Morgunblaðið - 11.11.2003, Blaðsíða 41
FRÉTTIR
MORGUNBLAÐIÐ ÞRIÐJUDAGUR 11. NÓVEMBER 2003 41
Í DAG
Á MORGUN
Mannréttindaskrifstofa Íslands
heldur opna málstofu í húsakynn-
um Rauða krossins að Efstaleiti 9, í
dag, þriðjudaginn 11. nóvember kl.
17.15. Frummælendur verða Hall-
dór Reynisson, Ingvill T. Plesner
doktorsnemi frá norsku mannrétt-
indaskrifstofunni, Salmann Tamimi
tölvunarfræðingur og Toshiki Toma.
Málstofan fer fram bæði á ensku og
íslensku. Fjallað verður um hvort
við búum í fjölmenningarsamfélagi
og hvað fjölmenningarsamfélag sé.
Einnig verður fjallað um trúfrelsi og
fjölmenningarsamfélag.
Landvernd heldur málstofu í dag,
þriðjudaginn 11. nóvember í Nor-
ræna húsinu. Fjallað verður um lax-
eldi í sjókvíum og möguleg áhrif
þess á íslenskt lífríki. Jafnframt á að
varpa ljósi á þá samfélagslegu hags-
muni sem tengjast laxeldi og veiðum
í ám. Málshefjendur verða Sigurður
Guðjónsson forstöðumaður Veiði-
málastofnunar, Gísli Jónsson dýra-
læknir fisksjúkdóma, Vigfús Jó-
hannsson formaður Landssambands
fiskeldisstöðva og Óðinn Sigþórsson
formaður Landssambands veiði-
félaga. Aðgangur er ókeypis og allir
velkomnir.
Rannsóknir á ættlægni krabba-
meina Styrkur, samtök krabba-
meinsjúklinga og aðstandenda
þeirra, verður með opið hús í dag,
þriðjudaginn 11. nóvember, í húsi
Krabbameinsfélagsins að Skóg-
arhlíð, kl. 20. Laufey Ámundadóttir
deildarstjóri krabbameinsdeildar Ís-
lenskrar erfðagreiningar og Helgi
Sigurðsson forstöðumaður Krabba-
meinsmiðstöðvar Landspítalans
ræða um rannsóknir á ættlægni
krabbameina. Allir velunnarar fé-
lagsins velkomnir.
Ný lífsjón, samtök fólks sem
misst hefur útlimi, verður með op-
ið hús á morgun, miðvikudags-
kvöldið 12. nóvember, kl. 20, á lofti
Grafarvogskirkju.
Ráðstefnu um vatnsvernd Fram-
kvæmdastjórn um vatnsvernd á höf-
uðborgarsvæðinu efnir til ráðstefnu
um vatnsvernd á morgun, miðviku-
daginn 12. nóvember kl. 13–17 á
Hótel Nordica, í tilefni af Ári fersk-
vatns 2003. Ráðstefnan er opin öllu
áhugafólki.
Á ráðstefnunni verður fjallað um
þær hættur fyrir vatnsöflun sem
kynnu að stafa af hugsanlegum nátt-
úruhamförum á svæðinu, svo sem
eldgosum, og af manna völdum, t.d.
af vaxandi byggð og ef meng-
unarslys yrði. Fundarstjóri er Ásdís
Halla Bragadóttir, bæjarstjóri
Garðabæjar.
Dagur vatnsins í Gullsmára Á
morgun, miðvikudaginn 12. nóv-
ember verður dagskrá í Gullsmára
sem nefnist „Dagur vatnsins“. Dag-
skráin hefs kl. 10 með ferð í Gvend-
arbrunnahús í Heiðmörk í boði
Orkuveitunnar. Leiðsögumaður
verður Björn Þorsteinsson sagn-
fræðingur. Fulltrúi frá Umhverf-
isstofnun flytur erindi í Gullsmára
kl. 14, Guðrún Lilja Guðmundsdóttir
og Ómar Gunnarsson stjórna fjölda-
söng, Sigurlaug Guðmundsdóttir les
ljóð og Bergþór Pálsson syngur.
Fulltrúi frá Búnaðarbanka Íslands
mun afhenda vatnsbrunn. Allir vel-
komnir.
HELGIN var annasöm
hjá lögreglu, töluvert
um árekstra og nokkuð
um ölvun og slagsmál.
