Morgunblaðið - 19.06.2003, Blaðsíða 36

MINNINGAR
36 FIMMTUDAGUR 19. JÚNÍ 2003 MORGUNBLAÐIÐ
✝ Stefán EiríkurSigurðsson fædd-
ist að Dæli í Haga-
neshreppi í Skaga-
firði 6. febrúar 1921
og ólst upp í Haga-
nesvík og á Siglu-
firði. Hann andaðist
á gjörgæsludeild
Landspítalans í Foss-
vogi hinn 30. maí síð-
astliðinn. Foreldar
hans voru Sigurður
Ásgrímsson, f. 26.6.
1883, og Jóhanna
Lovísa Gísladóttir, f.
21.8. 1881, bæði látin.
Stefán var næstyngstur af sjö
systkinum. Hin eru: 1) Jónína
Kristín, f. 1906, látin. 2) Grímur, f.
1912, látinn. 3) María, f. 1913,
dvelur á dvalarheimilinu Horn-
brekku í Ólafsfirði. 4) Gísli, f.
1916, látinn. 5) Sigurður Ásgrím-
ur, f. 1919, látinn. 6) Jóhann Sæ-
valdur, f. 1922, látinn.
Stefán lauk einkaflugmanns-
prófi 1947 og 30 tonna skipstjór-
aprófi 1955. Hann starfaði um 20
ára skeið á viðgerðarstofu Ríkis-
útvarpsins sem útvarpsvirki.
Hann starfaði í nokkur ár við
blaðið Íslending á Akureyri og
var þá jafnframt fréttaritari
Morgunblaðsins á Akureyri og
víðar. Hann var einnig sýningar-
stjóri við Nýja bíó á Akureyri í 18
ár. Stefán var gæslumaður við
rafstöð Síldarverk-
smiðju ríkisins á
Raufarhöfn í nokkur
ár og við vélgæslu í
rafstöð í Búrfelli
meðan á byggingu
virkjunarinnar stóð.
Hann vann hjá Ís-
lenska álfélaginu í
Straumsvík frá 1970
og þar til hann hætti
sökum aldurs en síð-
ustu tólf árin var
hann verkstjóri þar.
Hinn 8. nóvember
1947 kvæntist Stefán
Hönnu Soffíu Gests-
dóttur, f. 29.9. 1928. Börn þeirra
eru: 1) Sigurður, f. 24.2. 1947.
Hann á þrjár dætur. Þær eru: a)
Hanna Sigríður, hárgreiðslu-
meistari, f. 8.12. 1967, sambýlis-
maður hennar er Páll Þór Ár-
mann, rekstrarhagfræðingur,
dóttir þeirra er Þórunn Eva f.
27.10. 2002. b) Sara Margrét, f.
6.10. 1978, nemi í arkitektúr í Uni-
versity of Portsmouth, unnusti
Sigtryggur Örn Sigurðsson, kerf-
isfræðingur. c) Sólveig Íris, f.
17.1. 1981, nemi við Háskóla Ís-
lands. 2) Svava, f. 24.2. 1952,
sjúkraliði, eiginmaður hennar er
Jón Garðarsson, þau eru búsett í
Danmörku.
Útför Stefáns verður gerð frá
Langholtskirkju í dag og hefst at-
höfnin klukkan 13.30.
Úfinn er sjór fyrir utan Fljót.
(Jón Trausti.)
Þeir gengu ekki að því grufl-
andi, gömlu sjómennirnir í Fljót-
um, á Dölum og Siglufirði að allra
veðra gat verið von á Fljótavík og
undan Almenningum og Dalalandi.
Hitt vissu íbúar þessara nyrstu
byggða Tröllaskaga einnig að veð-
ur voru líka ótrygg á landi. Hve-
nær sem var gat gert harða norð-
angarða eins og ort var um í
vísunni góðu og þá var fé og jafn-
vel fólki hætt. Enginn var óhultur
fyrir sjúkdómum þá fremur en nú
en erfiðara að ná til lækna og
sjúkdómsgreiningar með öðrum
hætti en nú er.
