Morgunblaðið - 24.02.2004, Blaðsíða 18

HÖFUÐBORGARSVÆÐIÐ
18 ÞRIÐJUDAGUR 24. FEBRÚAR 2004 MORGUNBLAÐIÐ
Nýjar hugmyndir um skipulag í miðborginni
A
T
H
Y
G
L
I
Um þessar mundir stendur yfir skipulagsvinna í
miðborg Reykjavíkur. Af því tilefni er boðað til opins
fundar í Ráðhúsi Reykjavíkur í dag, þriðjudaginn
24. febrúar, kl. 17:00, þar sem hugmyndir verða
kynntar og borgarbúum gefst kostur á að koma
skoðunum sínum á framfæri.
Meginviðfangsefni skipulagshugmyndanna er að móta heildarsýn fyrir
aukna byggð nyrst í Kvosinni í framhaldi af samkeppni sem fram fór um
skipulag lóðar tónlistarhúss, ráðstefnumiðstöðvar og hótels á Austur-
bakka. Tillögunni er ætlað að tengja saman núverandi miðborgarbyggð
og gömlu höfnina.
Á fundinum mun ráðgjafi kynna hugmyndirnar. Formaður skipulags- og
byggingarnefndar Reykjavíkur og talsmaður Austurhafnar TR (sem
undirbýr byggingu tónlistar- og ráðstefnuhúss) hafa framsögu og sitja
fyrir svörum ásamt talsmönnum Reykjavíkurhafnar og Vegagerðarinnar.
Áætluð fundarlok eru kl. 19:00.
Borgarafundur í Ráðhúsi Reykjavíkur
G
ömul miðborg, höfn í
fullri notkun og tónlist-
ar- og ráðstefnuhús –
sem verður nýtt kenni-
leiti borgarinnar, verða
þrír hornsteinar nýrra hugmynda að
uppbyggingu á Austurbakka Reykja-
víkurhafnar.
Hugmyndirnar, sem kynntar voru
á sérstökum kynningarfundi Skipu-
lags- og byggingasviðs í gær, gera
ráð fyrir allt að sjötíu og átta þúsund
fermetra uppbyggingu í áföngum í
miðborg Reykjavíkur, nyrst í Kvos-
inni og á Miðbakka. Meginviðfangs-
efni skipulagshugmyndanna er að
móta heildarsýn fyrir aukna byggð
nyrst í Kvosinni í framhaldi af sam-
keppni sem fram fór um skipulag lóð-
ar tónlistarhúss, ráðstefnumiðstöðvar
og hótels á Austurbakka. Hugmynd-
irnar tengjast síðan hugmyndum um
nýja og þéttari byggð á hafnarsvæð-
inu við Mýrargötu, sem einnig eru á
umræðu- og þróunarstigi.
Í inngangi sínum lagði Steinunn
Valdís Óskarsdóttir, formaður skipu-
lags- og byggingarnefndar, áherslu á
að hugmyndirnar væru á vinnslustigi
og að þær yrðu kynntar borgarbúum
á fundi í Ráðhúsinu á morgun. Eftir
það væri framundan langt ferli við
mótun deiliskipulags.
Margrét Harðardóttir, arkitekt hjá
Studio Granda, kynnti hugmyndir
samráðsnefndar um skipulag svæð-
isins, sem enn eiga eftir að mótast
mjög. Sagði hún eitt af markmiðum
hugmyndanna að endurvekja tengsl
Kvosarinnar við hafið og að byggðin
lægi út á höfnina, enda væri mik-
ilvægt að nýta þá möguleika sem um-
hverfi hafnarinnar felur í sér. Ný
byggð við Mýrargötu myndi einnig
hafa mikil áhrif á þróun svæðisins.
Margrét sagði brýnt að huga að
mörgu við skipulagningu byggð-
arinnar, svo sem veðurskilyrðum, út-
sýni, sólaráttum, almennings-
samgöngum og þá skiptu félags- og
sögulegir þættir einnig máli. Hún
lagði ennfremur á það ríka áherslu að
byggingamunstur svæðisins yrði í
takt við það byggingamunstur sem
fyrir er í miðbænum, því mikilvægt
væri að varðveita heildarsvip mið-
borgarinnar og endurheimta þann
miðbæjarsvip sem hefur að vissu leyti
glatast á undanförnum áratugum.
Þannig væri gert ráð fyrir að nýja
byggðin yrði ekki meira en 5 hæðir,
til samræmis við eldri byggð.
Geirsgatan leidd yfir gangandi
Arkitektar báru saman sex mögu-
legar útfærslur af gatnakerfi svæð-
isins í hugmyndavinnunni. Þannig
var skoðaður sá möguleiki að setja
Geirsgötuna í stokk og einnig að
skipta henni í tvær einstefnugötur.
