Morgunblaðið - 08.07.2003, Blaðsíða 41

Grindavík 3:2 ÍA
Leikskipulag: 4-3-3 Landsbankadeildin,
8. umferð
Grindavíkurvöllur
Mánudaginn 7. júlí 2003
Aðstæður:
Suðaustan slagviðri, rok og
rigning en fínn völlur.
Áhorfendur: 502
Dómari:
Gylfi Þór Orrason,
Fram, 4
Aðstoðardómarar:
Gunnar Gylfason,
Einar Guðmundsson
Skot á mark: 8(3) - 17(9)
Hornspyrnur: 3 - 7
Rangstöður: 1 - 2
Leikskipulag: 4-3-3
Ólafur Gottskálksson
Óðinn Árnason
Sinisa Kekic M
Ólafur Örn Bjarnason
Gestur Gylfason M
Guðmundur A. Bjarnason
Óli Stefán Flóventsson
Eyþór Atli Einarsson
Paul McShane M
Alfreð Elías Jóhannsson
(Eysteinn Húni Hauksson 41.) M
Ray Anthony Jónsson
Þórður Þórðarson
Kári Steinn Reynisson
(Garðar Gunnlaugsson 52.)
Reynir Leósson M
Gunnlaugur Jónsson
Andri Lindberg Karvelsson M
(Ellert Jón Björnsson 58.)
Grétar Rafn Steinsson M
Pálmi Haraldsson
Julian Johnsson M
Baldur Aðalsteinsson
(Andrés Vilhjálmsson 58.)
Stefán Þór Þórðarson M
Guðjón H. Sveinsson M
1:0 (9.) Grindavík fékk aukaspyrnu tvo metra inn á vallarhelmingi ÍA. Ólafur Örn
Bjarnason, fyrirliði, tók spyrnuna, sendi inn í vítateiginn þar sem menn
stukku upp en náðu ekki til knattarins. Hann hoppaði upp í markhorn-
ið hægra megin, Þórður markvörður kom við hann en sló boltann í
stöngina og inn. Furðulegt mark.
2:0 (29.) Eftir hornspyrnu frá hægri fékk Gestur Gylfason boltann og ætlaði að
negla á markið, hitti boltann ekki betur en svo að hann fór út undir
vítateigslínu þar sem Ray Anthony Jónsson var og hann spyrnti hárná-
kvæmt innan fótar efst í vinstra markhornið.
2:1 (41.) Eftir fyrirgjöf frá Baldri Aðalsteinssyni frá hægri skallaði Stefán Þór
Þórðarson boltann laglega aftur fyri rsig neðst í vinstra markhornið.
3:1 (63.) Eyþór Atli Einarsson tók hornspyrnu frá vinstri og Guðmundur Andri
Bjarnson náði að skalla boltann í netið þar sem Skagamenn gleymdu
honum gjörsamlega á markteignum.
3:2 (69.) Eftir hornspyrnu var skallað frá marki, en boltinn komst ekki nema út
að vítateigslínu þar sem Grétar Rafn Steinsson tók hann við-
stöðulaust og sendi í netið.
Gul spjöld: Grétar Rafn Steinsson, ÍA (60.) fyrir brot.
Rauð spjöld: Engin
ÍÞRÓTTIR
MORGUNBLAÐIÐ ÞRIÐJUDAGUR 8. JÚLÍ 2003 41
„ÉG er mjög ánægður með stigin.
Við vorum ótrúlega lengi í gang en
gerum tvö fyrstu mörkin, bæði
glæsileg en dálítill heppnisstimpill
yfir þeim,“ sagði Bjarni Jóhannsson
þjálfari Grindvíkinga eftir sigurinn.
„Við ætluðum að pressa þá þegar
við lékum undan vindinum en ein-
hverra hluta vegna þá bökkuðum
við í staðinn og ég kann engar skýr-
ingar á því. Í seinni hálfleik héldum
við boltanum betur og sáum að
vörnin okkar spilar ágætlega undir
pressu. Við náðum alltaf að losa
pressuna sem oft verður í svona
vindi.
Leikurinn spilaðist dálítið okkur í
hag í síðari hálfleiknum. Skaga-
menn notuðu mikið langar send-
ingar fram og það er erfitt að eiga
við slíkt. Margar sendingar fóru
aftur fyrir og svo erum við með fína
skallamenn sem sáu um að koma
boltanum frá,“ sagði Bjarni.
„Það sem gerðist í síðari hálfleik
var að við náðum að halda boltanum
og fengum mikið svæði á miðjunni
til að skipuleggja leik okkar. Ey-
steinn [Húni Hauksson Kjerúlf] var
þar og náði að gefa fínar sendingar
og stóð sig vel á miðjunni.“
Bjarni var sammála því að vörnin
væri sterkari nú en í upphafi móts.
„Við vorum eiginlega í tómu tjóni í
vor og ég kann heldur ekki skýr-
ingu á því. Við höfum farið vel yfir
þetta og nýttum fríið í upphafi júní-
mánaðar vel til að þjappa okkur vel
saman og hefur gengið ágætlega
síðan,“ sagði Bjarni.
Glæsileg mörk með
dálitlum heppnisstimpli
Menn höfðu orð á því í Grindavíkí gærkvöldi að það væri gott
að þessi tvö lið mættust þar því það
var rok og rigning og
Grindavík og Skipa-
skagi hafa haft orð á
sér fyrir að þar sé oft
strekkingur. Leik-
menn voru ekki öfundsverðir af því
að spila í þessu veðri, en þeir létu sig
hafa það og flestir stóðu sig ágæt-
lega.
Leikurinn hafði ekki staðið nema í
59 sekúndur þegar Ólafur Gott-
skálksson, markvörður Grindvík-
inga, hafði bjargað í tvígang með út-
