Morgunblaðið - 30.12.2003, Blaðsíða 25

LISTIR
MORGUNBLAÐIÐ ÞRIÐJUDAGUR 30. DESEMBER 2003 25
ÓDÝRT
Stálhillur
í fyrirtæki
og heimili
Stálhillur
Stærð:
D: 40 cm
B: 100 cm
H: 200 cm
5 hillur
kr. 8.765,-
Næsta bil
kr. 6.125,-
HÖFÐABAKKI 9 112 REYKJAVÍK
SÍMI: 544 5330 FAX: 544 5335
en gott
Við bjóðum
14
34
/
TA
K
T
ÍK
n
r.
4
0
A
EKKERT lát var á tónleikahaldinu
á fjórða sunnudegi í aðventu. Kórar
og kammerhópar héldu síðustu tón-
leikana fyrir þessi jól og hinar ýmsu
kirkjur landsins sungu inn jólin með
jólasöngvum fyrir fjölskylduna. Það
væri í raun fróðlegt að safna saman
upplýsingum um fjölda tónlistarvið-
burða í kirkjum og utan, fjölda flytj-
enda og áheyrenda á þessari aðventu
og kæmi sennilega engum sem fylgist
með á óvart þótt það yrðu háar tölur
sem kæmu út úr þeim rannsóknum.
Fiðlukonsertar Bachs
Rut Ingólfsdóttir fiðluleikari og
Kammersveit Reykjavíkur buðu
ásamt Daða Kolbeinssyni óbóleikara
og Unni Maríu Ingólfsdóttur fiðlu-
leikara upp á tónaveislu í Áskirkju og
er það enn ein hefðin sem myndast
hefur í tónlistarflórunni. Að þessu
sinni voru fjórir fiðlukonsertar eftir
meistara Bach á boðstólum og ekki
aðeins fiðlukonsertar því BWV 1060a
er fyrir fiðlu, óbó og hljómsveit. Í
fréttatilkynningum kom fram að það
væru uppáhaldsfiðlukonsertar Rutar
sem hún byði upp á í veislunni. Ekki
er vitað með vissu hvenær Bach
samdi konsertana en þó telja flestir
að þeir séu frá 1717–1723 en þá var
hann í Köthen, þetta vitum við þó ekki
fyrir víst og þessi greinarstúfur er
ekki vettvangur slíkra vangaveltna.
Í tónaveislu Kammersveitarinnar
var fyrst boðið upp á fyrrnefndan
konsert fyrir fiðlu, óbó og hljómsveit í
d-moll BWV 1060a í þremur þáttum;
Allegro sem var leikið með fallegum
samhljómi, Adagio með fallega syngj-
andi óbóleik og góðu og fallega út-
færðu samtali milli einleiksfiðlunnar
og óbósins og glæsilegu Allegro sem
var ekki alveg jafn samtaka og fyrri
kaflarnir tveir.
Konsert fyrir fiðlu og hljómsveit í
Es-dúr BWV 1042, einnig í þremur
þáttum, var næstur. Í fyrsta þættin-
um, Allegro, var samspil hljómsveit-
arinnar og Rutar gott. Mjúkt syngj-
andi pianissimo einkenndi
Adagio-þáttinn og sá þriðji var í góðu
tempói og vel leikinn.
Konsertinn BWV 1041 í a-moll er
einnig þriggja þátta eins og allir hinir.
Sá fyrsti sveif lifandi í góðum hraða. Í
öðrum söng einleiksfiðlan fallega en
einhver óróleiki var yfir flutningnum.
Þriðji þátturinn var hins vegar í fín-
um hraða og mjög góður.
Síðasti konsertinn BWV 1043 í d-
moll er fyrir tvær fiðlur og hljómsveit.
Vivace-þátturinn var mjög góður og
samtaka. Gott samtal var á milli ein-
leiksfiðlanna í Largo-þættinum svo
og milli einleikara og hljómsveitar.
Lokaþátturinn Allegro var góður
endir á tónleikunum í hrífandi tempói
og sannfærandi í túlkun einleiksfiðl-
anna.
Leikur hljómsveitarinnar var virki-
lega vel mótaður, músíkalskur og
samstilltur. Mjög góðar barokk-
áherslur, tónninn þéttur og fallegur
og yfirleitt gott kontrast milli ein-
leiks- og „tutti“-kaflanna.
