Morgunblaðið - 08.07.2003, Blaðsíða 39
ÍÞRÓTTIR
MORGUNBLAÐIÐ ÞRIÐJUDAGUR 8. JÚLÍ 2003 39
EYJÓLFUR Sverrisson hefur enn ekki tekið
ákvörðun um það hvort hann spili hér heima í
sumar og gefi um leið kost á sér í landsleikina
við Færeyinga og Þjóðverja í undankeppni
EM sem fram undan eru í haust. Landsliðs-
þjálfararnir Ásgeir Sigurvinsson og Logi
Ólafsson hafa sagt að þeir vilji njóta krafta
Eyjólfs og Guðna Bergssonar í leikjunum
þremur sem íslenska liðið á eftir í keppninni
svo framarlega sem þeir spili hér heima í
sumar. Guðni er nýkominn heim úr fríi frá
Spáni og áttu þeir Ásgeir og Logi fund með
Guðna fyrir helgina þar sem landsliðsmálin
báru á góma. Guðni var ekki tilbúinn að gefa
svar á þessum fundi en hyggst gera það í vik-
unni og líklegast verður niðurstaðan sú að
hann standi við þá ákvörðun sína að hafa spil-
að sinn síðasta leik fyrir Ísland.
Kveðjuleikur fyrir Eyjólf
Landsliðsþjálfararnir munu hitta Eyjólf að
máli í vikunni og ræða við hann en Eyjólfur
hefur æft hér heima einn síns liðs eftir að
hann sneri heim frá Þýskalandi. Fram undan
hjá honum er kveðjuleikur með Herthu Berl-
ín síðar í þessum mánuði en forráðamenn
Berlínarliðsins ákváðu að koma á kveðjuleik
fyrir Eyjólf og framherjann Michael Preetz.
„Það kemur bara í ljós eftir kveðjuleikinn
hvort ég spili hér heima. Ég er að minnsta
kosti voðalega rólegur yfir þessu öllu. Það
getur alveg farið svo að ég spili ekki neitt en
svo getur verið að ég slái til. Ég hef haldið
mér í formi með því að skokka og lyfta en ætli
ég reyni ekki að fá að æfa með einhverju liði
og komast þannig í snertingu við boltann svo
ég verði ekki alveg eins og álfur í kveðju-
leiknum,“ sagði Eyjólfur við Morgunblaðið og
reiknar með að fá að æfa með Fylkismönnum.
Eyjólfur heldur í lok næstu viku til Þýska-
lands en 27. þessa mánaðar hefur verið settur
upp kveðjuleikur fyrir hann og Michael
Preetz. Hertha Berlín tekur þá á móti tyrk-
neska liðinu Galatasaray á Ólympíu-
leikvanginum í Berlín og munu þeir Eyjólfur
og Preetz leika fyrstu 60 mínúturnar.
„Það er mikill heiður fyrir mig að fá að
taka þátt í þessum leik og gaman að kveðja
liðið með þessum hætti. Ég átti frábær ár í
Berlín og tók þátt í miklu ævintýri hjá félag-
inu,“ segir Eyjólfur. Vegna viðgerða á Ól-
ympíuleikvanginum verður aðeins hægt að
selja 35.000 miða á leikinn og er reiknað með
að þeir miðar seljist upp enda vilja stuðnings-
menn Herthu-liðsins þakka þeim Eyjólfi og
Preetz fyrir góð störf en báðir hafa þeir átt
drjúgan þátt í uppgangi félagsins á undan-
förnum árum.
Eyjólfur óviss – litlar líkur á að Guðna snúist hugur
Morgunblaðið/Golli
Guðni Bergsson og Ásgeir Sigurvinsson.
Morgunblaðið/Kristján
Eyjólfur Sverrisson
AUÐUN Helgason lék allan tím-
ann í vörn Landskrona sem gerði
markalaust jafntefli við Örebro í
sænsku úrvalsdeildinni í knattspyrnu
í fyrrakvöld. Auðun þótti standa vel
fyrir sínu og fékk 3 í einkunn hjá
Aftonbladet fyrir frammistöðu sína.
SVERRIR Sverrisson, leikmaður
Fylkis, hefur ekki getað leikið síðustu
leiki Árbæjarliðsins vegna meiðsla
sem hann hlaut í leiknum við ÍA á
dögunum. Sverrir fékk þungt högg á
mjöðm og læri með þeim afleiðingum
að mikið blæddi inn á lærvöðvann og
eins urðu magafestingarnar fyrir
hnjaski.
SVERRIR sagði í samtali við
Morgunblaðið að hann yrði örugg-
lega ekki með í leiknum við Val á
fimmtudaginn en hann stefndi á að
geta verið með í leiknum við Fram í
næstu viku.
SIGURKARL Gústafsson, UMSB,
hljóp 400 m á frjálsíþróttamóti í
Gautaborg um síðustu helgi á 49,57
sek., sem er hans besti árangur og
aðeins 7/100 úr sek., Íslandsmetinu í
drengjaflokki. Þá hljóp hann 100 m á
11,14 og 200 m 22,72 sek.
ANDRI Karlsson úr Breiðabliki
hljóp 100 m á fyrrgreindu móti í
Gautaborg á 11,04 sek.
RÚMENSKA fimleikakonan Andr-
eea Raducan tilkynnti formlega um
helgina að hún væri hætt í fimleikum.
