Morgunblaðið - 10.09.2003, Page 9

FRÉTTIR
MORGUNBLAÐIÐ MIÐVIKUDAGUR 10. SEPTEMBER 2003 9
STEYPUSTÖÐIN, Steinsteyp-
an og Steypustöð Suðurlands
hafa sameinast undir nafni
Steypustöðvarinnar og eru höf-
uðstöðvar nýja fyrirtækisins í
Reykjavík, en afgreiðslur verða
jafnframt í Hafnarfirði og á Sel-
fossi. Hannes Sigurgeirsson,
framkvæmdastjóri Steypustöðv-
arinnar, segir að sömu eigendur
hafi verið að fyrirtækjunum frá
því í júní. Til að byrja með hafi
þau verið rekin áfram sem þrjú
fyrirtæki en fljótlega hafi menn
séð að ná mætti fram mikilli hag-
ræðingu með sameiningu og hafi
skrefið verið stigið nú um mán-
aðamótin. „Með þessu náum við
fram hagræðingu í rekstri og
bætum þjónustuna enn frekar,“
segir Hannes og bendir á að af-
greiðslan verði hraðari þar sem
styttra verði á afgreiðslustaði á
Reykjavíkursvæðinu vegna stað-
setningar afgreiðslustaðanna í
Reykjavík og Hafnarfirði.
Að sögn Hannesar verða allar
steypupantanir fyrir höfuðborg-
arsvæðið á einum stað og út-
keyrslunni stýrt þaðan. „Samnýt-
ingin á bílum og dælum og öðru
slíku verður þannig algjör,“ segir
hann. Milli 70 og 80 manns vinna
hjá fyrirtækinu og segist Hannes
ekki gera ráð fyrir fækkun
starfsfólks. „Vonandi verðum við
að fjölga starfsfólki fljótlega og
það er stefnan.“
Þrjár
steypu-
stöðvar
sameinast
VERÐ á amfetamíni og kókaíni „á
götunni“ var umtalsvert hærra sam-
kvæmt verðkönnun SÁÁ um síðustu
mánaðamót en í mánuðinum á und-
an. Innritaðir sjúklingar á stofnun-
inni sem keypt höfðu efnin síðast-
liðnar tvær vikur voru spurðir hvað
þeir hefðu greitt fyrir þau. Fyrir
rúmum mánuði kostaði skammtur af
kókaíni 9.680 að meðaltali en 13.500
um síðustu mánaðamót og nemur
hækkunin rúmum 39 prósentum á
milli mánaða. Skammtur af amfeta-
míni kostaði fyrir mánuði 3.770 kr en
4.450 um síðustu mánaðamót.
Þórarinn Tyrfingsson, fram-
kvæmdastjóri meðferðarsviðs SÁÁ,
segir að taka verði þessar öru hækk-
anir með fyrirvara. Reynist hækk-
unin samsvarandi verði fyrst reynt
að leita skýringa. Verð á hassi og
e-töflum helst nokkuð stöðugt milli
mánaða, skammtur af hassi kostaði
1.720 kr. um síðustu mánaðamót og
hafði þá lækkað úr 1.800 frá mán-
uðinum á undan. Verð á e-töflu var
2.020 en var 1.990 um þar síðustu
mánaðamót. Þórarinn segir að þegar
litið sé til síðustu tveggja ára sé það
einkum e-taflan sem hafi lækkað í
verði. Sú þróun sé sambærileg við
það sem gerst hafi í löndunum í
kringum okkur.
Áfengi hefur meiri áhrif
á gáfur en áður var talið
Hann segir að forvitnilegt sé að
horfa til Danmerkur sem hafi valið
að fara þá leið að undirbjóða ólög-
lega vímuefnamarkaðinn með frjáls-
lyndari áfengisstefnu, ódýrari bjór
og léttvíni og lækkun á lágmarks-
aldri til áfengiskaupa. Þórarinn seg-
ist þó telja „dönsku“ leiðina óheppi-
lega til lengri tíma litið.
