Morgunblaðið - 19.06.2003, Blaðsíða 46

ÍÞRÓTTIR
46 FIMMTUDAGUR 19. JÚNÍ 2003 MORGUNBLAÐIÐ
ÚRSLIT
KNATTSPYRNA
Efsta deild karla, Landsbankadeild:
Hásteinsvöllur: ÍBV – Fram ................19.15
Efsta deild kvenna, Landsbankadeild.
Stjörnuvöllur: Stjarnan – KR ...................20
Hlíðarendi: Valur – Breiðablik..................20
1. deild karla:
Varmárvöllur: Afturelding – Haukar.......20
2. deild karla:
Garðsvöllur: Víðir – Selfoss.......................20
3. deild karla, A-riðill:
Fífan: Drangur – Víkingur Ó ....................20
Í KVÖLD
KNATTSPYRNA
Efsta deild karla
Landsbankadeild
ÍBV – Fram........................................ frestað
Þróttur R. – Fylkir....................................2:1
FH – Grindavík .........................................2:1
Staðan:
KR 5 3 1 1 6:6 10
Fylkir 5 3 0 2 9:4 9
Þróttur R. 5 3 0 2 8:7 9
KA 5 2 2 1 8:6 8
FH 5 2 2 1 7:5 8
ÍA 5 1 3 1 5:4 6
ÍBV 4 2 0 2 6:7 6
Valur 5 2 0 3 7:9 6
Grindavík 5 1 0 4 5:10 3
Fram 4 0 2 2 4:7 2
Markahæstir:
Gunnar Heiðar Þorvaldsson, ÍBV ............. 4
Sinisa Kekic, Grindavík .............................. 4
Björgólfur Takefusa, Þróttur R................. 3
Haukur Ingi Guðnason, Fylkir .................. 3
Hreinn Hringsson, KA ............................... 3
Jóhann H. Hreiðarsson, Valur ................... 3
Sören Hermansen, Þróttur R. ................... 3
Allan Borgvardt, FH................................... 2
Gunnar Þór Pétursson, Fylkir ................... 2
Hjálmar Þórarinsson, Þróttur R. .............. 2
Jónas Grani Garðarsson, FH ..................... 2
Pálmi Rafn Pálmason, KA.......................... 2
Sigurbjörn Hreiðarsson, Valur.................. 2
Steinar Tenden, KA .................................... 2
Veigar Páll Gunnarsson, KR...................... 2
1. deild kvenna
A-RIÐILL:
HK/Víkingur – ÍR .....................................2:3
HSH – Breiðablik-2 ..................................1:9
Staðan:
Breiðablik 2 4 4 0 0 30:4 12
HK/Víkingur 5 3 1 1 15:5 10
RKV 4 3 1 0 14:8 10
ÍR 5 2 0 3 20:14 6
Fjölnir 4 2 0 2 7:12 6
Þróttur/Haukar 2 4 0 0 4 4:23 0
HSH 4 0 0 4 6:30 0
B-RIÐILL:
Fjarðabyggð – Einherji............................4:0
Sindri – Leiknir F .....................................3:1
Staðan:
Höttur 3 3 0 0 12:1 9
Fjarðabyggð 4 3 0 1 16:7 9
Tindastóll 2 2 0 0 13:1 6
Sindri 3 2 0 1 8:7 6
Leiftur/Dalvík 3 1 0 2 10:17 3
Einherji 4 0 0 4 5:17 0
Leiknir F 3 0 0 3 2:16 0
Svíþjóð
Malmö – Halmstad................................... 2:1
Staðan:
Djurgården 10 7 1 2 26:8 22
Hammarby 10 6 4 0 16:8 22
AIK 10 6 2 2 20:11 20
Helsingborg 10 5 2 3 12:12 17
Örebro 10 5 1 4 15:16 16
Malmö 10 4 3 3 15:12 15
Halmstad 10 4 2 4 15:14 14
Elfsborg 10 3 4 3 12:17 13
Gautaborg 10 3 3 4 17:12 12
Örgryte 10 3 2 5 12:18 11
Sundsvall 10 2 3 5 10:14 9
Landskrona 10 2 3 5 11:16 9
Öster 10 2 2 6 9:18 8
Enköping 10 1 2 7 9:23 5
Danmörk
AaB – Midtjylland.....................................1:0
Bröndby – FC Köbenhavn .......................0:1
AB – Farum ...............................................1:2
OB – Silkeborg ..........................................4:3
Viborg – Köge............................................6:1
AGF – Esbjerg ..........................................1:1
Staðan:
København 32 16 10 6 47:31 58
Bröndby 32 15 11 6 58:31 56
Farum 32 15 3 14 48:58 48
Esbjerg 32 12 11 9 65:56 47
OB 32 11 12 9 53:49 45
Viborg 32 11 10 11 57:54 43
Midtylland 32 11 10 11 45:43 43
AaB 32 13 4 15 41:44 43
AB 32 10 11 11 43:44 41
AGF 32 10 10 12 48:55 40
Silkeborg 32 8 9 15 48:52 33
Køge 32 8 3 21 44:80 27

