Morgunblaðið - 01.08.2003, Blaðsíða 16

HÖFUÐBORGARSVÆÐIÐ
16 FÖSTUDAGUR 1. ÁGÚST 2003 MORGUNBLAÐIÐ
ERLENT
FYRSTU vestur-afrísku friðar-
gæsluliðarnir verða sendir til
Monróvíu, höfuðborgar Líberíu, á
mánudag. Kom það fram hjá fram-
kvæmdastjóra Efnahagssamtaka
Vestur-Afríkuríkja í gær að loknum
skyndifundi samtakanna í Accra í
Ghana.
„Fyrstu hermennirnir verða send-
ir til Monróvíu á mánudag,“ sagði
Mohamed ibn Chambas en Nígeríu-
stjórn ætlar að leggja til 1.500 her-
menn af alls 3.000. Í yfirlýsingu, sem
gefin var út að loknum fundi Vestur-
Afríkuríkjanna, segir, að Charles
Taylor, forseti Líberíu, verði að vera
farinn úr landi ekki síðar en á
fimmtudag í næstu viku en hann á
kost á hæli í Nígeríu.
Upphaflega hafði verið áætlað að
senda friðargæslulið til Líberíu í júní
er uppreisnarmenn og stjórnvöld
höfðu undirritað vopnahléssam-
komulag en það var rofið jafnharðan.
Óöldin í Líberíu hefur líklega
kostað tugi þúsunda manna lífið og
ástandið í Monróvíu, höfuðborg
landsins, er skelfilegt.
Fyrir öryggisráði Sameinuðu
þjóðanna liggur nú tillaga Banda-
ríkjastjórnar um heimild fyrir al-
þjóðlegt friðargæslulið í Líberíu en
ekki er vitað hvort Bandaríkjamenn
muni hafa bein afskipti af ástandinu í
landinu nú þegar Vestur-Afríkuríkin
hafa ákveðið að skerast í leikinn.
Reuters
Yfirmaður væntanlegs friðargæsluliðs í Líberíu, Festus Okonkwo (t.v.),
hershöfðingi frá Nígeríu, kom til höfuðborgarinnar Monróvíu í fyrradag til
að kanna aðstæður. Von er á sjálfu herliðinu til landsins á mánudag.
Friðargæslulið
sent til Líberíu
Fyrstu hermenn-
irnir til Monróvíu
á mánudag
Accra. AFP.
ÍSRAELSKA þingið samþykkti í
gær frumvarp til laga sem meinar
Palestínumönnum sem giftast ísr-
aelskum borgurum um ísraelskan
ríkisborgararétt. Frumvarpið var
samþykkt með miklum meirihluta,
53 atkvæðum gegn 25. Einn þing-
maður sat hjá.
Arabískir þingmenn höfðu gagn-
rýnt frumvarpið harðlega áður en
kosningin fór fram en þeir segja það
mismuna fólki eftir kynþætti auk
þess sem það lýsi kynþáttahatri.
Gideon Ezra, sem hefur umsjón
með samskiptum við þingið, varði
frumvarpið í gær á þeirri forsendu
að 30 Ísraelar hefðu fallið fyrir
hendi Palestínumanna sem hafi öðl-
ast ísraelskan ríkisborgararétt með
hjónabandi. Þá hefur ísraelska ör-
yggislögreglan blandað sér í málið
og hefur yfirmaður hennar, Avi
Dichter, tjáð þingmönnum að lög-
gjöfin sé „nauðsynleg til að tryggja
öryggi Ísraels“ að því er ísraelska
útvarpið greindi frá. Orna Cohen
fulltrúi minnihlutans á þinginu segir
slík úrræði jafngilda „fjöldarefsing-
um“.
Áætlað er að 1,1 milljón Palest-
ínumanna sé með ísraelskan ríkis-
borgararétt.
Ísraelar sakaðir um kynþáttahatur
Réttur til ríkisborgara-
réttinda takmarkaður
Jerúsalem. AFP.
