Morgunblaðið - 10.09.2003, Blaðsíða 36

MINNINGAR
36 MIÐVIKUDAGUR 10. SEPTEMBER 2003 MORGUNBLAÐIÐ
KYRRÐARSTUNDIR eru nú að
hefjast á ný í Hafnarfjarðarkirkju í
hádegi á miðvikudögum eftir sum-
arhlé. Þær byrja að jafnaði með
orgelleik Antóníu Hevesi kl. 12.00 í
einar 10 mínútur með þagn-
arstundum. Á þeim tíma getur fólk
komið til kirkju t.d. af vinnustað
sínum eða heimili. Þar á eftir er
Guðs orð lesið og íhugað í kyrrð og
boðið til altaris og fyrirbæna sem
þeir þiggja sem vilja, en aðrir geta
þá sitið áfram í kirkjunni.
Eftir stundina er boðið upp á
brauð og álegg, kaffi og te, þátttak-
endum að kostnaðarlausu í safn-
aðarheimilinu Strandbergi. Prestar
kirkjunnar leiða þessar gefandi
stundir sem eru öllum opnar og
reynast dýrmætar þeim sem þær
sækja.
Prestar Hafnarfjarðarkirkju.
Hjónadagar í Súðavík
KIRKJAN í Súðavík og Súðavík-
urhreppur standa fyrir hjónahelgi í
Súðavík dagana 19. til 21. sept-
ember.
Viðfangsefnið verður að næra
sálina með því að rækta sjálfan sig
og hjónabandið. Burðarásinn í
helginni verður hjónanámskeið sr.
Þórhalls Heimissonar. Þórhallur
hefur leiðbeint hjónum um árabil og
um sex þúsund manns sótt hjá hon-
um námskeið. Að auki munu Sigríð-
ur M. Gunnarsdóttir og Þorbjörg
Guðjónsdóttir kenna slökun, slök-
unarnudd og djúpslökun en Sigrún
Gerða Gísladóttir fjallar um nær-
ingu, áhrif vímuefna og streitu.
Þá verður siglt út í Folafót undir
leiðsögn Barða Ingibjartssonar og á
laugardagskvöldið verður kvöld-
vaka á Jóni Indíafara. Hjóna-
námskeiðið gefur fólki kost á að
bæta sambandið og skoða það í nýju
ljósi. Um er að ræða geysilega fjöl-
breytta dagskrá sem hefur margar
skírskotanir. Þarna gefst fólki tæki-
færi til að skoða eigin hug og bæta
samskipti sín við makann og bæta
þannig líf sitt. Fólki gefst gjarnan
ekki tími í annríki hversdagsins til
að vinna að þessum málum. Þarna
leikur líka vestfirsk náttúra stórt
hlutverk og fallegt umhverfi Álfta-
fjarðarins skapar góða umgjörð.
Allt að tuttugu pör geta tekið
þátt í hjónahelginni en fyrir að-
komna er gisting í boði hjá Sum-
arbyggð í Súðavík. Dagskrá hjóna-
helgarinnar og nánari upplýsingar
er að finna á heimasíðu Súðavík-
urhrepps.
Skráning fer fram á skrifstofu
Súðavíkurhrepps í síma 456-4912
fyrir 15. september. Fjöldi þátttak-
enda takmarkaður.
Kyrrðarstundir
hefjast að nýju í
Grafarvogskirkju
KYRRÐARSTUNDIR hefjast aftur í
dag, miðvikudaginn 10. september,
kl. 12:00. Fyrirbænir og altaris-
ganga. Boðið er upp á léttan hádeg-
isverð á vægu verði að lokinni
stundinni. Allir velkomnir.
Prestar Grafarvogskirkju.
