Morgunblaðið - 08.07.2003, Blaðsíða 13
ERLENT
MORGUNBLAÐIÐ ÞRIÐJUDAGUR 8. JÚLÍ 2003 13
ÚR VERINU
TVEIR bandarískir hermenn og
tveir Írakar biðu bana í átökum í Írak
í gær og fjórir bandarískir hermenn
til viðbótar særðust þegar flugskeyti
var skotið á þá í bænum Ramadi,
vestan við Bagdad. Forseti tyrk-
neska herráðsins mótmælti í gær
handtöku ellefu tyrkneskra her-
manna í Norður-Írak og sagði hana
hafa valdið kreppu í samskiptum
Tyrklands og Bandaríkjanna.
Bandarískur hermaður lét lífið í
gærmorgun þegar sprengju var kast-
að á herbíla í Bagdad. Annar hermað-
ur féll í skotbardaga í írösku höfuð-
borginni í fyrrinótt eftir að tveir
Írakar réðust á hermenn úr laun-
sátri. Á sunnudag var bandarískur
hermaður skotinn til bana þegar
hann ætlaði að kaupa gosdrykk í
Bagdad-háskóla og alls féllu því þrír
hermenn í borginni á einum sólar-
hring.
Íraki féll í skotbardaganum í
Bagdad og annar Íraki var skotinn til
bana þegar hann sat í bíl í Ramadi
með syni sínum sem særðist í skot-
hríðinni. Hermennirnir skutu á bílinn
eftir að fjórir hermenn særðust í flug-
skeytaárás í bænum en sjónarvottar
sögðu að feðgarnir hefðu ekki tekið
þátt í árásinni.
Ný borgarstjórn í Bagdad
Bandaríkjamenn hafa sagt að árás-
irnar á bandaríska hernámsliðið í
Írak hafi ekki áhrif á tilraunir þeirra
til að koma á lýðræði í landinu. Ný 37
manna borgarstjórn Bagdads kom
saman í fyrsta skipti í gær en talið er
að það taki að minnsta kosti ár að
mynda íraska ríkisstjórn.
Fjölmiðlar í Tyrklandi sögðu í gær
að handtaka ellefu tyrkneskra her-
manna í Norður-Írak í vikunni sem
leið myndi auka spennuna í samskipt-
um Tyrklands og Bandaríkjanna, en
þau hafa verið stirð frá því að Tyrkir
neituðu að styðja stríðið í Írak. Hilmi
Ozkok, forseti tyrkneska herráðsins,
sagði að handtakan hefði valdið trún-
aðarbresti og kreppu í samskiptum
NATO-ríkjanna tveggja.
Um 100 bandarískir hermenn og
kúrdískar öryggissveitir handtóku
tyrknesku hermennina á föstudag og
voru þeir látnir lausir í fyrrakvöld að
kröfu tyrkneskra stjórnvalda. Tyrk-
neskir fjölmiðlar sögðu að talið væri
að hermennirnir hefðu verið hand-
teknir vegna ásakana um að þeir
hefðu ætlað að myrða kúrdíska hér-
aðsstjórann í borginni Kirkuk.
Tveir Írakar og tveir
Bandaríkjamenn falla
Yfirmaður Tyrkjahers segir að samskiptin við Bandarík-
in séu stirð vegna handtöku 11 tyrkneskra hermanna
Bagdad. AFP, AP.
GÓÐ kolmunnaveiði hefur verið
undanfarna daga og hafa rúmlega
160 þúsund tonn komið á land sam-
kvæmt upplýsingum frá Samtökum
fiskvinnslustöðva. Þar að auki hafa
erlend skip, aðallega færeysk, land-
að um 58 þúsund tonnum. Heildar-
aflinn hérlendis er því orðinn um 218
þúsund tonn. Mestum kolmunnaafla
hefur verið landað hjá Síldarvinnsl-
unni í Neskaupstað, rúmlega 50 þús-
und tonnum.
Síðustu sólarhringa hafa eftirtalin
skip landað kolmunna: Sunnuberg
landaði 1.333 tonnum á Vopnafirði. Á
Seyðisfirði lönduðu Ásgrímur Hall-
dórsson SF 967 tonnum og Ingunn
AK 1.852 tonnum. Börkur NK land-
aði 1.705 tonnum og Bjarni Ólafsson
NK 1.380 tonnum í Neskaupstað.
Jón Kjartansson SU landaði 1.529
tonnum og Hólmaborgin 2.274 tonn-
um á Eskifirði. Sighvatur Bjarnason
VE landaði 1.580 tonnum í Vest-
mannaeyjum og Faxi RE landaði
1.353 tonnum í Þorlákshöfn.
Morgunblaðið/Helgi Garðarsson
Kolmunna landað úr Jóni Kjartanssyni SU 111 á Eskifirði.
Kolmunnaaflinn orðinn
rúmlega 160.000 tonn
ÞRÍR létust og að minnsta kosti
þrír slösuðust alvarlega þegar lít-
il rúta varð fyrir lest í Mið-
Englandi í gærmorgun. Að sögn
sjúkraflutningamanna var rútan á
leið yfir brautarteinana er árekst-
urinn varð, en talið er að bílstjór-
inn hafi látið undir höfuð leggjast
að hafa fyrst samband við eft-
irlitsmann teinanna. Alls voru ell-
efu manns í rútunni, allt evr-
ópskir landbúnaðarverkamenn.
