Morgunblaðið - 11.11.2003, Blaðsíða 18
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 897-9706. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 862-1169.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund skapti@mbl.is
Menn velta því fyrir sér hina síðustu daga
hvort endanlega sé búið að þurrka Blönduós
út af veðurkortinu. Frá mánaðamótum, dag-
inn sem Grímur Gíslason, maðurinn sem
landsmenn þekkja betur sem fréttaritara
ríkisútvarpsins sem lýkur pistlum sínum
ávallt Þetta er Grímur Gíslason sem talar frá
Blönduósi hætti að senda veðurskeyti héðan
hefur bæjarnafninu hætt að bregða fyrir í
veðurlýsingum í ríkisútvarpinu.
Ekki er laust við að merkja megi söknuð í
máli manna þegar á þetta er minnst en það
væri strax bót í máli að segja að ekki hafi
borist veðurskeyti frá Blönduósi, þá heyrðu
menn nafnið að minnsta kosti. Það er mik-
ilvægt að vera á kortinu hvort sem það heitir
veðurkort eða eitthvað annað og vera kippt
þaðan burtu á örskotsstundu, án nokkurrar
aðlögunar, er sárt og það tekur tíma að jafna
sig á því. Baráttan fyrir tilveru á samfélags-
kortinu er mikil og eru farnar mismunandi
leiðir til að minna á sig og árangur oft mis-
jafn en veldur hver á heldur.
Göngustígur sá sem til varð þegar lögð var
skolplögn að hreinsistöð við austanverðan ós
Blöndu hefur reynst hið mesta þarfaþing og
hafa fjölmargir nýtt sér hann til gönguferða.
Útsýni frá stígnum yfir Blöndu og út á Hú-
naflóann eykur yndi og ekki skemmir útsýn-
ispallur sem staðsettur er á þaki hreinsi-
stöðvar. Til að fullkomna verkið segja
margir að mikilvægt sé að koma brú á ós
Blöndu og skapa með því skemmtilega
hringleið um bæjarfélagið. Margir eru einn-
ig sannfærðir um að með brúarframkvæmd
mætti „menningartengja“ bæinn og ekki er
langt að sækja brú því gamla Blöndubrúin,
sem aftur er komin heim eftir áratuga þjón-
ustu við Steinárbændur í Svartárdal, bíður
óþreyjufull rétt ofan við Blönduós eftir verð-
ugu verkefni. Til gamans má geta þess að
hinir galvösku Húnahornsmenn, sem halda
úti vef um húnvetnsk málefni, hafa hrundið
af stað hugmyndasamkeppni um nafn á
þennan göngustíg.
Áhaustin tekur mannlíf á Blönduósi á sig
nýjan og frísklegan svip þegar sláturtíð hefst
og á árum áður var sláturhúsið að mestu
mannað heimamönnum. Hin allra síðustu ár
hefur erlendum verkamönnum sífellt farið
fjölgandi í sláturhúsi svo og á almennum
vinnumarkaði. Þessi austur-húnvetnski al-
þjóðasvipur er mikilvægur. Ber með sér nýtt
blóð og hvað er merkilegra en þegar dansk-
ur strákur og stúlka frá Namibíu fella hugi
saman á Blönduósi. Þetta er bæjarbragur
sem bragð er að.
Úr
bæjarlífinu
BLÖNDUÓS
EFTIR JÓN SIGURÐSSON
FRÉTTARITARA
Tvær konur vorustaðnar að því að-fararnótt sunnu-
dags að slíta niður stafi í
auglýsingu á austurhlið
Strandgötu 13 á Akureyri
þar sem matsölustaðurinn
Pengs er til húsa. Reynd-
ust konur þessar einum of
góðglaðar og höfðu farið
þarna aðeins yfir strikið.
Seinna um morguninn kom
í ljós að einnig höfðu verið
rifnir niður stafir í auglýs-
ingu á líkamsræktarstöð-
inni Átaki heilsuvernd.
Þá voru níu ökumenn
teknir fyrir of hraðan akst-
ur um helgina, segir í dag-
bók lögreglunnar á Akur-
eyri, flestir á Ólafs-
fjarðarvegi. Þrír voru
teknir grunaðir um ölvun
við akstur og nokkrir fyrir
önnur umferðarlagabrot.