„Það er ómögulegt að segja hver
niðurstaðan verður en það er alla-
vega fróðlegt að fylgjast með þessu.
Við höfum alltaf litið svo á að þetta
gengi ekki upp, að þetta væri fyrsta
skrefið í aðra neyslu og það hefur
komið fram að horfur hjá þeim sem
byrja að nota áfengi mjög ungir, eru
ekki mjög góðar. Þeim er mun hætt-
ara við að fara sér að voða á allan
hátt, bæði í vímuefnum og áfengi.
Ég myndi sem fræðimaður telja
að þetta væri röng leið, fyrst og
fremst með þeim röksemdum að til
lengri tíma litið er þetta óheppilegt.
Það er líka að koma fram að trufl-
un áfengis á gáfnafarslega úrvinnslu
og þroska heilans geti jafnvel haft al-
varlegri afleiðingar fyrir unga en við
héldum áður, við vitum núna að heil-
inn er að þroskast til þrítugs.“
Verðkönnun SÁÁ á ólöglegum
vímuefnum „á götunni“
Umtalsverð
verðhækkun á
örvandi efnum
HVAÐ sem annars um geitunga má
segja þá eru þeir miklir bygg-
ingameistarar. Þetta völundarhús
hefur verið sumarverkefni þeirra
norður í Hólmatungum í ár. Verkið
lofar sannarlega meistarann.
Lengd hússins er um 20 cm og er
það snilldarlega fellt inn í kletta-
vegg. Nokkur samkeppni virðist
þar norðurfrá á byggingamarkaði
því annað bú var svo sem í 100
metra fjarlægð.
Morgunblaðið/Birkir Fanndal
Völundarhús í klettavegg
Mývatnssveit. Morgunblaðið.
TILFELLUM af lifrarbólgu B
og C fækkaði nokkuð á síðasta
ári frá árunum á undan. Til-
felli sem upp hafa komið hafa
aðallega tengst umsækjendum
um dvalarleyfi. Færri tilfelli af
lifrarbólgu tengjast því fækk-
un dvalarleyfisumsækjenda,
segir í ársskýrslu Landlæknis-
embættisins fyrir árið 2002.
Lifrarbólga B, sem er blóð-
smitandi veirusjúkdómur, hef-
ur verið landlæg á Íslandi
a.m.k. alla síðustu öld. Á ár-
unum 1990–1991 gekk yfir far-
aldur hér á landi sem að
mestu var bundinn við fíkni-
efnaneytendur sem sprauta
sig. Aukningin á lifrarbólgu B,
sem hefur orðið vart síðan
1999, er á hinn bóginn að-
allega tengd umsækjendum
um dvalarleyfi hér á landi.
Lifrarbólga C er að öllum
líkindum nýr blóðsmitandi
smitsjúkdómur hér á landi.
Útbreiðsla hans hófst snemma
á 9. áratug síðustu aldar í kjöl-
far vaxandi fíkniefnaneyslu í
æð. Lifrarbólgu C-faraldurinn
virðist hafa náð hámarki 1999
meðal Íslendinga, en undan-
farin ár hefur sjúkdómurinn
greinst í vaxandi mæli meðal
umsækjenda um dvalarleyfi
hér á landi. Engu að síður hef-
ur tilfellum fækkað frá árun-
um á undan, segir í ársskýrslu
Landlæknisembættisins.
Lifrarbólga C lík-
lega nýr blóðsmit-
andi smitsjúkdómur
Lifrar-
bólgutil-
fellum
fækkar
HÆSTIRÉTTUR hefur öðru sinni
hafnað beiðni Eggerts Haukdal, fv.
þingmanns og oddvita V-Landeyja-
hrepps, um endurupptöku máls síns
fyrir réttinum. Telur Hæstiréttur
að ekki hafi komið fram ný gögn
sem hefðu skipt máli fyrir niður-
stöðu mála Eggerts, sem á sínum
tíma var dæmdur fyrir fjárdrátt í
opinberu starfi sem oddviti en
sýknaður af ákæru um umboðssvik.
