Morgunblaðið - 10.09.2003, Blaðsíða 13
ÚR VERINU
MORGUNBLAÐIÐ MIÐVIKUDAGUR 10. SEPTEMBER 2003 13
SAMHERJI, Eining-Iðja og starfs-
fólk frystihúss Samherja á Dalvík
hafa samið um breytt vinnufyrir-
komulag í frystihúsinu, sem felur í
sér að vinnslutími er lengdur úr 12
klst. í 15 klst. á sólarhring. Jafn-
framt var samið um nýtt pásukerfi
sem felur í sér að í stað þess að
vinnsla stöðvist í hvíldartímanum
eru starfsmenn leystir af í störfum
sínum. Þetta þýðir að vinnslan í
frystihúsinu stöðvast ekki í matar-
og kaffitímum.
„Undanfarið ár höfum við unnið 12
stundir á dag og framleitt úr um
150–160 tonnum á viku. Með breyttu
vinnufyrirkomulagi reiknum við með
að vinna úr í það minnsta 200 tonn-
um á viku. Það pásukerfi sem við
tökum núna upp á Dalvík er hlið-
stætt því sem við höfum verið með í
rækjuverksmiðju okkar á Akureyri í
nokkur ár og reynst mjög vel þar.
Það er ljóst að með þessum breyt-
ingum munum við fjölga starfsfólki í
frystihúsinu um 20–30 stöðugildi, af-
köst munu aukast og um leið hækka
launin,“ segir Aðalsteinn Helgason,
framkvæmdastjóri landvinnslu Sam-
herja, í frétt á heimasíðu fyrirtæk-
isins.
150.000 krónur á mánuði
Heildarfjöldi starfsmanna frysti-
hússins verður um 130 manns. Með-
allaun starfsmanns í frystihúsinu á
Dalvík eru nú liðlega 150.000 kr. á
mánuði fyrir 8 klst. dagvinnu.
Á undanförnum árum hefur orðið
veruleg aukning í landvinnslu Sam-
herja á Dalvík. Árið 2001 var unnið
úr um 4.500 tonnum, en á næsta ári
er stefnt að því að vinna úr um 10.000
tonnum af hráefni.
Vinnsla á ferskum afurðum – svo-
kölluðum flugfiski – hefur aukist
verulega og segir Aðalsteinn að sú
vinnsla muni enn aukast á næstu
mánuðum.
Aflinn af tveimur
ísfisktogurum
„Vinnslan á Dalvík hefur gengið
vel á undanförnum árum, við höfum
gott starfsfólk og húsið er vel búið.
Þá hefur sala afurða gengið vel. Ég
tel því að við séum vel í stakk búnir
til þess að auka þessa vinnslu enn
frekar,“ segir Aðalsteinn.
Uppistaðan í hráefni frystihússins
á Dalvík hefur komið af tveimur ís-
fisktogurum Samherja, Björgúlfi
EA og Margréti EA. Á nýliðnu fisk-
veiðiári fiskaði Björgúlfur um 4.700
tonn og Margrét um 4.200 tonn. Þar
af lönduðu skipin samanlagt um
7.200 tonnum af þorski og ýsu til
vinnslu.
Vinnslutími lengdur og stöðugildum fjölgar um tuttugu til þrjátíu
„Afköst aukast
og um leið
hækka launin“
Morgunblaðið/Kristján
Árið 2001 var unnið úr um 4.500 tonnum, en á næsta ári er stefnt að því að
vinna úr um 10.000 tonnum af hráefni.
Samið um breytt vinnufyrirkomulag
í frystihúsi Samherja á Dalvík
OPINN fundur um línuívilnun til
dagróðrabáta verður haldinn sunnu-
daginn 14. september klukkan 14 í
íþróttahúsinu á Ísafirði. Yfirskrift
fundarins er: Orð skulu standa.
Á fundinum verður fjallað annars
vegar um yfirlýsingu sjávarútvegs-
ráðherra um að línuívilnun komi til
framkvæmda í fyrsta lagi 1. septem-
ber 2004 og hins vegar að línuívilnun
komi í stað byggðakvóta.
„Yfirlýsingarnar eru andstæðar
samþykktum ríkisstjórnarflokkanna
og loforðum þeirra í kosningabarátt-
unni. Þá er ónefnt að þessar yfirlýs-
ingar eru ekki í neinu samræmi við
stefnuskrá ríkisstjórnarinnar um að
auka byggðakvóta og koma á línu-
ívilnun fyrir dagróðrabáta.