Árið 1923 greindist ungur bóndi
í Dæli við Hópsvatn með alvar-
legan sjúkdóm. Hann varð að
hverfa frá búi sínu og dveljast á
sjúkrastofnun í Reykjavík til ævi-
loka. Húsmóðirin unga sat eftir
með sjö börn, hið yngsta tæplega
árs gamalt. Tvö ár bjó hún áfram í
Dæli en síðan var heimilinu sundr-
að.
Stefán Eiríkur Sigurðsson, sem
nú hefur safnast til feðra sinna,
var tveggja ára þegar faðir hans,
bóndinn í Dæli, veiktist. Úfinn var
mannlífssjórinn ungum börnum
frá Dæli árin sem í hönd fóru.
Stefán var að ýmsu leyti heppinn
ef litið er til margra sem fóru á
mis við forsjá foreldra á þessum
tímum. Hann átti góða að þar sem
voru systkini föður hans, afi hans
og amma.
Á Siglufirði var hann ungur hjá
föðurbróður sínum, öndvegismann-
inum Páli Ásgrímssyni og konu
hans, Sigríði Indriðadóttur. Þar
gekk hann í skóla. Þar fermdi tón-
skáldið Bjarni Þorsteinsson hann.
Og þar eignaðist hann marga góða
vini enda hélt fermingarárgangur
hans vel hópinn.
Um árabil átti hann heimili í
Málmey hjá öðlingnum Franz Jón-
atanssyni og konu hans, Jóhönnu
Gunnarsdóttur. Þar kynntist hann
búskap og lifnaðarháttum sem
munu hafa tíðkast í Málmey frá
því land byggðist. Hann galt eynni
fósturlaunin með því að semja
greinargott erindi um hana og
mannlíf þar. Það flutti hann í út-
varp fyrir nokkrum áratugum.
Stefán fluttist til Akureyrar og
nam útvarpsvirkjun hjá Grími,
bróður sínum, sem var þekktur
maður um Norðurland á þeirri tíð.
Á Akureyri tók hann þátt í ýmsu
félagsstarfi, til að mynda með
skátum og flugáhugamönnum.
Hann lauk einkaflugmannsprófi og
kenndi flugnemum um skeið. Seint
á sjöunda áratugnum lá leiðin suð-
ur fyrir fjöll. Hann gerðist starfs-
maður við gerð Búrfellsvirkjunar
og síðan verkstjóri hjá Álfélaginu í
Straumsvík til starfsloka.
Stefán E. Sigurðsson kvæntist
árið 1947 Hönnu Gestsdóttur,
myndarlegri dugnaðarkonu ætt-
aðri úr Skagafirði og Eyjafirði.
Börn eignuðust þau tvö hið ágæt-
asta fólk. Þau áttu fallegt og
menningarlegt heimili þar sem
gott var að koma og gaman að
vera.
Stefán E. Sigurðsson bar þess
ekki menjar aldinn að árum að
hafa lent í úfnum sjó og misjöfnum
veðrum ungur. Hann var glaður og
reifur eins og boðið er í fornum
fræðum. Hann var bjartsýnn og í
raun og veru framúrstefnumaður í
ýmsu, einkum því sem við kom
tækniundrum nútímans. Hann
ferðaðist víða, bæði innanlands og
erlendis og naut ferðanna, festi á
filmur stundir og staði, atvik og
undur. Hann var ljósmyndari góð-
ur enda hagur á flest. Lengi áttu
þau hjónin sér afdrep austur á
Flúðum. Þar var ánægjulegt að
heimsækja þau ekki síður en á
heimili þeirra í Reykjavík. Stefán
Sigurðsson var víðlesinn, einkum
um tæknimál og þjóðleg fræði, og
átti gott safn bóka. Hann var
kirkjunnar maður og eftir að
starfsævi lauk sótti hann fjölmörg
námskeið í guðfræðideild Háskól-
ans. Þau hjón tóku og mikinn þátt
í safnaðarstarfi Langholtskirkju.
Stefán E. Sigurðsson var
greindur maður og fróður eins og
hann átti kyn til. Notalegt var að
blanda við hann geði, rifja upp at-
burði forna og nýja, rekja ættir og
frásagnir af gengnum kynslóðum.
Nú hefur hann haldið til fundar við
þær. Við Björg söknum vinar í
stað, þökkum marga liðna stund,
vottum ástvinum hans samúð og
biðjum þeim öllum Guðs blessun-
ar.
