Morgunblaðið - 18.12.2003, Blaðsíða 31

LISTIR
MORGUNBLAÐIÐ FIMMTUDAGUR 18. DESEMBER 2003 31
AÐALSTEINN Davíðsson orðabók-
arhöfundur hlaut í ár menning-
arverðlaun Sænsk-íslenska sam-
starfssjóðsins. Tilkynnt var um
verðlaunin við opnun nýafstaðinnar
Sænskrar menningarviku sem
haldin var hér í Reykjavík á dög-
unum. Sveinn Einarsson formaður
sjóðsstjórnar afhenti verðlaunin,
sem eru veitt Aðalsteini „fyrir ein-
staka elju við orðabókarritun“, en
Sænsk-íslensk orðabók hans og
prófessors Gösta Holm kom út fyrst
1982 og hefur í tvígang verið end-
urprentuð síðan.
Aðalsteinn var einn af ritstjórum
Íslenskrar orðabókar sem út kom
2002, og er nú málfarsráðunautur
Ríkisútvarpsins. Hann hefur áður
hlotið viðurkenningar fyrir störf
sín, m.a. sænsku Norðstjörnuorð-
una og verðlaun úr Finnsk-íslenska
menningarsjóðnum.
Þetta er í fjórða sinn sem verð-
launin eru veitt. Úr sjóðnum eru ár-
lega veittir ferðastyrkir og er aug-
lýsing birt í desember.
Umsóknarfrestur er til janúarloka,
en styrkir veittir í mars.
Morgunblaðið/Jim Smart
Frá afhendingu verðlaunanna, f.v.: Anna Einarsdóttir í stjórn Sænsk-
íslenska samstarfssjóðsins, Bertil Jobéus, sendiherra Svíþjóðar, Aðalsteinn
Davíðsson verðlaunahafi, Sveinn Einarsson, formaður sjóðsstjórnar, og
Margrét Hallgrímsdóttir, einnig í stjórn sjóðsins.
Orðabókar-
höfundur hlýtur
verðlaun
BERGÞÓR Pálsson barítonsöngvari
og Lenka Mátéová orgelleikari halda
tónleika á vegum Tónlistarfélags
Vestur-Húnvetninga í Hvamms-
tangakirkju í kvöld kl. 20.30. Á efnis-
skrá eru verk eftir Dvorák, Sigvalda
Kaldalóns, Adolphe Adam o.fl. Einn-
ig leikur Lenka sálmforleiki eftir J.
S. Bach.
Tónlistarfélagið heldur reglu-
bundna tónleika einu sinni í mánuði
frá október til og með maí.
Morgunblaðið/Sverrir
Bergþór Pálsson og Lenka Mátéová.
Bergþór syngur
á Hvammstanga
www.thjodmenning.is
Fyrir flottar konur
Bankastræti 11 • sími 551 3930