Morgunblaðið - 20.01.2004, Page 8

FRÉTTIR
8 ÞRIÐJUDAGUR 20. JANÚAR 2004 MORGUNBLAÐIÐ
Þetta er talinn nokkuð mikilvægur fornleifafundur.
Höfuðborgarstofa hugar að ferðamönnum
Eins og þrjár
taugar í fléttu
Höfuðborgarstofa ersem óðast að þróahlutverk sitt, en
eitt af meginverkefnum
hennar er að halda utan
um ferða- og markaðsmál
Reykjavíkur. Dóra Magn-
úsdóttir er verkefnastjóri
ferða- og markaðsmála hjá
Höfuðborgarstofu.
Hvað koma margir er-
lendir ferðamenn til höfuð-
borgarinnar á ári?
„Það var slegið nýtt met
í ferðaþjónustunni á ný-
liðnu ári þegar ríflega
315.000 erlendir ferða-
menn komu til Íslands en
kannanir hafa sýnt að
langflestir gista eina eða
fleiri nætur í höfuðborg-
inni. Eitt af markmiðum
mínum í starfi er að fá
ferðamenn til að dvelja lengur í
borginni, upplifa orkuna og fjörið
sem hér býr, ekki síst á lágönn,
sem er tímabilið frá september til
apríl, svo sú fjárfesting sem stofn-
að hefur verið til á sviði ferðaþjón-
ustu nýtist betur en ella og til að
sporna við þeirri miklu árstíða-
sveiflu sem hefur verið við lýði
innan greinarinnar.“
Hefur Reykjavík ein aðdrátt-
arafl?
„Já, það er alveg ljóst að stórir
viðburðir svo sem Menningarnótt
og Vetrarhátíð, sem nú er fram-
undan í febrúar ásamt matgæð-
ingahátíðinni Food and Fun, laða
fólk til Reykjavíkur. Ekki má
heldur gleyma kraftmiklu nætur-
lífi sem talsvert mikil áhersla hef-
ur verið lögð á síðustu misserin til
að kveikja áhuga ungs fólks. Eitt
af meginmarkmiðum Höfuðborg-
arstofu er hins vegar að efla
menningarborgina Reykjavík og
heilsuborgina Reykjavík, bæði
hvað varðar vöruþróun og mark-
aðssetningu. Við sjáum að erlend-
um gestum þykir mikið varið í
hvað borgin er hrein og örugg auk
þess sem mjög vaxandi hluti
ferðamanna sækir menningarvið-
burði, söfn eða kannar á annan
hátt íslenska menningu. Þannig
verður sífellt meira fyrir ferða-
menn að gera í borginni sjálfri.
Nú ber hæst hina glæsilegu sýn-
ingu Ólafs Elíassonar í Listasafni
Reykjavíkur og heilsu- og sund-
miðstöðina Laugar, sem var opn-
uð í byrjun árs. Áhrifamikil mynd-
listarsýning, útisund í
jarðhitavatni og dekur í heilsu-
setri á heimsmælikvarða er svo
sannarlega til þess fallið að fá
ferðamenn til Reykjavíkur, ekki
síst á veturna.“
Hver er þá helsti styrkur borg-
arinnar í markaðssetningu er-
lendis?
„Styrkur Reykjavíkur felst m.a.
í nálægð við náttúruna og þeirri
staðreynd að héðan er hægt að
fara í ógleymanlegar afþreyingar-
ferðir á einum degi og koma svo til
baka og njóta þess besta í mat og
drykk sem og gistingar á úrvals
hótelum. En styrkur borgarinnar
felst ekki síður í þeirri orku sem
býr innan borgarmark-
anna og á sér margar
birtingarmyndir.“
Starfsemi Höfuð-
borgarstofu snýst þó
ekki einvörðungu um
að fá erlenda ferðamenn til
Reykjavíkur, er það?
„Nei það er rétt. Stoðirnar í
starfsemi Höfuðborgarstofu eru
þrjár og hver stoð eflir hina eins
og taug í fléttu. Mitt starfssvið lýt-
ur að ferða- og markaðsmálum,
önnur stoð lýtur að stóru viðburð-
unum í borginni og nú er unnið
hörðum höndum að mjög spenn-
andi dagskrá fyrir Vetrarhátíð
sem haldin verður 19.–22. febrúar
næstkomandi þar sem við fáum
tækifæri til að létta lundina með
uppákomum út um alla borg og
hækkandi sól. Þriðja stoðin er
starfsemi Upplýsingamiðstöðvar
ferðamanna í Reykjavík í Ingólfs-
nausti sem hefur mikla þjónustu-
skyldu gagnvart erlendum og inn-
lendum ferðamönnum. Það vill
gleymast að Upplýsingamiðstöðin
aðstoðar Reykvíkinga vegna við-
burða í borginni og veitir upplýs-
ingar um ferðaþjónustu og af-
þreyingu á landinu öllu og
aðstoðar að sama skapi fólk utan
af landi við að skipuleggja frítíma
sinn á höfuðborgarsvæðinu. Til að
mynda stendur fyrir dyrum sam-
starfsverkefni Höfuðborgarstofu
og fleiri aðila sem er sýning á hug-
myndum um að gera náttúruundr-
ið Þríhnúkagíg aðgengilegra fyrir
almenning. Einnig býður Upplýs-
ingamiðstöðin upp á aðstöðu til
kynninga af ýmsum toga fyrir
ferðamálasamtök um allt land og
þannig mætti áfram telja.“
Hverjar eru helstu áherslur
Höfuðborgarstofu í markaðssetn-
ingu á Reykjavík sem ferða-
mannaborg?
„Höfuðborgarstofa notar í
markaðssetningu á erlendum
vettvangi slagorðið Reykjavík
Pure Energy sem hefur verið út-
lagt á íslensku Orkuborgin
Reykjavík. Hér erum við að sjálf-
sögðu að vísa til orkunnar í nátt-
úrunni, eldvirkninnar í
kringum okkur, heita
vatnsins, fjallanna og
hafsins en við erum
einnig að vísa til þeirr-
ar orku sem býr í fólk-
inu og framkvæmdagleðinni sem
sést til dæmis í þeim mikla fjölda
myndlistarsýninga, tónleika og
veitinga- og skemmtistaða sem
hér er að finna á svæði sem er í
rauninni alveg ótrúlega lítið. En
það er nú einmitt það sem heillar
hinn erlenda ferðamann – hvað
borgin er lítil en að sama skapi
hve skemmtileg hún er og mikið
hér að finna.“
Dóra Magnúsdóttir
 Dóra Magnúsdóttir fæddist
1965 í Reykjavík. Lauk B.Sc.-
prófi í landfræði við HÍ 1992 og
lokaprófi í hagnýtri fjölmiðlun
1995. Árið 2000 lauk hún prófi í
markaðs- og margmiðlunar-
fræðum frá Interactive Mark-
eting and Media Academy í Dan-
mörku. Starfaði um árabil við
leiðsögn erlendra ferðamanna og
blaðamennsku og sem deild-
arstjóri í upplýsingadeild Flug-
leiða ’95–’98 og markaðs- og
kynningarstjóri Íslenskra æv-
intýraferða ’01–’03. Maki er Guð-
mundur J. Guðjónsson margmiðl-
unarhönnuður og eiga þau tvö
börn, Kára 11 ára og Lilju 6 ára.
Nýtt met
í ferða-
þjónustunni