Morgunblaðið - 30.12.2003, Blaðsíða 47
MORGUNBLAÐIÐ ÞRIÐJUDAGUR 30. DESEMBER 2003 47
HELGI Sigurðsson
landsliðsmaður í knatt-
spyrnu verður þessa
vikuna til reynslu hjá
enska 1. deildarliðinu
Gillingham. Helgi hefur
leikið með Lyn frá árinu
2001 en samningur hans
við norska liðið rennur
út nú um áramótin og
því verður hann laus
allra mála.
„Mér fannst rétt að
taka þessu boði enda
hef ég mikinn áhuga á
að reyna fyrir mér á Englandi. Ég
verð þessa viku við æfingar hjá lið-
inu og eftir það kemur í ljós hvort
eitthvert framhald verður á og
hvort mér verður boðinn samn-
ingur,“ sagði Helgi við Morg-
unblaðið í gær en hann
mætir í dag á sínu fyrstu
æfingu hjá félaginu.
„Leikmaðurinn er
með góð meðmæli og er
á lausu frá og með ára-
mótum svo við buðum
honum að koma til
reynslu þar sem við ætl-
um að skoða hann. Hann
virkar í góðu formi og
er sterkur og Helgi gæti
verið framherjinn sem
okkur vantar en við
þurfum á slíkum leik-
manni að halda,“ segir Andy Häs-
senthaler, knattspyrnustjóri Gill-
ingham, á heimasíðu félagsins.
Gillingham er í 15. sæti af 24 lið-
um í 1. deildinni með 33 stig eftir 26
leiki.
Nöfn þeirra sem til greina komaeru í stafrófsröð: Ásthildur
Helgadóttir, knattspyrnukona hjá
Malmö í Svíþjóð, Eiður Smári Guð-
johnsen, knattspyrnumaður hjá
Chelsea í Englandi, Hermann
Hreiðarsson, knattspyrnumaður
hjá Charlton í Englandi, Jón Arnar
Magnússon, frjálsíþróttamaður úr
Breiðabliki, Jón Arnór Stefánsson,
körfuknattleiksmaður hjá Dallas
Mavericks í Bandaríkjunum, Kar-
en Björk Björgvinsdóttir, dans-
kona úr dansdeild ÍR, Ólafur Stef-
ánsson, handknattleiksmaður hjá
Ciudad Real á Spáni, Ragnhildur
Sigurðardóttir, kylfingur úr Golf-
klúbbi Reykjavíkur, Þórey Edda
Elísdóttir, frjálsíþróttamaður úr
FH, og Örn Arnarson, sundmaður
úr Íþróttabandalagi Reykjanes-
bæjar.
Í þau 47 skipti sem SÍ hefur
staðið að kjörinu hafa 32 íþrótta-
menn orðið fyrir valinu. Oftast hef-
ur Vilhjálmur Einarsson hreppt út-
nefninguna, fimm sinnum, sonur
hans, Einar, Hreinn Halldórsson
og Örn Arnarson hafa verið kjörnir
þrisvar sinnum hver. Vilhjálmur,
Einar og Hreinn eru úr hópi frjáls-
íþróttamanna en Örn er sundmað-
ur og er einn þeirra tíu sem koma
til greina að þessu sinni. Á síðasta
ári varð handknattleiksmaðurinn
Ólafur Stefánsson fyrir valinu, en
hann er líkt og Örn einn tíumenn-
inganna sem til greina koma sem
Íþróttmaður ársins 2003.
Fyrir útnefninguna, eða klukkan
18.45, útnefnir Íþrótta- og Ólymp-
íusamband Íslands íþróttakarl og
-konu í hverri grein innan sérsam-
banda og sérgreinanefnda ÍSÍ.
Þetta er í níunda sinn sem SÍ og
ÍSÍ halda sameiginlegt hóf þar sem
kjör íþróttamanns ársins hjá SÍ er
hápunktur kvöldsins.
Eftirtaldir íþróttamenn hafa ver-
ið kjörnir Íþróttamenn ársins af SÍ
frá 1956 að samtökin stóðu í fyrsta
sinn fyrir kjörinu.