hlaupum, vafasömum að vísu.
Grindvíkingar léku með rokið í bak-
ið, þó svo það stæði raunar horn í
horn á vellinum.
„Skjóttu bara Óli, skjóttu!“ hróp-
uðu áhorfendur á fyrirliða heima-
manna þegar hann stillti boltanum
upp við miðlínu á níundu mínútu.
Ólafur gerði það ekki, en engu að síð-
ur fór boltinn í netið!
Gestirnir létu þetta mark ekki á
sig fá, héldu áfram að spila vel og
sóttu mun meira. Þeir léku á móti
vindinum, héldu boltanum vel niðri
og spiluðu vel fram undir vítateig, þá
vantaði eitthvert frumkvæði.
Það er oft talað um að golf sé ekki
sanngjörn íþrótt og það kom upp í
hugann þegar Grindvíkingar skor-
uðu annað mark leiksins á 29. mín-
útu. Þar var á ferðinni Ray Jónsson
og það verður bara að segja eins og
er að Grindvíkingar hljóta að hafa
verið ánægðir með að vera 2:0 yfir
eftir að hafa aðeins fengið eitt mark-
tækifæri.
Gestunum tókst að minnka mun-
inn skömmu fyrir leikhlé með marki
Stefáns Þórðarsonar, ágætt mark
hjá honum og var þetta trúlega besti
leikur hans í sumar. Hann kom vel til
baka og tók þátt í spili félaga sinna.
Í síðari hálfleik sóttu gestirnir lát-
laust framan af en á 63. mínútu kom-
ust heimamenn fram fyrir miðju og
fengu horn og upp úr því kom þriðja
mark þeirra. Sannarlega glæsileg
nýting hjá Grindvíkingum því í leikn-
um áttu þeir átta skot að marki, þrjú
þeirra hittu rammann og mörkin
urðu þrjú.
Fimm mínútum síðar fengu gest-
irnir hornspyrnu og upp úr henni
minnkuðu þeir muninn með marki
Grétars Rafns Steinssonar.
Það sem eftir var sóttu gestirnir
meira og þeir skutu og skutu en ekk-
ert gekk. Grindvíkingar fengu
hættulegasta færið það sem eftir
lifði leiks þegar Paul McShane
komst inn fyrir markteigshornið
vinstra megin en í stað þess að skjóta
renndi hann boltanum út til Ray, en
hann var óviðbúinn.
Eins og áður segir hefðu Skaga-
menn átt að fá eitthvað meira en
ekkert stig út úr þessari viðureign
hefði hún verið lögð á vogaskálar
sanngirninnar. En það er ekki gert í
íþróttum.
Heimamenn léku ágætlega þó svo
færin yrðu ekki ýkja mörg. Vörnin
var þétt og naut hún dyggrar aðstoð-
ar annarra leikmanna liðsins. Síðan
þegar boltinn vannst var spilað af
skynsemi út úr vörninni og reynt að
halda boltanum.
Skagamenn gerðust óþolinmóðir
er á leið síðari hálfleikinn og þá
komu allt of margar langar sending-
ar fram, sendingar sem fóru til Ólafs
í markinu eða aftur fyrir mark –
enda sterkur vindur sem hafði áhrif.
Morgunblaðið/Arnaldur
Sinisa Kekic úr Grindavík í baráttunni við Skagamanninn Guðjón Sveinsson.
Grindvíkingar
í hástökki
GRINDVÍKINGAR tóku heldur betur stökk upp töfluna í Lands-
bankadeildinni í gærkvöldi þegar þeir lögðu Skagamenn 3:2 í
Grindavík. Með stigunum þremur hoppaði liðið úr sjöunda sæti í
það þriðja. Sigurinn var ekki sanngjarn því Skagamenn voru sterk-
ari aðilinn í leiknum, léku betur, en það er einfaldlega ekki nóg því
það eru mörkin sem skipta máli þegar upp er staðið, ekki hvernig
menn leika.
Skúli Unnar
Sveinsson
skrifar.
„ÞETTA var alls ekki nógu gott
hjá okkur og ég er hundóánægður
með úrslitin,“ sagði Grétar Rafn
Steinsson, besti maður Skaga-
manna í gærkvöldi en þetta var
annað mark hans í sumar.
„Við spiluðum ágætlega, boltinn
gekk fínt á milli manna og sóttum
mjög vel allan leikinn. Síðan gef-
um við þrjú mjög ódýr mörk. Þeir
áttu tvö skot á markið í fyrri hálf-
leik og komast 2:0 yfir og svo gaf
ég þeim þriðja markið alveg sjálf-
ur.
Þetta er alveg skelfilegt. Loks-
ins þegar við skorum fleiri en eitt
mark þá fáum við þrjú mörk á
okkur,“ sagði Grétar Rafn.
„Við verðum að reyna að laga
þetta eitthvað. Sóknarleikurinn
var mun betri núna en oft áður,
við héldum boltanum betur en við
höfum gert og hann gekk vel á
milli manna, frá hægri til vinstri.
En það var svekkjandi að fá þessi
mörk á sig, sérstaklega verðum við
að gæta okkur á föstum leikatrið-
um.
Það er leikur á fimmtudaginn
hjá okkur gegn Vestmannaeyjum á
heimavelli og þá verðum við von-
andi búnir að laga þetta,“ sagði
Grétar Rafn.
Skelfilegt
að fá þrjú
mörk á sig