Slitu af stafi
Körfuboltalið Drangs í Mýrdal tekur í ár í fyrstasinn þátt í 2. deild karla Fyrsti heimaleikurinn fór fram um helgina í
nýja íþróttahúsinu í Vík, mikill áhugi var fyrir leiknum
og fjölmenntu heimamenn á pallana og studdu sitt lið
enda stóðu þeir vel undir væntingum, unnu Dímon frá
Hvolsvelli með 104 gegn 62. Eftir 4 umferðir eru þeir í
fyrsta sæti með 6 stig ásamt ÍV frá Vestmannaeyjum en
Drangur er með 115 stig í plús. Þjálfari Drangs er
Björn Ægir Hjörleifsson. Á myndinni er Björgvin Jó-
hannesson að skora tvö stig fyrir Drang.
Morgunblaðið/Jónas Erlendsson
Fyrsti heimaleikur Drangs
Einvígi FriðriksÓlafssonar ogBents Larsens
hófst í gær, en þeir hafa
löngum eldað grátt silfur
saman. Það varð Halldóri
Blöndal, forseta Alþingis,
efni í braghendu:
Karlar tveir að tafli snjallir þóttu.
Þegar Bent við borðið sest
bráðlega Friðrik líka sést.
Þorfinnur Jónsson var
spurður að því á hagyrð-
ingakvöldi hvort drauga-
safnið á Stokkseyri ögr-
aði kristinni trú í landinu.
Kristnir djöfli komu á fót,
kvalarinn vítis stóri,
mér sýnist allt af sömu rót
Satan, skotta og móri.
Ásbjörn Guðmundsson á
Þorvaldsstöðum var
spurður hvort trúin á
drauga væri lágkúra.
Í fornu trúnni fátt ég skil
sem forðum Gretti hrjáði,
en ýmsir draugar eru til
uppi í stjórnarráði.
Tveir að tafli
pebl@mbl.is
Skagaströnd | Þeir þurftu
ekki að fara í langa og dýra
hvalaskoðunarferð sem voru
staddir á höfninni á Skaga-
strönd síðasta laugardag. Þá
voru nefnilega fjórir háhyrn-
ingar að leika sér í sjónum á
milli bryggnanna í höfninni.
Hér var greinilega fjöl-
skylda á ferð því tveir háhyrn-
inganna voru mun stærri en
hinir. Einn þeirra var þó
stærstur allra og var bakhyrn-
an á honum hátt í metri á hæð.
Háhyrningarnir hegðuðu sér
eins og forvitnir ferðamenn
því þeir þræddu hring um
höfnina meðfram landinu og
síðan bryggjunum. Komu þeir
svo nálægt bryggjunum að
fréttaritari sem stóð á enda
einnar þeirra hefði hæglega
getað stokkið á bak tveimur
þeirra.
Virtist þeim ekkert liggja á
því þeir voru að dóla um hafn-
arsvæðið í um hálftíma en
syntu svo samsíða í rólegheit-
unum út úr höfninni fram á
fengsælli mið. Daginn eftir
birtust þeir síðan aftur í höfn-
inni en höfðu þá styttri stans
enda búnir að skoða sig.
Ekki er ljóst af hverju höfn-
in er allt í einu orðin svona
vinsæl en eins og sagt var frá í
Morgunblaðinu á dögunum þá
var rostungur að þvælast þar
fyrir þremur vikum síðan.
Morgunblaðið/Ólafur Bernódusson
Háhyrningarnir komu svo nálægt bryggjunum að vel hefði verið hægt að setjast á bak þeirra.
Háhyrningar í skoðunarferð
Skagaströnd
Húsavík | Húsvíska ávaxtavínið Kvöldsól
hefur vakið áhuga blaðamanns á virtu fag-
tímariti um vín í New York.
Að sögn Ómars Gunnarssonar, framleið-
anda vínsins, er forsaga þessa máls sú að
blaðakonan Cristine Lee Harvey komst í
kynni við vínið á Húsavík í sumar og
hreifst af því. Hún var með hópi erlendra
blaðamanna sem voru á ferð um Norðaust-
urland í þeim tilgangi
að kynna sér ferða-
mennskuna á svæðinu.