Fyrstu kyrrðardagar
haustsins í Skálholti
NÚ um helgina, föstudaginn 12.
september fram á sunnudaginn 14.
september, verða fyrstu kyrrð-
ardagar haustsins í Skálholti. Það
fer vel á því að þessir kyrrðardagar
eru með sérstakri áherslu á útivist,
enda ákaflega fagurt í Skálholti um
þessar mundir. Farið verður í
skipulagðar gönguferðir, þar sem
hugleiðingar verða fluttar á áning-
arstöðum út frá yfirskrift kyrrð-
ardaganna: „Hin góða sköpun Guðs
og umgengnin við hana“ Leiðsögn
annast þau sr. Guðrún Edda Gunn-
arsdóttir sem einnig er nátt-
úrufræðingur og dr. Einar Sig-
urbjörnsson prófessor.
Kyrrðardagarnir eru haldnir í
tengslum við Landvernd.
Kyrrðardagarnir hefjast á föstu-
dagskvöld með kvöldtíðum og
kvöldverði. Að lokinni kynningu
dagskrár og þátttakenda, tekur við
hin hlýja þögn sem er aflétt um há-
degisbil á sunnudaginn. Á kyrrð-
ardögum gefst tækifæri til þess að
draga sig í hlé, fara í hvarf frá dag-
legri önn og amstri - vera án alls
ytra áreitis. Þögnin og kyrrðin fela
í sér mikla hvíld og þátttakendur
endurnærast og uppbyggjast á sál
og líkama. Boðið er upp á trún-
aðarsamtöl og staðarskoðun í formi
bænagöngu.
Skráning er í Skálholtsskóla, sími
486 8870 og á netfanginu; rekt-
or@skalholt.is
Tólf spora námskeið
í Hjallakirkju
NÚ höfum við í Hjallakirkju boðið
upp á 12 spora námskeið í kirkjunni
um tveggja ára skeið og það mælst
mjög vel fyrir. Þátttakendur á nám-
skeiðunum hafa lýst ánægju sinni
með þau og munum við því enn á ný
á haustmisseri bjóða upp á sams-
konar námskeið.
Fyrsti kynningarfundur verður í
kvöld, miðvikudagskvöld, kl. 20:00.
Þessi fundur og næstu 2-3 fundir
eru öllum opnir til þess að fólk geti
kynnt sér hvernig þetta starf fer
fram og gert það upp við sig hvort
það vilji taka þátt í því í vetur. Eftir
það verður hópunum lokað og ekki
fleirum bætt inn.
Tólf spora vinnan sem hér er
unnin hentar öllum þeim sem í ein-
lægni vilja vinna með sínar tilfinn-
ingar og öðlast betri líðan og meiri
lífsfyllingu, þar sem leitað er styrks
í kristna trú. Í kirkjunni munu
liggja frammi blöð með „Algengu
hegðunarmynstri“ og þeir sem á
einhvern hátt finna sig í því eiga er-
indi í þessa vinnu.
Kyrrðarstundir
í Hafnarfjarðar-
kirkju
Kirkjustarf Safnaðarstarf
Dómkirkjan. Hádegisbænir kl.
12.10. Léttur málsverður á eftir.
Prestarnir taka við fyrirbænum í síma
520 9700.
Grensáskirkja. Samverustund aldr-
aðra kl. 14. Biblíulestur, bænagjörð,
kaffi og spjall.
Hallgrímskirkja. Morgunmessa kl. 8.
Hugleiðing, altarisganga, léttur morg-
unverður. Opið hús fyrir foreldra
ungra barna kl. 10–12.
Háteigskirkja. Bænaguðsþjónusta
kl. 11. Súpa og brauð borið fram í
Setrinu kl. 12. Brids í Setrinu kl. 13–
16. Kvöldbænir kl. 18.
Langholtskirkja. Kl. 12.10 Kyrrðar-
stund og bænagjörð með orgelleik
og sálmasöng. Kl. 12.30 Súpa og
brauð (kr. 300). Kl. 13 - 16 Opið hús
eldri borgara. Söngur, tekið í spil,
upplestur, föndur, spjall, kaffisopi
o.fl. Allir eldri borgarar velkomnir.
Þeir sem ekki komast á eigin vegum
geta hringt í kirkjuna og óskað eftir
því að verða sóttir. Síminn er
520 1300.
