Pressan - 19.12.1991, Blaðsíða 10

10
FIMMTUDAGUR PRESSAN 19. DESEMBER 1991
RLRVILL
ADEINS
RANNSAKA
ALMENNILEG SVIK
Kaupmaður einn í Reykjavík, sem sendi Rannsóknarlög-
reglu ríkisins kæru vegna fjögurra ávísana sem ýmist voru fals-
aðar eða innstæðulausar, fékk þær endursendar ásamt bréfi
um að RLR sæi ekki ástæðu til aðgerða.
Avísanirnar voru allar undir tíu þúsund krónum og því virð-
ist svo sem RLR rannsaki ekki fjársvik sé upphæðin lægri en
tíu þúsund. Kaupmaðurinn segist mjög undrandi á þessum við-
brögðum RLR.
Bréfið er undirritað af Arnari Guðmundssyni og er á þessa
leið:
,,Efni: Bréf yðar sem fylgdu „fjórar ávísanir sem ýmist eru
falsaðar eða innstæðulausar".
Ef kært er út af sjálfstæðum brotum skal rita kæru út af
hverju broti fyrir sig.
Ef fylgt er regium um notkun bankakorta skuldbindur banki
sig til að ábyrgjast tékka sem eru kr. 10.000 eða lægri.
RLR telur ekki efni til aðgerða vegna kærumála þessara og
eru tékkar endursendir."
Svo mörg voru þau orð.
ENN ER SKOLLIÐ Á STRÍD
MILLIRÍLSTJÓRANNA
Enn á ný er skollið á stríð milli leigubílstjóra og sendibílstjóra
þar sem hver sakar annan um að taka frá sér vinnu.
Þetta hefur meðal annars leitt til þess að þrír sendibílstjórar
hafa kært leigubílstjóra til rannsóknarlögreglu. Þeir gefa leigu-
bílstjóranum að sök að hafa hótað að skera nokkra sendibíl-
stjóra á háls.
Rannsókn málsins er nýhafin.
Bílstjórafélagið Frami, sem er stéttarfélag leigubílstjóra, hef-
ur sent bréf til Böðvars Bragasonar, lögreglustjóra í Reykja-
vík, þar sem þeir leita aðstoðar hans við að koma í veg fyrir
að sendibílstjórar taki vinnu frá leigubílstjórum.
I bréfinu til lögreglustjóra segir Sigfús Bjarnason, formað-
ur Frama: „Hér er um að ræða bifreiðirnar PU-778, VR-908,
RG-323, JJ-641 ásamt fleirum. Hér er eingöngu um að ræða bif-
reiðir frá Sendibílum hf.“
Meðal þess sem Sigfús ber á sendibílstjórana er að þeir aki
fram fyrir raðir af leigubílum og taki farþega sem eru að ganga
að leigubílunum.
Deilur sem þessar eru ekki nýjar af nálinni. Leigubílstjórar
og sendibílstjórar hafa oft lent í hörðum rimmum og jafnvel
átökum á síðustu árum.
KJARTAN FER
HAMRORGARASKOLA
„Ég er að fara utan í þjálfun og ef allt gengur vel þá vonast
ég til að opna eftir ár," sagði Kjartan Örn Kjartansson, umboðs-
maður McDonalds á íslandi, er PRESSAN spurði hann hvað liði
áformum um opnun McDonalds-staðar hér á landi.
Kjartan er á leið til Englands í nám á sérstökum hamborgara-
háskóla. Aðalskólinn í Evrópu er í London en í Manchester er
útibú frá honum og þar mun Kjartan nema. Hann sækir þó
einnig skólann í London. Kjartan sagði að allir rekstraraðilar
McDonalds-staða yrðu að fara í þetta nám. Engu skipti hvaða
menntun eða starfsreynslu menn hefðu; ætluðu þeir sér að
reka McDonalds-stað yrðu þeir að sækja hamborgaraháskól-
ann.
