Morgunblaðið - 30.12.2003, Blaðsíða 17
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 897-9706. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 862-1169.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund skapti@mbl.is
Einkennilegt atvik átti sér stað á dög-
unum, sem kom róti á huga ýmissa Ak-
ureyringa.
Mót Hafnarstrætis og Kaupvangsstrætis
hafa lengi verið kennd við Kaupfélag Ey-
firðinga; talað um Kaupfélagshornið, enda
stórhýsið lengi í eigu KEA og höfuðstöðvar
þessa forna stórveldis verið þarna til húsa
svo lengi sem yngstu menn muna. Merki
KEA var lengi að finna á öðru hverju húsi í
bænum, a.m.k. að sögn gárunganna, og ein-
hverju sinni var haft á orði að einungis
vantaði KEA-merkið á kirkjuna!
Akureyringa rak því í rogastans á dög-
unum þegar KEA-merkið hvarf af hornhús-
inu stóra. Bara si sona! Nú blasir við veg-
farendum tígullaga blettur, dekkri en húsið
sjálft. Að vísu stendur ennþá á stafninum
STOFNAÐ 1886 skýrum stöfum, en sjálf-
sagt bara tímaspursmál hvenær það hverf-
ur líka, hef ég heyrt.
Æpandi tígullaga tóm blasir sem sagt við
vegfarendum á leið upp Gilið; nú er hún
Snorrabúð stekkur …
Það er ekki að spyrja að þessum Sunn-
lendingum. Húseignin ekki fyrr komin í
þeirra eigu en hjartað er rifið úr Akureyr-
ingum; sjálft KEA-merkið fjarlægt, nánast
í skjóli nætur. Hvað næst? Skyldu þeir
reyna að troða Bónus-grísnum á kirk …
Nei, það er ekki einu sinni þorandi að hugsa
á þeim nótum. Einhver kynni að snúa sér
við í gröfinni.
Eða hvað? Hve alvarlegt er málið?
Höfundur þessa pistils stóðst ekki mátið
og lagðist í talsverða rannsóknarvinnu í
gær; hringdi eitt símtal í Andra Teitsson,
framkvæmdastjóra KEA. Þá kom hið sanna
í ljós og það upplýsist hér með að unnendur
þessa mikilvæga tákns, KEA-tígulsins,
geta andað léttar. Merkið er ekki farið til
frambúðar. Sannleikurinn er nefnilega sá
að þetta fagra ljósaskilti bilaði. Þegar
slokknaði á fyrsta stafnum, K-inu, og ekki
var hægt að koma því í lag á staðnum var
skiltið fjarlægt og sent í viðgerð.
Andri Teitsson neitaði því ekki í gær að
þarna mætti sjá ákveðin teikn á lofti! EA
sem kunnugt er umdæmisnúmer skipa hér
á svæðinu og KEA hefur lýst áhuga á því að
kaupa Útgerðarfélag Akureyringa af
Brimi, sjávarútvegsfyrirtækis Eimskips.
Sjáum til.
Við Þórsarar huggum okkur bara við það
að ekki skuli hafa slokknað á E-inu!
Úr
bæjarlífinu
AKUREYRI
EFTIR SKAPTA HALLGRÍMSSON
BLAÐAMANN
Lögreglan á Ak-ureyri lagði hald álítilræði af kókaíni,
amfetamíni og marijúana,
sem var í fórum tveggja
manna sem hún handtók.
Þeim var sleppt að loknum
yfirheyrslum og telst mál-
ið upplýst.
Þetta er fimmta fíkni-
efnamálið á Akureyri um
helgina en aðfaranótt
laugardags handtók lög-
reglan sex manns í fjórum
aðskildum málum.
Alls urðu 17 óhöpp í um-
ferðinni í umdæmi lög-
reglunnar á Akureyri nú
fyrir og um jólin, eða á
einni viku. Flest voru
minniháttar en þó urðu lít-
ilsháttar meiðsli í tveimur
þeirra. Flest óhappanna
má rekja til hálku á götum
bæjarins og vegum í ná-
grenninu en einnig var
nokkuð um að ekið væri á
kyrrstæða bíla á bílastæð-
um enda mikil umferð um
bílastæði við verslanir.
Óhöpp á
Akureyri
Laxamýri | Mikið var
dansað og sungið á jóla-
balli barnanna í félags-
heimilinu Ýdölum um
helgina, en þar var Kerta-
sníkir mættur ásamt
tveimur félögum sínum.
Jólasveinar þessir voru
mjög fjörugir, leiddu
krakkana í kringum jóla-
tréð og gáfu þeim epli og
mandarínur auk þess að
segja sögur af sér.
Allir höfðu gaman af,
en sum þau yngstu héldu
fast í mömmu og pabba
svona til öryggis. Þegar
hlé var gert á dansinum
og boðið var upp á kökur
og drykki, settust svein-
arnir til borðs og ræddu
við gesti. Ekki var annað
að sjá en að vel færi á
með þeim og unga fólkinu
eins og sjá má á myndinni
þar sem Kertasníkir ræð-
ir málin við eina balldöm-
una.
Morgunblaðið/Atli Vigfússon
Kertasníkir á jólaballi
Gylfi Þorkelsson áSelfossi kvartarundan stækkandi
„jólaístrubelg“.
