Morgunblaðið - 26.09.2003, Blaðsíða 18

HÖFUÐBORGARSVÆÐIÐ
18 FÖSTUDAGUR 26. SEPTEMBER 2003 MORGUNBLAÐIÐ
Stefnt er að því Seltjarnarnesbær
og Þjóðminjasafnið geri með sér
samning um rekstur, viðhald og
umsjón Nesstofu, að því er fram
kemur í fréttatilkynningu frá bæj-
arfélaginu. Samkvæmt samnings-
drögum mun Seltjarnarnesbær
kosta hönnun og frágang á lóð en
Þjóðminjasafnið greiðir kostnað
vegna endurbóta á húsinu sjálfu.
Framkvæmdum við húsið og lóð
þess á að vera lokið á þremur árum,
samkvæmt því sem kemur fram í
samningnum. Þjóðminjasafnið hef-
ur átt húsið frá árinu 1979 en með
samningnum er vonast til að stofan
fái veigamikinn sess í bæjarlífi Sel-
tjarnarness.
Með þessari viðbót hefur Eimskip yf-
ir að ráða ríflega 7.000 tonna rými
undir frystar sjávarafurðir í
geymslum sínum. Keflavíkurverktak-
ar og Frostmark sáu um fram-
kvæmdir við nýju frystigeymsluna en
VSÓ ráðgjöf annaðist umsjón með
framkvæmdum. Framkvæmdir við
nýju geymsluna tóku fjóra mánuði.
Framkvæmdin er liður í langtíma-
uppbyggingu fyrirtækisins í Hafnar-
firði, en með stækkuninni skapast
tækifæri fyrir Eimskip að efla og
auka sjávarútvegstengda þjónustu á
heimamarkaði sínum í Norður-Atl-
antshafi.
Fjöldi erlendra fiskiskipa landar á
athafnasvæði fyrirtækisins í Hafnar-
firði á ári hverju. Þangað koma líka, á
vegum fyrirtækisins, kæli- og frysti-
skip, saltskip, timburskip ásamt skip-
um með annarri stórflutningavöru, en
Hafnarfjörður er aðalstórflutninga-
höfn félagsins hér á landi.
Athafnasvæði Eimskips í Hafnarfirði
Ljósmynd/Lárus Karl Ingason
Nýja frystigeymslan
tekur 4 þúsund tonn
Hafnarfirði | Eimskip hefur tekið í notkun nýja frystigeymslu á athafnasvæði
sínu í Hafnarfirði. Nýja geymslan, sem hlotið hefur nafnið Fjarðarfrost, tek-
ur rúmlega 4.000 tonn og er þar með stærsta geymsla sinnar tegundar á höf-
uðborgarsvæðinu.
Breiðholti | Verktaki stefnir að því að umferð
verði hleypt á nýju mislægu gatnamótin við
Stekkjarbakka 8. október eða tíu dögum fyrr en
til stóð í fyrstu, að sögn Hafliða Jónssonar verk-
efnisstjóra hjá Vegagerðinni. „Samkvæmt samn-
ingum á verktaki að ljúka verkinu 18. október ef
honum tekst það fyrir þann tíma fær hann flýtifé
upp á milljón krónur fyrir hvern dag sem tekst að
flýta verkinu.“ Hafliði segir að framkvæmdir hafi
gengið vel og snurðulaust fyrir sig enda hafi veð-
ur verið gott í sumar.
Stefnt er að því að framkvæmdum við ökuleiðir
og göngubrú verði lokið 1. nóvember en lokafrá-
gangur og gróðursetning munu bíða til vorsins.
Að framkvæmdinni stendur Vegagerðin í sam-
vinnu við Reykjavíkurborg og Kópavogsbæ og er
hönnun verksins unnin undir sameiginlegri verk-
efnastjórn þeirra.
Framkvæmdinni flýtt
Morgunblaðið/Árni Sæberg
Stefnt á að hleypa umferð á brýrnar 8. október
Mosfellsbæ | Hugmyndir eru uppi
um að byggt verði íþróttamann-
virki og ný sundlaug í Vesturhverfi
í Mosfellsbæ. Áður hafði verið gert
ráð fyrir byggingu íþróttasalar sem
yrði samtengdur Lágafellsskóla og
myndi fyrst og fremst vera notaður
til kennslu en nú er til athugunar
að byggt verði íþróttamannvirki í
fullri stærð, innisundlaug, útisund-
laug heitir pottar, gufubað og
buslulaug fyrir börn.
Hafa bæjaryfirvöld látið gera
frumathugun á hvort slíkt mann-
virki rúmist svo vel fari á lóð við
Lækjarhlíð suðvestan við Lága-
fellsskóla og var niðurstaðan já-
kvæð. Í Mosfellsbæ er nú fyrir ein
sundlaug við Varmá sem byggð var
snemma á sjöunda áratugnum, að
sögn Stefáns Ómars Jónssonar
bæjarritara í Mosfellsbæ. Hann
segir að gert sé ráð fyrir að
íþróttamiðstöðin nýja þjóni skól-
anum og íbúum svæðisins og síðar
nýrri byggð á Blikastaðalandi.
Hann segir ekki ljóst hvenær fram-
kvæmdir gætu hafist og bendir á
að hér sé um hugmyndir að ræða,
tillögurnar séu til skoðunar hjá
nefndum, síðan eigi þær eftir að
fara fyrir bæjarráð og bæjarstjórn.
Nýtt íþróttahús og sundlaug
Tölvumynd af fyrirhugaðri sundlaug og íþróttahúsi í Mosfellsbæ.
Stuttmyndir| Nú stendur sem
hæst stuttmyndasamkeppni ung-
linga í grunnskólum Hafnarfjarðar
og er viðfangsefnið umferðin.
Peningaverðlaun eru í boði fyrir
fyrstu þrjú sætin, 40 þúsund krónur
fyrir fyrsta sæti. Skilafrestur er í
síðasta lagi 3. október.
  
Konur fleiri | Í Reykjavík eru kon-
ur um 2.000 fleiri en karlar og mið-
aldur Reykvíkinga er 33 ára, það er
að segja, jafnmargir eru eldri og
yngri en 33 ára, samkvæmt upplýs-
ingum af vef Reykjavíkurborgar.
Þar kemur fram að rúmlega 2.000
Reykvíkingar eru fæddir árið 1973.
  
Aldraðir á Nesinu | Tillögur hóps
um þjónustu við eldri borgara á Sel-
tjarnarnesi hafa verið ræddar í bæj-
arstjórn. Tillögu um stærð og stað-
setningu hjúkrunarheimilis hefur
verið vísað til skipulags- og mann-
virkjanefndar ásamt tillögu um
fjölgun þjónustuíbúða fyrir aldraða
á Seltjarnarnesi. Þá hefur bæj-
arstjóra verið falið að undirbúa
framkvæmd og ganga til viðræðna
við heilbrigðisyfirvöld um kostnað
vegna dagvistunar fyrir aldraða, en
slík þjónusta hefur ekki verið í boði á
Seltjarnarnesi.
  
Samningur
um Nesstofu