BJÖRGVIN Rúnarsson mun leika
með ÍBV í handknattleik á næstu
leiktíð en hann lék með FH á síðasta
tímabili. Björgvin mun búa áfram í
Reykjavík en fara til Vestmannaeyja
um helgar og æfa þá með ÍBV.

FJÖGUR íslensk ungmenni héldu
til Sherbrooke í Kanada í gær þar
sem þau taka þátt í heimsmeistara-
mótinu í frjálsíþróttum, ætluðu
keppendum 17 ára og yngri. Hildur
Kristín Stefánsdóttir, ÍR, keppir í
100 m hlaupi eins og Óli Tómas
Freysson úr FH og Magnús Valgeir
Gíslason, Breiðabliki. Sigurbjörg
Ólafsdóttir, Breiðabliki, spreytir sig
í 100 m hlaupi, 100 m grindahlaupi og
langstökki.

OLEG Luzhny, sem lék með Ars-
enal á síðustu leiktíð, hefur ákveðið
að ganga til liðs við Wolves í ensku
úrvalsdeildinni í knattspyrnu. Wolv-
es þarf ekki að greiða Arsenal neitt
fyrir Luzhny þar sem hann er samn-
ingslaus.

GIANFRANCO Zola sagði í viðtali
við enska fjölmiðla í gær að hann
væri enn leikmaður Chelsea ef hon-
um hefði borist tilboðið frá félaginu
tveimur sólarhringum fyrr. Zola
gekk í raðir ítalska liðsins Cagliari.
FÓLK