Lífsins braut er löngum hál,
lokkar margt um jólin.
Ekki styttist mittismál,
meir þó hert sé ólin.
Nóg er af freistingum,
jafnvel meira nú en í vísu
Ísleifs Gíslasonar um
verslun Jóns Jónssonar
Heiðdal á Sauðárkróki:
Ef að þín er lundin lúð,
líttu inn í Heiðdalsbúð,
yngismær og eldra fljóð,
álnavara þar er góð:
sirsin grá, græn og blá
gefa snótum undir fót;
sultutau og silkiklót,
sem er flestra meina bót.
Þá er handa herrunum
heimsins firn af regnkápum,
höfuðföt og hálsklútar,
handsápa og skóreimar;
brjóstsykur bragðgóður,
brennsluspritt – en ekki
hitt,
dollas, sykur, tóbak, tvill,
tvinnakefli fleiri mill.
Ístran
stækkar
pebl@mbl.is
Reykjavík | Ekki er reiknað
með að snjóa leysi á suðvest-
urhorni landsins í dag eða á
morgun, og spáir Veðurstofa
Íslands hita um eða undir
frostmarki. Heldur léttir til í
dag og verður úrkomulítið.
Spár fyrir gamlárskvöld
gera ráð fyrir leiðindaveðri,
en helst gæti ræst úr því á
suðvesturhorninu. Þar er bú-
ist við stífri norðanátt en vind
ætti að lægja seint um kvöld-
ið, og gæti lægt fljótlega eftir
miðnætti. Nokkur snjókoma
gæti orðið fyrripart dags, og
verður hiti rétt undir frost-
marki og fer kólnandi þegar
líður á daginn.
Almennt gerir spá Veð-
urstofunnar ráð fyrir norðan-
átt um land allt á gamlárs-
kvöld, og snjókoma og él víða
um land. Frost verður frá
einu til tveimur stigum og allt
upp undir tíu stig.
Skást verður veðrið vest-
anlands, en þar verður hægari
vindur og minni úrkoma, en
hugsanlega eitthvað kaldara.
Morgunblaðið/Árni Torfason
Veður og færð gerðu mörgum erfitt fyrir í gær, m.a. þessum starfsmönnum borgarinnar í Árbænum.
Leiðinleg spá fyrir gamlárskvöld
Veðrið
REKSTUR Landverndar hefur verið
tryggður á næsta ári en tekjur samtak-
anna hafa ekki staðið undir rekstrinum
undanfarin ár, eða frá því að tekjur frá
Pokasjóði voru teknar af samtökunum.
Þetta kemur fram í tilkynningu frá stjórn
Landverndar. Þar kemur jafnframt fram
að kynningarátak í þeim tilgangi að afla
nýrra félaga hafi skilað því að nokkur
fjölgun félaga hafi orðið og sú viðleitni að
leita eftir stuðningi almennings og fyrir-
tækja til að treysta reksturinn hafi borið
nokkurn árangur.
Stjórn Landverndar hefur falið fram-
kvæmdastjóra samtakanna, Tryggva Fel-
ixsyni, að gegna áfram störfum á árinu
2004 og verður áfram unnið að því að
treysta fjárhagslegan grundvöll starfsem-
innar. Að sögn Tryggva hefur verið gerð
fjárhagsáætlun fyrir næsta ár og það líti
þokkalega út með að hægt verði að ná end-
um saman í rekstrinum. Þó hefur orðið að
segja öðrum tveggja fastráðinna starfs-
manna upp störfum, að sögn Tryggva.
„Við höfum fengið aðeins styrkari fót-
festu í einstaklingsaðild þó við séum
reyndar ekki búin að ná þeim árangri sem
við ætluðum okkur. En það hefur þróast í
rétta átt og er sífellt að bætast við. Síðan
erum við núna að leita eftir stuðningi frá
fyrirtækjum og það virðist ætla að falla í
frekar góðan jarðveg, þannig að við sjáum
fyrir okkur að geta náð endum saman á
næsta ári eftir að hafa þurft að ganga svo-
lítið á sjóði samtakanna undanfarin ár.“
Veitum stjórnvöldum
nauðsynlegt aðhald
Tryggvi segir vonir standa til þess að
hægt verði að halda uppi virku starfi sam-
takanna, þrátt fyrir að einum starfsmanni
hafi verið sagt upp störfum. Hann segir
Landvernd halda uppi talsverðu fræðslu-
starfi og vera mikilvægur vettvangur í um-
ræðunni um umhverfismál. „Samtökin
hafa veitt stjórnvöldum það aðhald sem við
teljum að Landvernd þurfi að veita stjórn-
völdum á hverjum tíma,“ segir Tryggvi.
Auk þeirra starfsmanna sem unnið hafa
á skrifstofu Landverndar hafa samtökin
verið með fólk í verkefnatengdum störfum,
m.a. við Alviðru, sem er umhverfis- og
fræðslusetur Landverndar í Ölfusi, og
Vistvernd í verki fyrir heimili, og segir
Tryggvi allt útlit fyrir að þeim verkefnum
verði haldið áfram, enda hafi þau skilað
góðum árangri.
Betri horfur
í rekstri
Landverndar
Söfnunarsíminn
er 907 2020
Rauði kross Íslands
til styrktar fórnarlömbum
jarðskjálftans í íran