Laugarneskirkja. Mömmumorgunn
kl. 10 undir stjórn Aðalbjargar Helga-
dóttur. Nýjar mömmur velkomnar
með börnin sín. Gönguhópurinn Sól-
armegin leggur af stað frá kirkjudyr-
um kl. 10.30 alla miðvikudags-
morgna undir stjórn Arnar
Sigurgeirssonar. Nú er kjörið að
byrja. Kirkjuprakkarar kl. 14.10.
Starf fyrir 1.–4. bekk. Umsjón Að-
alheiður Helgadóttir, hjónin Kristjana
H. Þorgeirsdóttir Heiðdal og Geir
Brynjólfsson auk sr. Bjarna.
Neskirkja. Fyrirbænamessa kl. 18.
Prestur sr. Frank M. Halldórsson.
Breiðholtskirkja. Kyrrðarstund í dag
kl. 12.10. Tónlist, altarisganga, fyr-
irbænir. Léttur málsverður í safnað-
arheimilinu eftir stundina. Kirkju-
prakkarar, starf fyrir 7–9 ára börn kl.
16.30. TTT-starf fyrir 10–12 ára kl.
17.30.
Grafarvogskirkja. Kyrrðarstund kl.
12. Fyrirbænir og altarisganga. Boðið
er upp á léttan hádegisverð á vægu
verði að lokinni stundinni. Allir vel-
komnir.
Seljakirkja. Kyrrðar- og bænastund í
dag kl. 18. Beðið fyrir sjúkum. Allir
hjartanlega velkomnir. Tekið á móti
fyrirbænaefnum í kirkjunni í síma
567 0110.
Vídalínskirkja. Foreldramorgnar kl.
10–12 með Nönnu Guðrúnu í Vídal-
ínskirkju.
Hafnarfjarðarkirkja. Kyrrðarstund í
kirkjunni kl. 12, íhugun, altaris-
ganga, fyrirbænir. Léttur hádegis-
verður kl. 13 í Ljósbroti Strandbergs.
Víðistaðakirkja. Kyrrðar- og fyrir-
bænastund í dag kl. 12. Góður kost-
ur fyrir þá sem vilja taka frá kyrrláta
og helga stund í erli dagsins til að
öðlast ró í huga og frið í hjarta. Hægt
er að koma fyrirbænaefnum til sókn-
arprests eða kirkjuvarðar. Boðið er
upp á súpu og brauð í safnaðarheim-
ilinu að kyrrðarstund lokinni.
Þorlákskirkja. Barna- og foreldra-
morgnar í dag kl. 10–12.
Lágafellskirkja. AA-fundur kl. 20.30 í
Lágafellskirkju. Unnið í 12 sporun-
um.
Sauðárkrókskirkja. Kyrrðarstund kl.
21.
Landakirkja í Vestmannaeyjum. Kl.
16.20 TTT yngri, 9–10 ára krakkar í
kirkjunni. Fyrsta samvera vetrarins.
Söngur, sögur og leikir. Sr. Fjölnir Ás-
björnsson og leiðtogarnir. Kl. 17.30
TTT eldri, 11–12 ára krakkar í kirkj-
unni. Fyrsta samvera vetrarins. Söng-
ur, sögur og leikir, vetrardagskráin
verður kynnt. Sr. Fjölnir Ásbjörnsson
og leiðtogarnir. Kl. 20 opið hús fyrir
æskulýðsfélagið í KFUM&K-húsinu.
Akureyrarkirkja. Mömmumorgunn kl.
10–12. Hittumst sem flest á fyrsta
mömmumorgni vetrarins. Kaffi og
spjall, safi fyrir börnin.
Inntaka nýrra félaga í barnakórinn
(7–12 ára) og unglingakórinn (12 ára
og eldri) stendur yfir. Upplýsingar gef-
ur Eyþór Ingi í síma 462-7700 eða
866-3393.
Kletturinn, kristið samfélag. Kl.
20.30 Bænahópar í heimahúsum.
Upplýsingar í síma 565 3987.
