Morgunblaðið - 08.07.2003, Blaðsíða 11
FRÉTTIR
MORGUNBLAÐIÐ ÞRIÐJUDAGUR 8. JÚLÍ 2003 11
VESTNORRÆNU þingforsetarnir,
Halldór Blöndal, forseti Alþingis,
Edmund Joensen, forseti færeyska
Lögþingsins, og Jonathan Motz-
feldt, forseti grænlenska Lands-
þingsins, hafa lokið öðrum sameig-
inlegum fundi sínum í Qaqortoq.
Fyrsti fundur vestnorrænu þingfor-
setanna var haldinn í nóvember 2002
í Reykjavík.
Tilgangur funda þingforsetanna
er að efla samvinnu vestnorrænu
þinganna. Á fundi sínum á Græn-
landi fjölluðu þingforsetarnir um
starf þinganna og gáfu yfirlit yfir
ástand stjórnmála í löndunum þrem.
Forsetarnir voru sammála um að
samvinnan innan Vestnorræna ráðs-
ins sé löndunum þremur og svæðinu
sem heild afar mikilvæg. Þeir styðja
matsferlið sem unnið er að innan
Vestnorræna ráðsins en í því hefur
komið í ljós að samstarf við Norð-
urlandaráð ásamt samvinnu við nor-
rænar stofnanir á borð við NAPA og
Norrænu húsin o.fl. er hluti af
grunninum að góðu vestnorrænu
samstarfi í framtíðinni, segir í
fréttatilkynningu.
Forsetarnir urðu einnig sammála
um að koma samskiptum við Evr-
ópusambandið á dagskrá Vestnor-
ræna ráðsins og fylgjast stöðugt
með málum sem snertir löndin þrjú
innan sambandsins.
Þing-
forsetar
funduðu í
Qaqortoq
UMFERÐARSLYS hafa ekki bara
áhrif á þá sem í þeim lenda eða að-
standendur þeirra. Fjöldi fólks kem-
ur á vettvang þegar umferðaslys
verða, lögregla, sjúkraliðar og veg-
farendur. Einn af þeim sem oft er
kallaður til er Anton Ársæll Gunn-
steinsson, kranabílstjóri hjá Vöku.
Hann hefur séð ófá alvarleg slys og
þónokkur banaslys. Ársæll tekur
þátt í þjóðarátaki Vátryggingafélags
Íslands gegn umferðarslysum í sum-
ar.
„Það getur verið erfitt, bæði eru
aðstæður á vettvangi mjög mismun-
andi og bílarnir oft illa farnir,“ segir
Ársæll. „Maður reynir alltaf að úti-
loka sig frá þessu, og reyna að hugsa
ekki um það hvað þetta er óhugn-
anlegt á meðan maður er á staðnum.“
Eitt af ógeðfelldari verkefnum
sem kranabílstjórar lenda í er að
lyfta bílum sem eru fastir ofan á slös-
uðu fólki. „Ég hef lent í því í tvígang
að lyfta bílum ofan af fólki sem varð
undir þeim. Það er svakaleg lífs-
reynsla. Annars vegar varð fótgang-
andi kona fyrir strætisvagni sem var
að keyra vestur í bæ og festist undir
honum að framan. Hins vegar var
það sendiferðabíll sem keyrði á
gangandi vegfaranda á gangbraut á
gatnamótum. Í báðum tilvikum var
um banaslys að ræða.“
Það hefur áhrif á menn að draga
burtu þessa mikið skemmdu bíla,
segir Ársæll: „Maður veit hvað það
má lítið út af bera til þess að allt fari
á versta veg. Það þarf svo lítið til að
maður sé búinn að eyðileggja lífið hjá
einhverjum öðrum. Augnabliks at-
hyglisskortur getur kostað manns-
líf.“
Sonurinn lenti í
alvarlegu bílslysi
Líf Ársæls breyttist haustdag einn
fyrir 19 árum þegar keyrt var á
Björn Kristin son hans, þá níu ára.
Hann var búinn að vera hjá ömmu
sinni og var að fara að taka stræt-
isvagn heim. Slysið varð þegar hann
fór yfir Sæbrautina á gangbraut og
bíll tók fram úr öðrum bíl sem hafði
stöðvað. Ökumaðurinn var 17 ára
gamall og hafði haft ökuskírteini í 10
daga.
„Ég kom á þann vettvang, en vissi
ekki á þeim tíma að það væri sonur
minn sem hefði lent í slysinu. Ég
vissi ekkert um það fyrr en um
kvöldið. Ég var ekki að vinna heldur
var bara fastur í umferðarteppu. Það
eina sem maður sá þar var skóla-
taska og skór, en ég þekkti það ekki
þá.“ Ársæll komst að því eftir á að
hann hefði komið að slysi sonar síns:
„Maður var svo dofinn að ég hugsaði
lítið um það á þeim tíma. Maður var
alltaf að reyna að loka augunum fyrir
þessu.
Eftirköstin af þessu urðu mikil.