Alls voru átta ökumenn
grunaðir um ölvun við akstur og 26
teknir fyrir of hraðan akstur. Til-
kynnt var um 42 umferðaróhöpp þar
sem eignatjón átti sér stað og þrír
óku gegn rauðu ljósi.
Um helgina var tilkynnt um 19
innbrot og 25 þjófnaði. Rétt eftir kl.
8.00 á föstudagsmorgni var tilkynnt
um innbrot í Breiðholti. Hurð að
geymslu hafði verið sparkað upp og
þaðan stolið tölvu, myndbandstæki,
ferðatösku og fleiru. Um kl. 9 var til-
kynnt um þjófnað í Vesturbænum en
tekin hafði verið tölva og skjávarpi
að verðmæti 450 þúsund.
Um kl. 11.30 var ökumaður stöðv-
aður á Vesturlandsvegi þar sem í
afturglugga bifreiðarinnar var blátt
neonljós. Ökumaður var látinn af-
tengja ljósið og honum gerð grein
fyrir því að þetta væri óheimilt.
Rétt fyrir kl. 14 var tilkynnt um
harðan árekstur við Eiðsgranda,
vestan við gatnamót Rekagranda.
Við áreksturinn kastaðist önnur bif-
reiðin út fyrir veg. Þrír voru fluttir á
slysadeild. Báðar bifreiðarnar voru
fjarlægðar af vettvangi með krana-
bíl.
Um kl. 21 var tilkynnt um yf-
irstandandi rán í Breiðholtinu. Tveir
menn höfðu komið inn í verslun, hót-
að starfsmanni og skipað honum að
opna peningakassa. Annar mann-
anna hótaði einnig viðskiptavini sem
staddur var í versluninni. Þessi við-
skiptavinur náði þá að grípa í hönd
mannsins og leiða hann út úr versl-
uninni. Þá hlupu mennirnir í burtu.
Við leit lögreglumanna náðust
mennirnir og voru vistaðir í fanga-
geymslu.
Flúðu úr bíl með áfengi
Um kl. 2.30 var bifreið stöðvuð í
Árbænum. Tveir menn hlupu út úr
bifreiðinni og náðust þeir ekki.
Kranabíll var fenginn til að færa bif-
reiðina á lögreglustöðina en í henni
fundust vínkassar, ætlað þýfi. Einn-
ig lá stórt kúbein í aftursætinu. Lagt
var hald á áfengið. Málið er í rann-
sókn. Um kl. 5 var bifreið stöðvuð í
Breiðholtinu og fannst ætlað am-
fetamín og E-pillur í bifreiðinni.
Ökumaður var færður í fanga-
geymslu.
Um miðnætti á sunnudagskvöld
varð harður árekstur við Gullinbrú.
Ökumenn og farþegar voru fluttir á
slysadeild og þurfti að fjarlægja bif-
reiðarnar með kranabíl. Tilkynnt
var um innbrot í bifreið stuttu síðar.
Stolið hafði verið geislaspilara,
geisladiskum og skemmdir unnar á
mælaborði. Sést hafði til tveggja
dökkklæddra manna hlaupa frá bif-
reiðinni. Málið er í rannsókn.
Rétt fyrir kl. 4 aðfaranótt sunnu-
dags var tilkynnt um meðvitund-
arlausan mann við Skólavörðustíg.
Þrír menn höfðu ráðist á hann en
ekki er vitað hverjir það voru. Mað-
urinn var fluttur á slysadeild með
sjúkrabifreið. Um klukkustund síðar
tilkynnti kona að ráðist hefði verið á
sig á veitingastað í miðborginni.
Konan fann til í vinstri mjöðm og
hné. Var henni bent á að verða sér
úti um áverkavottorð og leggja síðan
fram kæru.
Rétt fyrir kl. 10 á sunnudags-
morgni var tilkynnt um innbrot í bif-
reið í Grafarvoginum. Þaðan hafði
m.a. verið stolið myndbands-
upptökuvél, stafrænni myndavél og
geislaspilara. Um svipað leyti barst
tilkynning um að kveikt hefði verið í
póstkössum í anddyri fjölbýlishúss í
Bústaðahverfi. Við nánari athugun
kom í ljós að reynt hefði verið að
kveikja í póstkössum og voru
skemmdir á gluggakarmi. Rétt fyrir
kl. 18 tilkynnti öryggisvörður um yf-
irstandandi innbrot í Höfðahverfi.
