Morgunblaðið - 10.09.2003, Blaðsíða 37

FRÉTTIR
MORGUNBLAÐIÐ MIÐVIKUDAGUR 10. SEPTEMBER 2003 37
HELGIN var góð að því leyti að
engin alvarleg slys urðu á fólki.
Fimmtán ökumenn voru grunaðir
um ölvun við akstur. Þá var til-
kynnt um 51 umferðaróhapp með eignatjóni.
Á föstudagskvöld var tilkynnt um árekstur á
Kringlumýrarbraut við Miklubraut. Bifreið-
unum öllum ekið austur Kringlumýrarbraut
eftir hægri akrein. Áreksturinn varð með þeim
hætti að bifreið var fyrst ekið aftan á aðra bif-
reið. Augnabliki síðar var þriðju bifreiðinni ek-
ið aftan á þá fyrstnefndu sem við höggið kast-
aðist til hægri og lenti á ljósastaur. Ökumaður
fyrstnefndu bifreiðarinnar var fluttur á slysa-
deild með sjúkrabifreið en hann fann til eymsla
í báðum fótum og brjósti. Hann notaði ekki ör-
yggisbelti.
Innbrot í Háaleitishverfi
Eftir hádegi á föstudag var tilkynnt um inn-
brot í Háaleitishverfi. Hurð á bílskúrshurð var
spennt upp og stolið fluguveiðistöng, veiðihjóli,
spúnum, flugum, reiðhjóli og reiðhjólahjálmi.
Ekki er vitað hvort þjófurinn hefur ætlað á
reiðhjólinu til stangveiða.
Einnig var tilkynnt um innbrot á heimili í
Norðurmýri. Hurð hafði verið spennt upp til að
komast inn og var stolið myndbandstæki og
frakka.
Framan af aðfaranótt laugardags var rólegt
í miðborginni. Tilkynnt var um að ráðist hefði
verið á dyravörð á veitingastað. Þrír menn réð-
ust á dyravörðinn og hlupu síðan á brott. Til
átaka kom á milli manna við aðra tvo veit-
ingastaði.
Þá var tilkynnt um slagsmál utan við veit-
ingahús við Vegamótastíg. Tveir menn réðust
á tilkynnanda sem fékk áverka í andlit og víð-
ar. Gerendur voru farnir af vettvangi á bíl.
Fannst blóðugur í götunni
Snemma á laugardagsmorgun var tilkynnt
um blóðugan mann, liggjandi utan við veitinga-
hús í miðborginni. Hann hafði verið laminn af
3–4 mönnum sem veittust að honum. Maðurinn
var fluttur með sjúkrabíl á slysadeild.
Vegna landsleiks Íslands og Þýskalands var
lögreglan með viðbúnað á Laugardalsvellinum.
Þar var hópur lögreglumanna og hjálparsveit-
armenn. Ekki þurfti að hafa afskipti af neinum
en mikil stemning var á leiknum.
Aðfaranótt sunnudags var mannlíf rólegt í
miðborginni fram eftir nóttu. Talsvert var af
fólki á rölti á milli veitingahúsa en ekki þurfti
að hafa mikil afskipti af því. Einhverjum var
vísað út af skemmtistöðum og voru nokkrir
sóttir þar sem dyraverðir voru með þá í tökum.
Ölvaður maður lamdi konu fyrir utan veit-
ingastað og slagsmál voru við annan veit-
ingastað. Þrír menn voru lamdir með stól en
árásarmenn voru farnir þegar lögreglan kom á
staðinn. Mönnunum var ekið á slysadeild en
þeir voru með minniháttar skrámur. Þrír
menn voru færðir í fangageymslu úr miðborg-
inni eftir nóttina.
Skömmu fyrir hádegi var tilkynnt um inn-
brot í Heiðargerði. Þar hafði hurð í kjallara
verið spennt upp, farið inn og verkfærum stol-
ið. Svo hafði verið farið upp á hæðina, rótað til
og stolið smámynt og bankabók. Verkfærin
fundust í nálægum garði og skömmu síðar
voru tveir piltar handteknir á Bústaðavegi,
grunaðir um innbrotið.
Eftir hádegi á sunnudag var tilkynnt um
innbrot í bílskúr í Fellahverfi. Þar var farið inn
um litla dyr á bílskúrshurð, stolið kvenmanns-
hjóli og hjálmi. Talsvert var rótað til í bíl-
skúrnum.
Þá var tilkynnt um eld í geymslum í kjallara
að Eyjabakka 24. Eldurinn reyndist vera í
ruslageymslu og var hann fljótlega slökktur.
Skemmdir munu ekki hafa orðið miklar en
eldsupptök talin þau að ungir drengir hafi ver-
ið að fikta með eldspýtur í ruslageymslunni.
Úr dagbók lögreglunnar 5. til 8. september
Stóráfallalaus helgi
þrátt fyrir eril
ÞINGFLOKKUR Vinstrihreyfingarinnar –
græns framboðs telur óhjákvæmilegt að
grípa þegar á þessu hausti til aðgerða til að
verja kjör sauðfjárbænda. Markmið slíkra að-
gerða á að vera að koma í veg fyrir að af-
koma sauðfjárbænda versni enn og forsendur
skapist til að snúa vörn í sókn í kjaramálum
bænda. Þetta kemur fram í ályktun þing-
