Morgunblaðið - 01.08.2003, Blaðsíða 40

40 FÖSTUDAGUR 1. ÁGÚST 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
UNGLINGALANDSMÓT UMFÍ
sem fram fer á Ísafirði um verslun-
armannahelgina snertir tugi þús-
unda Íslendinga á
einn eða annan
hátt. Það eru for-
ráðamenn og
stjórnendur hér-
aðssambanda
UMFÍ, félaga og
deilda innan hér-
aðssambandanna,
íþróttabandalaga
og þeirra félaga
og deilda, sérsambönd innan ÍSÍ,
þátttakendurnir sjálfir, foreldrar
þeirra, systkini og aðrir fjölskyldu-
meðlimir og ættingjar.
Unglingalandsmótið er núna hald-
ið í sjötta skipti frá árinu 1992, en þá
var það haldið á Dalvík 10.–12. júlí.
Árið 2000 var gerð stór og mikil
áherslubreyting á mótinu, en þá var
mótið í fyrsta skipti haldið um versl-
unarmannahelgina. Þeirri breytingu
hefur verið mjög vel tekið af lands-
mönnum. Í ár verður unglingalands-
mótið haldið á Ísafirði um verslunar-
mannahelgina 1.–3. ágúst. Um
framkvæmd mótsins sér Héraðs-
samband Vestfjarða.
Frá upphafi unglingalandsmóta
þegar það var nánast eingöngu
íþróttakeppni fyrir aðildarfélög
UMFÍ hefur unglingalandsmótið
þróast út í að vera ein stærsta skipu-
lagða fjölskylduhátíðin sem haldin er
um verslunarmannahelgina á hverju
ári. Í dag geta öll börn og unglingar
á aldrinum 11–18 ára frá öllum
íþróttafélögum á landinu tekið virk-
an þátt í unglingalandsmóti UMFÍ
2003.
Það er markmið okkar sem stönd-
um að mótinu að viðhalda þeirri virð-
ingu og þeim áhuga sem þessi við-
burður hefur fengið í hjörtum
margra landsmanna. Foreldrar eru
farnir að sjá þessa mörgu jákvæðu
möguleika sem mótið hefur upp á að
bjóða. Fjölskyldan getur verið
áhyggjulaus í umhverfi sem er upp-
byggjandi fyrir þeirra börn og ung-
linga, þar sem eftirvænting, gleði og
vinátta keppenda skín úr andlitum
þeirra.
Tilgangur UMFÍ með unglinga-
landsmótum er að skapa umhverfi
fyrir alla fjölskyldumeðlimi þannig
að þeir séu þátttakendur hver á sinn
hátt. Að foreldrar geti áhyggjulaust
farið í útsýnisferð á hornstrandir eða
siglingu um Ísafjarðardjúp án þess
að hafa áhyggjur af því að börn
þeirra og unglingar séu áreitt af
óæskilegu umhverfi og óheilbrigðum
freistingum.
Þetta er einnig reynsla frá fyrri
unglingalandsmótum UMFÍ, að þar
sem mótið hefur skapað sér það stór-
an sess og virðingu allra sem að
koma, að það hefur ekki þurft að
nefna það neitt sérstaklega að mótið
sé algerlega vímuefnalaust, það veit
fólkið sjálft sem þar kemur, því það
er mjög meðvitað um tilgang og
markmið allra þeirra sem þar koma
og vilja fá tækifæri til að upplifa eitt-
hvað jákvætt og einstakt. Upplifa
gleði og vináttu með öðru fólki sem
endist kannski ævilangt! Upplifa
verðmætar samverustundir þar sem
nálægðin við náttúruna með allri
fjölskyldunni hleypir jákvæðum til-
finningum af stað.
Hver og einn upplifir svona fjöl-
skylduhátíð á sinn hátt, en allar for-
sendur til þess að upplifa eitthvað
einstakt eru fyrir hendi. Þess vegna
hvet ég þig sem þetta lest, hvort sem
þú ert foreldri, þjálfari, formaður
eða stjórnarmaður í íþróttafélagi á
Íslandi! Gefðu þínu barni eða ung-
lingi möguleika á því að upplifa eitt-
hvað einstakt ásamt 1.200–1.500 öðr-
um keppendum og 6.–7.000 gestum
sem við áætlum að komi til Ísafjarð-
ar, einmitt í þeim tilgangi að upplifa
einstaklega jákvæðan viðburð sem á
sér enga hliðstæðu á Íslandi í dag.
Ég vil hér í lokin benda fólki á að
ríkisvaldið, ráðherrar og þingmenn,
hafa einnig fylgst með þróun þessa
stórviðburðar sem unglingalands-
mótin eru að þróast í. Þeirra viður-
kenning lýsir sér í styrk sem
menntamálaráðuneytið og fjárlaga-
nefnd lagði til mótsins 2003. Einnig
styrkti áfengis- og vímuvarnaráð
mótið veglega. Þessir styrkir hafa
gert okkur það mögulegt að gera
mótið en veglegra en áður og einnig
geta kynnt það betur fyrir lands-
mönnum og öllum þeim sem ekki
hafa upplifað mótið áður.
Vil ég bera þessu heiðursfólki
þakkir okkar sem stöndum að skipu-
lagningu og framkvæmd mótsins
sem hefur staðið frá 20. janúar 2003.
Með von um að hitta sem flest
börn og unglinga ásamt fjölskyldum
sínum á Ísafirði um verslunar-
mannahelgina 1.–3. ágúst 2003.
JÓN PÉTUR RÓBERTSSON,
framkvæmdastjóri ULM 2003.
Unglingalandsmót
UMFÍ 2003
Frá Jóni Pétri Róbertssyni
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050