Morgunblaðið - 11.11.2003, Blaðsíða 20

AKUREYRI
20 ÞRIÐJUDAGUR 11. NÓVEMBER 2003 MORGUNBLAÐIÐ
Grundarfirði | Mikill áhugi er á fjar-
námi á Grundarfirði og er umfang
starfseminnar orðið slíkt að hús-
næðið er að verða of lítið. Nem-
endur sem stunda þar nám eru
áhugasamir og segja að gaman sé í
fjarnámi.
Nemendur sátu við tölvurnar í
húsnæðinu sem fjarnámið hefur til
umráða á efri hæð þeirrar virðu-
legu byggingar Smiðjunnar þegar
fréttaritara bar að garði. Þar er til
húsa bókasafnið og fjarnámið
ásamt fjarfundarherbergi á efri
hæðinni en á þeirri neðri er áhalda-
hús sveitarfélagsins og aðsetur
slökkviliðsins. Þau voru misjafn-
lega niðursokkin í námið en öll
höfðu þau eitthvað fyrir stafni í
tölvunum sínum. Þau mæta til
námsins kl. 8 á morgnana og það er
viðveruskylda fram yfir hádegi.
Umsjónarmaður fjarnámsins,
Sigríður Finsen, segir að nem-
endafjöldinn sé búinn að sprengja
húsnæðið sem upphaflega var ætl-
að til fjarnámsins en því sé bjargað
með því að koma þremur fyrir við
tölvur frammi á bókasafninu. Þang-
að er liðinu hóað til að taka mynd af
hópnum. Það vantar þrjá í hópinn
en við smellum mynd af þeim samt.
„Nemendurnir í fjarnáminu eru
nú 17 talsins og eru á fyrsta og öðru
árinu, ein var á Laugarvatni í fyrra,
og önnur í Kvennaskólanum það er
ódýrara að vera hér heima,“ segir
Sigríður. Þau fá verkefni frá kenn-
urum í Verkmenntaskólanum á Ak-
ureyri og síðan ákveðinn frest til að
skila sínum lausnum. Fjarnáms-
nemendurnir fara strax að tölv-
unum sínum um leið og búið er að
smella af hópmyndinni, greinilegt
að áhugi er fyrir því sem þau eru að
gera enda styttist í prófin.
Sautján nemendur stunda fjarnám í Grundarfirði
Húsnæðið að verða of lítið
Morgunblaðið/Gunnar Kristjánsson
Nemendur í fjarnámi í Grundarfirði gáfu sér tíma til að líta upp frá tölvunum.
LANDIÐ
„ÞETTA eru klárlega mikil vonbrigði og ég
held þessi tíðindi hafi komið flatt upp á alla
hér,“ sagði Kristján Þór Júlíusson, bæjarstjóri
á Akureyri, um þá ákvörðun stjórnar Air
Greenland að hætta flugi milli Akureyrar og
Kaupmannahafnar. Síðasta ferðin verður 1.
desember næstkomandi, en áætlunarflugið
milli þessarar áfangastaða hófst í lok apríl á
þessu ári. Flogið hefur verið milli staðanna
tvisvar í viku
„Væntingar sem Air Greenland gerði til
þessa áætlunarflugs hafa ekki gengið eftir,
hvorki í fjölda farþega né fragtflutningum.
Einnig er sýnt að á næsta ári mun samkeppni í
flugi milli Íslands og Danmerkur aukast,“ segir
í frétt frá Grænlandsflugi.
Farþegafjöldi hefur ekki verið í takt við
væntingar félagsins, en Michael Binzer, sölu-
og markaðsstjóri Grænlandsflugs, sagði þegar
félagið kynnti áform sín í byrjun mars síðast-
liðinn að stefnt væri að því að ná um 12 þúsund
farþegum á árinu, þ.e. á 8 mánaða tímabili.
