Morgunblaðið - 11.11.2003, Blaðsíða 4

VEIÐIÞJÓNUSTAN Strengir hefur
tekið veiðisvæði Nes og Árness í
Laxá í Aðaldal á leigu á móti banda-
ríska fyrirtækinu Frontiers. Um er
að ræða veiðisvæði sem er frægt
fyrir stórlaxa og hélt þeim sess á
liðnu sumri þrátt fyrir að veiðin í
Laxá væri á heildina litið slök.
Að sögn Þrastar Elliðasonar, eig-
anda Strengja, hélt umrætt veiði-
svæði betur sjó heldur en önnur
svæði Laxár á nýliðnu sumri, á land
komu um 240 laxar og flestir af
stærstu löxum sumarsins, m.a. sá
stærsti, 26 punda.
„Sú breyting verður, að öllum
laxi verður nú sleppt, en til þessa
hafa erlendir veiðimenn gjarnan
verið að sleppa laxi um hásumarið,
en síðan hefur mikið af laxi verið
drepið í haustveiði og þá iðulega
stærstu fiskarnir. Við teljum að við
ríkjandi aðstæður, þegar veiðin í
Laxá er í öldudal, þá verði að
sleppa þessum fiski. Það hjálpar
ánni að rétta við og tryggir líka að
meira er af laxi í ánni fyrir veiði-
menn um haustið,“ sagði Þröstur.
Skipulagið er þannig, að Fron-
tiers verða með 18. júlí til 29. ágúst,
en Strengir með allt á undan og eft-
ir. Heimamenn reka eftir sem áður
veiðiheimili í Árnesi.
Vignir Kristjánsson með stórlax af
Nessvæðunum sl. sumar.
Strengir leigja
Nessvæðin
ERU
ÞEIR AÐ
FÁ’ANN?
FRÉTTIR
4 ÞRIÐJUDAGUR 11. NÓVEMBER 2003 MORGUNBLAÐIÐ
LOKIÐ er rannsókn Rannsóknarnefndar flug-
slysa, RNF, á flugumferðaratviki á Reykjavíkur-
flugvelli í ágúst 2002. Lítil flugvél lenti þar án
heimildar flugumferðarstjóra en talstöðvarsam-
band hennar hafði rofnað og önnur flugvél lenti í
kjölfar hennar og varð að sveigja frá á flugbraut-
inni þar sem vélin sem fyrr hafði lent var enn á
brautinni. Beinir RNF því til Flugmálastjórnar að
gefnar verði út reglur um verklag sem nota skal
þegar talstöðvarsamband rofnar í sjónflugi.
Málavextir eru þeir að hinn 14. ágúst var einka-
flugmaður á Cessna 152 kennsluflugvél, TF-FTG,
að nálgast Reykjavíkurflugvöll á ný eftir ferð
austur fyrir fjall. Um kl. 22.20 hafði hann samband
við flugturn til að láta vita að hann væri á leið til
lendingar. Þegar ekkert svar barst eftir nokkur
köll reyndi hann að ná í aðflugstjórn vallarins en
árangurslaust. Að síðustu reyndi hann tíðni sjálf-
virku flugvallarupplýsingastöðvarinnar og varð
honum þá ljóst að eitthvað væri athugavert við tal-
stöð vélarinnar.
Þrjár aðrar vélar á ferðinni
Flugmaðurinn flaug vélinni áfram og stillti rat-
sjársvarann á 7600 sem merki um að talstöðin
væri biluð. Flugmaður TF-FTG lenti síðan vélinni
en þá voru þrjár vélar í flugstjórnarsviði flug-
turnsins. Þegar hann var lentur sá flugumferð-
arstjóri að ekki var þar á ferð sú flugvél sem hann
hafði gefið lendingarheimild, TF-FTN, en sú vél
var þá í þann veginn að lenda á sömu flugbraut.