Það sem gerist svo í
framhaldinu er að Har-
aldur Líndal Haralds-
son, framkvæmdastjóri
Markaðsskrifstofu
Húsavíkur og nágrenn-
is, var á ferðinni vestra
fyrir skömmu. Hann
var þar til að kynna
Húsavík og nágrenni og
kom m.a. til New York
og átti þar m.a fund með
fjölmiðlafólki.
Þar á meðal var umrædd blaðakona og
kom hún að máli við Harald og bað hann að
koma því í kring að Ómar sendi sér Kvöld-
sólina til frekari smökkunar. Sagðist hún
hafa áhuga á að skrifa um vínið í blað sitt
Beverage World. Hafði hún orð á því að
henni þætti það sérstakt að berin sem not-
uð væru yxu villt og hver sem væri gæti í
rauninni nýtt þau.
Ómar brást vel við þessari beiðni, enda
spenntur að fylgjast með framvindu máls-
ins, og fór sending af Kvöldsólinni ásamt
upplýsingum um vínið og fyrirtækið vestur
á dögunum.
Að sögn Ómars hefur sala á Kvöldsól
gengið vel og vínið búið að vinna sér inn
sölurétt í sex vínbúðum til viðbótar þeim
þrem sem hafa haft vínið á boðstólum. Þá
er Kvöldsól jafnframt á vallista allra út-
sölustaða ÁTVR auk þess sem hægt er að
kaupa hana í Fríhöfninni í Leifsstöð. Ómar
segir ýmsar breytingar í aðsigi hjá Sól-
brekku ehf., í bígerð sé að pakka Kvöldsól í
17 ml flöskur sem henti betur í smærri
veitingahús, í flugvélar o.fl. staði sem selja
léttvín. Þá er unnið að meiri fjölbreytni í
framleiðslu fyrirtækisins og í vor kemur á
markað púrtvín sem er um 20% að styrk-
leika og eins er í vinnslu snafs sem unninn
er úr fjallagrasaseyði og fleiri bragðefnum
ásamt vínanda og nefnist hann Fjallasnafs.
Ávaxtavínið
Kvöldsól
vekur athygli
vestanhafs
Púrtvín og Fjallasnafs
einnig bráðlega á mark-
að hjá fyrirtækinu
Ómar Gunnarsson,
framleiðandi
Kvöldsólar.
Vesturlandi | Hrossaræktarsamband Vesturlands og Félag hrossabænda á
Vesturlandi stóð fyrir folalda- og tryppasýningu að Stað í Borgarfirði þann
9. nóvember. Þetta er í annað sinn sem slík sýning er haldin.
Þarna mættu ræktendur með sína fallegustu gripi og létu hlaupa hringi í
reiðhöllinni. Dómarar voru þeir Valberg Sigfússon og Þorvaldur Krist-
jánsson, vó atkvæði þeirra 50% á móti atkvæðum áhorfenda.
Leikar fóru þannig að fyrsta sæti í flokki folalda varð Melkorka frá V-
Leirárgörðum, undan Suðra frá Holtsmúla, ræktandi Marteinn Njálsson, í
öðru sæti vað Stimpill frá Vatni, undan Kolfinni frá Kjarnholtum, ræktandi
Sigurður H. Jökulsson og í þriðja sæti varð Silfra frá Eyri, undan Mósa frá
Búlandi, ræktandi Hrossaræktarbúið Eyri.
Í flokki veturgamalla tryppa varð efstur Funi frá Skáney undan Gauta
frá Reykjavík, ræktandi Bjarni Marinósson, í öðru sæti varð Medúsa frá
Vestri-Leirárgörðum undan Suðra frá Holtsmúla og í þriðja sæti varð
Tinna frá Skáney undan Ása-Þór frá Feti, ræktandi Haukur Bjarnason.
Þess má geta að Funi sem sigraði í flokki veturgamalla tryppa, sigraði í
flokki folalda sl. ár.
Morgunblaðið/Helga H. Ágústsdóttir
Fallegustu folöldin