Morgunblaðið - 08.07.2003, Blaðsíða 7
FRÉTTIR
MORGUNBLAÐIÐ ÞRIÐJUDAGUR 8. JÚLÍ 2003 7
BJÖRGUNARSVEITIN á Dalvík
hefur sent frá sér tilkynningu vegna
ákæru á hendur einum félagsmanni
fyrir brot gagnvart unglingum í um-
sjón hans sem varða 99. grein barna-
verndarlaga. Hefur sveitin ákveðið að
víkja manninum úr starfi tímabundið
meðan dómsmeðferð stendur yfir.
Maðurinn er ákærður fyrir ýmiss
konar ósæmilega hegðun og rudda-
skap gagnvart unglingunum. Meðal
annars fyrir að hafa ýtt fimmtán ára
gamalli stúlku inn í hundabúr og læst
hana þar inni, kippt niður sundbuxum
annarrar stúlku og seinna ýtt henni
niður í aftursæti á bíl, lagst ofan á
hana og viðhaft samfarahreyfingar.
Þá hafi hann klipið í geirvörtur ung-
lingsdrengja og snúið fast upp á þær.
Fékk að koma aftur til starfa
Í tilkynningunni kemur fram að
þegar málið hafi komið upp á sínum
tíma hafi viðkomandi verið vikið taf-
arlaust úr starfi meðan málið var
rannsakað í samráði við félagsmála-
yfirvöld á Dalvík. „Um ári seinna
hafði Björgunarsveitin á Dalvík sam-
band við félagsmálafulltrúa til að at-
huga með framgang þess en á meðan
hafði maðurinn ekki starfað með
sveitinni. Þau svör fengust að yfirvöld
gætu ekki tjáð sig um einstök mál og
þess vegna gæti björgunarsveitin
ekki fengið upplýsingar um hver
staða þess væri, hvort ákæra yrði birt
eða málið látið falla niður. Jafnframt
lýsti félagsmálafulltrúi Dalvíkur-
byggðar því yfir að hann sæi ekkert
því til fyrirstöðu að viðkomandi mað-
ur kæmi aftur til starfa á afmörkuðu
sviði innan sveitarinnar,“ segir í til-
kynningunni. Þar segir einnig að
björgunarsveitin hafi af þessum sök-
um ekki talið sig geta haldið mann-
inum fyrir utan starf sveitarinnar, en
hann hafi ekki starfað að unglinga-
málum síðan. Fréttir af ákærunni hafi
komið björgunarsveitinni á óvart.
Vikið
tímabundið
úr starfi
Yfir Atlants-
hafið á
heimasmíðaðri
flugvél
TVEIR breskir eldri borgarar fljúga
á heimasmíðaðri flugvél frá Ohio í
Bandaríkjunum til Skotlands, með
viðkomu á Íslandi, til að minnast
fyrsta flugs Wright-bræðranna fyrir
100 árum.
Dennis Wood, sem er fyrrum flug-
stjóri hjá British Airways, og vinur
hans Jack Berkin, báðir 68 ára, voru
um fjögur ár að smíða flugvélina,
sem ber nafnið Velocity og er fjög-
urra sæta. Þeir lögðu af stað frá Ohio
í Bandaríkjunum áleiðis til Kanada á
föstudag. Þaðan liggur svo leiðin til
Narsarssuaq á Grænlandi, þaðan
sem flogið verður til Íslands. Flug-
mennirnir áætla að lenda á Skotlandi
á miðvikudag. Þetta kom fram í net-
útgáfu The Scotsman.
♦ ♦ ♦
HÉRAÐSDÓMUR Reykjavíkur
hefur fellt úr gildi úrskurð kæru-
nefndar útboðsmála frá 17. desem-
ber 2001 í kærumáli Nýherja hf.
gegn Ríkiskaupum og var íslenska
ríkið sýknað af öllum kröfum Ný-
herja.
Nýherji krafðist þess að viður-
kenndur yrði bótaréttur Nýherja úr
hendi íslenska ríkisins vegna missis
hagnaðar Nýherja af völdum
ákvörðunar íslenska ríkisins 17. júlí
2001 að hafna tilboði Nýherja í út-
boði Ríkiskaupa varðandi ný fjár-
hagskerfi fyrir ríkissjóð og stofnanir
hans og velja í staðinn Skýrr hf. sem
samningsaðila. Til vara var krafist
staðfestingar á úrskurði kærunefnd-
ar útboðsmála frá 17. desember
2001 þess efnis að íslenska ríkið hafi
bakað sér skaðabótaskyldu gagn-
vart Nýherja með framkvæmd á út-
boðinu. Auk þess var krafist stað-
festingar á þeirri niðurstöðu
nefndarinnar að lagt yrði fyrir ís-
lenska ríkið að bjóða úr gerð þjón-
ustusamnings um hugbúnaðarkerfi
þess sem vísað var til í 14. gr. samn-
ings þess og Skýrr dagsettum 17.
júlí 2001. Þess var krafist að nið-
urstaða kærunefndar útboðsmála
frá 17. desember 2001 um að ís-
lenska ríkið greiddi Nýherja 600.000
kr. í kærumálskostnað, auk drátt-
arvaxta frá 17. janúar 2002 til
greiðsludags, yrði staðfest. Enn-
fremur krafðist Nýherji þess að
hann yrði sýknaður af dómkröfum
íslenska ríkisins í gagnsök auk þess
sem fyrirtækið krafðist málskostn-
aðar úr hendi íslenska ríkisins. Ís-
lenska ríkið krafðist þess að það yrði
sýknað af öllum kröfum Nýherja, að
úrskurður kærunefndar útboðsmála
frá 17. desember 2001 yrði felldur úr
gildi með dómi og að Nýherja verði
gert að greiða því málskostnað.
Réttargæslustefndi, Skýrr, tók und-
ir kröfu ríkisins um að úrskurður
kærunefndar útboðsmála í máli
nefndarinnar yrði felldur úr gildi.
Tómas Jónsson hrl. flutti málið af
hálfu Nýherja, Guðrún Margrét
Árnadóttir hrl. af hálfu íslenska rík-
isins og Ragnar H. Hall hrl. af hálfu
Skýrr.
Íslenska ríkið sýknað í héraðs-
dómi af kröfum Nýherja
ÞYRLA Landhelgisgæslunnar, TF-
LIF, sótti slasaðan sjómann af rúss-
neska togaranum Marshal Krylov
skömmu eftir miðnætti í gær. Sjó-
maðurinn hafði hlotið opið lærbrot
og taldi læknir í áhöfn þyrlunnar að
ekki kæmi til greina að bíða með að-
hlynningu en skipið var í um sólar-
hrings siglingarfæri frá næstu höfn.
Áhöfn TF-LIF var kölluð út
skömmu fyrir kl. 22 og fór í loftið um
klukkutíma síðar. Rétt fyrir kl. 1 var
sigmaður sendur niður í skipið eftir
sjómanninum og lenti þyrlan á
Landspítala – háskólasjúkrahúsi kl.
3 með hinn slasaða sjómann og hlaut
hann aðhlynningu þar.
Þyrla Landhelgis-
gæslunnar
Sótti rússnesk-
an sjómann
♦ ♦ ♦