Kefas. Samverustund unga fólksins
kl. 20.30. Lofgjörð, lestur orðsins,
fróðleikur og samvera. Allt ungt fólk
velkomið.
Fíladelfía. Mömmumorgunn kl. 10.
Kl. 20 biblíulestur og bæn.
Kristniboðssalurinn, Háaleitisbraut
58. Samkoma í kvöld kl. 20. Bjálkinn
sem blindar. Lúk. 6.37–42. Ræðu-
maður Haraldur Ólafsson. Kaffiveit-
ingar eftir samkomuna. Allir velkomn-
ir.
aflaskipstjóri fram á fimmta ára-
tuginn, en þá gerðist hann alfarið
bóndi á Núpi ásamt bróður sínum
Hauki. Valdi var traustur maður
sem margir leituðu til þegar mikið
lá við. Hann var úrræðagóður og
sanngjarn en fastur fyrir ef honum
fannst á sig eða aðra hallað. Hann
var valinn af samtíðarmönnum sín-
um til ýmissa trúnaðarstarfa fyrir
byggðarlag sitt og þótti hann far-
sæll og vinsæll forystumaður.
Ég minnist þess þegar ég kom
fyrst á heimili tengdaforeldra
minna fyrir tæpum þrjátíu árum.
Ég var hreinræktað borgarbarn,
komin vestur á firði og það var
mikið í húfi að standa sig með
einkasoninn upp á arminn. Það má
með sanni segja að mér var tekið
opnum kærleiksríkum örmum og
reyndist hann mér góður og sannur
vinur alla tíð.
Á þessum tíma hefur tengdafaðir
minn verið kominn nálægt sjötugu
en mér fannst hann vera miklu
yngri en það, því hann var svo
glæsilegur, léttur á fæti og alltaf
vel til fara og unglegur í öllu fasi.
Það reyndist rétt sem mamma
hafði alltaf sagt að myndarlegustu
og duglegustu mennirnir kæmu frá
Vestfjörðum.
Valda var alla tíð mjög umhugað
um að vera snyrtilegur og vel til
fara. Hann kom aldrei frá útiverk-
um inn í íbúðarhús án þess að vera
hreinn og strokinn. Hann vildi vera
fínn og þessu hélt hann alla tíð og
var að eigin ósk lagður til hinstu
hvílu í sparifötunum sínum.
Tengdafaðir minn var mikill
gæfumaður í einkalífinu. Hann var
orðinn 37 ára þegar hann kvæntist
Áslaugu Sólbjörtu Jensdóttur,
sinni mætu og merku konu, og
saman hafa þau átt farsælt hjóna-
band í yfir sextíu ár. Hún hefur
staðið þétt við hans hlið alla tíð og
sinnt honum aðdáunarlega vel eftir
að heilsu hans fór að hraka. Fjöl-
skyldan hefur ætíð verið þeim efst í
huga og er kominn stór ættbogi frá
þeim sómahjónum á Núpi.
Við hjónin og dætur okkar
bjuggum í nábýli við þau í sex ár á
Núpi. Ég tel að það hafi verið mikil
gæfa fyrir mig að fá þessi ár í sveit-
inni og það má með sanni segja að
dæturnar eiga djúpar rætur fyrir
vestan og eru þær sérlega stoltar
af því að vera fæddar Vestfirðing-
ar.
Heimili þeirra hjóna var mynd-
arlegt og notalegt menningarheim-
ili sem öllum þótti gaman að koma
á. Mikill gestagangur var þar jafn-
an og mikið spjallað, tekist á um
pólitík, hlegið og sungið en það
voru góðar stundir þegar sonurinn
lék á orgelið eða harmoniku og sá
gamli söng með sinni fallegu bassa-
rödd og dætur hans sungu með
enda góðar söngkonur.
Síðustu árin dvaldi Valdi á
Hjúkrunarheimilinu Eir. Fjöl-
skyldan er þakklát starfsfólkinu
þar fyrir einstaklega góða umönn-
un. Heilsu hans var farið að hraka
en fótavist hafði hann fram að síð-
ustu vikunni.