FC Köbenhavn er með pálmann í hönd-
unum fyrir lokaumferðina.
Álfukeppnin
A-riðill:
Nýja-Sjáland – Japan...............................0:3
– Shunsuke Nakamura 10., 74., Hidetoshi
Nakata 64.
Frakkland – Kólumbía.............................1:0
Thierry Henry 39. (víti).

Í dag mætast Tyrkir og Bandaríkjamenn
annars vegar og hins vegar Brasilíumenn
og Kamerúnar.
HANDKNATTLEIKSDEILD
ÍBV hefur gengið frá samn-
ingi við Önju Nielsen, danska
landsliðskonu í handknatt-
leik. Nielsen leikur í hægra
horninu. Hún er 28 ára og
kemur frá Ikast/Bording
sem varð í öðru sæti í dönsku
deildinni á síðustu leiktíð.
Nielsen hefur leikið 45 lands-
leiki og skorað í þeim 78
mörk. Hún varð m.a. Ólymp-
íumeistari með danska
landsliðinu í Sydney fyrir
þremur árum. Þá hefur hún
orðið danskur meistari einu
sinni og tvisvar bikarmeist-
ari. Á undanförnum árum
hefur leikmaðurinn þurft að
glíma við langvarandi
meiðsli vegna slita á kross-
bandi. Eftir því sem danski
handknattleiksvefurinn
boldnyt.dk greinir frá stóð
Nielsen ekki til boða nýr
samningur hjá Ikast/
Bording í vor þegar samn-
ingur hennar við félagið
rann út.
Aðalsteinn Eyjólfsson,
þjálfari ÍBV, er enn að leita
að markverði fyrir næstu
leiktíð og útilokar ekki að
fleiri leikmenn gangi til liðs
við deildar- og Íslandsmeist-
ara ÍBV.
Dönsk landsliðskona
í handknattleik til ÍBV
EYJÓLFUR Sverrisson, fyrrum atvinnu-
maður hjá Herthu Berlin, hefur sést við
æfingar í Árbænum á undanförnum dög-
um og þar með hafa vaknað spurningar
um hvort hann ætli að ganga í raðir Fylk-
ismanna þegar opnað verður fyrir fé-
lagaskipti á nýjan leik hinn 15. næsta mán-
aðar.
„Eyjólfur óskaði eftir því við Aðalstein
þjálfara fyrir nokkru hvort hann mætti
æfa með liðinu ef til þess kæmi. Það eina
sem hefur gerst er að Eyjólfur hefur mætt
upp í Árbæjarþrek þar sem hann hefur
lyft lóðum en hann hefur ekki ennþá mætt
á neinar æfingar úti á vellinum. Ég reikna
þó með því að hann sjáist á grasinu innan
tíðar,“ sagði Ámundi Halldórsson, for-
maður knattspyrnudeildar Fylkis, við
Morgunblaðið. Ámundi segir að Fylkir sé
ekki íbeinum viðræðum við Eyjólf en hann
útilokar þó ekki að hann leiki með liðinu
síðar í sumar. „Við tókum þá ákvörðun að
láta málið algjörlega í hendurnar á hon-
um. Hann veit hver hugur okkar er enda
höfum við margoft rætt við hann, bæði í
fyrra og í vetur. Boltinn er hjá honum en
það er klárt mál af okkar hálfu að ef hann
tekur þá ákvörðun að hella sér á fullu út í
boltann og vill spila með okkur munum við
setjast niður með honum.“
Eyjólfur æfir í
Árbænum
Morgunblaðið/Kristján