1956 - Vilhjálmur Einarsson,
frjálsíþróttir
1957 - Vilhjálmur Einarsson,
frjálsíþróttir
1958 - Vilhjálmur Einarsson,
frjálsíþróttir
1959 - Valbjörn Þorláksson,
frjálsíþróttir
1960 - Vilhjálmur Einarsson,
frjálsíþróttir
1961 - Vilhjálmur Einarsson,
frjálsíþróttir
1962 - Guðmundur Gíslason, sund
1963 - Jón Þ. Ólafsson,
frjálsíþróttir
1964 - Sigríður Sigurðardóttir,
handknattleikur
1965 - Valbjörn Þorláksson,
frjálsíþróttir
1966 - Kolbeinn Pálsson,
körfuknattleikur
1967 - Guðmundur Hermannsson,
frjálsíþróttir
1968 - Geir Hallsteinsson,
handknattleikur
1969 - Guðmundur Gíslason, sund
1970 - Erlendur Valdimarsson,
frjálsíþróttir
1971 - Hjalti Einarsson,
handknattleikur
1972 - Guðjón Guðmundsson, sund
1973 - Guðni Kjartansson,
knattspyrna
1974 - Ásgeir Sigurvinsson,
knattspyrna
1975 - Jóhannes Eðvaldsson,
knattspyrna
1976 - Hreinn Halldórsson,
frjálsíþróttir
1977 - Hreinn Halldórsson,
frjálsíþróttir
1978 - Skúli Óskarsson,
kraftlyftingar
1979 - Hreinn Halldórsson,
frjálsíþróttir
1980 - Skúli Óskarsson,
kraftlyftingar
1981 - Jón Páll Sigmarsson,
kraftlyftingar
1982 - Óskar Jakobsson,
frjálsíþróttir
1983 - Einar Vilhjálmsson,
frjálsíþróttir
1984 - Ásgeir Sigurvinsson,
knattspyrna
1985 - Einar Vilhjálmsson,
frjálsíþróttir
1986 - Eðvarð Þór Eðvarðsson,
sund
1987 - Arnór Guðjohnsen,
knattspyrna
1988 - Einar Vilhjálmsson,
frjálsíþróttir
1989 - Alfreð Gíslason,
handknattleikur
1990 - Bjarni Á. Friðriksson, júdó
1991 - Ragnheiður Runólfsdóttir,
sund
1992 - Sigurður Einarsson,
frjálsíþróttir
1993 - Sigurbjörn Bárðarson,
hestaíþróttir
1994 - Magnús Scheving, þolfimi
1995 - Jón Arnar Magnússon,
frjálsíþróttir
1996 - Jón Arnar Magnússon,
frjálsíþróttir
1997 - Geir Sveinsson,
handknattleikur
1998 - Örn Arnarson, sund
1999 - Örn Arnarson, sund
2000 - Vala Flosadóttir,
frjálsíþróttir
2001 - Örn Arnarson, sund
2002 - Ólafur Stefánsson,
handknattleikur
2003 -
Kjörinu verður lýst í beinni sam-
sendingu RÚV og Sýnar sem hefst
kl. 20.45, en rúmri klukkustund áð-
ur hefst útsending RÚV frá kjör-
inu þar sem rifjað verður upp það
sem upp úr stóð á íþróttaárinu sem
senn er að baki.
Helgi Sigurðsson til
skoðunar hjá Gillingham
Helgi
Morgunblaðið/Sverrir
Ólafur Stefánsson, landsliðsmaður í handknattleik og leikmaður með Ciudad Real á Spáni, var
kjörinn íþróttamaður ársins 2002 af Samtökum íþróttafréttamanna.
Upplýst verður í kvöld hver hlýtur sæmdarheitið Íþróttamaður ársins 2003
Vilhjálmur hefur
oftast verið kjörinn
KJÖRI íþróttamanns ársins 2003 verður lýst í hófi á Grand hótel
Reykjavík í kvöld rétt fyrir klukkan 21, en það eru Samtök íþrótta-
fréttamanna, SÍ, sem kjósa íþróttamann ársins og verður þetta í 48.
sinn sem SÍ stendur fyrir því. Á Þorláksmessu var upplýst hvaða
íþróttamenn voru í tíu efstu sætunum í kjörinu að þessu sinni en í
kvöld kemur í ljós hver hinna tíu hreppir hnossið að þessu sinni.