Hann fylgdist eins vel og hann
gat með sínum börnum og barna-
börnum og bar hag þeirra allra
mjög fyrir brjósti og nú síðustu ár
hafði hann ánægju af því að sjá
yngstu kynslóðina sem hann sýndi
sömu hlýjuna, klappaði þeim og
strauk á sinn umhyggjusama hátt.
Að leiðarlokum þakka ég fyrir
góða samfylgd og bið þess að Ása
tengdamóðir mín megi áfram eiga
gott ævikvöld. Góður eiginmaður,
faðir, tengdafaðir, afi og langafi
hefur kvatt okkur. Við þökkum fyr-
ir allar samverustundirnar sem
hann veitti okkur og minningin um
þær mun lifa í hjörtum okkar um
ókomna tíð.
Guðrún Ína Ívarsdóttir.
Nú þegar komið er að því að
Valdimar Kristinsson á Núpi sé
kvaddur reikar hugurinn rúm þrjá-
tíu ár aftur í tímann, þegar ég fyrst
hitti verðandi tengdaföður minn.
Ég nítján ára með fiðrildi í mag-
anum eins og ég geri ráð fyrir að
flestum líði þegar komið er í fyrsta
sinn inn á heimili tengdafjölskyld-
unnar. Fljótt slaknaði á spennunni,
því hlýleikinn og einlægnin í fari
þeirra Valda og Ásu gerðu að strax
leið manni eins og einum úr fjöl-
skyldunni og fékk að taka þátt í lífi
hennar með öllu sem því fylgir. Það
sem fyrst vakti athygli mína var, að
þótt ég vissi að Valdi væri rétt tæp-
lega sjötugur var hann í allri fram-
komu sem miklu yngri maður og
alls ekki eins og komið væri að
kveldi í hans starfsævi. Það var svo
ótal margt sem eftir var að gera
hvort sem það var í kringum fjár-
húsin, ræktun á túnum eða upp-
byggingu á varpinu. Einnig voru
honum hugleiknir möguleikar í út-
gerðinni, í krigum trilluna hann
Fjalar, sem mér fannst Valdi oft á
tíðum nánast persónugera, svo
sterk voru þau bönd sem tengdu
hann við sjómennskuna.
Að fá að kynnast manni sem lifði
alla síðustu öld og tók virkan þátt í
að skapa það samfélag sem við nú
lifum í er mikil gjöf. Hann var mik-
ilvirkur í starfi Kaupfélags Dýrfirð-
inga og einn af forvígismönnum um
að Kaupfélagið stæði fyrir útgerð
en þar gegndi hann ýmsum trún-
aðarstörfum um árabil. Þegar ég
gat lyft undir við einhver störf á
Núpi, helst í kringum göngur eða
heyskap, barst talið gjarnan að
Kaupfélaginu og Sambandinu. Oft
hélt ég fram róttækum skoðunum á
ýmsum málum og þegar honum
fannst nóg um sagði hann í hægð:
„Ég var nú aldrei hrifinn af bols-
unum.“
Minnisstæðar eru mér veiðiferð-
irnar sem ég fór með Valda, hann
kominn undir áttrætt og ég ungur
maðurinn átti fullt í fangi með að
hafa við honum í klofdjúpum snjó í
kjarrivöxnum fjallshlíðum enda var
þrek hans, bæði andlegt og líkam-
legt, alla tíð ótrúlega mikið. Veiði-
bakterían tók sér snemma bólfestu
í honum en frá ellefu ára aldri
veiddi hann til heimilisins, auk þess
stundaði hann refaveiðar og var
kominn á níræðisaldur þegar hann
skaut sinn síðasta ref. Hann um-
gekkst bráðina ávallt af mikilli
virðingu og oft mátti heyra í veiði-
sögum hans aðdáun á kænsku refs-
ins. Valdi var mikill náttúruunn-
andi og var mikið í mun að ekki
væri gengið nærri gæðum lands og
sjávar enda kaus hann það starf
sem hvað mesta möguleika gaf hon-
um að vera í návist við náttúruna.