BANDARÍKJASTJÓRN hefur,
þrátt fyrir mikla leit, enn ekki tekist
að hafa upp á háttsettum íröskum
vísindamönnum sem geta stutt þá
réttlætingu þeirra fyrir Íraksstríð-
inu að Saddam Hussein, fyrrverandi
Íraksforseti, hafi ráðið yfir ólögleg-
um gereyðingarvopnum. Þetta kem-
ur fram í vefútgáfu Washington
Post í gær.
Að því er háttsettir bandarískir
embættismenn og þingmenn greina
frá hefur enginn þeirra fjögurra
háttsettu írösku vísindamanna, né
fjöldi lægra settra vísindamanna,
sem fulltrúar Bandaríkjastjórnar
hafa yfirheyrt getað rennt stoðum
undir fullyrðingar Bandaríkja-
manna um að Saddam Hussein hafi
unnið að umfangsmikilli gereyðing-
arvopnaáætlun.
Að sögn embættismannanna er
þetta raunin þrátt fyrir að yfir-
heyrslurnar hafi farið fram við afar
ólíkar aðstæður. Það er, sumir vís-
indamennirnir hafa af fúsum vilja
fallist á að veita upplýsingar á með-
an aðrir hafa verið yfirheyrðir í
gæsluvarðhaldi. Allir eiga vísinda-
mennirnir það sameiginlegt að
halda því fram að frá árinu 1998,
þegar eftirlitsmenn Sameinuðu
þjóðanna yfirgáfu Írak, hafi engar
áætlanir verið um framleiðslu
kjarnavopna í landinu. Þá neita þeir
því jafnframt allir að sýkla- og efna-
vopn hafi verið framleidd eða falin í
landinu síðustu árin.
Árangurslausar
yfirheyrslur um
vopnaeign Íraka
GARÐABÆR og Hjallastefnan und-
irbúa nú stofnun einkarekins grunn-
skóla í Garðabæ þar sem hugmynda-
fræði og kennsluhættir Hjalla-
stefnunnar verða höfð að leiðarljósi.
Skólinn verður að öllum líkindum í
húsnæði Vistheimilisins á Vífilsstöð-
um.
Formlegar viðræður standa enn
yfir milli Hjallastefnunnar og Garða-
bæjar, en allar líkur eru á því að
áformin verði að veruleika að sögn
Ásdísar Höllu Bragadóttur, bæjar-
stjóra Garðabæjar. Segir hún und-
irbúning að stofnun grunnskólans
hafa átt sér stað í nokkurn tíma.
„Garðabær hefur í samvinnu við
Hjallastefnuna verið að undirbúa
stofnun barnaskóla, þar sem Hjalla-
stefnan er rekstraraðili. Nú eru við-
ræður við Landspítalann um leigu á
húsnæði vistheimilisins á Vífilsstöð-
um á lokastigi, enda er það mjög
heppilegt fyrir rekstur barnaskóla
og umhverfið yndislegt.“ Hjalla-
stefnan hefur rekið stærsta leikskóla
Garðabæjar, leikskólann Ása, í tvö
ár og segir Ásdís Halla reynsluna af
Ásum hafa verið mjög góða og for-
eldrar séu afar ánægðir. „Í ljósi
þessarar góðu reynslu treystum við
okkur til þess að ganga til samstarfs
við Hjallastefnuna um grunnskóla.
Gert er ráð fyrir því að þarna verði
um að ræða skóla fyrir fimm til átta
ára börn og til að byrja með væri ein-
ungis kennt yngstu bekkjum, fimm
og sex ára börnum og svo bætast
hinir árgangarnir inn ár frá ári.
Fyrst í stað verður um að ræða leik-
skólastarf með áherslu á kennslu, en
sex ára börnin væru formlega skráð
inn í grunnskóla.
Við lítum á það sem svo að það sé
mjög mikilvægt að fjölga valkostum í
skólastarfi. Á undanförnum árum
hefur fjölbreytnin aukist mjög á leik-
skólastiginu og það er tímabært að
auka fjölbreytnina á grunnskólastig-
inu líka. Það er sérkennilegt að
einkaaðilar hafa ekki stofnað neinn
grunnskóla eftir að sveitarfélögin
tóku við grunnskólunum af ríkinu og
tímabært að það sé gert.“
Nýr og óþvingaður valkostur
Hugmyndir Hjallastefnunnar um
rekstur barnaskóla fela í sér ýmsar
nýjungar sem ekki eru í boði í öðrum
skólum í Garðabæ. Þar má nefna
lestrar- og stærðfræðikennslu fimm
ára barna, áherslu á jafnrétti
kynjanna, enskukennslu allt frá
fimm ára aldri og tölvukennslu.
