Morgunblaðið - 04.10.2003, Blaðsíða 55

KIRKJUSTARF
MORGUNBLAÐIÐ LAUGARDAGUR 4. OKTÓBER 2003 55
Vetrarstarf
Glerárkirkju
VETRARSTARF Glerárkirkju er
nú komið í fullan gang.
Kyrrðarstundir verða á þriðju-
dögum kl 18. Hádegissamverur eru
alla miðvikudaga kl 12. Mömmu-
morgnar alla fimmtudaga milli 10
og 12. Barnasamverur eru kl. 11
alla sunnudaga í vetur með tví-
skiptu barnastarfi fyrir yngri og
eldri börn. Tólfsporastarf er á
mánudagskvöldum og Alfa-
námskeið á miðvikudagskvöldum.
Nánari upplýsingar í Glerár-
kirkju 464 8800.
Alfanámskeið
í Glerárkirkju
ALFANÁMSKEIÐ voru fyrst hald-
in fyrir rúmum tuttugu árum og
hafa nú farið sigurför um heiminn.
Á námskeiðunum kemur fólk sam-
an til borðhalds en síðan er boðið
upp á fræðsluerindi en að því loknu
eru umræður og síðan stutt helgi-
stund.
Á Alfanámskeiðunum er fjallað
um grundvallarþætti trúarinnar og
ræddar ýmsar spurningar um til-
gang lífsins og grundvöll kristinnar
trúar.
Alfanámskeiðunum er í senn ætl-
að að fræða og styrkja og byggja
fólk upp til betra og innihaldsrík-
ara lífs þar sem glímt er við grund-
vallarspurningar lífsins auk þess að
vera skemmtilegt samfélag fólks.
Alfanámskeiðin eru öllum opin.
Námskeiðið er ókeypis en greitt er
málamyndagjald fyrir máltíðir 200
kr. Námskeiðin verða á miðviku-
dagskvöldum í vetur frá kl 19.30 til
22.
Kynningarfundur verður mið-
vikudaginn 8. október kl. 19.30.
Umsjónarmaður er Sr. Arnaldur
Bárðarson. Nánari upplýsingar og
skráning í Glerárkirkju í síma
464 8802.
Vetrarstarfið
í Áskirkju
VETRARSTARFIÐ í Áskirkju er
sem óðast að falla í fastar skorður.
Barnastarfið er hafið og á sunnu-
daginn kemur, 5. október, breytist
messutíminn frá því sem var í sum-
ar og verða guðsþjónustur kl. 14
hvern sunudag í vetur en barna-
guðsþjónustur kl. 11. Á sunnudag-
inn messar sr. Karl V. Matthíasson.
Barnaguðsþjónusturnar á sunnu-
dagsmorgnum verða með áþekkum
blæ og undanfarin ár. Barnasálmar
og hreyfisöngvar eru sungnir og
börnunum kenndar bænir og vers
og þeim sagðar sögur og fá þau
biblíumyndir tengdar sögu dagsins.
Auk þess fá afmælisbörn litla gjöf.
Eins og áður gat eru almennar
guðsþjónustur í Áskirkju hvern
sunnudag kl. 14. Á sunnudaginn,
eins og jafnan fyrsta sunnudag í
mánuði, hefur safnaðarfélagið
kaffisölu eftir guðsþjónustuna, en
alla aðra sunnudaga er kirkjugest-
um boðið upp á kaffi eftir messu.
Líkt og undanfarin ár mun safn-
aðarfélagið gefa íbúum dvalar-
heimila og annarra íbúa stærstu
bygginga í sókninni kost á akstri til
og frá kirkju fyrsta sunnudag í
mánuði.
Hópar í tólfsporastarfi Áskirkju
hittast á þriðjudagskvöldum í kirkj-
unni.
TTT-starfið, starf með tíu til tólf
ára börnum, er hvern fimmtudag
kl. 17.
Opið hús er í safnaðarheimili Ás-
kirkju alla þriðjudaga og fimmtu-
daga. Á þriðjudagsmorgnum hittist
gönguhópur kirkjunnar, bæna- og
kyrrðarstund er í hádeginu og síð-
an boðið upp á léttan hádegisverð.
Á fimmtudögum er söngvastund og
upplestur. Allir eru hjartanlega
velkomnir í Opið hús. Þar er jafnan
heitt á könnunni og starfsfólk Ás-
kirkju til viðtals og aðstoðar.