Tveir menn voru handteknir. Þeir
höfðu farið inn um glugga á fyr-
irtækinu og reynt að taka skjávarpa
en hættu við.
Úr dagbók lögreglunnar 7. til
10. nóvember
Annasöm helgi
hjá lögreglu
KIRKJUSTARF
Áskirkja: Opið hús fyrir alla aldurshópa
milli kl. 10 og 14 í neðri safnaðarsal kirkj-
unnar. Bæna- og fyrirbænastund kl. 12.
Léttur hádegisverður að lokinni bæna-
stund. Allir velkomnir. Tólf spora fundur kl.
19 í neðri safnaðarsal.
Grensáskirkja: Kyrrðarstund í hádegi kl.
12.10. Orgelleikur, ritningarlestur, altaris-
ganga, fyrirbænastund. Léttur málsverður
á sanngjörnu verði að helgistund lokinni.
Hallgrímskirkja: Fyrirbænaguðsþjónusta
kl. 10.30. Beðið fyrir sjúkum. Eldri borgara
starf kl. 13. Leikfimi, súpa, kaffi og spjall.
Eldri borgarar, farið verður á Þingvöll mið-
vikudaginn 12. nóvember kl. 13. frá kjall-
ara kirkjunnar, leiðsögumaður sr. Sigurður
Árni Þórðarson, drukkið kaffi. Upplýsingar
veitir Dagbjört í síma 510 1034 eða síma
510 1000.
Háteigskirkja: Eldri borgarar, pútt alla
morgna ef veður leyfir frá kl. 10. Félagsvist
mánudaga kl. 13, brids miðvikudaga kl.
13. Þátttaka tilkynnist til Þórdísar í síma
511 5405.
Laugarneskirkja: TTT-starfið kl. 16.15.
(5.–7. bekkur). Umsjón Þorkell Sigur-
björnsson, Sigurbjörn Þorkelsson og Andri
Bjarnason. Umsjón hefur Þorkell Sigur-
björnsson, Sigurbjörn Þorkelsson og Andri
Bjarnason. Fullorðinsfræðsla Laugarnes-
kirkju kl. 19.30. Laufey Waage tónlistar-
kennari, ásamt tveimur öðrum þátttakend-
um í Alfa-starfi safnaðarins, svarar
spurningunni: „Hverju breytir trúin í mínu
lífi? Gengið er inn um dyr, bakatil, á aust-
urgafli kirkjunnar. Þriðjudagur með Þor-
valdi kl. 20.30. Þorvaldur Halldórsson
leiðir lofgjörðina við undirleik Gunnars
Gunnarsonar á flygilinn og Hannesar Guð-
rúnarsonar sem leikur á klassískan gítar.
Gengið er inn um aðaldyr kirkju, eða komið
beint inn úr Fullorðinsfræðslunni. Fyrir-
bænaþjónusta við altarið kl. 21.00 í
umsjá bænahóps kirkjunnar.
Neskirkja: Fermingarfræðsla kl. 15.00.
Vetrarnámskeið. Litli kórinn – kór eldri
borgara kl. 16.30. Stjórnandi Inga J. Back-
man. Allir velkomnir. Alfa-námskeið kl. 19.
Seltjarnarneskirkja: Foreldramorgnar kl.
10–12. Kirkjuprakkarar kl. 16.00. Starf
fyrir 10–12 ára kl. 17.30.
Árbæjarkirkja: Kl. 10 foreldramorgnar í
safnaðarheimilinu. Kl. 15.30 TTT-starf
með tíu til tólf ára börnum í safnaðarheim-
ilinu. Kl. 15.30 TTT-starf með tíu til tólf ára
börnum í Ártúnsskóla.
Breiðholtskirkja: Bænaguðsþjónusta
með altarisgöngu kl. 19.30. Bænaefnum
má koma til sóknarprests í viðtalstímum
hans.
Digraneskirkja: Kirkjustarf aldraðra: Leik-
fimi I.A.K. kl 11.15. Léttur málsverður,
helgistund, myndasýning og kaffi. Ung-
lingakór Digraneskirkju kl. 17.00–19.00.
KFUM&KFUK fyrir 10–12 ára börn kl
17.00–18.15, húsið opnað kl. 16.30. Alfa
námskeið kl. 19.00. Hvernig get ég talað
við aðra um trú mína? Fræðsla Katrín Söe-
bech. (sjá nánar: www.digraneskirkja.is)
Fella- og Hólakirkja: Strákastarf fyrir
stráka í 3.–7. bekk kl. 16.30.