Raducan, sem er aðeins 19 ára göm-
ul, vann þrenn gullverðlaun á HM
2001 og var í sigurliði Rúmena á HM
1999 og 2001 og á Ólympíuleikunum
2000.
HÚN var stigahæst einstaklinga á
leikunum í Sydney en var síðan svipt
þeim verðlaunum eftir að hún féll á
lyfjaprófi. Hún sagðist hafa tekið
hóstasaft sem hún keypti í apóteki í
Ástralíu.
TIGER Woods sigraði örugglega á
Western PGA-mótinu í golfi sem lauk
í fyrrinótt í Illinois í Bandaríkjunum.
Woods lék á 21 höggi undir pari eða á
267 höggum. Þetta var 38. sigur
Woods á golfmóti sem atvinnumaður.
Rich Beem lenti í öðru sæti en hann
spilaði á 272 höggum.
GARY Payton hefur ákveðið að
leika ekki með Milwaukee Bucks í
NBA-deildinni á næsta keppnistíma-
bili en Payton gekk til liðs við Bucks
frá Seattle SuperSonics á síðustu
leiktíð. Hinn 34 ára gamli Payton
mun líklegast leika með Los Angeles
Lakers, Portland eða Miami á næsta
tímabili.
TALIÐ er líklegt að Karl Malone
skrifi undir samning við Los Angeles
Lakers eða San Antonio Spurs í sum-
ar. Malone, sem er 39 ára gamall, hef-
ur aldrei leikið með öðru liði en Utah
Jazz í NBA-deildinni en það eru nán-
ast engar líkur á því að Malone leiki
áfram með Jazz.
FÓLK
Ég get staðfest að Barnsley hef-ur verið í sambandi og líklega
mun ég hitta menn frá félaginu ein-
hvern næstu daga. Ég er hins vegar
enn að bíða eftir svari frá Stoke og
satt best að segja veit ég ekki hvað
er í gangi. Þeir menn sem stjórna
félaginu vísa hver á annan og það
virðist sem svo að enginn þeirra
vilji svara,“ sagði Brynjar við
Morgunblaðið.
Stoke hóf undirbúningstímabil
sitt í síðustu viku og þar voru allir
mættir til æfinga að Brynjari und-
anskildum en hann og James
O’Connor eru einu leikmennirnir
sem ekki hafa skrifað undir nýja
samninga af þeim sem eru með út-
runna samninga. Brynjars var sárt
saknað af knattspyrnustjóranum
Tony Pulis en hann vonast til að
halda íslenska landsliðsmanninum.
„Þeir gátu ekki búist við því að ég
mætti þar sem ég er ekki samn-
ingsbundinn félaginu og er því laus
allra mála,“ sagði Brynjar sem
heldur til Englands síðar í vikunni.
Spurður hvort hann sé reiðubú-
inn að spila á nýjan leik undir
stjórn Guðjóns Þórðarsonar segir
Brynjar: „Ég er í sjálfu sér opinn
fyrir öllu en það fer mikið eftir
metnaði Barnsley. Ég veit að Guð-
jón er metnaðarfullur en það þurfa
allir að hugsa í sömu átt hvað þetta
varðar. Það er auðvitað mínus í
þessu sambandi að Barnsley leikur
í 2. deild en helst af öllu vill maður
spila að minnsta kosti í 1. deildinni.
En eins og málin líta út í dag hvað
mig varðar þá er snýst valið um
Stoke eða Barnsley,“ sagði Brynj-
ar.
Guðjón vill líka fá Pétur
Morgunblaðið hefur heimildir
fyrir því að Guðjón Þórðarson sé
með fleiri íslenska leikmenn undir
smásjánni. Pétur Marteinsson er
einn þeirra en Guðjón fékk Pétur á
sínum tíma til Stoke þegar hann var
þar við stjórnvölinn. Pétur hefur
ekki verið inni í myndinni hjá knatt-
spyrnustjóranum Tony Pulis en í
samtali við Morgunblaðið í gær
sagðist Pétur vilja fá það á hreint
hvort staða sín gagnvart liðinu væri
óbreytt. Hann mun eiga fund með
John Rudges, yfirmanni knatt-
spyrnumála hjá Stoke, í vikunni og
eftir þann fund ætti að liggja fyrir
hvort hann eigi framtíð hjá félag-
inu. „Ef ég er ekki inni í myndinni
hjá stjóranum mun reyna að fá mig
lausan,“ sagði Pétur, en spurður
hvort hann færi þá til Barnsley vildi
hann ekkert segja til um.
Brynjar
er undir
smásjá
Barnsley
Morgunblaðið/Brynjar Gauti
Landsliðsmaðurinn Brynjar Björn Gunnarsson bíður eftir svör-
um frá forráðamönnum Stoke þar sem hann hefur leikið und-
anfarin ár. Hann segist vita að Guðjón Þórðarson og forsvars-
menn Barnsley hafi áhuga á kröftum sínum.
BARNSLEY, undir stjórn Guðjóns Þórðarsonar, hefur sett sig í sam-
band við Brynjar Björn Gunnarsson með það fyrir augum að fá hann
í sínar raðir fyrir komandi leiktíð. Brynjar Björn er eins og fram hef-
ur komið með lausan samning við Stoke. Félagið gerði honum nýtt
tilboð fyrir skömmu. Brynjar svaraði með gagntilboði og hefur síðan
þá ekki fengið nein viðbrögð frá Stoke-mönnum.