Morgunblaðið - 20.01.2004, Page 10

JÓN Kristjánsson heilbrigðisráðherra ítrek-
ar í samtali við Morgunblaðið að hann hafi
lagt áherslu á að sparnaðaraðgerðir innan
Landspítala – háskólasjúkrahúss komi sem
minnst niður á þjónustu og öryggi spítalans.
Haft var eftir Sigurði Guðmundssyni land-
lækni í Morgunblaðinu í gær að hann teldi að
fyrirhugaðar aðgerðir á LSH ættu eftir að
draga úr þjónustu og gæðum hennar og bitna
á sjúklingum.
Ráðherra bendir á að það sé í höndum
stjórnenda spítalans að útfæra aðgerðirnar.
Hann gerir ráð fyrir að þeir hafi það að leið-
arljósi að þær bitni sem minnst á þjónustu og
öryggi LSH. „Annars ætla ég ekki að tjá mig
endanlega um þetta fyrr en ég sé nánari út-
færslu á tillögum [stjórnenda spítalans].“
Ráðherra segir þó ljóst að þær aðgerðir
sem þegar hafi verið boðaðar muni hafa ein-
hver áhrif á þjónustuna. „Staða mín er hins
vegar enn sú sama; ég er bundinn af fjárlaga-
rammanum,“ ítrekar hann.
Stjórnendum spítalans er gert að lækka
rekstrarkostnað spítalans um 1.400 milljónir
á þessu og næsta ári. Þar af er gert ráð fyrir
því að lækka rekstur hans um 800 til 1.000
milljónir á þessu ári.
Bitni sem minnst
á þjónustu LSH
SPARISJÓÐABANKI Íslands lét
ekki prenta jólakort í ár en ákvað
að styrkja MS félagið í staðinn.
Finnur Sveinbjörnsson bankastjóri
afhenti Sigurbjörgu Ármanns-
dóttur, formanni MS félags Íslands,
250.000 króna fjárstyrk í gær.
Sigurbjörg segir MS félagið
ákaflega þakklátt. „Þessi styrkur
er eyrnamerktur bók sem við erum
að láta þýða sem er fyrir börn og
fjölskylduna og útskýrir hvernig
sjúkdómur MS er,“ segir Sig-
urbjörg. Bókinni verður dreift
meðal MS sjúklinga og aðstand-
enda, sem og á bókasöfn og til fag-
aðila. „Við erum hér öll í sjálfboða-
starfi hjá MS félaginu þannig að
svona fjárstyrkir skipta okkur
gríðarlega miklu máli,“ bætir Sig-
urbjörg við. Morgunblaðið/Ásdís
Styrkur
í stað
jólakorta
FRÉTTIR
10 ÞRIÐJUDAGUR 20. JANÚAR 2004 MORGUNBLAÐIÐ
BORIST hefur eftirfarandi athuga-
semd frá Sverri Hermannssyni,
fyrrverandi menntamálaráðherra:
„Morgunblaðinu varð á í mess-
unni í gær þegar það birti grein
mína „Utanríkiskroniku“. Í annarri
málsgrein, þar sem vitnað er í
Brekkukotsannál á að standa hlan-
forir eins og í handriti mínu stóð en
ekki hlandforir. Sama orði í næst-
síðustu málsgrein er breytt á sama
veg í blaðinu.
Mönnum kann að virðast þetta
smámunasemi af minni hálfu, en
það finnst aðeins þeim, sem finna
ekki þann mikla mun sem er á
hlan-for og hinu heitinu. Það er
einnig meginmál að vitna rétt í
Brekkukotsannál.“
Athugasemd
frá Sverri
Hermannssyni
SPARNAÐARAÐGERÐIR Landspítala – há-
skólasjúkrahúss munu, samkvæmt þeim til-
lögum sem nú liggja fyrir, snerta störf og kjör
yfir fimm hundruð starfsmanna spítalans. Um
fimmtíu starfsmönnum verður sagt upp en
auk þess verður öðrum stöðugildum spítalans
fækkað um 170 með því m.a. að ráða ekki
áfram fólk sem sinnir tímabundnum verkefn-
um.
„Því sem upp á vantar á að ná með breyt-
ingum á vinnufyrirkomulagi og vinnuhlutfalli,
breytingum á vaktafyrirkomulagi, uppsögnum
á yfirvinnu og öðrum breytingum sem geta
verið allt frá smávægilegum röskunum á
störfum og kjörum einstaklinga upp í veru-
legar breytingar,“ að því er fram kemur á vef
Bandalags háskólamanna (BHM). Þar með
snerta aðgerðirnar, þegar á heildina er litið,
yfir 500 manns.
Halldóra Friðjónsdóttir, formaður BHM,
segir að beinu uppsagnirnar muni koma niður
á átján félögum í aðildarfélögum BHM. Aðrar
breytingar snerti um 250 félagsmenn. „Breyt-
ingar koma til með að hafa áhrif á kjör
margra en ég hugsa að langflestir séu því
fegnir að halda starfinu þótt það þýði ein-
hverjar breytingar,“ segir hún.