Ólafur Haukur Árnason.
STEFÁN E.
SIGURÐSSON
Símar 581 3300 - 896 8242
Allan sólarhringinn - Áratuga reynsla
Suðurhlíð 35 — Fossvogi — www.utforin.is
Sverrir Olsen,
útfararstjóri.
Sverrir Einarsson,
útfararstjóri.
Bryndís Valbjarnardóttir,
útfararstjóri.
Baldur Frederiksen,
útfararstjóri.
ÚTFARARSTOFA ÍSLANDS
Sími 562 0200
Erfisdrykkjur
Lundi V/Nýbýlaveg
564 4566 • www.solsteinar.is
Ástkær frændi okkar,
JÓHANN BERGMANN GUÐMUNDSSON
(Frændi),
Melstað,
Klapparstíg 16,
Ytri-Njarðvík,
verður jarðsunginn frá Njarðvíkurkirkju, Innri-
Njarðvík, föstudaginn 20. júní kl. 14.00.
Þórunn Magnúsdóttir,
Þórhanna og Hrefna Guðmundsdætur.
Elskulegur faðir okkar, tengdafaðir, afi og
langafi,
ÞORKELL EINARSSON
húsasmíðameistari,
Hlaðhömrum 2, Mosfellsbæ,
áður Krossamýri,
sem andaðist miðvikudaginn 11. júní, verður
jarðsunginn frá Lágafellskirkju föstudaginn 20.
júní kl. 13.30.
Friðþjófur Þorkelsson, Louise Anna Schilt,
Sigurlaug Þorkelsdóttir,
Einar Þorkelsson, Kristín Jóhannsdóttir,
Svanhildur Þorkelsdóttir, Jóhann S. Björnsson,
Brynhildur Þorkelsdóttir, Valdimar Kristinsson,
afabörn og langafabörn.
Útför eiginmanns míns, föður okkar, tengda-
föður og afa,
ÓLAFS OLGEIRSSONAR,
Arnarási 6,
Garðabæ,
fer fram frá Vídalínskirkju í Garðabæ föstu-
daginn 20. júní kl. 15.00.
Helga Jörundsdóttir.
Ingibjörg Ólafsdóttir, Gísli G. Jóhansson,
María Kolbrún Ólafsdóttir,
Kristjón Hafberg Ólafsson, Elín G. Kristjánsdóttir,
Ólafur Björnsson,
Kristján Hafberg Kristjónsson.
Elskulegur eiginmaður minn, faðir okkar,
tengdafaðir, bróðir, afi og langafi,
GUNNAR JÓNSSON
bifreiðastjóri,
Dalvík,
verður jarðsunginn frá Dalvíkurkirkju laugar-
daginn 21. júní kl. 13:30.
Þeim, sem vilja minnast hans er vinsamlega
bent á að láta Minningarsjóð heimahlynningar á Akureyri njóta þess.
Emma Björg Stefánsdóttir,
G. Erla Gunnarsdóttir, Eiríkur Ágústsson,
Jón Kr. Gunnarsson, Elfa Heiðrún Matthíasdóttir,
Ásdís Gunnarsdóttir, Eyjólfur Sigurðsson,
Stefán Svanur Gunnarsson, Guðrún Þorsteinsdóttir,
Kristín Björk Gunnarsdóttir, Valur Freyr Halldórsson,
Kristinn Jónsson,
Sólveig Jónsdóttir,
Jónína Jónsdóttir,
afabörn og langafabörn.
Ástkær eiginkona mín, móðir okkar, tengda-
móðir, amma og langamma,
KRISTÍN INGIMUNDARDÓTTIR
frá Ísafirði,
Tjaldanesi 5,
Garðabæ,
sem lést miðvikudaginn 11. júní sl., verður
jarðsungin frá Dómkirkjunni í dag, fimmtu-
daginn 19. júní, kl. 13.30.
Matthías Bjarnason,
Auður Matthíasdóttir, Kristinn Vilhelmsson,
Hinrik Matthíasson, Sveinfríður Jóhannesdóttir,
Matthías Hinriksson,
Sigrún Hanna Hinriksdóttir, Kristján Sveinbjörnsson,
Kristín Petrína Hinriksdóttir,
Matthías Kristinsson,
Tinna María Kristjánsdóttir.