Félagsfundir Safnaðarfélags
Ásprestakalls verða mánaðarlega í
vetur og á dagskrá margt til fróð-
leiks og skemmtunar.
Fræðslusamverur verða eins og
undanfarin ár í safnaðarheimili Ás-
kirkju á fimmtudagskvöldum kl. 20.
Fyrsta samveran verður 16. októ-
ber. Fram að jólum mun sóknar-
prestur fjalla um sorg og trú.
Biblíulestur
í Landakoti
SR. Halldór Gröndal heldur áfram
Biblíulestri sínum mánudaginn 6.
október kl. 20 í safnaðarheimilinu.
Þennan vetur er talað um Postula-
söguna. Að þessu sinni fjallar lest-
urinn nánar um helstu efnisatriði
og framvindu sögunnar. Lesturinn
stendur til kl. 21.50 með kaffihléi
og umræðum.
Allir sem áhuga hafa á því eru
hjartanlega velkomnir að fá sér
góða og lærdómsríka uppfræðslu
um Guðs orð í heilagri ritningu.
Hugsjón
Þjóðkirkjunnar
ALDREI hefur spurningin um hug-
sjón verið brýnni innan íslensku
þjóðkirkjunnar en nú. Aldrei hefur
krafan verið skýrari um að þjóð-
kirkjan reki af sér slyðruorð emb-
ættismennskunnar í starfsháttum
sínum og geri opinskátt að hún
hyggist áfram vera samferða þess-
ari þjóð. En hvernig má hún gera
það án þess að semja sátt við tíðar-
andann, verða einhverskonar
„popp-kirkja“ og missa sjónar af
erindi sínu?
Söfnuður Laugarneskirkju leit-
ast af fullri alvöru við að svara
þessum spurningum í starfi sínu, og
mun sóknarpresturinn, Bjarni
Karlsson, nú fjalla um þetta málefni
fyrst við almenna guðsþjónustu á
sunnudag kl. 11 og svo í fullorðins-
fræðslunni í safnaðarheimilinu á
þriðjudaginn kl. 19.30, þar sem al-
mennar umræður verða á dagskrá.
(Gengið inn bakatil á austurgafli
kirkjunnar.) Kristin hugsjón verður
ekki til við skrifborð, hugsjón skap-
ast í samfélagi biðjandi fólks. Hvetj-
um við allt áhugasamt fólk til að
koma og vera með í að móta hug-
sjón kirkjunnar.
Þrenna í
Hallgrímskirkju
FJÖLBREYTT dagskrá verður frá
morgni til kvölds sunnudaginn 5.
október í kirkjunni. Messa og
barnastarf verður kl. 11 árdegis
þar sem dr. Sigurður Árni Þórðar-
son prédikar og þjónar fyrir altari
ásamt sr. Maríu Ágústsdóttur. Org-
anisti verður Björn Steinar Sól-
bergsson og hópur úr Mótettu-
kórnum syngur. Magnea Sverris-
dóttir djákni stýrir barnastarfinu.
Kl. 13 verður fyrsti sunnudags-
fundurinn, en í haust verður sá
háttur hafður á að hafa fræðsluna
eftir messu en ekki fyrir eins og
verið hefur. Á fyrsta sunnudags-
fundinum talar dr. Kristinn Ólason
um Job og þjáninguna. Milli messu
og fundar verður gefinn kostur á að
kaupa léttar veitingar, sem kven-
félag kirkjunnar annast.
Kvöldmessa verður kl. 20. Sr. Jón
Dalbú Hróbjartsson stýrir mess-
unni, en Schola cantorum syngur
og Björn Steinar Sólbergsson leik-
ur á orgel kirkjunnar. Kvöldmess-
urnar verða að jafnaði einu sinni í
mánuði í vetur eins og undanfarin
ár. Kvöldmessurnar eru með mjög
látlausu formi, falleg tónlist, kyrrð,
íhugun, bænir og brotning brauðs-
ins. Eftir messuna verður boðið upp
á kaffisopa.
Jobsbók og þjáningin
á sunnudagsfundi
Á SUNNUDAGSFUNDI í Hall-
grímskirkju mun Kristinn Ólafsson
fjalla um hvort mannleg þjáning
hafi einhverja merkingu samkvæmt
Jobsbók. Fyrirlesturinn
nefnist „Mig langar til að
þreyta málssókn við Guð“.