Uppsagnarbréf send innan tíðar
Stjórnendur spítalans funduðu með trún-
aðarmönnum þriggja stéttarfélaga í gær, þ.e.
trúnaðarmönnum BHM, Bandalags starfs-
manna ríkis og bæja og Alþýðusambands Ís-
lands. Erna Einarsdóttir, sviðsstjóri starfs-
mannamála, segir að nú liggi nokkuð ljóst
fyrir hvar bera eigi niður í sparnaðaraðgerð-
unum. Hún vill þó ekki upplýsa nánar um það.
Gerir hún ráð fyrir að stjórnendur spítalans
muni kynna aðgerðirnar á blaðamannafundi í
vikunni. Hún segir að enn sem komið er hafi
enginn fengið uppsagnarbréf, en þau verði
send til viðkomandi innan tíðar.
Læknaráð LSH fundaði í gær vegna að-
gerðanna og sagði Friðbjörn Sigurðsson, for-
maður læknaráðs, í samtali við Morgunblaðið
eftir fundinn að læknar hefðu verulegar
áhyggjur af þróun mála. „Við höfum verulegar
áhyggjur af því að þessar aðgerðir eigi eftir að
skerða þjónustu við sjúklinga,“ sagði hann.
Ennfremur sagði hann að læknar hefðu
áhyggjur af því að hlutverki spítalans sem há-
skólasjúkrahúss yrði ekki sinnt sem skyldi.
Hann benti á í því sambandi að niðurskurð-
urinn kæmi víða við, m.a. í kennslu og vís-
indum.
150 langveikir og fatlaðir sjúklingar
Að sögn Friðbjörns telur læknaráð að
ákveðinni þjónustu spítalans sé betur komið
fyrir annars staðar, þ.e. fyrir utan spítalann.
Hann segir að til dæmis séu um 150 langveikir
og fatlaðir sjúklingar enn á spítalanum, þrátt
fyrir að þeir hafi lokið sinni meðferð. Segir
hann að félagsmálayfirvöld og sveitarfélögin
þurfi að leggja sitt af mörkum til að koma til
móts við þann hóp.
Aðgerðir LSH eru taldar
snerta yfir 500 starfsmenn
HALLDÓR Blöndal, forseti Alþing-
is, telur hvorki grundvöll til athuga-
semda né afskipta af hálfu forseta
þingsins við setu Péturs H. Blöndals í
efnahags- og viðskiptanefnd Alþing-
is, né við formennsku hans í nefnd-
inni sem hún hefur kjörið hann til.
Halldór segir, að jafnframt verði að
telja að tillaga þingmanna úr Sam-
fylkingunni, sem var flutt á fundi
nefndarinnar 12. janúar, styðjist
hvorki við þingsköp né þingvenjur.
Með bréfi, dagsettu 12. jan. sl., fór
meirihluti efnahags- og viðskipta-
nefndar þess á leit við forsætisnefnd
að hún léti m.a. í ljós álit sitt á „hæfi“
Péturs H. Blöndals, alþingismanns
og formanns efnahags- og viðskipta-
nefndar, „til að sitja og/eða stýra
fundum“ nefndarinnar með fjölmörg-
um gestum sem boðaðir voru á fund
nefndarinnar en dagskrármálið var
„staða sparisjóðanna“. Fundur
nefndarinnar var haldinn að ósk Ög-
mundar Jónassonar til að afla upplýs-
inga og hlýða á sjónarmið hagsmuna-
aðila.
Halldór Blöndal segir í bréfi til
Péturs H. Blöndals að forsætisnefnd
sé hvorki að þingsköpum né þing-
venjum áfrýjunarstig fyrir deilur um
þingsköp. Það sé forseti sem skeri úr
ágreiningi um skilning á þingsköp-
um. Úrskurðir hans séu almennt
fullnaðarúrskurðir.
Halldór vísar til þess að þetta álita-
efni hafi áður komið til kasta forseta.
Í úrskurði frá 23. maí 1995 segir svo
m.a.:
„Hvorki í stjórnarskránni né þing-
skapalögunum er að finna neinar
reglur sem útiloka þingmann frá því
að taka þátt í meðferð máls sem hann
varðar sérstaklega ef undan er skilið
ákvæði í 4. mgr. 64. gr. þingskapa-
laga þar sem segir að enginn þing-
maður megi greiða atkvæði með fjár-
veitingu til sjálfs sín. En þar með eru
vanhæfisreglur á vettvangi löggjaf-
arvaldsins tæmandi taldar og engum
öðrum til að dreifa.
Alþingismenn eru í störfum sínum
eingöngu bundnir við sannfæringu
sína og standa aðeins kjósendum skil
gerða sinna. Þeir eru ekki bundnir af
hæfisreglum í störfum sínum og geta
því tekið þátt í meðferð og afgreiðslu
allra mála á þinginu. Það er einmitt
ein af grundvallarreglum í stjórnmál-
um lýðræðisríkja að þingmenn taki
ákvarðanir um hvaða hagsmuni á að
taka fram yfir aðra. Séu þeir tengdir
þeim með mjög persónulegum hætti
er þeim auðvitað í sjálfsvald sett af
siðrænum ástæðum að segja sig frá
máli. Það er þeirra ákvörðun og á
þeirra ábyrgð.“
Í bréfi forseta Alþingis segir að
ekkert hafi breyst að þessu leyti frá
árinu 1995 og þingsköp séu óbreytt.