Í niðurstöðu Hæstaréttar nú er
bent á það réttarfarsúrræði sem
gert er ráð fyrir í 63. gr. laga nr.
19/1991 um meðferð opinberra
mála, þ.e. að fá dómkvadda kunn-
áttumenn til að framkvæma mats-
gerð í því skyni að hnekkja þeim
niðurstöðum sem fyrir liggja í mál-
inu. Segir í dóminum að Eggert
hafi ekki óskað eftir þessu úrræði
áður.
Í samtali við Morgunblaðið sagð-
ist Eggert vera að íhuga þessa leið,
í samráði við lögmann sinn, og
einnig kæmi til greina að senda
Hæstarétti þriðju endurupptöku-
beiðnina.
„Hæstiréttur lítur ekki á öll þau
gögn sem liggja fyrir í málinu, sem
búið er að sýna fram á að þau
hnekkja því að ég hafi átt að segja
endurskoðanda hreppsins að skrifa
á mig 500 þúsund krónur. Gögnin
hafa sýnt fram á vinnubrögð endur-
skoðandans, falsanir og annað því
um líkt. Eftir að málið hefur verið
til umfjöllunar í dómskerfinu í
fimm ár og sjö dómar fallið á báð-
um dómstigum, þar sem dæmt var
eftir týndum og fölsuðum fylgi-
skjölum, er enn að koma neitun frá
Hæstarétti. Strax var ég sýknaður
af stærstum hluta ákærunnar en sit
stöðugt eftir með að hafa stolið 500
þúsundum. Það skal fylgja mér út
yfir gröf og dauða. Þeir telja sig
vera með í höndunum mesta bófa
Íslandssögunnar,“ sagði Eggert.
Varðandi þá leið að kalla til dóm-
kvadda matsmenn sagði Eggert
það geta orðið snúið að fá sann-
gjarna og rétta meðhöndlun yfir-
valda. Margir aðilar sem hefðu
komið að máli hans hefðu ýmist
lýst sig vanhæfa, líkt og ríkissak-
sóknari gerði, eða væru að hans
mati vanhæfir vegna fyrri afskipta
eða afskiptaleysis.
Ekkert haggar
fyrri niðurstöðum
Í niðurstöðu Hæstaréttar segir
m.a. að framlögð gögn séu að
mestu þau sömu og lágu fyrir þeg-
ar dómur Hæstaréttar var kveðinn
upp í máli Eggerts árið 2001 og
þegar fyrri endurupptökubeiðnin
var tekin fyrir í réttinum á síðasta
ári. Síðan segir:
„Greinargerðir sérfræðinga dóm-
fellda [Eggerts Haukdal – innsk.
Mbl.] sem ætlað er að koma nýjum
upplýsingum á framfæri eru því
einkum byggðar á túlkun þessara
gagna. Verður því ekki talið að þau
gögn sem eru ný í málinu feli í sér
nýjar upplýsingar sem hefðu áhrif
á niðurstöðu málsins jafnvel þótt
þau styðji það sem fyrir lá um
óreiðu þá sem var á bókhaldi Vest-
ur-Landeyjahrepps. Er þannig ekk-
ert komið fram sem haggar nið-
urstöðu í dómi Hæstaréttar, sbr. og
niðurstöðu í fyrra endurupptöku-
máli.“
Hæstiréttur hafnar öðru sinni endur-
upptökubeiðni Eggerts Haukdal
Bent á að kalla
til dómkvadda
matsmenn
gallabuxurnar
komnar
Engjateigi 5, sími 581 2141.
Opið virka daga frá kl. 10.00—18.00, laugardaga frá kl. 10.00—16.00.
Þunnir langermabolir
með V-hálsmáli, rúnnuðu hálsmáli
og rúllukraga
Eddufelli 2 Bæjarlind 6
s. 557 1730 s. 554 7030
Opið mán.—fös. frá kl. 10—18
lau. kl. 10—16
Mjódd, sími 557 5900
FLAUELS
jakkar - buxur - pils
frá SHARE
Frábært verð