„Ég veit að sumum þykir sérstakt
að drengir og stúlkur séu hvor í sinni
deildinni og það er mjög eðlilegt, en
ég hef séð það í leikskólanum á Ásum
að samstarf kynjanna er sérstaklega
gott. Þau læra að bera virðingu hvort
fyrir öðru og ég hef séð að aðferðir
Hjallastefnunnar styrkja samskipti
kynjanna.“
Ásdís Halla leggur áherslu á að
væntanlegur barnaskóli yrði í öllum
tilfellum nýr valkostur fyrir börn og
foreldra þeirra, því engum yrði gert
skylt að stunda nám í honum. Enn-
fremur séu hugmyndir um skóla-
starf Hjallastefnunnar ekki svo um-
fangsmiklar að þær trufli upp-
byggingu annarra skóla í Garðabæ,
svo sem hinn væntanlega nýja
grunnskóla á Sjálandi.
„Ástæðan fyrir því að við förum í
þetta samstarf er fyrst og fremst til
þess að fjölga valkostum, vegna þess
að við höfum nú þegar mjög góða
grunnskóla hér í Garðabæ, sem við
erum mjög stolt af, en aukin fjöl-
breytni getur ekki annað en styrkt
skólakerfið í heild sinni.“
Jafnréttisuppeldi og
jákvæð samskipti
Að sögn Margrétar Pálu Ólafs-
dóttur, frumkvöðuls Hjallastefnunn-
ar, hafa margir foreldrar barna af
Hjallaleikskólum óskað eftir því að
börnin geti haldið áfram í sams kon-
ar umhverfi og sams konar aðferðum
þegar í grunnskóla komi. „Það er
einlæg löngun okkar sem höfum ver-
ið að vinna með Hjallastefnuna að
þróa okkar hugmyndafræði áfram
með eldri börn. Við teljum jafnframt
að það sé full þörf fyrir nýbreytni og
þróun innan grunnskóla og að
Hjallastefnan gæti verið öflug viðbót
við það sem fyrir er. Við viljum að
leikskólar og grunnskólar þróist í
takt við tímann og að hætt sé að
horfa á þá sem tvo gjörólíka heima.“
Hjallastefnan gengur út á jafn-
réttisuppeldi þar sem kynin eru að-
skilin að hluta. Margrét Pála segir
það vera til þess að mæta kynjunum
á þeirra eigin forsendum og gefa
bæði stúlkum og drengjum færi á að
vinna eins og þeim finnst best. „Um
leið notum við kynjaskiptinguna líka
til að styrkja þau og breikka hefð-
bundin kynhlutverk.“ Börnin vinna
einnig í blönduðum hópum daglega
þar sem þau eru markvisst þjálfuð í
jákvæðum samskiptum við hitt kyn-
ið. „Í mastersrannsókninni minni við
KHÍ mældist munur á Hjallabörn-
um og öðrum börnum en Hjallabörn-
in voru jákvæðari og öruggari í sam-
skiptum við hitt kynið.“
Tungumála- og tölvunám
fyrir 5 og 6 ára börn
Í Hjallaleikskólunum er lögð mikil
áhersla á skapandi hæfni og náttúru-
legan og einfaldan efnivið. Helming-
ur námsins fer fram utandyra í
tengslum við náttúruna en Margrét
Pála segir að það sama verði uppi á
teningnum í grunnskólanum.