Ákveðið var að áfram yrði gert ráð
fyrir Geirsgötunni ofanjarðar. Sagði
Steinunn Valdís, að kostnaður við að
beina umferð í neðanjarðarstokk við
Geirsgötu væri um 3,5 milljarðar, en
kostnaðurinn við samgöngu-
framkvæmdirnar sem gert væri ráð
fyrir í núverandi hugmynd, væri um
hálfur milljarður. Þá væri bæði um
ræða um gatnagerð vegna umferðar
og gönguleiða um svæðið.
Gert er ráð fyrir því að Geirsgatan
hækki eilítið, en gangandi umferð
verði leidd undir hana eftir gönguleið
frá Lækjartorgi að tónlistarhúsinu,
meðfram verslunar og þjónustu-
rýmum. Þessi gönguleið verður enn-
fremur þungamiðja skipulagsins.
Gert er ráð fyrir að flest bílastæði
verði staðsett neðanjarðar, en þau
verða um 1600 talsins, ef allir kostir í
stöðunni verða nýttir. Gert er ráð fyr-
ir um 500 stæðum ofanjarðar.
Ekki stendur til að rífa byggingar
vegna framkvæmdanna, utan þess, að
gamla Zimsen-húsið við Hafn-
arstræti, verður annaðhvort rifið eða
flutt á nýjan stað auk þess sem
vangaveltur eru uppi um framtíð
hússins við Lækjartorg, þar sem þörf
er á sterkari byggingu til að afmarka
torgið. Þá gæti raunin orðið sú að
húsinu verði mikið breytt eða það
jafnvel rifið, en húsið hefur lengi ver-
ið umdeildur hluti miðbæjarins.
Einnig var lögð á það áhersla að ekki
yrði lengur endastöð við Lækjartorg
og þörf fyrir umferðarrými fyrir
strætisvagna minnkaði þess vegna.
Það byði upp á nýja möguleika í þró-
un og mögulega einföldun gatnakerf-
is miðborgarinnar.
Hótelbygging samfara
tónlistarhúsi
Gert er ráð fyrir því að í nýju
byggðinni á hafnarsvæðinu verði
áhersla lögð á verslun og þjónustu,
sérstaklega nær Geirsgötunni, þar
sem umferðarhávaði gefur ekki svig-
rúm til íbúðarhúsnæðis, en þegar
fjær dregur Geirsgötunni opnast
möguleikar fyrir fjölda íbúða á efri
hæðum húsanna. Ekkert hefur enn
verið ákveðið um hvers konar versl-
unarrekstur mun verða á svæðinu, en
fram kom í máli Helgu Bragadóttur
skipulagsfulltrúa að hugsanlegt væri
að þar yrðu bókabúðir, kaffihús og
annar rekstur sem styður við mið-
bæjarlífið. Markaðurinn muni vissu-
lega að nokkru leyti stýra því hvers
konar verslun verði á svæðinu.
Þá er gert ráð fyrir nýju hóteli við
tónlistar- og ráðstefnuhúsið og sagði
Stefán Hermannsson, fram-
kvæmdastjóri Austurhafnar-TR, að
enn væri ekki búið að ganga frá
ákvörðun um byggingu þess, en
nokkrir fjárfestar hefðu sýnt áhuga á
að reisa hótel á þessu svæði.
Einnig voru kynntar hugmyndir að
fjögur hundruð metra viðlegukanti
gegnt Skúlagötu sem gerði skemmti-
ferðaskipum kleift að leggjast að ná-
lægt miðbænum. Nú legðust öll
stærriskemmtiferðaskip í Sundahöfn.
Mikilvægt væri að bæta aðgengi
ferðamanna að miðbænum.
Ekki er enn ljóst hversu langan
tíma uppbyggingin mun taka, en bent
var á að ekki væri óeðlilegt að hún
tæki 10–20 ár, þó þar spilaði taktur
fjárfesta stórt hlutverk. Steinunn
Valdís tók fram að mikill áhugi væri
meðal fjárfesta á þróun og uppbygg-
ingu á svæðinu. Einnig kom fram að
tilbúið deiliskipulag væri grundvall-
arforsenda þess að framkvæmdir við
tónlistarhús hæfust árið 2006.
Borgaryfirvöld kynna nýjar hugmyndir að skipulagi á Austurbakka Reykjavíkurhafnar
Byggt í takt
við ríkjandi
byggðarmunstur
Tvöföldun miðbæjarbyggðar: Um er að ræða gríðarlegar framkvæmdir, allt að 78.000 fermetra af byggingum.
Morgunblaðið/Sverrir
Margrét Harðardóttir lýsti hugmyndunum um uppbyggingu Norðurenda
Kvosar og Austurbakka og lagði áherslu á að þær væru enn á þróunarstigi.