Morgunblaðið - 20.01.2004, Qupperneq 12

Kaupa hollenskt
flutningafyrirtæki
SAMSKIP hafa keypt hollenska
flutningafyrirtækið Nedshipping
Liner Agencies BV og heyrir
það nú undir skrifstofu félagsins
í Rotterdam. Kaupverðið er ekki
gefið upp.
Nedshipping er sérhæft í
gámaflutningum milli Skand-
ínavíu, Finnlands og meginlands
Evrópu. Félagið rekur ekki eig-
in skip en selur flutninga inn á
siglingaleiðir annarra flutninga-
fyrirtækja. Allir starfsmenn
Nedshipping í Hollandi, sjö tals-
ins, halda áfram störfum hjá
Samskipum en velta félagsins
nam á síðasta ári 400 milljónum
króna. Til samanburðar má geta
þess að velta Samskipa erlendis
nemur um 10-11 milljörðum
króna.
Ásbjörn Gíslason, forstjóri
Samskipa erlendis, segir Ned-
shipping hafa verið keppinaut
Samskipa undanfarin ár, en
samstarf hafi hafist milli félag-
anna á liðnu sumri á flutninga-
leið milli meginlands Evrópu og
Noregs.
„Kaupin á Nedshipping
styrkja enn frekar stöðu okkar í
Skandínavíu, ekki einungis í
Noregi, heldur einnig í Svíþjóð
og Finnlandi, en Nedshipping
hefur einnig haft sterka stöðu á
þeim mörkuðum. Umtalsverð
samlegðaráhrif erum með sam-
einingunni, en við munum fá
aukna flutninga inn á eigin sigl-
ingarkerfi, sem bæta mun mark-
aðsstyrk og hagnaðarvon félags-
ins,“ segir Ásbjörn.
VIÐSKIPTI/ATHAFNALÍF
12 ÞRIÐJUDAGUR 20. JANÚAR 2004 MORGUNBLAÐIÐ
HAFRANNSÓKNASKIPIÐ Árni
Friðriksson RE kom í gær á loðnu-
miðin norðaustur af Langanesi en
þar urðu loðnuskip vör við umtals-
vert magn af loðnu um síðustu helgi.
Hjálmar Vilhjálmsson, fiskifræðing-
ur, segir það koma í ljós innan fárra
daga hvort um verulegt magn sé að
ræða og hvort veiðibanni á loðnu
verði þá aflétt.
Í liðinni viku ákvað sjávarútvegs-
ráðherra að tillögu Hafrannsókna-
stofnunar að loðnuveiðar yrðu stöðv-
aðar í tvær vikur eða þangað til
stærð stofnsins hefði verið mæld á
ný. Hjálmar Vilhjálmsson sagði í
samtali við Morgunblaðið í gær að
greinilega væri eitthvað af loðnu á
ferðinni norðaustur af Langanesi en
vildi ekki segja neitt til um hvort að
forsendur væru fyrir að leyfa veiðar
á ný. „Við þurfum að ná utan um
þetta magn sem ekki kom fram við
mælingu fyrr í mánuðinum. Síðan
þarf að reikna og við þurfum þrjá til
fjóra daga til að fá niðurstöðu. Þang-
að til verða menn að bíða rólegir,“
sagði Hjálmar.
Dýrmætur tími tapast
Að frumkvæði Hafrannsókna-
stofnunarinnar og LÍÚ fengu 16
loðnuskip leyfi til að halda áfram leit-
inni í fjórum hópum. Eitt þeirra er
Guðmundur Ólafur ÓF og sagði Mar-
on Björnsson, skipstjóri, í samtali við
fréttavef Morgunblaðsins í gær að
gífurlegt magn loðnu væri í sjónum
um fjörutíu sjómílur norðaustur af
Langanesi „Hér eru mjög stórar
lóðningar upp í átta sjómílur á lengd.