flokksins sem borist hefur Morgunblaðinu.
Þar segir ennfremur:
„Má í því sambandi minna á að framundan
eru kjarasamningar á vinnumarkaði þar sem
samtök launamanna hyggjast berjast fyrir
bættum kjörum umbjóðenda sinna. Í aðdrag-
anda þess geta stjórnvöld ekki horft aðgerða-
laus á eina lægst launuðu stétt landsins verða
fyrir tuga prósenta kjaraskerðingu. Að
óbreyttu stefnir í að tekjur sauðfjárrækt-
arinnar í heild lækki um 250–300 milljónir
króna vegna verðlækkunar hjá afurðastöðv-
um og aukinnar útflutningsskyldu. Bændur
hafa ekkert borð fyrir báru til að taka slíka
tekjuskerðingu á sig. Nátengdur vanda sauð-
fjárræktarinnar er vandi þeirra bænda sem
hafa tekjur af framleiðslu nautakjöts, en báð-
ar greinarnar gjalda fyrir upplausnarástand á
sviði afurðastöðva og kjötmarkaðar hér á
landi og þá óheilbrigðu viðskiptahætti sem
þar tíðkast. Í kjúklinga- og svínarækt eru
sjálfstæðir framleiðendur, sem ekki er haldið
gangandi af fjármálafyrirtækjum, óðum að
týna tölunni. Stjórnvöld geta ekki látið sem
þeim komi þessi vandi ekki við, hvorki gagn-
vart því sem lýtur að kjörum bænda né hinu
sem varðar viðskiptahætti á kjötmarkaði.
Loðdýraræktin kallar einnig eftir aðgerð-
um stjórnvalda til að hún fái notið sambæri-
legra rekstrarskilyrða og atvinnugreinin ger-
ir í nágrannalöndunum, einkum hvað varðar
aðgang að hráefni til fóðurgerðar og flutn-
ingskostnað. Óhagstæð gengisþróun að und-
anförnu gerir það að verkum að greinin þarf
nauðsynlega á sambærilegu rekstrarumhverfi
að halda eigi hún að lifa af. Í því sambandi er
mikilvægt að hafa í huga að loðdýraræktin
breytir þúsundum tonna af lífrænum úrgangi
í útflutningsverðmæti, úrgangi sem annars er
fargað með ærnum tilkostnaði.
Þingflokkur Vinstrihreyfingarinnar –
græns framboðs telur að skipta beri aðgerð-
um nú í tvennt; það er annars vegar bráðaað-
gerðir sem hafi það að markmiði að verja
bændur fyrir frekara tekjufalli. Hins vegar
ber brýna nauðsyn til að móta framtíðar-
stefnu í málefnum landbúnaðarins. Landbún-
aðarstefnan verður að fela í sér möguleika á
að kjör bænda geti batnað á komandi árum
og byggð í sveitum styrkst. Vinstrihreyfingin
– grænt framboð hefur mótað stefnu um að
taka beri upp búsetutengdan grunnstuðning
sem hluta af stuðningi við landbúnað og bú-
setu í sveitum. Miðað yrði við heilsársbúsetu í
sveitum og tiltekna skilgreinda landbúnaðar-
starfsemi eða landbúnaðartengd atvinnuum-
svif. Slíkt stoðkerfi við landbúnað og búsetu í
strjálbýli opnar á fjölbreyttari þróunarmögu-
leika en nú er, kemur á meira jafnræði milli
greina, er líklegra til að standast alþjóða-
samninga á viðkomandi sviði og er laust við
ýmsa ókosti sem núverandi fyrirkomulag hef-
ur t.d. hvað varðar ættliðaskipti eða end-
urnýjun í greininni. Þingflokkurinn skorar á
ríkisstjórnina að undirbúa án tafar aðgerðir
til lausnar bráðavanda landbúnaðarins. Liggi
tillögur um slíkt ekki fyrir þegar þing kemur
saman í októberbyrjun mun þingflokkur
Vinstrihreyfingarinnar – græns framboðs
taka málið upp á Alþingi.“
Ályktun frá þingflokki VG
Óhjákvæmilegt að
grípa til aðgerða til
varnar sauðfjárbændum
ATVINNU-
AUGLÝSINGAR
I
I
Starf forstöðumanns
Náttúrustofu Norðausturlands
er laust til umsóknar
Náttúrustofa Norðausturlands starfar sam-
kvæmt lögum nr. 60/1992, með síðari breyting-
um nr. 92/2002. Stofan mun hefja starfsemi
1. janúar 2004. Gert er ráð fyrir að forstöðu-
maður komi að undirbúningi starfseminnar
og æskilegt að hann geti hafið störf sem fyrst.
Stofan mun hafa aðsetur á Húsavík og mun
rekstur hennar verða í samstarfi við Þekkingar-
setur Þingeyinga. Starf forstöðumanns felst
í daglegum rekstri stofunnar sem og öflun og
úrvinnslu verkefna, ráðgjöf og fræðslu fyrir
sveitarfélög, félagasamtök og skóla. Í undir-
búningsvinnu að stofnun Náttúrustofunnar
hefur verið gert ráð fyrir sérhæfingu á sviði
fuglavistfræði.
Hæfniskröfur:

Háskólapróf í líffræði og sérmenntun í
fuglavistfræði.

