leggja sig enn
betur fram við að skara fram úr í
námi, félagsstarfi eða skapandi starfi.
Nemendurnir fengu í viðurkenning-
arskyni skrautritað viðurkenningar-
skjal og bókargjöf, verðlaunabækur
Barnabókaverðlauna fræðsluráðs
2003. Verðlaunin eru veitt fyrir ým-
islegt, til að mynda frábæran náms-
árangur, góðar framfarir í námi,
virkni í félagsstarfi, jákvæða fyrir-
mynd, frumkvæði, leiðtogahæfileika,
góða frammistöðu í íþróttum eða list-
um, listsköpun eða tjáningu í skóla-
starfi, félagslega færni, samskipta-
hæfni og framlag til að bæta eða auka
bekkjaranda/skólaanda, nýsköpun
og/eða hönnun.
Tilnefningar til verðlaunanna
máttu koma frá öllum starfsmönnum
grunnskóla borgarinnar, foreldra-
félögum, foreldraráðum svo og nem-
endaráðum. Allir skólar voru hvattir
til að taka þátt í að velja nemanda sem
skaraði fram úr, en nemendaverð-
launin eru ekki bundin ákveðnum
aldri. Elsti nemandinn sem hlaut
verðlaunin í þetta sinn er 16 ára en sá
yngsti er ekki orðinn 9 ára.
Þeir nemendur sem hlutu nem-
endaverðlaun fræðsluráðs Reykjavík-
ur skólaárið 2002–2003 eru: Benedikt
Smári Skúlason nemandi í Engja-
skóla, Emma Theódórsdóttir nem-
andi í Klébergsskóla, Bára Dís Bene-
diktsdóttir nemandi í Ölduselsskóla,
Deondra Nickcoda Pennant nemandi
í Hólabrekkuskóla, Donn Eunice Pa-
tambag Cruz nemandi í Fellaskóla,
Yousef Ingi Tamimi nemandi í Selja-
skóla, Ingvar Haukur Guðmundsson
nemandi í Víkurskóla, Hrafnhildur
Hekla Eiríksdóttir nemandi í Árbæj-
arskóla og Steinar Birgisson nemandi
í Hamraskóla. Valnefndina skipuðu
Vigdís Hauksdóttir formaður, Jórunn
Frímannsdóttir og Birna Sigurjóns-
dóttir, deildarstjóri kennsludeildar
Fræðslumiðstöðvar Reykjavíkur.
Níu ungmenni hlutu verðlaun
fræðsluráðs Reykjavíkur
Morgunblaðið/Árni Torfason
Níu grunnskólanemendur hlutu nemendaverðlaun í Ráðhúsinu í fyrradag.
Reykjavík
DAGSKRÁ þjóðhátíðardagsins í
Kópavogi hófst á því að félagar úr
skólahljómsveit Kópavogs óku um
bæinn og vöktu íbúa til hátíðahalda.
Þessi siður var tekinn upp árið 1998
og þykir nú orðið ómissandi. Skrúð-
gangan fór frá Menntaskólanum í
Kópavogi að Rútstúni þar sem hátíða-
höldin fóru fram, en fjallkonan og
fulltrúi nýstúdenta fóru fyrir fylking-
unni í hestakerru. Á Rútstúni flutti
Sigurður Geirdal bæjarstjóri ávarp,
Skólakór Kársnesskóla og Skóla-
hljómsveit Kópavogs fluttu ættjarð-
arlög, Skari skrípó brá á leik, flutt
voru atriði úr söngleiknum Grease og
Kaffibrúsakarlarnir komu fram.
Um kvöldið voru síðan popptón-
leikar, þar sem þekktar og óþekktar
hljómsveitir skemmtu, en meðal
þeirra má nefna Stuðmenn, Í svörtum
fötum og Botnleðju. Að venju var sér-
stök dagskrá fyrir eldri borgara í Gjá-
bakka, knattspyrnuleikur á Vallar-
gerðisvelli, púttmót eldri borgara,
hátíðarguðsþjónusta í Kópavogs-
kirkju, siglingahátíð í Kópanesi og
fjölmargt fleira á dagskrá.
Mörg þúsund manns voru á Rútstúni og hlýddu á hátíðardagskrá.
Íbúar vaktir til hátíðahalda
Kópavogur