Og loðnan er mjög góð, af bestu gerð,
draumur til frystingar og að auki
spikfeit,“ segir Maron en sagði dýr-
mætan tíma hafa tapast vegna veiði-
bannsins. „Við erum búnir að tapa
a.m.k. fjórum mjög dýrmætum dög-
um. Loðnan stefnir í suðaustur með
landgrunnskantinum og svo gengur
hún í átu, sem er hérna sunnan við
Langanesið. Hún verður ekki notuð í
frystingu eftir það,“ sagði Maron.
Morgunblaðið/Líney
Þorsteinn EA landar á Þórshöfn.
Ný loðnuganga mæld
HAFRANNSÓKNASTOFNUNIN
og líftæknifyrirtækið Prokaria hafa
gert með sér samstarfssamning um
að vinna sameiginlega að því byggja
upp þekkingu á erfðafræði fiska með
það að markmiði að Íslendingar geti
tekið forystu í hagnýtri erfðafræði
fiska til nota í fiskeldi, stofnrann-
sóknum og umhverfismálum á sviði
fiskverndar og fiskirannsókna.
Hafrannsóknastofnunin hefur
stundað stofnerfðarannsóknir á fisk-
um og hvölum frá árinu 1986 og auk
þess unnið að margháttuðum rann-
sóknum á eldi ýmissa sjávardýra frá
1987, svo sem á lúðu, sæeyra, sand-
hverfu og þorski. Hafrannsókna-
stofnunin vinnur m.a. að þróun
þorskseiðaeldis og kynbóta á þorski í
samstarfi við nokkur öflug innlend
fyrirtæki á sviði fiskeldis. Markmið
Hafrannsóknastofnunarinnar hefur
verið að auka þekkingu á eldi þess-
ara tegunda og miðla henni út í sam-
félagið, einkum til sprotafyrirtækja í
greininni.
Með samningnum við Prokaria
vonast Hafrannsóknastofnunin til að
hraða upplýsingaöflun og auka þjón-
ustu fyrir íslenskan sjávarútveg og
stjórnvöld á sviði fiskeldis og stofn-
rannsókna, samhliða því að stuðla að
uppbyggingu fleiri innlendra þekk-
ingarfyrirtækja.
Margvíslegir möguleikar
Prokaria er líftæknifyrirtæki, sem
frá 1998 hefur stundað rannsóknir
og hagnýtingu á erfðaauðlindum
náttúrunnar og hefur byggt upp
þekkingu og færni í erfðagreiningu á
alls kyns lífverum úr umhverfinu.
Jakob K. Kristjánsson forstjóri
Prokaria segist vera mjög ánægður
með samninginn við Hafrannsókna-
stofnunina. „Í tengslum við samstarf
okkar við Stofnfisk höfum við gert
okkur grein fyrir margvíslegum
möguleikum, sem felast í frekari
þróun á sviði fiskierfðafræði, bæði
innanlands og utan. Prokaria hefur
byggt upp mikla þekkingu og færni í
einangrun og greiningu á DNA úr
margvíslegum umhverfissýnum,
eins og t.d. úr jarðvegi, hárum og
hreistri. Fyrirtækið er því með þá
þekkingu og færni, sem til þarf á
þessu sviði. Prokaria hefur hingað til
mest unnið fyrir erlend stórfyrir-
tæki í efna- og matvælaiðnaði og
þetta er því annað stórt skref til að
koma þekkingu okkar og færni í
notkun á innanlandsmarkaði. Það er
stefna okkar að nýta sérþekkingu
fyrirtækisins í einangrun og grein-
ingu á náttúrulegu erfðaefni til að
þjónusta grunnatvinnuvegi þjóðar-
innar, eins og fiskiðnað, fiskeldi,
landbúnað og annan matvælaiðnað.
Við erum sannfærð um að það séu
mikil tækifæri í að beita líftækni og
erfðagreiningum í fjölmörgum
greinum atvinnulífs hér á landi og
það er ljóst að Prokaria er í mjög
sterkri stöðu til þess.
