Morgunblaðið - 15.11.2003, Síða 24

AKUREYRI
24 LAUGARDAGUR 15. NÓVEMBER 2003 MORGUNBLAÐIÐ
SNJÓFRAMLEIÐSLA er ekki
síður raunhæfur möguleiki á Ís-
landi en í mörgum öðrum löndum.
Það er fyrst og fremst undir
stefnumótun yfirvalda komið hvert
hlutverk skíðasvæðisins á að vera,
að mati Guðmundar Karls Jóns-
sonar, forstöðumanns Skíðastaða í
Hlíðarfjalli og framkvæmdastjóra
Vetraríþróttamiðstöðvar Íslands,
VMÍ. Guðmundur Karl hefur gert
skýrslu um snjóframleiðslu í Hlíð-
arfjalli – möguleika og tækifæri –
en skýrslan var unnin fyrir stjórn
VMÍ.
Guðmundur Karl sagði í samtali
við Morgunblaðið að stofnkostnað-
ur við snjóframleiðslu í Hlíðarfjalli,
miðað við gefnar forsendur, sé um
80 milljónir króna og rekstrar-
kostnaður á ári 4,5-5 milljónir
króna. Hann sagði að snjófram-
leiðsla væri ekkert annað en fryst-
ing á vatni. Aðstæður í Hlíðarfjalli
væru ákjósanlegar, þar væri nægi-
lega kalt og nóg af vatni og orku.
Guðmundur Karl sagði að skíða-
og snjóbrettaiðkun væri stærsta
ferðaþjónustugreinin á lands-
byggðinni meðal innlendra ferða-
manna yfir vetrarmánuðina og því
væri hér um mjög raunhæfan kost
að ræða. Hann bendir á að með
snjóframleiðslu verði hægt að
tryggja reksturinn á skíðasvæðinu,
bæta aðstöðu og auka aðsókn. Að-
staða yfir jól og áramót geti nýst
þeim sem vilja stunda skíði. Með
snjóframleiðslu myndi skíðasvæðið
í Hlíðarfjalli jafnframt tryggja sér
forystuhlutverk sitt sem hluti af
Vetraríþróttamiðstöð Íslands.
Skíðafélög geti stundað æfingar
fyrr á veturna og í sumum til-
fellum munu iðkendur ekki þurfa
að nýta sér aðstöðu erlendis til
þess að æfa á gervisnjó. „Um 90%
af því fólki sem fer á skíði úti í
heimi fyrir 1. febrúar er að skíða á
gervisnjó án þess að hafa hugmynd
um það.“
Guðmundur Karl gerir ráð fyrir
því í skýrslu sinni að keyptar verði
6 snjógerðarvélar í Hlíðarfjall og
að snjóframleiðslan verði við tvær
lyftur, Fjarkann og Hólabraut. Of-
an við Strýtu séu miklu meiri líkur
á snjó. Hann sagði að það hefði
haft töluverð áhrif á aðsókn sl. vet-
ur að ekki var skíðafæri í barna-
lyftunni í Hólabraut á meðan hægt
var að skíða í Strýtu. Fyrir vikið
hefði verið mun minna um að öll
fjölskyldan kæmi saman í fjallið.
Guðmundur Karl bendir á að sl.
þrjú ár hafi snjór verið framleidd-
ur á Hengilssvæðinu í mjög litlum
mæli, með einni snjóbyssu og einni
vatnsdælu. Framleiðslan hafi þó
skilað því að sl. tvo vetur hefur
Hengilssvæðið verið eina skíða-
svæðið á höfuðborgarsvæðinu sem
hefur verið með jafna og trygga
opnun. Helsta vandamálið við snjó-
framleiðslu hérlendis er óþolin-
mæði, að mati Guðmundar Karls.
Snjóframleiðsla fari ekki fram á
einni nóttu og vinna þurfi markvist
að henni þegar veðurskilyrði eru
góð.
Stofnkostnaður vegna snjófram-
leiðslu yrði 80 milljónir króna
Snjóframleiðsla raunhæfur kostur að
mati forstöðumanns Skíðastaða –
Rekstrarkostnaður 4,5–5 milljónir
Morgunblaðið/Kristján
Ekki vetrarlegt: Þannig var umhorfs í Hlíðarfjalli þegar Skíðamót Íslands
fór þar fram í apríl sl., snjólaust frá skíðahóteli og upp að Strýtu en snjór
þar fyrir ofan. Þrátt fyrir þessar erfiðu aðstæður tókst mótið mjög vel.
Snjóframleiðsla: Öll helstu skíða-
svæði heims hafa framleitt snjó um
árabil. Gríðarleg aukning hefur
orðið í snjóframleiðslu síðustu 15
árin, í takt við veðurfarsbreytingar
sem hafa átt sér stað.
Sofnuðu saddir | Slökkvilið var
kallað að íbúð í Glerárhverfi á
fimmtudagkvöld en tilkynnt hafði
verið um að reyk legði út frá mann-
lausri íbúð. Enginn svaraði þegar
knúið var dyra og þurfti að brjótast
inn í íbúðina. Kom í ljós að gleymst
hafði að slökkva undir pönnu sem
notuð hafði verið við kvöldmat-
argerðina og frá henni lagði tals-
verðan reyk segir í dagbók lögreglu.
Í íbúðinni fundust tveir menn sem
höfðu blundað svo fast eftir matinn
að þeir vöknuðu ekki þó bankað væri
á dyr. Þeir voru fluttir á slysadeild
til öryggis, en mun ekki haft orðið
meint af og engar skemmdir urðu á