Með gleðiraust
og helgum hljóm
Ein hefðin í bæjarlífi Hafnarfjarð-
ar á aðventunni er jólatónleikar Kórs
Flensborgarskólans enda létu bæj-
arbúar sig ekki vanta og fylltu salinn
út úr dyrum. En kórinn var ekki einn,
kór úr Öldutúnsskóla söng einnig
nokkur lög og einnig léku ungir hljóð-
færaleikarar með í nokkrum lögum.
Eðli skólakóra er hin gífurlega end-
urnýjun sem á sér stað á hverju ári.
Þegar kórfélagar eru loksins orðnir
mjög þjálfaðir og góðir eru þeir
neyddir til að yfirgefa hópinn og aðrir
reynslulausir og óþjálfaðir fylla
skarðið og hringrásin heldur áfram.
Það sem hefur einkennt Flensborg-
arkórinn undanfarið er gott hlutfall
kynjanna og innbyrðis jafnvægi í
styrk á milli radda og virðist það ekki
ætla að raskast í ár þrátt fyrir hátt
hlutfall nýrra félaga. Kórinn söng alls
17 lög og öll utanbókar með alla at-
hygli á söngstjóranum sem leiddi
hópinn sinn af öryggi í gegnum allar
gildrur. Hljómur kórsins er fylltur,
þéttur og óþvingaður og mikil söng-
gleði er áberandi.
Á fyrri hluta efnisskrárinnar hjá
kórnum, sem hófst með inngöngu
undir þjóðlaginu Með gleðiraust og
helgum hljóm, voru að auki sex hefð-
bundin jólalög, öll flutt án undirleiks.
Þau lög sem stóðu upp úr í þeim flutn-
ingi voru Hátíð fer að höndum ein í
raddsetningu Jóns Ásgeirssonar og
Gaudete úr Piae Cantiones en þar
sungu nokkrir kórfélagar einsöngs-
strófur og drengirnir mynduðu vel
hljómandi karlakór. Lagið Borið er
oss barn í nótt var dálítið gróft.
Eftir hlé söng kórinn tíu lög sem öll
voru í „léttari“ kantinum og voru þau
öll vel flutt en upp úr stendur að mati
undirritaðs flutningurinn á Skín í
rauðar skotthúfur í raddsetningu
Skarphéðins Hjartarsonar og Jóla-
gjöfinni eftir Hörð Áskelsson. Í lagi
Jóns Ásgeirssonar Á jólanótt söng
einn kórfélagi, Telma Hlín Helgadótt-
ir, einsöng og gerði það vel en kórinn
var ekki alveg hreinn. Þeir Kristján
Martinsson, Helgi Egilsson og Snorri
Páll Jónsson bættust nú í hópinn og
léku með á píanó, kontrabassa og
trommur í lögunum Meiri snjó og Há-
tíð í bæ, bæði í raddsetningu Skarp-
héðins Hjartarsonar, og var þessi
jólasveifla vel flutt. Að lokum söng
kórinn óhefðbundna útgáfu af laginu
Skreytum hús með greinum grænum
sem vakti kátínu meðal áheyrenda
ekki síður en flytjendanna. Hljómur
kórsins var dálítið grófur fyrir hlé en
mjúkur og yfirleitt mjög góður eftir
hlé. Helga Björnsdóttir lék á píanó
með kórnum í nokkrum lögum og í al-
mennum söng og skilaði sínu með
prýði.
Kór Öldutúnsskóla söng fimm lög
fyrir hlé. Egill virðist vera að þjálfa
upp ungar stúlkur sem lögðu sig allar
fram við að gera sitt besta. Lögin
voru öll í mjög hröðu tempói, náðu
aldrei flugi og stúlkurnar fengu aldrei
að klára hendingarnar, heldur gripu
andann á lofti til að halda áfram. Von-
andi er þetta bara eitthvert tilfallandi
jólastress sem hverfur með rísandi
sól.
Fiðlukonsertar og
söngur æskufólks
Jón Ólafur Sigurðsson
TÓNLIST
Áskirkja
KAMMERTÓNLEIKAR
Rut Ingólfsdóttir fiðluleikari, Daði Kol-
beinsson óbóleikari og Unnur María Ing-
ólfsdóttir ásamt Kammersveit Reykjavík-
ur. Fluttir konsertar eftir J.S. Bach.
Sunnudagurinn 21. desember kl. 17.00.