Hafrannsóknastofnunin er öflug-
asta rannsóknastofnun landsins og
nýtur mikils álits á alþjóðavettvangi.
Það er því á allan hátt mjög jákvætt
skref fyrir okkur að fyrsti formlegi
samstarfssamningurinn, sem við
gerum við innlenda rannsóknastofn-
un, skuli vera við hana. Hjá þeim var
okkur strax mjög vel tekið og því er
ég viss um að samstarfið við Haf-
rannsóknastofnunina á eftir að verða
bæði ánægjulegt og árangursríkt.“
Stuðlar að nýsköpun
Jóhann Sigurjónsson forstjóri
Hafrannsóknastofnunarinar segir-
samninginn vera mjög mikilvægan
fyrir áframhaldandi uppbyggingu á
þekkingu í erfðafræði fiska hér á
landi og það væri nauðsynlegt fyrir
Hafrannsóknastofnunina að nýta sér
bestu fáanlegu þekkingu og færni
sem til væri til að sinna hlutverki
sínu. „Við teljum því að samstarf við
framsækin fyrirtæki eins og Prok-
aria geti eflt okkar eigið starf um leið
og það stuðlar að nýsköpun og upp-
byggingu innlendra þekkingarfyrir-
tækja, sem mikil þörf er fyrir.“
Samstarf um erfðafræði fiska
ÚR VERINU
ALCOA, sem reisa mun álverksmiðju á Reyð-
arfirði, er eitt best rekna fyrirtæki í heimi,
að mati bandaríska viðskiptatímaritsins
Forbes.
Í tilkynningu frá Alcoa er sagt að ýmsir
mælikvarðar hafi verið lagðir til grundvallar
í útnefningu Forbes, meðal annars með-
altalsafkoma félagsins sl. fimm ár, tekjur til
lengri og skemmri tíma, vöxtur í hagnaði,
ásamt langtíma hagnaðarspá. Þá skiptir
stjórnskipulag félagsins miklu máli sem og
bókhaldsaðferðir. Þá voru teknir inn í dæmið
þættir eins og hvort fyrirtækið hefði leiðandi
hlutverk á markaði, hvernig það sinnti ný-
sköpun og hvort starfsemin væri skilvirk.
Alls 26 félög voru á toppnum í vali Forbes,
eitt í hverri grein, og var Alcoa hið best
rekna af fyrirtækjum í hráefnaframleiðslu. Á
meðal annarra félaga í vali Forbes var fjar-
skiptafélagið Nextel, útgáfufélagið McGraw-
Hill og Timberland fataframleiðandinn.
Alcoa er eins og kunnugt er leiðandi í ál-
framleiðslu í heiminum. Hjá því starfa
120.000 manns í 41 landi.
Alcoa eitt
best rekna
fyrirtæki
heims
SÆNSK stjórnvöld undirbúa nú
setningu laga um stjórnunar-
hætti í hlutafélögum, í kjölfar
nokkurra hneykslismála sem
komið hafa upp á undanförnum
misserum og grafið hafa undan
trausti á sænska hlutabréfa-
markaðnum.
Gert er ráð fyrir að í nýjum
lögum verði kveðið á um að bera
skuli kjör æðstu stjórnenda
hlutafélaga upp til samþykkis á
aðalfundi. Þá verður gerð ríkari
lýstist síðastliðið haust að stjórn-
endur félagsins hefðu fengið
gríðarháa kaupauka. Sagði ráð-
herrann að viðbrögð aðila við-
skiptalífsins við Skandia-málinu
og öðrum hneykslismálum á und-
anförnum árum bentu til þess að
þörf væri á lagasetningu. Við-
ræður við samband vinnuveit-
enda hefðu valdið vonbrigðum og
gæfu ekki ástæðu til að ætla að
unnt væri að treysta eingöngu á
innra eftirlit fyrirtækja.
krafa um endurskoðun á þóknun
til stjórnenda. Stjórnvöld munu
ennfremur takast á hendur aukið
eftirlit með sænsku kauphöllinni
og öðrum verðbréfamörkuðum.