Hann nefndi að forsvarsmenn félagsins gerðu
sér grein fyrir að þeir væru að taka mikla
áhættu með því að bjóða upp á þessa áætl-
unarleið en þeir legðu traust sitt á heimamenn.
Fimmti hver íbúi svæðisins
farið utan með félaginu
Ragnheiður Jakobsdóttir hjá Ferðaskrif-
stofu Akureyrar sagði að um 4.000 farþegar
hefðu þegar flogið með félaginu það sem af er
árs. Um 8% farþeganna hefðu keypt farmiða
sína úti, þannig að um 3.700 manns hefðu farið
frá Akureyri og til Kaupmannahafnar. Þannig
léti nærri að fimmti hver íbúi svæðisins hefði
flogið með félaginu á síðustu 7 mánuðum. „Við
verðum vör við mikinn áhuga, spurn eftir ferð-
um út næsta vor og sumar er mikil,“ sagði
Ragnheiður. Hún nefndi m.a. að starfsfólk ÚA
hefði ætlað til Danmerkur í vor, starfsfólk
sparisjóðanna á svæðinu um páskana og þá
hefðu nokkrir kórar og skólahópar ýmist bókað
far eða spurst fyrir. „Þetta leit mjög vel út, það
voru ágætis bókanir héðan fram í miðjan jan-
úar og svo virtist vera að lifna aftur í febrúar/
mars. Þetta er því algjört kjaftshögg,“ sagði
Ragnheiður. Hún nefndi að menn hefðu einnig
bundið vonir við að fá Dani beint til Akureyrar,
en sá draumur væri nú búinn að vera.
Ragnheiður sagði tíðindin hafa komið fyr-
irvaralaust, enginn forsvarsmanna flugfélags-
ins hefði haft samband við ferðaskrifstofuna og
látið vita hvað í vændum væri. Þá væri fyr-
irvarinn einnig skammur, fluginu yrði hætt eft-
ir þrjár vikur. Nánast allar vélar fyrir jól væru
fullbókaðar, m.a. væru námsmenn á heimleið í
jólafrí og þeir yrðu nú fyrir miklum óþægind-
um.
Engar skýringar fást
Kristján Þór bæjarstjóri sagði einnig að tíð-
indin hefðu komið flatt upp á menn og engar
skýringar fengist hjá forsvarsmönnum félags-
ins, sem ekki hefðu svarað fyrirspurnum í gær.
„Þeir ræða ekki við nokkurn mann, þessu er
bara skellt fram og fyrirvarinn er nánast eng-
inn. Okkur þykir þetta mjög undarlegt miðað
við það sem á undan er gengið, m.a. í ljósi þess
að hér gekk maður undir manns hönd að fá
leyfi þeirra til áætlunarflugs framlengt og þeir
voru með leyfi til loka október á næsta ári,“
sagði Kristján Þór.
Hann sagði að fyrirtækið hlyti að hafa for-
sendur fyrir sinni ákvörðun, en í ljósi þess sem
menn höfðu lagt á sig við að fá leyfið „.þá höfum
við engar skýringar á þessari algjöru stefnu-
breytingu félagsins og það finnst mér miður“.
Í frétt frá flugfélaginu segir að Iceland Ex-
press muni fjölga ferðum milli Keflavíkur og
Kaupmannahafnar um helming á næsta ári og
því fyrirséð að flugleiðin milli Akureyrar og
Kaupmannahafnar eigi í vök að verjast. Þá hafi
Flugleiðir lækkað verð farmiða á þessari leið
verulega. „Erfitt hefur verið fyrir Air Green-
land að keppa við þessi lágu fargjöld og er ljóst
að margir Norðlendingar hafa frekar kosið að
fara til Keflavíkur og fljúga með Iceland Ex-
press eða Icelandair en að fljúga með Air
Greenland til Kaupmannahafnar,“ segir í til-
kynningu félagsins.
Morgunblaðið/Kristján
Kemur ekki mikið oftar: Flugvél Grænlandsflugs lendir á Akureyri. Bæjarstjórinn á Akureyri segir ákvörðun félagsins koma flatt upp á menn.