Allir sem starfa hjá McDonalds, hvaða titil sem þeir bera,
verða að starfa í lengri eða skemmri tíma á hamborgarastað
keðjunnar. Alheimsstöðvar McDonalds-keðjunnar eru í Chic-
ago en keðjan rekur 12.000 veitingastaði í fimmtíu og fjórum
þjóðlöndum og bráðlega bætist ísland á kortið.
„Það er mjög gaman að finna hve jákvætt hugarfar íslend-
inga er gagnvart McDonalds," segir Kjartan. „McDonalds legg-
ur áherslu á góðan mat á lágu verði án þess að það komi á
nokkurn hátt niður á gæðunum," segir hann ennfremur. Kröf-
ur McDonalds til kjöts eru miklar og aðspurður kvað Kjartan
búið að leysa kjötmál fyrirtækisins. Ekki vildi hann þó gefa upp
í hverju sú lausn fælist.
ÞAD Bt EKKIOUKSLEGT SB
BRJÓnST ÚT ÚR FANCEISI
Sex fangar hafa verið sýknaðir af ákæru um að hafa strokið úr
Hegningarhúsinu við Skólavörðustíg þar sem ekki þótti sannað að
um samantekin ráð hefði verið að ræða.
Hegningarhúsið við Skólavörðustíg. Þaðan brutust fangarnir út. Þeir hafa verið sýknaðir af
ákæru um samráð um flóttann.
Fangarnir sex sem struku
úr Hegningarhúsinu við
Skólavörðustíg í sumar hafa
allir verið sýknaðir af ákæru
um að hafa lagt sameiginlega
á ráðin um strokið.
Ríkissaksóknari höfðaði
mál á hendur þeim fyrir að
hafa „sammælst um að hjálp-
ast að að strjúka úr refsivist í
Hegningarhúsinu Skóla-
vörðustíg níu“. Krafist var að
þeir yrðu dæmdir til refsing-
ar og til greiðslu alls sakar-
kostnaðar.
í vikunni féll dómur í Saka-
dómi Reykjavíkur í málinu og
voru fangarnir allir sýknaðir
af ákærunni. Dómurinn telur
að þeir hafi ekki sammælst
um strokið og sakarkostnað-
ur fellur á ríkið.
ÞEKKTIR SÍBROTAMENN
Þeir sem struku úr Hegn-
ingarhúsinu þennan dag
heita Einar Björn Inguarsson
fæddur 1973, Sigurður Hólm
Sigurðsson fæddur 1963,
Unnar Sigurður Hansen
fæddur 1966, Gunnar Péturs-
son fæddur 1970, Jón Þór
Grímsson fæddur 1965 og
Trausti Róbert Guðmundsson
fæddur 1971.
Félagarnir náðust allir fljót-
lega, nema Einar Björn, sem
gekk laus til 27. júní, en náð-
ist-eftir að myndir af honum
birtust í fjölmiðlum. Tveir
fanganna voru handteknir í
Kópavogi, þar sem þeir voru
á ferðinni í stolnum bíl,
nokkrum klukkustundum
eftir slysið, en þrír voru hand-
teknir við innanlandsaf-
greiðslu Flugleiða á Reykja-
víkurflugvelli þann 17. júní.
Sigurður Hólm á langan af-
brotaferil að baki en hann
gisti fyrst fangageymslur sex-
tán ára. PRESSAN rakti hinn
ótrúlega sakaferil hans fyrir
nokkrum vikum og þar kom
meðal annars fram að losni
hann úr fangelsi um þrítugt
hefur hann hlotið dóma upp
á ellefu ára fangavist á fjórtán
árum.