ARSENE Wenger, knattspyrnu-
stjóri Arsenal, segir að ekki komi til
greina að kaupa Lorenzo Amoruso,
varnarmann Glasgow Rangers.
„Amoruso er góður leikmaður en við
erum bara ekki að leita að varnar-
manni um þessar mundir og því er
Amoruso ekki til skoðunar hjá okk-
ur,“ sagði Wenger í gær.

ÞÝSKA knattspyrnufélagið
Schalke hefur ráðið Jupp Heynckes
sem þjálfara liðsins. Heynckes þjálf-
ar nú Atletico Bilbao en fer þaðan í
lok tímabilsins og tekur við Schalke-
liðinu. Hátindur ferils Heynckes var
þegar hann stýrði Real Madrid til
sigurs í Meistaradeild Evrópu árið
1998.

FORVÍGISMENN ítalska félags-
ins Udinese hafa staðfest að Liver-
pool sé á höttunum eftir David Piz-
arro, sóknarmanni frá Chile, en
hann er í röðum ítalska félagsins.

TALIÐ er líklegt að Ástralinn
Brett Emerton muni ganga til liðs
við Newcastle United í sumar í
ensku úrvalsdeildinni í knattspyrnu.
Emerton er 24 ára miðjumaður og
leikur með Feyenoord í Hollandi.
Emerton er metinn á um 500 millj-
ónir íslenskra króna, en fyrir aðeins
ári hafnaði Feyenoord átta milljóna
punda tilboði í kappann, en það til-
boð kom frá Newcastle.

OLIVER Kahn, markvörður
Bayern München og þýska lands-
liðsins, ætlar að hætta að leika knatt-
spyrnu eftir heimsmeistarakeppnina
í Þýskalandi árið 2006. Kahn hefur
áhuga á að taka við sem fram-
kvæmdastjóri hjá Bayern München
eftir að hann hættir að spila með
München en Uli Hoeness gegnir því
starfi í dag.

STEFFEN Freund vill leika áfram
í ensku úrvalsdeildinni í knattspyrnu
en Freund lék með Tottenham á síð-
ustu leiktíð. Freund er 33 ára gamall
og var mjög vinsæll hjá stuðnings-
mönnum Tottenham en Glenn
Hoddle, knattspyrnustjóri liðsins,
ákvað að gera ekki nýjan samning
við hann.

PAUL Konchesky, leikmaður
Charlton í ensku úrvalsdeildinni í
knattspyrnu, kom forráðamönnum
félagsins í opna skjöldu í gærmorgun
þegar hann afhenti Alan Curbishley,
knattspyrnustjóra félagsins, ósk um
að vera settur á sölulista.