Staðgóð þekking á náttúrufari á Norðaustur-
landi.

Reynsla af náttúrurannsóknum á Norð-
austurlandi.

Reynsla af kennslu og/eða annars konar
fræðslu um náttúrufræði.

Innsýn í starfsemi/uppbyggingu þekkingar-
setra á landsbyggðinni sem rekin eru í
samstarfi við háskóla.
Umsóknum skal skilað á bæjarskrifstofurnar
á Húsavík, merkt „Náttúrustofa Norðaustur-
lands - forstöðumaður“.
Umsóknarfrestur er til 20. september nk.
Stjórnin.
Starfsfólk óskast
í svínasláturhús á höfuðborgarsvæðinu.
Kjötiðnaðarmenn og starfsfólk, bæði vant og
óvant. Góð laun fyrir góða menn. Upplýsingar
gefur Hilmar í síma 895 9600 frá kl. 8 til 17.
R A Ð A U G L Ý S I N G A R
Aðalskipulag Bessastaða-
hrepps — Breyting
Tillaga að breytingu á aðalskipulagi Bessastað-
ahrepps 1993-2013 auglýsist hér með sam-
kvæmt 1. mgr. 21. gr. skipulags- og byggingar-
laga nr. 73/1997 með síðari breytingum.
Í staðfestu aðalskipulagi 1993-2013 er byggða-
reitur umhverfis Hvol á norðurnesinu ætlaður
fyrir íbúðabyggð eftir að aðalskipulagstímabili
lýkur. Breytingin felst í því að íbúðarsvæðið
er ætlað til byggingar á aðalskipulagstímabil-
inu. Einnig er bætt við stígum frá íbúðabyggð-
inni í átt að Jörfavegi.
Skipulagsuppdráttur, sem sýnir aðalskipulags-
breytinguna, verður til sýnis á skrifstofu Bessa-
staðahrepps á Bjarnastöðum frá kl. 8:00—16:00
alla virka daga frá 11. september til 24. október
2003. Hverjum þeim sem telur sig eiga hags-
muna að gæta er hér með gefinn frestur til að
skila skriflegum athugasemdum til sveitarstjó-
ra Bessastaðahrepps til 24. október 2003. Þeir
sem ekki gera athugasemdir við hina auglýstu
breytingartillögu innan tilskilins frests teljast
samþykkir tillögunni.
Deiliskipulag við Hvol
Tillaga að breytingu á deiliskipulagi íbúðar-
hverfis við Hvol í Bessastaðahreppi auglýsist
hér með samkvæmt 1. mgr. 26. gr., sbr. 25.
gr. skipulags- og byggingarlaga nr. 73/1997.
Skipulagssvæðið afmarkast til norðurs af Jörf-
avegi og nær til lóðar Hvols og íbúðabyggðar
við götuna Fálkastíg.
Í skipulagstillögunni er gert ráð fyrir átta ein-
býlishúsum við Fálkastíg í stað þriggja í gild-
andi deiliskipulagi, lóð fyrir dreifistöð rafveitu
verður staðsett við Jörfaveg og bætt er við stíg
frá Fálkastíg að Jörfavegi.
Breytingartillagan verður til sýnis á skrifstofu
Bessastaðahrepps, Bjarnastöðum, frá kl. 08:00
- 16:00 alla virka daga frá 11. september til 24.
október 2003. Þeim sem telja sig eiga hags-
muna að gæta er gefinn kostur á að gera at-
hugasemdir við breytingartillöguna. Frestur
til að skila inn athugasemdum rennur út 24.
október 2003. Athugasemdum skal skilað til
sveitarstjóra Bessastaðahrepps, Bjarnastöðum
Þeir, sem ekki gera athugasemdir við tillöguna
innan tilskilins frests, teljast samþykkir henni.
Sveitarstjórinn í
Bessastaðahreppi.
SMÁAUGLÝSINGAR
DULSPEKI
Miðill sem svarar þér í dag.
Hringdu og fáðu einkalestur og
svör við vandamálum í starfi
eða einkalífi í síma 001 352 624
1720.
FÉLAGSLÍF
Háaleitisbraut 58—60
Samkoma í Kristniboðs-
salnum í kvöld kl. 20.00.
"Bjálkinn sem blindar" (Lúk 6.37-
42). Ræðumaður: Haraldur
Ólafsson.
Heitt á könnunni eftir samkom-
una. Allir hjartanlega velkomnir.
Hörgshlíð 12.
Boðun fagnaðarerindisins.
Bænastund í kvöld kl. 20.00.
ATVINNU-
AUGLÝSINGAR
I
I