Gaf hann flugmanni TF-FTN kost á að hætta við
og sagði flugmanni TF-FTG að rýma flugbrautina
strax en hann hafði þá snúið vél sinni við og ók á
móti þeirri sem var að lenda.
Flugmaður TF-FTN taldi óhætt að lenda og
sveigði vél sinni yfir á vinstri hluta flugbrautarinn-
ar og ók framhjá TF-FTG.
Í skýrslu RNF segir að þótt ætlast sé til að flug-
menn fari eftir ákveðnum reglum er fjarskipti
bregðast sé þær hvergi að finna sem eina heild á
aðgengilegan hátt. Þær gangi m.a. út á að stilla
ratsjársvara á 7600, fljúga yfir flugvöllinn til að
kanna aðstæður, vagga vængjum og blikka lend-
ingarljósum til að gefa til kynna að talstöð sé biluð
og síðan haga fluginu í samræmi við ljósmerki sem
hann fær frá flugturni. Segir að hefði flugmað-
urinn farið eftir reglum og almennt viðurkenndu
verklagi um flug eftir að fjarskipti bregðast hefði
þetta atvik ekki komið upp. Segir að þar sem regl-
ur um verklag sem viðhafa skuli þegar talstöðv-
arsamband rofnar séu ekki til í aðgengilegu formi
beini RNF því til Flugmálastjórnar að þær verði
gefnar út.
Rannsókn lokið á flugumferðaratviki á Reykjavíkurflugvelli í ágúst í fyrra
Gefið verði út efni um
viðbrögð er talstöð bilar
BJÖRN Bjarnason dómsmálaráð-
herra segir að Alþingi eigi í öllum til-
vikum síðasta orðið um fjárveitingar
hvort heldur er til dómstóla eða ann-
arra, aðspurður um hugmyndir sem
Ólöf Pétursdóttir, dómstjóri Héraðs-
dóms Reykjaness, setti fram á aðal-
fundi Dómarafélags Íslands á föstu-
dag. Þar lýsti hún þeirri skoðun að
rétt væri að dómstólar sæktu fjárveit-
ingar sínar beint til löggjafarvaldsins
í stað þess að þurfa að sækja þær í
gegnum framkvæmdavaldið.
„Aðferðin við að útdeila slíku fé
byggist á því, að fjármálaráðherra
flytji alþingi tillögur um fjárveiting-
arnar í fjárlagafrumvarpi og þær til-
lögur byggjast á tillögum frá viðkom-
andi fagráðuneytum,“ segir Björn.
„Varðandi héraðsdómstólana eru
tvær leiðir til, annars vegar að halda
áfram á þeirri braut að setja rekstr-
arfé í meiri mæli í sameiginlegan pott
og fela dómstólaráði að skipta honum
á einstaka dómstóla.
Hins vegar er sú leið fær, að hver
héraðsdómstóll fái fjárveitingu sem
merkt er honum í fjárlögunum sjálf-
um án milligöngu dómstólaráðs. Mér
sýnist seinni leiðin nálægt þeirri hug-
mynd, sem Ólöf Pétursdóttir kynnti,
og á hún eigi ekki síður vel við um
dómstóla en aðrar stofnanir á vegum
ríkisins.“
Áhugaverðar hugmyndir
að mati formanns VG
Að mati Steingríms J. Sigfússonar,
formanns Vinstrihreyfingarinnar –
græns framboðs, eru hugmyndir
Ólafar áhugaverðar. „Ég held að
þetta væri að mörgu leyti skýrari
skipan mála og í betra samræmi við
hinn hreina aðskilnað þessara vald-
þátta samfélagsins, að framkvæmda-
valdið væri ekki eins og milliliður milli
löggjafar- og fjárveitingavaldsins og
dómstólanna,“ segir Steingrímur.
„Dómstólarnir almennt eiga að
starfa meira í skjóli Alþingis en fram-
kvæmdavaldsins. Eins og ég skil mál-
ið finnst mér því sú hugsun sem þarna
er að baki áhugaverð og hún slær mig
vel,“ segir Steingrímur.