Grafarvogskirkja: Eldri borgarar. Opið hús
kl. 13.30. Helgistund, handavinna, spil og
spjall. Kaffiveitingar, alltaf eitthvað gott
með kaffinu. Kirkjukrakkar með börn á
aldrinum 7–9 ára kl. 17.30–18.30. Æsku-
lýðsfélag fyrir unglinga í 9. og 10. bekk í
Grafarvogskirkju kl. 20.
Hjallakirkja: Prédikunarklúbbur prestar kl.
9.15 í umsjón Dr. Sigurjóns Árna Eyjólfs-
sonar. Bæna- og kyrrðarstund kl. 18.
Kópavogskirkja: Foreldramorgnar í safn-
aðarheimilinu Borgum kl. 10–12. Sam-
verustund kl. 14.30–16.00. Fræðandi inn-
legg í hverri samveru, lagið tekið undir
stjórn Sigrúnar Þorgeirsdóttur, kaffi og
stutt helgistund. Allir hjartanlega velkomn-
ir. Starf með 8–9 ára börnum í Borgum kl.
17.00–18.00 í umsjón Dóru Guðrúnar og
Bóasar. Starf með 10–12 ára börnum á
sama stað kl. 18.00–19.00 í umsjón Dóru
Guðrúnar og Bóasar.
Lindakirkja í Kópavogi: Mömmumorgnar í
Safnaðarheimili Lindasóknar, Uppsölum
3, kl. 10–12.
Seljakirkja: Mömmumorgnar kl. 10–12.
SELA yngri deild kl. 20–22.
Hafnarfjarðarkirkja: Opið hús fyrir 10–12
ára börn í safnaðarheimilinu Strandbergi,
Vonarhöfn frá kl. 17–18.30.
Víðistaðakirkja: Dagskrá fyrir 8–9 ára í
dag kl. 15.30–16.30. Dagskrá fyrir 10–12
ára (TTT) í dag kl. 17–18. Skemmtilegar
stundir fyrir hressa krakka. Æskulýðs-
félagið (Megas) heldur vikulegan fund kl.
19.30–21 í kvöld. Umsjón með starfi
þessara hópa hafa Anna Hulda Einarsdótt-
ir og Sigríður Rún Tryggvadóttir.
Fríkirkjan í Hafnarfirði. Kl. 16.30–18 er
opið hús fyrir 7–9 ára krakka. Kl. 20–22 er
opið hús fyrir unglinga 13–15 ára.
Vídalínskirkja: Opið hús kl. 13–16. Spilað
og spjallað. Nanna Guðrún mætt aftur eftir
frí galvösk að vanda.
Grindavíkurkirkja: Foreldramorgnar alla
þriðjudaga kl. 10–12.
Borgarneskirkja: Helgistund í kirkjunni kl.
18.30– 19.
Þorlákskirkja: Bænastund kl. 09.
Landakirkja í Vestmannaeyjum: Kl. 15
kirkjuprakkarar, 6–8 ára krakkar í kirkj-
unni. Mikil dagskrá þar sem söngur, leikir
og ný biblíumynd er uppistaðan. Sr. Fjölnir
Ásbjörnsson og leiðtogarnir. Kl. 16 Litlir
lærisveinar Landakirkju. Kóræfing hjá
yngri hóp 1.–4. bekkur. Þátttaka ókeypis.
Kórstjóri Joanna Wlaszcsyk, umsjónar-
maður Sigurlína Guðjónsdóttir. Kl. 17. Litl-
ir lærisveinar Landakirkju. Kóræfing eldri
hóps, 5. bekkur og eldri. Þátttaka ókeypis.
Kór stjóri Joanna Wlaszcsyk, umsjónar-
maður Sigurlína Guðjónsdóttir. Kl. 20.30
kyrrðarstund ásamt altarisgöngu í Landa-
kirkju. Sr. Fjölnir Ásbjörnsson og organisti
Guðmundur H. Guðjónsson. Góður vett-
vangur frá erli hversdagsins.
Krossinn: Almenn samkoma kl. 20.30 í
Hlíðasmára 5. Allir velkomnir.
KFUM og K við Holtaveg. fundur í kvöld kl.
20.00.