Björn var mikið slasaður og það
blæddi inn á heila. Honum var haldið
sofandi í öndunarvél í yfir þrjá mán-
uði. Þetta setti heilmikið mark á allt
okkar fjölskyldulíf og hafði skelfileg-
ar afleiðingar fyrir fjölskylduna alla
til frambúðar.“
„Ótrúlegt hvað hann hefur náð
sér eftir þetta alvarlega slys“
Í dag er Björn 28 ára gamall og
með spastíska lömun sem er bein af-
leiðing af slysinu. „Það er samt ótrú-
legt hvað hann hefur náð sér eftir
þetta alvarlega slys. Hann býr á
sambýli fyrir fatlaða. Hann er búinn
að taka bílprófið og vinnur hálfan
daginn í verslun.“
Ársæll segist oft hugsa um það
hvernig lífið hefði orðið ef Björn son-
ur hans hefði aldrei lent í slysinu af-
drifaríka. „Maður getur hlaupið
hring eftir hring og ímyndað sér
hvernig hlutirnir hefðu getað þróast
á allt annan veg. Það er ljóst að það
hefði orðið allt öðruvísi.“
Dregur burt bíla eftir alvarleg umferðarslys
Verst þegar fólk
klemmist undir bílum
Morgunblaðið/Halldór Kolbeins
Anton Ársæll Gunnarsson hefur dregið burt bíla eftir fjölmörg slys.
ÞAÐ hefur verið sannkölluð veð-
urblíða á Snæfellsnesi og margir á
ferð og flugi að njóta blíðunnar.
Þessir ungu drengir, Tómas og Jak-
ob, skelltu sér á sjóinn frá Ólafsvík
og var sjórinn spegilsléttur og eng-
in ástæða til að óttast sjóveiki.
Drengirnir voru ánægðir með feng
sinn, en þeir fengu tvær fallegar ýs-
ur á veiðistöng og voru spenntir að
komast heim til að elda þær.
Morgunblaðið/Alfons
Ánægðir
með aflann
Ólafsvík. Morgunblaðið.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
TO
Y
21
64
1
0
7/
20
03
LEXUS N†B†LAVEGI 6 SÍMI 570 5400 WWW.LEXUS.IS
Styrktara›ilar
Lexus Cup
Golf
Lexus Golf Cup 2003
föstudaginn 11. júlí.
Vi› hjá Lexus flökkum flann áhuga
sem Lexus Cup hefur veri› s‡ndur,
en fullbóka› er í móti›.
ENN eru laxveiðiár á vestanverðu
Norðurlandi og ofanverðu Vestur-
landi, þ.e.a.s. fyrir vestan Mýrar
mjög vatnslitlar, en á Vesturland-
inu eru eigi að síður víða góðar
göngur þrátt fyrir vatnsleysið og
nú fer í hönd sá tími sem menn geta
vænst þess að smálaxinn hellist inn
á árnar norðan heiða. Þótt talsvert
sé af laxi er þó ekki spurning að
skilyrðin hafa valdið minni veiði en
ella. Telja nú ýmsir spekingar að ef
rigningu verði jafnt skammtað gæti
virkilega gott veiðisumar verið í
uppsiglingu.
Líflegt á Iðu
Stefán Hallur Jónsson var á Iðu í
gær og sagði svæðið líflegt, lítið
væri búið að skrá í veiðibók, aðeins
sjö laxa er hann kom í hús, sem
væri trúlega helmingur þess sem
hefði veiðst. Hópur Stefáns náði
síðan fjórum smálöxum og var ljóst
að ganga af nýjum fiski var komin á
svæðið.
Kominn lax í Gljúfurá
Lax er nú genginn í Gljúfurá, en
hún byrjaði afar illa og kenndu
menn fyrst og fremst um vatns-
leysi. Það hefur hins vegar hækkað
nokkuð í Norðurá og aðgengi í ósn-
um batnað. Veiðimenn sem voru
búnir með fyrri daginn sinn í gær-
dag höfðu landað tveimur löxum og
séð lax víða.
Lax að ganga í Straumfjarðará
Um tuttugu laxar eru komnir úr
Straumfjarðará og hefur veiði ver-
ið glettilega góð miðað við að mjög
lítið vatn er í ánni og áin er síðsum-
arsá. Eru þetta miklu fleiri laxar á
land en á sama tíma í fyrra og auk
þess er kominn lax um alla á. Menn
hafa verið að setja í talsvert af laxi,
en hann tekur grannt og hristir sig
gjarnan af, enda mjög smáar flugur
það eina sem dugar. Grálúsugir lax-
ar hafa verið að veiðast í neðstu
hyljum síðustu daga, en þar er
meira vatn þökk sé Köldukvísl sem
rennur í Straumu rétt ofan Sjávar-
foss.
Sigurður ekki Ingólfur
Það skolaðist til í viðtali við Ing-
ólf Ásgeirsson um 20 punda hæng
úr Norðurá, að það var Sigurður
Jensson veiðifélagi Ingólfs sem
veiddi tröllið, ekki Ingólfur. Er það
hér með leiðrétt.
Miðá með lax
Þrír laxar veiddust í Miðá í Döl-
um í gærmorgun og voru þar með
orðnir a.m.k. fimm í það heila, en
áin opnaði 1. júlí og er síðsumarsá.
Í ljósi þess er þetta gott laxaskot, en
um nýgengna smálaxa var að ræða,
4 punda, sem veiddust á Birgis-
eyrum. Það er einkum bleikju-
svæði, en hugsanlegt að laxinn doki
þar eitthvað lengur við nú um
stundir vegna vatnsleysis í ánni.
Göngur víða
að aukast
Feðgarnir Jón Þ. Einarsson og
Róbert Jónsson með fallegan lax úr
Elliðaánum sl. sunnudag, en þeir
urðu fyrstir á sumrinu til að ná
kvótanum, 4 löxum á vakt.
ERU
ÞEIR AÐ
FÁ’ANN?