NOTAÐI JÁRNSTÖNG
ÚR ÞREKHJÓLI
Fangarnir struku allir út
um þakglugga í klefa númer
14 í Hegningarhúsinu. Þar
hafði kollur verið settur upp á
borð, en frá kollinum að
neðri brún gluggakarmsins
voru 220 sentimetrar. Fanga-
vörður kvað stúlku hafa
hringt í Hegningarhúsið
klukkan 22:45 umrætt kvöld
og sagt að Einar Björn ætlaði
sér að strjúka. Fangavörður-
inn var þá sendur „inn á gang
og hafi hann séð að klefi 14
var læstur". Hann opnaði
klefann og sá verksummerki,
rimlarnir fyrir glugganum
höfðu verið beygðir frá.
Einar Björn kvaðst hafa
komið inn í klefann þetta
kvöld og hafi þá enginn verið
í honum. Borð hafi staðið á
gólfinu og ofan á því stóll og
á honum kollur. Hann klifraði
upp á og hífði sig út um glugg-
ann og fór niður í bæ, þar
sem hann hitti hina stroku-
fangana. Honum þótti of
áhættusamt að vera með
þeim, að sögn, og yfirgaf þá.
Unnar Sigurður sagðist
hafa komið inn í klefann og
er hann hafi séð útbúnaðinn
hafi hann farið og náð í yfir-
höfn og látið sig hverfa út um
gluggann. Hann hafi haldið
niður á Lækjartorg og þar hitt
hina.
Gunnar kvaðst hafa tekið
járnstöng úr þrekhjóli og not-
að hana til að losa rimlana úr
glugganum. Hann hafi verið
að þessu í tvo eða þrjá daga
en farið út um leið og verkinu
var lokið. I klefa 14 var Jón
Þór vistaður, en Gunnar
kvaðst ekki vita hvort Jón
Þór hefði vitað hvað Gunnar
var að gera. Hann sagðist
engum hafa sagt frá fyrirhug-
uðum flótta sínum og ekki
hafi neinn verið með honum
í ráðum. Hann sagðist hafa
farið niður á Lækjartorg eftir
að hann komst út.
FÓR FRAMHJÁ ÞEIM SEM
BJÓ í KLEFANUM HVAÐ
UM VAR AÐ VERA
Sigurður Hólm kvaðst hafa
komið inn í klefann um kaffi-
leytið þetta kvöld og þegar
hann hafi séð hvernig komið
var hafi hann farið og náð í
leðurjakkann sinn og yfirgef-
ið staðinn. Hann kvaðst hafa
farið niður í bæ en „ekki
muna hvað varð um sig eftir
það“. Hann sagðist ekkert
hafa heyrt um strok og orðið
mjög undrandi þegar hann
kom inn í klefann.
Jón Þór, sem bjó í klefan-
um, sagðist hafa komið inn í
klefann um kaffileytið og séð
borðið og stólana. Hann hafi
heyrt þrusk og séð mann vera
að hverfa út um gluggann.
Hann hafi þá farið á eftir og
hitt félagana skammt frá. Jón
Þór sagði það hafa farið fram-
hjá sér að Gunnar vann að
því í tvo eða þrjá daga að losa
rimlana. Enda hafi hann lítið
horft á rimlana.
Trausti Róbert sagðist hafa
farið inn í klefann til að hafa
tal af Jóni Þór. Þá hafi hann
séð hvernig komið var og lét
tækifærið ekki ónotað heldur
hífði sig út. Hann hélt sömu-
leiðis niður á Lækjartorg og
hitti þar félaga sína úr fang-
elsinu.
ALLIR SÝKNAÐIR
í niðurstöðum dómsins seg-
ir meðal annars: „Fyrir dómi
hefur verið leitt í ljós, að um-
búnaður í klefa nr. 14 var
með þeim hætti, er ákærðu
struku þaðan, að hver um sig
gat komist hjálparlaust út.
Jafnvel þótt ótrúlegt sé, að
ákærði, Gunnar, hafi getað
losað rimlana og verið að því
í tvo til þrjá daga án þess að
aðrir yrðu þess varir, sérstak-
lega ákærði, Jón Þór, er vist-
aður var í klefanum, þá verð-
ur engin sakfelling á slíku
byggð. Ákærðu verða því all-
ir sýknaðir."