Kefas: Bænastund kl. 20.30. Nánari upp-
lýsingar á www.kefas.is
Akureyrarkirkja: Morgunsöngur kl. 9.
Fermingafræðska kl. 15. hópur 3 (8.A og
8.B Brekkuskóla.)
Glerárkirkja: Kyrrðarstundir á þriðjudög-
um kl. 18.
Hjálpræðisherinn, Akureyri: Kl. 17.30
Mannakorn fyrir 6. og 7. bekk.
Safnaðarstarf
ÞRIÐJUDAGINN 11. nóvember
hefst í Leikmannaskóla kirkjunnar
námskeið sem fjallar um hið heil-
aga. Kennari á námskeiðinu er sr.
Kristján Valur Ingólfsson lektor.
Viðfangsefni námskeiðsins sem
byggt er upp á fyrirlestrum og
samtali, er hið heilaga í lífi okkar
og það skoðað út frá sjónarhóli
kristinnar trúar og kristins gild-
ismats. Fjallað verður um spurn-
inguna hvort eitthvað sé heilagt og
þá hvað og hvað þýðir það þegar
við tölum um að eitthvað sé heilagt.
Á síðari hluta námskeiðsins verð-
ur fjallað um hvar hið heilaga sé í
undirbúningi aðventu og jóla.
Námskeiðið fer fram í Grens-
áskirkju og hefst þriðjudaginn 11.
nóvember kl. 18.00. Kennt verður í
fjögur skipti, tvo tíma í senn.
Skráning fer fram í síma 535 1500
eða á vef skólans, www.kirkjan.is/
leikmannaskoli.
Er eitthvað
heilagt?
SÁLFRÆÐISTÖÐIN verður 20 ára
í dag. 11. nóvember 1983 stofnuðu
sálfræðingarnir Álfheiður Stein-
þórsdóttir og Guðfinna Eydal
fyrstu einkareknu sálfræðistofn-
unina á Íslandi. Hún hefur frá upp-
hafi veitt einstaklingum og hjónum
ráðgjöf og meðferð. Sálfræðistöðin
hefur sérhæft sig í námskeiðahaldi
um samskipti og markvissa sam-
skiptaþjálfun s.s. vinnusálfræði og
þjónustunámskeið. Sjálfsstyrking-
arnámskeið hafa verið fastur liður í
starfseminni öll árin. Álfheiður og
Guðfinna hafa skrifað nokkrar
bækur á þessu tímabili og á afmæl-
isárinu kemur út bókin Í blóma lífs-
ins sem fjallar um þær miklu breyt-
ingar sem yfirleitt fara í hönd í
einkalífi og starfi hjá fólki á
miðjum aldri. Á afmælisárinu eru
einnig fyrirhuguð námskeið fyrir
hjón sem vilja átta sig á eigin við-
brögðum, tengslum í fjölskyldu og
samskiptum í sambúð, segir í
fréttatilkynningu.
Sálfræðistöðin 20 ára
Guðfinna Eydal og Álfheiður Steinþórsdóttir.
Styrktar-
félag
krabba-
meins-
sjúkra
barna SKB,
er að hefja
jólakortasölu eins og undanfarin ár
til einstaklinga og fyrirtækja en jóla-
kortasala er ein af helstu fjáröflun-
arleiðum félagsins.
Hægt er að fá allar upplýsingar
um kortin á heimasíðu félagsins
www.skb.is og á skrifstofunni. Skrif-
stofan er opin alla virka daga frá kl.
8–16.
Jólakort SKB
♦ ♦ ♦
Næstu námskeið verða haldin
fimmtudaginn 13. og 27. nóvember
kl. 20:00 í húsnæði Ljós og lífs að
Ingólfsstræti 8, 2. hæð.
Leiðbeinandi: Jóhanna K. Tómasdóttir
Námskeiðið kostar kr. 3.500. Skráning í símum
551.9088 og 698 7695 eða jkt@centrum.is.
Grundvallaratriði og praktískar lausnir
Með Feng Shui má sannreyna hvernig litlar breytingar í nánasta
umhverfi geta valdið miklum breytingum í lífi okkar. Við lærum að nýta
okkur "Bagua" kortið, frumefnin fimm og jafnvægi milli yin og yang
á einfaldan hátt. Þannig bætum við orkuflæðið á heimilum okkar og
umhverfi og aukum vellíðan, hagsæld og hamingju.
Aukum hagsæld og hamingju!