Sunnudagsfundur 5. októ-
ber hefst kl. 13. Frá önd-
verðu hafa menn leitast
við að greina merkingu í
þjáningu manna og heims
og er Jobsbók eitt rismesta
og frægasta dæmi heims-
bókmenntanna um þá
glímu. Kristinn Ólafsson
lauk guðfræðiprófi frá HÍ
og stundaði síðan nám í
Gamla testamentisfræði í Þýska-
landi. Hann hefur numið og kennt
við ýmsa skóla þar í landi og lagði
fram árið 2002 doktorsritgerð sína
um Sálm 16. Kristinn stundar nú
auk kennslu rannsóknir á Jobsbók.
Þýsk-íslensk
göngumessa
Á MORGUN, sunnudaginn 5. októ-
ber, kl. 10.30, verður komið saman
við Minnismerkið glæsta í gotnesk-
um steinboga um fyrstu lútersku
kirkjuna á Íslandi sem þýskir kaup-
menn frá Hamborg reistu í Hafnar-
firði 1533 og forsetar Íslands og
Þýskalands afhjúpuðu 1. júlí síðast-
liðinn á suðurbæjarhöfninni við Há-
agranda og biskup Íslands vígði.
Þar mun Alda Ingibergsdóttir
syngja einsöng, lesin verða ritning-
arorð og Jónatan Garðarsson rifjar
upp sögubrot fyrri tíðar. Gengið
verður þaðan til messu í Hafnar-
fjarðarkirkju eftir göngukrossi en
komið við á tilteknum söguslóðum á
leiðinni, þar sem Jónatan mun segja
frá og þar líka lesin ritningarorð
svo sem hæfir á helgigöngu.
Fyrst verður staldrað við fyrir
sunnan Fiskmarkaðinn við Cux-
havengötu þar sem kirkjan mun
hafa staðið, gengið þaðan að hinni
gömlu Flensborg. Einnig verður áð
undir Skipahamri þar sem Bjarni
Sívertsen hóf smíði þilskipa. Sr.
Kristján Valur Ingólfsson mun
þýða það sem fram fer yfir á þýsku
og leiða gönguna ásamt sr. Gunn-
þóri Þ. Ingasyni sóknarpresti. Litið
verður á helgigönguna sem upphaf
guðsþjónustu sem mun halda áfram
í Hafnarfjarðarkirkju þegar þang-
að verður komið og prestarnir
stýra henni. Þar mun Alda einnig
syngja og jafnframt í kirkjukaffi í
Hásölum Strandbergs sem sóknar-
nefnd býður til eftir messuna.
Innsetning og
vísitasía í
Seltjarnarneskirkju
Á MORGUN, sunnudaginn 5. októ-
ber, kl. 11, mun sr. Jón Dalbú Hró-
bjartsson prófastur í Reykjavíkur-
prófastsdæmi vestra vísitera
Seltjarnarnessöfnuð. Þar mun hann
setja sr. Örnu Grétarsdóttur inn í
embætti prests í Seltjarnarne-
sprestakalli.
Eftir messuna er kirkjugestum
boðið inn í safnaðarheimili kirkj-
unnar til að þiggja léttar veitingar í
boði sóknarnefndar. Við hvetjum
Seltirninga og aðra góða gesti til að
fjölmenna til messu og bjóða nýjan
prest velkominn.
Sóknarnefnd
Seltjarnarneskirkju.
Vísitasía prófasts
í Lindaprestakalli
Á MORGUN, sunnudaginn 5. októ-
ber, mun sr. Gísli Jónasson prófast-
ur í Reykjavíkurprófastdæmi
eystra vísitera Lindasöfnuð í Kópa-
vogi. Þetta er fyrsta vísitasía sem
söfnuðurinn fær en Lindasókn var
stofnuð í janúar 2002 en var gerð
að sérstöku prestakalli í júlí sama
ár.
Guðsþjónusta verður að venju í
Lindaskóla kl. 11 þar sem sr. Gísli
prédikar og þjónar auk sóknar-
prestsins, sr. Guðmundar Karls
Brynjarssonar. Kór Lindakirkju
syngur undir stjórn Hannesar Bald-
urssonar organista. Að lokinni
guðsþjónustu verður gert stutt hlé
en eftir það verður haldinn almenn-
ur safnaðarfundur með prófasti.