„MÉR finnst ég hafa hæfileikana
til að geta leikið með enska landslið-
inu á EM 2004 sem vinstri bakvörð-
ur. En stjórinn vill nota mig sem
kantmann og það gerir mér mun erf-
iðara fyrir. Ég þarf að fara í lið þar
sem ég fæ að leika í stöðu vinstri
bakvarðar. Mér þykir vænt um það
að stuðningsmenn félagsins viti að
ákvörðun mín er eingöngu knatt-
spyrnulegs eðlis en ekki vegna pen-
inga,“ sagði Paul Konchesky. For-
vígismenn Charlton hafa orðið við
ósk Konchesky.
FÓLK
Beckham, sem er 28 ára gamallog hefur verið í röðum Man-
chester United frá 14 ára aldri,
gengst undir læknisskoðun hjá Real
Madrid hinn 1. júlí næstkomandi og í
kjölfarið skrifar hann undir fjögurra
ára samning við félagið. Kaupverðið
er 25 milljónir punda sem er jafn-
virði 3,1 milljarðs íslenskra króna. 20
milljónir punda, 2,4 milljarða króna,
greiðir Real Madrid út fyrir undir-
skrift en 5 milljónir punda koma svo
í kassann hjá United við ákveðinn
leikjafjölda sem Beckham leikur fyr-
ir Madrídarliðið.
Væntanleg félagaskipti enska
landsliðsfyrirliðans hafa valdið
miklu fjaðrafoki, ekki bara á Bret-
landseyjum, heldur um víða veröld
og ekki síst í Japan þar sem Beck-
ham og frú eru að spóka sig þessa
dagana.
Hefði séð eftir því að hafna
boði Real Madrid
Beckham sendi frá sér tilkynn-
ingu þegar fregnirnar um félaga-
skiptin bárust út og þar segir meðal
annars: „Ég verð að viðurkenna að
þetta er frábært tækifæri fyrir mig á
þessum tímapunkti á ferli mínum.
Ég hefði séð eftir því síðar ef ég
hefði hafnað boði um að fá að leika
með frábæru liði eins og Real Ma-
drid sem hefur heimsklassaleikmenn
í sínum röðum. Ég þakka Alex
Ferguson fyrir að hafa gert mig að
þeim leikmanni sem ég er í dag og ég
fer frá Manchester United með
miklum söknuði. Ég hef átt frábær-
an tíma hjá félaginu og sá tími mun
aldrei líða mér úr minni. Ég óska fé-
laginu alls hins besta og með hvat-
ingu fyrirliðans Roy Keane veit ég
að Manchester United mun halda
áfram að eflast.“
Vikulaun Beckhams hjá Real
Madrid verða 90.000 pund eða 11
milljónir króna en þar með er ekki
allt talið. Beckham kemur til með að
fá drjúgan hlut af söluvarningi á
ímynd sinni og þar eru engir smá-
aurar á ferð.
Sparkspekingar á Englandi hafa á
undanförnum dögum og vikum
keppst um að greina frá væntanleg-
um félagaskiptum Beckhams. Ný-
kjörinn forseti Barcelona sankaði að
sér atkvæðum í forsetakjöri sem
tryggði honum stólinn þegar hann
greindi frá því fyrir kjörið að hann
hefði náð samkomulagi við Man-
chester United um kaup á Beckham.
En eins og marga grunaði var það
kosningabrella. Beckham blés á það
frá upphafi að fara til Börsunga enda
liðið skör lægra á stalli en stjörnum
prýtt lið Real Madrid og að auki ekki
þátttakandi í Meistaradeildinni.
Elduðu grátt silfur saman
Margir vilja tengja brotthvarf
Beckhams við ósætti hans við knatt-
spyrnustjórann Alex Ferguson en
oftar en ekki elduðu þeir grátt silfur
saman. Sögusagnir um að Beckham
færi frá United í lok leiktíðar fengu
byr undir báða vængi strax í vetur
þegar Beckham og Ferguson lenti
harkalega saman eftir tapleik Unit-
ed á móti Arsenal í bikarkeppninni
sem lauk með því að Beckham
skrámaðist á höfði. Upp frá því er
talið að Beckham hafi tekið þá
ákvörðun að róa á önnur mið og þeg-
ar Ferguson setti hann á bekkinn í
leiknum á móti Real Madrid í 8 liða
úrslitum Meistaradeildarinnar var