Í Hjallaskólanum verður haldið
áfram með svipaða þróun og hefur
verið á Hjallaleikskólunum. T.d. er
stefnan að bjóða upp á undirbúning
að tungumálanámi og tölvunámi fyr-
ir 5 og 6 ára börn. Skólinn yrði lítill
og fámennir bekkir en undirbúning-
ur fyrir stofnunina hefur verið í
gangi í langan tíma. „Við höfum unn-
ið í mjög góðu samstarfi við bæjaryf-
irvöld í Garðabæ og Ásdís Halla á
heiður skilinn, hún er búin að beita
sér fyrir að þessi nýi valkostur verði
að veruleika með virkum stuðningi
sínum við málið. Bæjaryfirvöld Í
Hafnarfirði hafa einnig sýnt mjög já-
kvæðan áhuga og fylgjast grannt
með þróun mála. Skólinn verður að
sjálfsögðu starfræktur á grundvelli
aðalnámskráa leik- og grunnskóla
auk laga og reglugerða um þessi
skólastig. Okkar hugmynd er ein-
göngu að auðga flóruna. Við viljum
auðvitað sjá alla skóla sem góða
skóla með mikilli fjölbreytni og
marga valkosti þannig að allir geti
fundið eitthvað við sitt hæfi,“ segir
Margrét Pála.
Hugmyndir um nýjan einkaskóla í Garðabæ
Morgunblaðið/Árni Sæberg
Vistheimilið á Vífilsstöðum mun að öllum líkindum hýsa nýja starfsemi í
haust, þegar grunnskóli Hjallastefnunnar flytur þar inn.
Hjallastefnan hefur
kennslu í yngstu bekkjum
Garðabær
TENGLAR
..............................................
http://www.hjalli.is/
GLEÐI og glaumur réðu ríkjum í
Hlíðaskóla í gær þegar unglingarnir
í Regnboganum héldu Regnbogahá-
tíð. Litið var yfir farinn veg sumars-
ins og glaðst yfir ánægjulegum sam-
vistum og góðri vinnu. Ýmis
skemmtiatriði voru flutt og tóku
bæði starfsmenn og leiðbeinendur
þátt í þeim flutningi við mikinn fögn-
uð viðstaddra. Veittur var fjöldi
verðlauna fyrir ýmis afrek í starfi.
Boðið var upp á andlitsmálningu og
léttar veitingar auk þess sem keppt
var í boccia og keilu.
Regnboginn, sem á rætur að rekja
aftur til ársins 1999, er samstarfs-
verkefni vinnuskólans og ÍTR. Um
er að ræða atvinnutengt tómstunda-
úrræði fyrir fatlaða unglinga þar
sem þeim er gefinn kostur á að vinna
við hlið annarra unglinga í vinnuskól-
anum. Miðgarður og Félagsþjónust-
an koma einnig að verkefninu.
Heiður Baldursdóttir, umsjónar-
kona Regnbogans, segir að þar sem
unglingarnir séu metnir með hálfs
dags vinnugetu, vinni þau hálfan
daginn með vinnuskólanum, ýmist
fyrir eða eftir hádegi, hinn helming-
inn af deginum fari þau síðan í ýmsa
leiki og ferðir. „Krakkarnir hafa
fengið að prófa ýmiss konar vinnu, til
dæmis að kenna á leikskóla og vinna
í Nóatúni. Einn strákur fékk að
vinna á mjólkurbíl og annar fékk að
fara í heimsókn til Sveppa á FM 957.
Þau fara líka í heimsóknir á ýmsa
vinnustaði og kynnast þeim, til dæm-
is Morgunblaðinu. Í tómstundastarf-
inu er svo meðal annars farið að sigla
og í sund og ýmislegt af því sem er í
boði hjá ÍTR.“
Að sögn Kristins Ingvarssonar,
verkefnastjóra Sérsveitar Hins
hússins, hefur starfsemi fyrir fatlaða
fengið tækifæri til að þróast í kjölfar
versnandi atvinnuástands. „Reykja-
víkurborg hefur sett meiri peninga í
atvinnusköpun fyrir ungt fólk. Hluti
þessara fjárveitinga fer meðal ann-
ars í það að byggja upp jákvætt at-
vinnu- og tómstundastarf fyrir fatl-
aða. Þannig má segja að samdrátt-
urinn í efnahagslífinu hafi jákvæðar
hliðar sem birtast í betri þjónustu við
fatlaða.“
Regnbogahátíð í Hlíðaskóla
Morgunblaðið/Arnaldur
Unglingarnir í Regnboganum voru
litskrúðugir eins og vera ber.
Reykjavík