Algjört kjaftshögg
Morgunblaðið/Kristján
Upphafið: Farþegar í fyrstu áætlunarferð
Grænlandsflugs milli Kaupmannahafnar og
Akueyrar ganga frá borði. Á meðal farþega
var Valgerður Sverrisdóttir ráðherra.
Grænlandsflug hættir áætlunarflugi milli Akureyrar og Kaupmannahafnar
STJÓRNIR hestamannafélaganna Funa,
Grana, Hrings, Léttis og Þjálfa og Hrossa-
ræktarsamtaka Eyfirðinga og Þingeyinga
samþykktu ályktun á sameiginlegum fundi á
Húsavík um helgina, þar sem fordæmd er sú
ákvörðun stjórnar LH að halda landsmót 2006
á Vindheimamelum í stað Melgerðismela.
Telja fundarmenn það eiga að vera markmið
Landssamtaka hestamanna og Bændasamtak-
anna að hlúa að og efla hestamennsku og
hrossarækt á öllu landinu. Landsmótin hafa
gríðarlega mikla þýðingu fyrir uppbyggingu
aðstöðu til hestamennsku og stórkostleg
margfeldisáhrif og því telur fundurinn það
grundvallaratriði að dreifa þeim um landið
eftir því sem aðstæður leyfa á hverjum tíma.
Kjartan Helgason, formaður Léttis á Ak-
ureyri, sagði að um næstu helgi yrði haldinn
formannafundur LH og myndi þetta mál bera
þar á góma. „Það er ennþá mikill hiti í mönn-
um og málinu er ekki lokið af okkar hálfu á
meðan ekki er búið að semja við Skagfirðinga
um landsmótið 2006,“ sagði Kjartan.
Hann sagði að Melgerðismelar væru til stað-
ar þrátt fyrir allt og að menn hefðu fullan hug
á að halda þar áfram uppbyggingu, enda byði
svæðið upp á mikla möguleika. Einnig væru
hestamenn farnir að sjá fram á byggingu reið-
hallar á Akureyri. Kjartan sagði að boltinn
væri hjá Akureyrarbæ en hann á þó ekki von á
að ákvörðun liggi fyrir fyrr en á næsta ári.
Hann gerir sér jafnframt vonir um að rík-
isvaldið komi að því máli með einhverjum
hætti.
  
Fordæma ákvörðun
stjórnar LH um val á
landsmótsstað
Frumbyggjaréttur | Cédric Viale þjóðrétt-
arfræðingur flytur erindi á Lögfræðitorgi í dag,
þriðjudaginn 11. nóvember kl. 14 í stofu 14 í
húsakynnum Háskólans á Akureyri við Þing-
vallastræti. Erindið nefnist: Frumbyggjaréttur
- gatnamót lögfræði og mannfræði? Hann mun
fjalla um réttindakröfur og lög sem oftar en
ekki ganga þvert á hefðbundnar hugmyndir
hins vestræna réttarríkis og gera grein fyrir
þróun alþjóðlegarar lagasetningar sem snertir
samfélög frumbyggja og tilkomu fastanefndar
Sameinuðu þjóðanna um frumbyggjamálefni.
Samhygð fundar á ný | Arnaldur Bárðarson
prestur í Glerárkirkju flytur erindi á fundi
Samhygðar, samtaka um sorg og sorg-
arviðbrögð á Akrueyri og nágrenni á fimmtu-
dagskvöld, 13. nóvember kl. 20.30. Samtökin
voru stofnuð árið 1989 og hafa fundir verið
haldnir reglulega í Safnaðarheimili Akureyr-
arkirkju og hafa ýmsir verið fengnir til að flytja
fyrirlestra um margvísleg málefni. Fundir
Samhygðar féllu að mestu niður á síðasta
starfsári, en nú er unnið að því að endurnýja
kraftinn og hefja starfsemi á ný.