Beckham enn ákveðnari í að yfirgefa
Old Trafford.
„Fær að taka einhverjar
aukaspyrnur“
Þegar Beckham verður orðinn
liðsmaður Real Madrid og klæðist
treyju hvíta liðsins númer 77 (Raul
númer 7) verður Madrídarliðið sam-
ansafn snillinga og annað eins stjör-
nulið varla búið til aftur. Zinedine
Zidane, Ronaldo, Luiz Figo, Roberto
Carlos, Raúl, Beckham, Makalele og
svona mætti lengi telja. Er nema von
að keppinautar Real Madrid á Spáni
og í Meistaradeildinni séu farnir að
skjálfa á beinunum fyrir næstu leik-
tíð. „Með Beckham innanborðs verð-
ur Real Madrid enn betra lið og
hann mun smellpassa inn í leikstíl
okkar,“ segir Jorge Valdono, stjórn-
arformaður Real Madrid.
„Ég leyfi honum að taka einhverj-
ar aukaspyrnur en bara nokkrar.
Hann verður ekki bara að keppa við
mig um að taka þær heldur líka Zid-
ane, Figo og Hierro,“ sagði Roberto
Carlos, aukaspyrnusérfræðingur
Madrídarliðsins.
Viðbrögð í herbúðum ensku meist-
aranna eru blendin en fregnir um
brotthvarf Beckhams virðast ekki
hafa komið leikmönnum United sér-
lega á óvart. Alex Ferguson hefur
oftar en ekki þótt djarfur í sínu ráða-
bruggi og haft hefur verið á orði að
það aðdráttarafl sem Beckham er
orðinn, ekki bara sem knattspyrnu-
maður heldur „fígúra“ utan vallar,
hafi orðið til þess að Ferguson tók þá
ákvörðun að selja skærustu stjörnu
sína þar sem hún væri farin að
skyggja á félagið sjálft og ekki síður
knattspyrnustjórann.
„Ég hef þekkt David síðan hann
var 11 ára og það hefur verið mjög
ánægjulegt að sjá hann vaxa úr grasi
og þroskast í að verða sá leikmaður
sem hann er í dag. David hefur verið
óaðskiljanlegur partur af Manchest-
er United og velgengni þess mörg
undanfarin ár,“ sagði Ferguson í til-
kynningu sem hann sendi frá sér á
heimasíðu Manchester United.
Ferguson getur nú einbeitt sér að
fullu að því að styrkja leikmannahóp
sinn en helst hafa fjórir leikmenn
verið nefndir sem efstir á óskalista
hans – Brasilíumaðurinn Ronaldinho
hjá Paris SG, Leeds-leikmennirnir
Harry Kewell og Paul Robinson
markvörður og hollenski framherj-
inn Patrick Kluivert hjá Barcelona.
Roy Keane, fyrirliði Manchester
United, sagði eðlilega sárt að sjá á
eftir Beckham en margir hafa sagt
að Keane hafi lagt það til við Fergu-
son að bola Beckham í burtu.
Keane styður ákvörðun
Fergusons
„Ég styð ákvörðun Fergusons og
ég veit að hann er að gera það sem
hann telur að Manchester United
henti best. Ef hann telur rétt að láta
Beckham fara þá er hann í fullum
rétti til að gera það. Ferguson hefur
í gegnum árin selt frá sér toppleik-
menn. Þar get ég nefnt menn á borð
við Andy Cole og Dwight Yorke og
þó að sala þeirra hafi verið umdeild
kom það ekki niður á félaginu heldur
þvert á móti. Menn koma og fara í
knattspyrnunni og þannig verður
það áfram. Ég er alveg sannfærður
um að félaginu mun vegna vel áfram
þó að við leikmennirnir sjáum eftir
honum,“ sagði Keane.
Real Madrid vann orr-
ustuna um Beckham
DAVID Beckham lýsir vænt-
anlegum félagaskiptum frá
Manchester United til Real
Madrid sem einstöku tækifæri
fyrir sig á ferlinum en í fyrra-
kvöld bárust þær fréttir út um
heimsbyggðina að þessi líklega
frægasti knattspyrnumaður
heims um þessar mundir hefði
ákveðið að ganga í raðir
spænska stórliðsins.
AP
Meðan allt lék í lyndi. Sir Alex Ferguson og David Beckham
glaðir á góðri stundu á Old Trafford í maí á síðasta ári.