Á fundi nefndarinnar stóð til að
ræða framkvæmd laga um fjármála-
fyrirtæki um sparisjóði, þar á meðal
74. gr. sem fjallar um stöðu stofnfjár-
eigenda við breytingu sparisjóðs í
hlutafélag. „Þótt framkvæmd lag-
anna gæti varðað hag formanns efna-
hags- og viðskiptanefndar er það
ekki með sérstaklegum hætti heldur
varðar hún stofnfjáreigendur í spari-
sjóðum almennt.
Með hliðsjón af því sem að framan
er rakið er hvorki grundvöllur til at-
hugasemda né afskipta af hálfu for-
seta við setu Péturs H. Blöndals í
efnahags- og viðskiptanefnd, sem
hann er réttkjörinn til á Alþingi, né
við formennsku hans í nefndinni sem
hún hefur kjörið hann til. Jafnframt
verður að telja að tillaga þingmanna
úr Samfylkingunni, sem var flutt á
fundi nefndarinnar 12. jan. sl., styðj-
ist hvorki við þingsköp né þingvenj-
ur,“ segir í bréfi forseta Alþingis.
Forsætisnefnd Alþingis fjallar um hæfi formanns efnahags- og viðskiptanefndar
Ekki er grundvöllur til
afskipta forseta Alþingis
GUÐMUNDUR Árni Stefánsson, sem sæti á í forsætisnefnd Alþingis,
vísar í bókun sinni um þetta mál til úrskurðar forseta Alþingis frá
1995 um að það sé þingmanna sjálfra að meta eigið hæfi, en að við-
komandi fagnefnd geti tekið ákvarðanir og þess vegna sett formann
nefndar af ef nefndin metur svo.
Í þingskaparlögunum, sem ná aftur til ársins 1915, er talað um að
eingöngu í þeim tilvikum þegar þingmaður hefur beinna fjárhags-
legra hagsmuna að gæta beri honum að víkja. Í því tilviki sem hér um
ræddi gæti þetta ákvæði átt við. „Pétur H. Blöndal er opinberlega um-
boðsmaður aðila úti í bæ sem hafa beinna hagsmuna að gæta í málinu.
Ég er því sannfærður um að lagalega og siðferðilega beri honum að
víkja sæti og ekki eingöngu sem formaður heldur eigi hann ekki að
koma að umfjöllun eða afgreiðslu máls.“ Guðmundur Árni segir að í
bréfi forseta Alþingis sé í reynd verið að vísa málinu aftur til Péturs.
Telja að Pétri beri að víkja
Vill að
nefndin fundi
sem allra fyrst
JÓN Bjarnason, þingmaður Vinstri-
hreyfingarinnar – græns framboðs,
hefur óskað eftir því við formann fjár-
laganefndar Alþingis, Magnús Stef-
ánsson, að nefndin hittist hið fyrsta til
að ræða málefni Landspítala – há-
skólasjúkrahúss. Magnús kveðst hins
vegar ekki sjá fram á að geta náð
saman fundi í nefndinni fyrr en eftir
að þing hafi komið saman að nýju í
næstu viku. Áætlað er að þing hefjist
28. janúar nk.
Jón segir í bréfi til Magnúsar, dags.
16. janúar, að brýnt sé að nefndin
fjalli um málefni LSH. „Í ljósi þeirrar
alvarlegu stöðu sem nú blasir við, þ.e.
að óbreyttar fjárveitingar til LSH á
árinu þýða fjöldauppsagnir, lokun
deilda og verulega skerta þjónustu, er
hér með farið fram á fund í háttvirtri
fjárlaganefnd,“ segir í bréfi Jóns.
„Brýnt er að nefndin fari yfir málið
og undirbúi umfjöllun þess á Alþingi
strax og það kemur saman. Því verð-
ur ekki trúað að óreyndu að ætlunin
sé að láta boðaðar niðurskurðarað-
gerðir koma til framkvæmda með öllu
því tjóni sem það mun valda heilbrigð-
iskerfi þjóðarinnar,“ segir ennfremur
í bréfinu.
Nýbúið að afgreiða fjárlög
Magnús segir að þessi mál verði að
sjálfsögðu rædd á fundi nefndarinnar
þegar hún hittist næst en ítrekar að
það verði varla fyrr en eftir að þing
hafi komið saman að nýju. „Ég sé ekki
möguleika á að ná saman nefndinni
fyrr en þá, enda í sjálfu sér ekki lífs-
spursmál að gera það fyrr því það er
nýbúið að afgreiða fjárlög,“ segir
hann í samtali við Morgunblaðið.
♦♦♦