Á fundinum verður einnig vakin
athygli á því ófremdarástandi sem
nú ríkir í málefnum sóknardagabáta.
Lögfest er að dögum skuli fækka
niður í tíu á næstu níu árum, eru á
nýbyrjuðu fiskveiðiári nítján. Brýnt
er að Alþingi breyti lögum þannig að
sóknardagar handfærabáta verði
ekki færri en 23.
Það er markmið þessa fundar að
veita þingmönnum öflugt veganesti
þegar þing kemur saman í haust um
að loforð um línuívilnun verði efnt og
barist verður fyrir lágmarksdaga-
fjölda sóknardagakerfisins,“ segir
meðal annars í frétt frá fundarboð-
endum.
Fundurinn verður þannig upp-
byggður að frummælendur verða
sjö, einn frá hverjum þingflokki,
sveitarstjórnarmaður og smábáta-
sjómaður. Ræðutími er 5–7 mínútur.
Að loknum þessum dagskrárlið
verða fyrirspurnir úr sal og mun
Árni Snævarr fréttamaður stjórna
þeim lið. Öllum þingmönnum kjör-
dæmisins hefur verið boðið að sitja
fyrir svörum. Þá taka við frjálsar
umræður og er ræðutími takmark-
aður við tvær mínútur. Að lokum
verður ályktun fundarins borin upp.
Fundað um línuívilnun
ÁKVEÐIÐ hefur verið að leggja
Samtök fiskvinnslustöðva, Fisheries
Assocoation of Newfoundland and
Labrador (FANL), niður. Meðlimir
samtakanna telja að samtökin þjóni
ekki hagsmunum fiskverkenda nægi-
lega vel eins og þau eru uppbyggð og
hafi ekki skilað nægilega góðum nið-
urstöðum í ýmsum mikilvægum
samningaviðræðum, eins og til dæm-
is við útgerðarmenn og sjómenn.
Martin Sullivan, formaður FANL,
segir á fréttavefnum Seeafreeze-
.com, að nú sé rétti tíminn til að
skoða stöðu mála. Veiðum á þessu ári
ljúki senn og því sé góður tími fyrir
einstaka framleiðendur að meta af-
stöðu sína og áherzlur í ljósi þess
hvort stofna eigi ný samtök og þá
hvernig þau skuli byggð upp. „Tím-
arnir eru breyttir og við þurfum því
að breyta aðferðum okkar til að fást
við málefni þessara breyttu tíma,“
segir hann.
Samtök lögð niður
VEIÐAR á norsk-íslenzku síldinni
ganga hægt eins og er. Gullberg VE
hefur verið að veiðum út af Lófót í
Noregi og landaði í gær 170 tonnum
af síld til manneldis í Senjahåpen. Á
fréttavefnum skip.is kemur fram að
verðið hafi verið gott eða 23,50 krón-
ur íslenzkar á kílóið.
Nú hefur verið landað um 405.000
tonnum af kolmunna hér á landi á
þessu ári. Tæplega 74.000 tonn af því
eru af erlendum skipum, en íslenzku
skipin hafa landað alls 331.400 tonn-
um.
Fremur rólegt hefur verið yfir
veiðinni að undanförnu, en á mánu-
dag landaði Huginn VE ríflega 700
tonnum í Neskaupstað. Nú eru
óveidd um 215.600 tonn af leyfilegum
heildarafla íslenzkra skipa á þessu
ári, en hann er alls 547.000 tonn.
Mestu hefur verið landað hjá Síld-
arvinnslunni í Neskaupstað, 86.400
tonnum. Næst kemur Eskja á Eski-
firði með 72.000 tonn og í þriðja sæt-
inu er Loðnuvinnslan á Fáskrúðs-
firði með 67.400 tonn. 62.200 tonnum
hefur verið landað hjá Síldarvinnsl-
unni á Seyðisfirði. Tangi á Vopna-
firði hefur tekið á móti 27.200 tonn-
um, HB á Akranesi er með 22.500
tonn og Samherji í Grindavík með
22.250 tonn. Fiskimjölsverksmiðja
Granda í Þorlákshöfn er með 18.000
tonn og Vinnslustöðin í Vestmanna-
eyjum með 12.400. Aðrar verksmiðju
eru með minna.
Gullberg
við Noreg