íbúðinni. Fleiri krásir verða hins
vegar ekki eldaðar á pönnunni segir
í dagbókinni.
Kökur og kaffi | Kvenfélag Ak-
ureyrarkirkju heldur árlegan köku-
basar og kaffihlaðborð í safn-
aðarheimili Akureyrarkirkju
sunnudaginn 16. nóvember kl. 15.00.
Einnig verða til sölu fjölmargir jóla-
pakkar. Kvenfélagskonur vonast eft-
ir að sjá sem flesta á sunnudaginn.
Konukvöld | Aglow samtökin efna
til fundar í félagsmiðstöðinni í Víði-
lundi 22 á mánudagskvöld, 17. nóv-
ember kl. 20. Ann Merethe Jak-
obsen hjúkrunarfræðingur flytur
hugleiðingu, kaffihlaðborð, söngur
og bæn.
Beindi byssu út um glugga | Lög-
regla veitti athygli að farþegi í bif-
reið beindi skammbyssu út um
glugga bílsins en við athugun kom í
ljós að um leikfangabyssu var að
ræða en svo líka fyrirmyndinni að
auðveldlega var hægt að villast á
henni og alvörubyssu, segir í dagbók
lögreglu. Samkvæmt vopnalögum
eru vopnaeftirlíkingar sem eru það
líkar fyrirmyndinni að hætta er á að
fólk geti villst á þeim og raunveru-
legum vopnum, bannaðar. Var byss-
an því tekin í vörslu lögreglunnar.
GRÆNLANDSFLUG hefur tapað um 84
milljónum íslenskra króna, um 7 milljónum
danskra króna, frá því félagið hóf áætlunarflug
milli Akureyrar og Kaupmannahafnar í lok
apríl síðastliðinn. Þar er eingöngu um að ræða
tap tilkomið af breytilegum kostnaði við rekst-
urinn, fyrir fastan kostnað og fjármagnskostn-
að.
Grænlandsflug tilkynnti í vikunni að ákveðið
hefði verið að hætta áætlunarflugi á flugleið-
inni milli Akureyrar og Kaupmannahafnar þar
sem væntingar hefðu ekki gengið eftir, hvorki
hvað varðar fjölda farþega né fragtflutninga.
Þá sé einnig ljóst að á næsta ári muni sam-
keppni í flugi milli Íslands og Danmerkur
aukast enn frekar.
Flemming Knudsen forstjóri Grænlands-
flugs segir að þegar sú staðreynd hafi blasað
við forsvarsmönnum félagsins að leiðin stæði
engan veginn undir kostnaði hefði verið sjálf-
hætt. Þær bókanir sem menn hefðu séð fram í
tímann hefðu heldur ekki gefið til kynna að
breyting yrði þar á í náinni framtíð.
Knudsen segir að þegar áætlunarflugið hófst
hafi menn verið fullir eftirvæntingar, en vit-
anlega vonast til að í það minnsta hluti farþega
yrði reiðubúinn að greiða fargjaldið sann-
gjörnu verði. Niðurstaðan hafi hins vegar verið
sú að langflestir kjósi að ferðast á lágum far-
gjöldum, en slíkt gangi ekki upp hjá félaginu.
Reksturinn standi ekki undir sér með þeim
hætti.
Ástæða þess að flugleiðin var opnuð síðast-
liðið vor var m.a. sú að verkefni skorti fyrir eina
af þotum félagsins, Boeing 757 Kunuunnguaq,
en hún hafi einungis verið notuð til að fljúga
einu sinni til þrisvar í viku milli Kaupmanna-
hafnar og Narsarsuaq. Forsvarsmenn Græn-
landsflugs gerðu sér vonir um að farþegar á
leiðinni milli Akureyrar og Kaupmannahafnar
gætu orðið um 35 þúsund talsins á ári. Það hafi
verið ofmetið og farþegarnir mun færri. Þegar
flugið hófst í apríl stefndu Grænlandsflug-
smenn að því að fá 12 þúsund farþega á árinu,
en um 4.400 farþegar hafa nú nýtt sér flugið.
Síðasta flugið milli áfangastaðanna verður 1.
desember næstkomandi þannig að endanleg
farþegatala liggur ekki fyrir.
Þó svo að undirbúningur vegna opnunar
flugleiðarinnar hafi verið góður að mati for-
svarsmanna Grænlandsflugs segja þeir að
byrjunin hafi verið erfið sem megi rekja til þess
að erfiðleikum var bundið að fá langtímaleyfi til
að fljúga á þessari leið. Óvissan um hvort lang-
tímaleyfi fáist þegar núverandi leyfi rennur út í
október 2004 skipti einnig máli um ákvörðun
félagsins. Það geri að verkum að ekki sé hægt
að vinna skipulega að markaðssetningu.
Eins sé ljóst að farþegar séu á höttunum eft-
ir lágum fargjöldum og fólk af Norðurlandi sé
tilbúið að leggja á sig ferðalag suður til Kefla-
víkur til að ferðast þaðan með lággjaldaflug-
félögum fremur en að nýta sé þá valkosti sem
bjóðist í heimabyggð.
Flugið stóð engan veginn undir sér
Forstjóri Grænlandsflugs segir flugi milli
Akureyrar og Kaupmannahafnar sjálfhætt
  