Sunnudagaskólinn er á sínum stað
og fer fram í kennslustofum í
Lindaskóla á meðan á guðsþjónustu
stendur.
Glerárkirkja.
AFMÆLI
Ásgrímur Stefáns-
son er áttræður í dag.
Hann er sonur
hjónanna Stefáns Ás-
grímssonar og Jens-
eyjar Jörgínu Jóhann-
esdóttur, einn af átta
systkinum.
Jensey ólst upp í
Aðalvík og í Hnífsdal.
Foreldrar hennar
voru Jóhannes Elías-
son klénsmiður frá
Efrihlíð í Helgafells-
sveit við Breiðafjörð
og Guðrún Þorbjörg
Jónsdóttir frá
Fremri-Arnardal í Ísafirði. Stefán
var úr Fljótum í Skagafirði. For-
eldrar hans voru Sigurlaug Sigurð-
ardóttir og Ásgrímur Sigurðsson
frá Dæli í Fljótum. Ásgrímur ólst
upp á Siglufirði til átta ára aldurs,
en þá fluttist fjölskyldan til Ak-
ureyrar.
Ásgrímur kvæntist árið 1947
Sigurlaugu Kristinsdóttur. Sigur-
laug var fædd í Garðakoti í Skaga-
firði, dóttir hjónanna Kristins
Gunnlaugssonar og Gunnhildar
Sigurðardóttur á Sauðárkróki.
Ásgrímur og Sigurlaug eignuð-
ust einn son, Kristin, og eina fóst-
urdóttur, Heklu. Sigurlaug dó árið
1996.
Ásgrímur er húsasmíðameistari
að mennt og starfaði lengi vel við
þá iðn, en um sextugt aflaði hann
sér kennararéttinda á Akureyri og
kenndi þar síðan um níu ára skeið.
Þegar Ásgrímur var fimmtán
ára upplifði hann það sem hann
kallar mestu hamingju lífsins.
Hann mætti Jesú Kristi sem sínum
persónulega frelsara. Hann var þá
að vinna í skóverksmiðjunni Iðunni
á Akureyri og þá upplifði hann
eins og hann segir, að hann yrði að
gefast Guði núna. Hann fékk frí í
vinnunni, fór heim og bað til Drott-
ins í tvær klukkustundir, uns hann
fann frið Guðs og fullvissu í hjarta
sínu. Þennan frið hefur Ásgrímur
nú átt í 65 ár.
Alla tíð síðan hefur það verið
ÁSGRÍMUR
STEFÁNSSON
honum hjartans mál
að segja öllum frá
Jesú. Þau hjónin Ás-
grímur og Sigurlaug
byrjuðu strax að taka
þátt í kristilegu starfi
á Akureyri.
Árið 1954 fluttu þau
hjón til Hafnarfjarðar
þar sem lítið var um
vinnu á Akureyri og
Ásgrímur fékk vinnu
á Keflavíkurflugvelli.
Ásgrímur hafði þann
sið að biðja Guð ávallt
að blessa matinn og
það kom fyrir að
vinnufélagarnir gerðu góðlátlegt
grín að þessu. En einn daginn
fengu allir í vinnuhópnum mat-
areitrun, nema … Ásgrímur. Það
þakkaði hann sínum Guði.
Árið 1955 fluttu þau hjón síðan
til Stykkishólms til að taka við
starfi hvítasunnumanna þar í bæ.
Þar voru þau til ársins 1959, að Ás-
grímur var fenginn til að veita um-
sjón byggingu Fíladelfíukirkjunn-
ar í Reykjavík.
Þau bjuggu í Reykjavík til árs-
ins 1969 að þau fóru til Siglufjarð-
ar. Þar störfðuðu þau í Zíon til árs-
ins 1986 að þau fluttu til
Akureyrar.
Á Siglufirði sáu þau um blómlegt
barnastarf í mörg ár og það voru
nokkrar kynslóðir barna sem fóru í
gegnum sunnudagaskólann og
föndurfundina hjá Ása og Laugu í
Zíon á Siglufirði. Enn eru dæmi
þess að gömlu sunnudagaskóla-
börnin hringi í Ása þegar þeim líð-
ur illa.
Þegar þau bjuggu á Siglufirði
tóku þau að sér tvo tvo tólf ára
drengi, Hannes og Kristin.