Öruggur sigur
í Þorlákshöfn
ÍSLENSKA landsliðið í
körfuknattleik, aðallega
skipað ungum leikmönnum,
vann öruggan sigur á
bandaríska háskólaliðinu
Catawba, 82:61, í síðari
leik liðanna sem fram fór í
Þorlákshöfn í gærkvöld.
Staðan í hálfleik var 36:32,
íslenska liðinu í vil. Fannar
Ólafsson var atkvæðamest-
ur íslensku leikmannanna
með 18 stig. Hjá banda-
ríska liðinu var Helgi
Magnússon einn af þremur
leikmönnum sem urðu jafn-
ir og stigahæstir með 12
stig.
EDDIE Davies, kaupsýslumaður
sem býr á eyjunni Mön í Írlands-
hafi, hefur keypt megnið af hluta-
bréfum í enska knattspyrnufélaginu
Bolton Wanderers. Davies átti áður
29,7 prósenta hlut í félaginu en á nú
94,5 prósent og er því nær einráður.
Phil Gartside, stjórnarformaður
Bolton, sagði að nú gæti félagið
komið öllum sínum skuldum í skil en
Bolton skuldar 38 milljónir punda,
eða 4,8 milljarða íslenskra króna.
YFIRTAKA Davies, sem lagði um
300 milljónir króna í félagið við
kaupin, þýðir að Bolton þarf ekki að
hafa áhyggjur af því að selja sína
bestu menn til að rétta hag sinn.
ROBERTO Baggio, einn dáðasti
knattspyrnumaður Ítala á síðari ár-
um, sagði í gær að hann gerði ráð
fyrir því að leggja skóna á hilluna að
þessu keppnistímabili loknu. Bag-
gio, sem er 36 ára gamall, sagði í
viðtali á Teletutto, sjónvarpsstöð í
ítölsku borginni Brescia, að það
þyrfti mikið að breytast til að hann
héldi lengur áfram. Hann hefði átt
við meiðsli að stríða að undanförnu
og þar af leiðandi væri erfitt fyrir
sig að spila lengur.
FABIEN Barthez, markvörður
Manchester United, flytur til
Frakklands á nýju ári og gengur til
liðs við Marseille eftir því sem for-
ráðamenn liðsins fullyrða. Þeir
reyndu að fá Barthez leigðan frá
ensku meisturunum í haust en Al-
þjóðaknattspyrnusambandið kom í
veg fyrir það. Nú þegar opnað verð-
ur fyrir kaup og sölu á leikmönnum í
byrjun nýs árs er ekkert því til fyr-
irstöðu að Marseille leigi Barthez.
MARSEILLE leikur við Strasbo-
urg í frönsku 1. deildinni um næstu
helgi og er vonast til að Barthez geti
tekið þátt í þeim leik þar sem að-
almarkvörður Marseille er meiddur
á hné og getur ekki tekið þátt í
leiknum.
DERLEI Silva, helsti markahrók-
ur Porto, leikur ekki meira með lið-
inu á leiktíðinni eftir hann meiddist
illa á hné fyrir jól og gekkst í gær
undir aðgerð á því. Silva hefur skor-
að 12 mörk á leiktíðinni. Hann miss-
ir m.a. af viðureignunum við Man-
chester United í 16 liða úrslitum
Meistaradeildar Evrópu í knatt-
spyrnu.
ARSENE Wenger, knattspyrnu-
stjóri Arsenal, er bjartsýnn á að
Frakkinn Sylvain Wiltord verði um
kyrrt á Highbury og skrifi fljótlega
undir nýjan samning við félagið.
Samningur Wiltords við Arsenal
rennur út í sumar en Wenger keypti
landa sinn fyrir 11 milljónir punda
fyrir þremur árum. Meiðsli hafa
plagað Wiltord á tímabilinu en hann
hefur aðeins spilað 10 leiki og skor-
að þrjú mörk.
FÓLK
ÍÞRÓTTIR