  
  
SAMKVÆMT yfirliti yfir fjölda
opnunardaga í Hlíðarfjalli frá
árinu 1975 kemur fram að vet-
urinn 2000-2001 er sá besti til
þessa en þá var opið í 134 daga,
frá 18. nóvember til 6. maí. Síð-
asti vetur er hins vegar sá slak-
asti, en frá 24. janúar til 16.
apríl í vor var aðeins opið í 51
dag. Á tólf ára tímabili, frá
1975 til 1986, var Hlíðarfjall
opnað átta sinnum fyrir ára-
mót. Frá 1987 og fram á þetta
ár hefur hins vegar aðeins ver-
ið opnað fjórum sinnum fyrir
áramót á þessum 17 árum.
Opið í 51 dag
síðasta vetur
Skatttekjur | Tekjur Akureyrar-
bæjar á næsta ári eru áætlaðar rúm-
ir 8,8 milljarðar króna, samkvæmt
frumvarpi að fjárhagsáætlun næsta
árs og þar af eru skatttekjur áætl-
aðar rúmir 4 milljarðar króna.
Rekstrargjöld eru áætluð rúmir 8,5
milljarðar króna og gert ráð fyrir
rekstrarniðurstöðu upp á um 208
milljónir króna. Gert er ráð fyrir að
til fræðslu- og uppeldismála fari
tæpir 2,2 milljarðar króna, um 500
milljónir króna til félagsþjónustu,
um 490 milljónir í íþrótta- og tóm-
stundamál og um 280 milljónir króna
til menningarmála.
  
FÉLAGAR úr Lionsklúbbnum Hæng á Akureyri
komu færandi hendi í Hæfingarstöðina við Skóg-
arlund og gáfu veglegt hljómflutningstæki. Tækið er
keypt fyrir ágóða af útgáfu blaðs sem Hængur hefur
gefið út um árabil og heitir Leó. Árni Páll Hall-
dórsson formaður Hængs sagði að nú stæði yfir söfn-
un auglýsinga í næsta blað sem kemur út í byrjun
desember.
Margrét Ríkarðsdóttir forstöðumaður Hæfing-
arstöðvarinnar sagði tækið koma sér ákaflega vel, en
það yrði staðsett í borðstofunni þar sem notendur
stöðvarinnar dveldu oft. Ekki hefði áður verið til svo
gott hljómflutningstæki, en menn „þvælst á milli með
gamla skrjóða,“ eins og hún orðaði það. Hæfing-
arstöðin er 11 ára gömul, hóf starfsemi á Sólborg, en
flutti í Skógarlund árið 1996. Notendur eru 44 tals-
ins. Sagði Margrét vel við hæfi að taka á móti gjöf-
inni nú á ári fatlaðra sem stendur yfir fram í mars á
næsta ári. Á alþjóðadegi fatlaðra 3. desember næst-
komandi verður opnuð sýning á verkum notenda í
Deiglunni og þá verður jólamarkaður opnaður 5. des-
ember þar sem verður að finna margvíslega list- og
nytjamuni.
Morgunblaðið/Kristján
Komu færandi hendi með góða gjöf: Margrét Ríkarðsdóttir tók við gjöfinni en hjá henni standa
Lionsmennirnir Aðalbjörn Pálsson, Árni Páll Halldórsson, formaður Hængs, Viðar Pálsson,
Gunnlaugur Björnsson, Jóhann Jóhannsson og Árni V. Friðriksson.
Lionsmenn komu
færandi hendi
  
Atvinnuleysi | Atvinnulausum
fjölgar á Akureyri á milli mánaða
samkvæmt yfirliti frá Vinnu-
málastofnun. Um síðustu mán-
aðamót voru 231 á atvinnuleysisskrá
í bænum, 104 karlar og 127 konur og
hafði atvinnulausum fjölgað um 9 á
milli mánaða og um 37 frá sama
tímabili í fyrra. Konum fækkaði um
6 á atvinnuleysisskránni á milli mán-
aða en körlum fjölgaði um 15.