Velferð fjölskyldunnar var Valda
ávallt hugleikin og lögðu þau Ása
allt sitt kapp í að börnin nytu þess
besta sem í boði var. Gladdist hann
yfir velferð barna sinna og fjöl-
skyldna þeirra.
Valda kveð ég með mikilli virð-
ingu og þakklæti fyrir að hafa feng-
ið að kynnast svo heilsteyptum
manni sem var sjálfum sér, fjöl-
skyldunni og sveitinni svo trúr. Ég
veit að afkomendurnir halda minn-
ingu hans í heiðri um ókomna tíð.
Elsku Ása. Síðustu árin, eftir að
Valdi fór inn á Hjúkrunarheimilið
Eir þar sem hann naut mikillar um-
hyggju og hlýju frá starfsfólki, hef-
ur þú staðið eins og klettur við hlið
hans og verið vakin og sofin yfir
vellíðan hans. Þú átt ekki lítinn
þátt í því að hann hélt fullri reisn
og virðingu til lokadags.
Georg Vilberg Janusson.
Þegar ég fyrst tengdist fjöl-
skyldu Valdimars á Núpi hafði
hann þegar náð hærri aldri en
flestir geta vænzt. Þrátt fyrir ald-
urinn bar hann sig með reisn, var
léttur í spori líkt og þar færi ára-
tugum yngri maður. Fljótt varð
mér ljóst að Valdimar hafði stýrt
vel fleyi sínu og verið mikill gæfu-
maður. Unun var að hlusta á hann
lýsa ýmsu, sem á daga hans hafði
drifið á fyrstu áratugum síðustu
aldar. Hann kannaði ungur ókunn
lönd, og aflaði sér haldgóðrar
menntunar. Hann var um árabil
skipstjóri á farskipum og fiskiskip-
um en eftir fertugt tók hann við
búsforráðum á Núpi í Dýrafirði
ásamt bróður sínum og héldu þeir
áfram kraftmikilli uppbyggingu,
sem faðir þeirra og föðurbróðir
höfðu ýtt þar úr vör. Þar var um
langt skeið mennta- og menning-
arsetur, sem laðaði til sín starfs-
menn og nemendur víða að.
Valdimar var af samferðamönn-
um valinn til margvíslegra forystu-
og trúnaðarstarfa og var virkur í
íþrótta- og félagsstarfi í Dýrafirði.
Valdimar unni landinu, menn-
ingu þess og hefðum, var tónelskur
og vel liðtækur organisti en um-
framt allt nærgætinn og dáður fjöl-
skyldufaðir. Þótt hann gerði miklar
kröfur til annarra gerði hann þó
ætíð meiri kröfur til sjálfs sín.
Hann var ákveðinn en réttsýnn,
hagsýnn en örlátur gagnvart þeim
sem hjálpar þurftu við og reglu-
samur í hvívetna. Mér segja kunn-
ugir að sjaldan hafi Valdimar á
Núpi verið hallmælt um dagana.
Hann ávann sér þakklæti og virð-
ingu þeirra, sem honum kynntust.
Ástvini Valdimars og eiginkonu í
rúma sex áratugi, Áslaugu Jens-
dóttur, börnum þeirra og Guðnýju
systur hans votta ég samúð mína.
Fari hann í friði.
Sigurður Björnsson.
VALDIMAR
KRISTINSSON
 Fleiri minningargreinar
um Valdimar Kristinsson bíða birt-
ingar og munu birtast í blaðinu
næstu daga.
Lotið er höfði í virðingu fyrir
einlægri aðdáun eiginkonu og
barna ásamt gagnkvæmu ástríki
og umhyggju til hinstu stundar.
Fegurðin sem býr í slíkum
verðmætum lýsir inn í himin þar
sem kærleikurinn býr.
Megi friður Almættis fylgja
mági mínum.
Jenna Jensdóttir.
HINSTA KVEÐJA