Gunnar Lund, sem fer með
málefni fjármálamarkaðarins í
sænsku stjórninni, sagði í viðtali
við Financial Times að spilltir
stjórnunarhættir einskorðuðust
ekki við tryggingafélagið
Skandia, en það vakti sem kunn-
ugt er mikla hneykslan er upp-
Undirbúa lagasetningu
vegna hneykslismála
Stjórnunarhættir í hlutafélögum í Svíþjóð
● TÆKNIVAL er nýtt nafn á upplýs-
ingatæknifyrirtækinu AcoTæknival,
ATV.
Í fréttatilkynningu er haft eftir Al-
mari Erni Hilmarssyni, forstjóra
Tæknivals, að um sé að ræða nýtt
gamalt nafn á fyrirtækinu en eins og
flestum er kunnugt byggist rekstur
félagsins að grunni til á Tæknivali
sem stofnað var árið 1983.
Hann segir að stjórn og stjórn-
endur hafi eftir vandlega athugun
komist að þeirri niðurstöðu að nafnið
Tæknival væri hentugt fyrir félagið til
lengri tíma litið, auk þess sem nafn-
ið væri mjög þekkt meðal Íslendinga
samkvæmt könnunum sem fram-
kvæmdar eru reglulega.
Almar nefnir að þessa dagana sé
unnið að verkefnum sem tengjast
nafnabreytingunni, til dæmis merk-
ingu bíla og húsnæðis auk þess sem
ný vefsíða Tæknivals verði tekin í
gagnið á næstunni. Tæknival var
stofnað árið 1983. Markmið félags-
ins í upphafi var að veita sérhæfða
þjónustu í tölvuvæddum kerfum fyrir
iðnfyrirtæki. Árið 1984 varð ljóst að
markaðurinn var ekki tilbúinn til að
taka við þessari nýju tækni. Í kjölfar-
ið var breytt um áherslur og Tæknival
hóf sölu á ýmsum rekstrarvörum fyrir
tölvur, að því er segir í fréttatilkynn-
ingu. Sumarið 2001 var tilkynnt að
Tæknival og Aco yrðu sameinuð. Í
samrunaáætlun kom meðal annars
fram að félögin yrðu sameinuð undir
kennitölu Tæknivals en nýja fyr-
irtækið bæri nafnið AcoTæknival.
Það heiti var árið 2002 stytt í ATV.
Nafnabreyting félagsins í Tæknival
var einróma samþykkt á hluthafa-
fundi á dögunum.
ATV verður Tæknival
EKKERT lát virðist vera á hækkun Úrvals-
vísitölu Kauphallar Íslands. Í gær fór vísital-
an í fyrsta skipti yfir 2.300 stig, 2.303,07 stig.
Hefur hún því hækkað um 8,93% frá áramót-
um og 71,49% síðustu tólf mánuði.
Mest viðskipti í gær voru með hlutabréf
Eskju eða fyrir 754 milljónir króna og bréf
Eimskipafélags Íslands fyrir tæpar 429 millj-
ónir króna. Hækkuðu bréf Eimskipafélagsins
um 2,4% og var lokaverð þeirra 8,4. Hafa
bréf félagsins hækkað um 18,31% frá áramót-
um.
Bréf Bakkavarar hækkuðu um 2,4% og var
lokaverð þeirra 21,7 í gær og nemur hækk-
unin 18,58% frá áramótum.
Af einstökum atvinnugreinavísitölum hefur
vísitala samgangna hækkað mest frá áramót-
um eða um 13,30%.
Úrvalsvísitalan
yfir 2.300 stig
♦♦♦