Árið 1999 kvæntist Ásgrímur
núverandi eiginkonu sinni, Þóru
Pálsdóttur, og búa þau nú í Kefla-
vík, þar sem Ásgrímur tekur enn
virkan þátt í starfi Hvítasunnu-
kirkjunnar. Efst í huga afmælis-
barnsins er þakklæti til Guðs fyrir
góða heilsu.
Kristinn Ásgrímsson.
Bridsfélag
Hafnarfjarðar
Hausttvímenningur félagsins,
sem að þessu sinni er spilaður með
barometer-sniði, hófst mánudag-
inn 29. september.
Staðan eftir fyrsta kvöldið er
þannig:
Guðbr. Sigurb. - Friðþjófur Einars. 46
Erla Sigurjónsdóttir - Sigfús Þórðarson 39
Einar Sigurðsson - Halldór Einarsson 36
Sveinn Vilhjálmsson - Ómar Óskarsson 33
Keppninni verður fram haldið
næstu tvö mánudagskvöld.
Gullsmárabrids
Bridsdeild FEBK spilaði tví-
menning á 13 borðum fimmtudag-
inn 2. október. Miðlungur 220.
Beztum árangri náðu:
NS
Guðm. Guðveigsson - Guðjón Ottósson 271
Heiður Gestsd. - Þórdís Sólmundard. 263
Hannes Ingibergss. - Erst Backmann 258
Kristinn Guðmss. - Guðm. Helgas. 248
AV
Róbert Sigmunds. - Agnar Jörgenss. 271
Auðunn Bergsv.s. - Jón P. Ingibergss. 260
Steindór Árnason - Guðgeir Björnsson 245
Sigurpáll Árnason - Sigurður Gunnl.s. 231
Gunnar Bjarnas. - Guðm. Tryggvas. 231
Gullsmárabrids er alla mánu- og
fimmtudaga.
Pör eru beðin að mynda sveitir
fyrir sveitakeppni sem hefst 20.
október – á skrá þær á töflu í Gull-
smára sem allra fyrst.
Bridskvöld nýliða
Sunnudaginn 5. október hefjast
bridskvöld nýliða aftur eftir langt
sumarfrí.
Spilað verður öll sunnudags-
kvöld í Síðumúla 37, 3. hæð og
hefst spilamennska kl. 19.30. Allir
sem kunna undirstöðuatriðin í
brids eru velkomnir.
Umsjónarmaður er Sigurbjörn
Haraldsson og aðstoðar hann við
að finna spilafélaga fyrir þá sem
mæta stakir.
Bridsfélag
yngri spilara
Á öðru spilakvöldinu mættu 10
pör til leiks og var spilaður
Monrad barómeter.
Eftirtalin pör náðu hæsta skor-
inu:
Þórarinn Haukss. - Gunnar M. Jakobs. 27
Kristinn Sigurj.s. - Ómar F. Ómarss. 19
Guðmundur Andr.s. - Davíð Jóhannss. 10
Grímur Kristinss. - Þorvaldur Guðjónss. 3
Aldurstakmark er 30 ár og spilað
er á miðvikudagskvöldum frá
19:30-23:00. Spilagjald aðeins 200
kr.
Bridsfélag Kópavogs
Þriggja kvölda „Hamrasportství-
menningi“ lauk sl. fimmtudags-
kvöld, þar sem efstu pörin fengu
vegleg verðlaun frá samnefndu fyr-
irtæki.
Röð efstu para:
Jens Jensson–Jón Steinar Ingólfsson 562
Ragnar Björnss.–Sigurður Sigurjónss. 546
Dröfn Guðmundsd. – Ásgeir Ásbj.s. 536
Magnús Aspelund – Steingr. Jónasson 533
Hæstu kvöldskor:
N/S
Halldóra Magnúsd. - Guðl. Bessas. 204
Magnús Aspelund - Steingr. Jónass. 184
Heimir Tryggvason - Gísli Tryggvason 183
A/V
Ragnar Björnss. - Sigurður Sigurj.s. 213
Bernódus Kristinss. - Hróðm. Sig.bj.s. 192
Eðvarð Hallgrímss. - Björn Kristjánss.185
Næsta fimmtudag hefst hrað-
sveitakeppni og eru allir spilarar
velkomnir. Skráning er hjá Lofti í
s: 897 0881 og á spilastað í Hamra-
borg 11, 3.hæð.
BRIDS
Umsjón Arnór G.
Ragnarsson