Hásalir í Hafnarfirði
KÓRTÓNLEIKAR
Kór Flensborgarskólans, stjórnandi
Hrafnhildur Blomsterberg. Kór Öldutúns-
skóla, stjórnandi Egill Friðleifsson. Hljóð-
færaleikarar Helga Björnsdóttir á píanó,
Kristján Martinsson á píanó, Helgi Eg-
ilsson á kontrabassa og Snorri Páll Jóns-
son á trommur. Flutt ýmis jólalög. Sunnu-
dagurinn 21. desember kl. 20.00.
„KRAKKARNIR hafa mjög góðan
smekk, og finna strax hvað er góð
tónlist. Þau eru ekkert endilega
gefin fyrir léttmetið og finnst það
háklassíska það besta,“ segir Mar-
teinn H. Friðriksson stjórnandi
Kórs Menntaskólans í Reykjavík,
um krakkana í kórnum, en í kvöld
kl. 20 heldur kórinn tónleika í
Kristskirkju. Þetta er áttunda árið
sem Marteinn stjórnar kórnum, og
segir hann það einstakt að vinna
með fólki á þessum aldri. Á liðnum
árum hefur kórinn sungið ýmiss
konar tónlist: þjóðlög, kirkjutónlist,
madrigala, stúdentasöngva og
söngleikjatónlist, svo eitthvað sé
nefnt. Á tónleikum kórsins í kvöld
er hins vegar hefðbundin jólatónlist
á dagskrá, tónlist sem Marteinn
segir kórinn hafa gaman af að
syngja ár eftir ár. „Þetta eru jóla-
sálmar í fallegum útsetningum. Við
leggjum áherslu á jólastemmn-
inguna með því að kveikja á kerta-
ljósum, og vonum að fólk hafi
ánægju af að koma og hlusta.“
Kór Menntaskólans í Reykjavík
er eins og aðrir slíkir kórar í stöð-
ugri endurnýjun. Eldri félagar hafa
margir hverjir að sögn Marteins
ekki viljað hætta, þótt námi þeirra
við skólann sé lokið. Því er svo
komið að eldri félagar kórsins eru
orðnir sérstakur kór, sem verður
gestur skólakórsins á tónleikunum;
syngur nokkur lög einn, og í lok
tónleikanna með skólakórnum.
„Það er gaman að sjá hvað þessir
krakkar eru áhugasamir áfram,
þótt veru þeirra í MR sé lokið. Fyrst
og fremst eru þetta þó tónleikar
skólakórsins. Endurnýjunin þar er
mikil og af 50 söngvurum núna eru
39 nýir. Það er heilmikið mál að
koma þessu fólki til manns. En þó
þetta sé allt nýtt fyrir þessum
krökkum, þá er yndislegt að vinna
með þeim, því þau eru svo opin fyr-
ir öllu og jákvæð.“
Marteinn segir suma krakkanna
hafa verið í tónlistarnámi, og
nokkrar stelpnanna hafa sungið í
barnakórum. „Það er mjög gott að
hafa vant söngfólk með.“ Það gegn-
ir hins vegar öðru máli með strák-
ana, því fæstir þeirra hafa reynslu
af því að syngja með barnakórum,
þar eru stelpurnar áhugasamari.
„Flestir þeirra eru að syngja í
fyrsta sinn í kór þegar þeir koma í
Menntaskólann. Þeir koma með
óskólaðar raddir, en eru mjög
áhugasamir, og það er gaman að
sjá framfarirnar hjá þeim.“
Yndislegt að vinna
með ungu söngfólki
Marteinn H. Friðriksson stjórnar hér Kór Menntaskólans í Reykjavík í fyrra. Sumir eru nú í kór eldri félaga.
Þau mistök áttu sér stað að mynd af
Rut Ingólfsdóttur birtist í blaðinu í
gær með umsögn um tónleika í
Langholtskirkju. Myndin átti að
sjálfsögðu að fylgja umsögn um tón-
leika Kammersveitar Reykjavíkur
sem birt er í dag. Er beðist velvirð-
ingar á mistökunum.
Myndabrengl
Rut Ingólfsdóttir var í aðalhlut-
verki á tónleikum Kammersveit-
arinnar í Áskirkju.
Leikhópurinn Fimbulvetur sýnir
Ójólaleikritið í menningar- og kaffi-
húsinu að Aðalstræti 10 við Ingólfs-
torg kl. 21 í kvöld.
Í DAG

Sjá einnig Staður og stund á mbl.is