í dómsorðum segir: „Sak-
arkostnaður skal greiddur úr
ríkissjóði, þar með talin máls-
varnarlaun skipaðra verj-
enda ákærðu ...“ Verjendur
sexmenningana voru Krist-
ján Stefánsson, Sigmundur
Hannesson, Kjartan Ragnars,
Ragnar Aðalsteinsson, Hilm-
ar Ingimundarson og Páll
Arnór Pálsson. Allir hæsta-
réttarlögmenn. Þóknun
þeirra var 50.000 þúsund
krónur fyrir hvern. Einnig
var úrskurðað að Hilmar
Ingimundarson og Ragnar
Aðalsteinsson skyldu fá
greidd réttargæslulaun,
vegna Sigurðar Hólm og
Trausta Róberts, 11.000 krón-
ur hvor.
ERFITT AÐ SANNA SÖK
Það er ekki saknæmt að
strjúka úr fangelsi ef fanginn
er einn og hefur ekki neinn í
samráði með sér. Taki fangar
sig hins vegar saman um að
strjúka telst það refsivert og
við því liggur raunar þung
refsing. Sönnunarbyrðin ligg-
ur hjá ákæruvaldinu, sem
þýðir að ríkissaksóknari þarf
að sanna svo ekki verði um
villst að um samantekin ráð
hafi verið að ræða. Fangarnir
þurfa ekki að sanna eitt eða
neitt, þeir einfaldlega neita
að hafa vitað af hinum.
Spurningar geta vaknað. Af
hverju voru fangarnir ekki
látnir sýna það að þeir gætu
farið þarna út án aðstoðar?
Svar: Þeir þurfa ekkert að
sanna. Önnur spurning. Á
ekki ríkið að sjá til þess að
það sé ekki mögulegt að
strjúka? Er hægt að áfellast
fanga sem grípa tækifærið
þegar ríkisvaldið leggur það
upp í hendurnar á þeim? Þarf
ekki að breyta þessum lögum
þannig að fangar geti ekki
bara hrist hausinn og sagt að
þeir hafi ekki vitað um neitt
strok en fyrst tækifærið gafst
þá fóru þeir bara?
Það liggur í augum uppi að
Gunnar gat ekki tekið til eftir
sig. Þeir sem á eftir komu not-
uðu því bara útbúnaðinn sem
Gunnar var búinn að koma
fyrir og það er ekki saknæmt.
ÓTRÚLEGAR
TILVILJANIR
Það er ótrúlegt að Jón Þór
skuli ekki hafa vitað af Gunn-
ari. Gunnar vann að því í þrjá
daga með stálstöng að losa
rimlana í klefa Jóns Þórs. Jón
Þór gefur þá skýringu að
hann hafi ekkert verið að
fylgjast með rimlunum. Það
er ótrúlegt að öllum föngun-
um skuli hafa verið mál að
tala við Jón Þór einmitt á
þeim tíma er hann var að
strjúka. Það er ótrúlegt að
þeir skuli allir hafa hist fyrir
tilviljun á Lækjartorgi strax
eftir strokið. Það er ótrúlegt
að þeir skuli fyrst niðri á
Lækjartorgi hafa ákveðið að
halda saman þann tíma sem
þeir væru lausir. Og maður
sem skoðaði vettvang sagði í
samtali við PRESSUNA að
það væri ótrúlegt að þeir
hefðu getað farið þarna út án
aðstoðar.
Þetta er allt saman ótrúlegt
en ekki óhugsandi. Líkurnar
eru yfirgnæfandi en ekki
óyggjandi. Því skulu þeir telj-
ast sýknir saka.
Ríkissaksóknari hefur ekki
tekið ákvörðun um hvort
dómnum verður áfrýjað.
Haraldur Jónsson