EPA
Rúta varð fyrir lest
COLDWATER Seafood (UK) LTD
í Bretlandi, dótturfyrirtæki Sölu-
miðstöðvar hraðfrystihúsanna HF,
hlaut í lok júní gullverðlaun fyrir
framleiðslu sína í árlegri sam-
keppni, sem Samtök breskra
framleiðenda á frosnum mat-
vælum (BFFF) standa fyrir um
bestu nýju, frosnu matvælin. Gull-
verðlaunin hlaut Coldwater fyrir
reykt ýsustykki í blaðlauks- og
ostasósu sem ASDA-versl-
anakeðjan selur. Ákvörðun um
verðlaunaréttina og endanlega
röð þeirra er tekin af neytendum,
sem valdir eru af handahófi.
Mikil viðurkenning
Agnar Friðriksson, forstjóri
Coldwater Seafood UK, segir að
þetta sé í þriðja skiptið á fimm ár-
um sem Coldwater vörur hreppi
gullverðlaun í þessari keppni.
„Vöruþróun af þeirri stærð-
argráðu sem Coldwater stundar
útheimtir náið samstarf við smá-
söluaðila. Því eru þessi verðlaun
viðurkenning á því öfluga
vöruþróunarstarfi sem markvisst
hefur verið unnið á undanförnum
árum. Jafnframt styrkja þær við-
urkenningar sem við höfum hlotið
á undanförnum árum samstarfið
við helstu viðskiptavini okkar,“
segir Agnar.
Árlega veita samtökin BFFF,
sem eru samtök framleiðenda
frosinna matvara í Bretlandi,
verðlaun fyrir nýjar fram-
leiðsluvörur sem þykja skara fram
úr á breskum markaði. Að þessu
sinni voru veitt verðlaun í níu
vöruflokkum frystra matvæla.
Eins og áður sagði eru það neyt-
endur sem leggja mat á þær vörur
sem keppa til úrslita. Við val á
verðlaunaafurðum er tekið tillit til
margs konar sérkenna vörunnar
auk almennra gæða, svo sem út-
lits, bragðs, umbúða, leiðbeininga
um matreiðslu og að lokum
hversu góð kaup felast í vörunni.
Samkeppnin, sem nú var haldin
í 16. sinn, hefur áunnið sér traust-
an sess sem hæsta viðurkenning
fyrir framúrskarandi gæða- og
þróunarstarf á meðal framleið-
enda og smásöluaðila. Velta fros-
inna matvæla á neytendamarkaði
hefur verið nokkuð stöðug á síð-
ustu árum í Bretlandi. Hörð sam-
keppni er á neytendamarkaði og
árlega eru hundruð nýrra vara
boðnar neytendum.
Simon White, framkvæmdastjóri hjá Coldwater Seafood UK, tekur við
verðlaunum frá Ali Hannaford frá BFFF og Andrew Wilkinson frá stuðn-
ingsaðila keppinnar, í London.
Coldwater hlýtur gull-
verðlaun BFFF fyrir
framleiðslu fiskrétta
O’Connor
ekki að
hætta
The Washington Post.
SANDRA Day O’Connor,
hæstaréttardómari í Banda-
ríkjunum, hyggst ekki fara á
eftirlaun á næstunni, að því er
fram kom í sjónvarpsviðtali við
hana á sunnudaginn. Miklar
vangaveltur hafa verið í Banda-
ríkjunum um möguleikana á að
einhverjir hinna níu dómara
réttarins hygðust láta af störf-
um nú í sumar og voru O’Conn-
or og forseti réttarins, William
H. Rehnquist, helst nefnd í því
sambandi.
Þegar O’Connor var spurð
hvort þögn hennar um málið
þýddi að hún ætlaði sér að sitja
áfram, að minnsta kosti næsta
starfstímabil réttarins sem
hefst í október nk. og lýkur í
júní á næsta ári, svaraði hún:
„Ja, ég geri ráð fyrir því.“
Fréttaskýrendur telja að þar
eð enginn dómaranna tilkynnti
starfslok sín áður en síðasta
starfstímabili réttarins lauk í
júní séu hverfandi líkur á öðru
en að þeir muni allir sitja áfram
að minnsta kosti næsta starfs-
tímabil.
STÆRSTA matvælafyrirtæki
Bandaríkjanna, Kraft, sem m.a.
framleiðir ýmis konar snakk, kex
og sósur, hefur ákveðið að minnka
skammtastærðir sínar til að bregð-
ast við vaxandi offituvandamáli
þjóðarinnar. Talsmenn fyrirtækis-
ins segjast vilja hvetja til heilsu-
samlegra neysluhátta en viður-
kenna þó einnig að þeir óttist
lögsóknir frá fólki sem á við offitu-
vandamál að stríða, segir í frétt
BBC.
Fyrirtækið hefur þegar verið
lögsótt, fyrr á þessu ári, þar sem
reynt var að fá lögbann á sölu
Oreo-kexkakna á þeim fosendum
að þær innihéldu efni sem stíflaði
æðar og minnkaði þannig lífslíkur.
Samkvæmt nýrri stefnu fyrir-
tækisins mega skammtarnir í
hverri pakkningu ekki innihalda
nema ákveðið magn af kaloríum, ef
það fer yfir mörkin verða skammt-
arnir minnkaðir. Þá ætlar fyrir-
tækið að láta af markaðsherferðum
í skólum en önnur stórfyrirtæki
eins og Coca Cola og Pepsi hafa
einmitt legið undir ámæli fyrir að
semja við skóla um háa fjárstyrki
ef einungis þeirra gosdrykkir séu í
sjálfsölum skólanna.
Hamborgararisi
auglýsir salat
Fleiri fyrirtæki hafa tekið upp
svipaða stefnu til að verjast lög-
sóknum. McDonalds hamborgarar-
isinn, sem á yfir höfði sér lögsókn
frá börnum með offituvandamál,
auglýsir nú salöt sín í auknum
mæli og einbeitir sér að því að
veita meiri upplýsingar um nær-
ingargildi matarins en áður.
Kraft minnkar
skammtana