Guðjón A. Kristjánsson, formaður
Frjálslynda flokksins, segist ekki
taka afstöðu til málsins fyrr en hann
hafi séð fleiri rök í því.
Dómsmálaráðherra um hugmyndir
um að dómstólar sæki fjárveitingar
beint til löggjafarvalds
Alþingi á síðasta
orðið um
fjárveitingar
VEGFARENDUM um veginn við
Rauðavatn varð nokkuð bylt við þeg-
ar þeir mættu þessari sjón, en flutn-
ingabíll fullur af brotajárni valt á
veginum og brotajárnið rúllaði yfir
vegarkantinn. Hvað mestri geðs-
hræringu olli bíllinn krumpaði, en
margir vegfarendur voru hræddir
um að slasaðar mannverur leyndust
innanborðs. Sem betur fer var raun-
in ekki sú, bíllinn hafði verið press-
aður saman áður en hann var settur
upp á flutningabílinn. Óhætt er að
segja að fólki hafi létt þegar það sá
að enginn skaði hafði orðið.
Morgunblaðið/Árni Sæberg
Betur fór en á horfðist …
SIV Friðleifsdóttir umhverfisráð-
herra hefur skipað nefnd sem hefur
það hlutverk með höndum að fjalla
um veiðar á mink, fækkun og hugs-
anlega útrýmingu hans úr íslenskri
náttúru. Nefndinni er ætlað að skila
tillögum fyrir 1. febrúar næstkom-
andi.
„Nefndinni er m.a. ætlað að fjalla
um stöðu minksins í íslenskri nátt-
úru, útbreiðslu og stofnstærð hans
og tjón af hans völdum. Nefndin skal
gera tillögur til ráðuneytisins um
nauðsynlegar aðgerðir til þess að
draga úr tjóni af völdum minks,
hvernig staðið skuli að veiðum og
hvort og hvernig takast megi að tak-
marka útbreiðslu minks eða útrýma
honum úr náttúru landsins,“ segir í
frétt frá umhverfisráðuneytinu af
þessu tilefni.
Formaður nefndarinnar er Ingi-
mar Sigurðsson, skrifstofustjóri.
Nefnd til að
fjalla um hugs-
anlega útrým-
ingu á mink
JÓN Þór Sverrisson, sem var settur
trúnaðarlæknir Flugmálastjórnar í
byrjun árs 2002, en hann synjaði
Árna Sigurðssyni flugmanni um út-
gáfu heilbrigðisvottorðs, gagnrýnir
niðurstöðu áfrýjunarnefndarinnar,
sem hefur nú veitt flugmanninum
gilt heilbrigðisvottorð.
Jón Þór tekur fram að hann eigi
ekki lengur aðild að þessu máli en
kveðst þó hafa skoðanir á úrskurði
nefndarinnar og sé ósammála hin-
um. „Niðurstaða nefndarinnar er tví-
skipt. Þeir eru samþykkir mínum úr-
skurði en koma svo með nýjan
úrskurð. Það er alveg ljóst af minni
hálfu að ég tel að þessi nefnd hafi
ekki farið eftir þeim kröfum sem
Flugöryggissamtök Evrópu, sem við
erum aðilar að, gera. Ég sagði í mín-
um úrskurði að heilaáfall af þessari
gerð ylli varanlegri vanhæfni. Það er
mín skoðun,“ segir hann.
Jón Þór segist einnig eiga erfitt
með að fallast á það sem segi í úr-
skurðinum að útgáfa flugskírteina sé
sanngirnismál. „Það er ekki hægt að
taka tillit til sanngirnissjónarmiða
þegar flugöryggi er annars vegar,“
segir hann.
Jón Þór Sverrisson ósammála niðurstöðu áfrýjunarnefndar
Ekki farið að kröfum