Morgunblaðið - 30.04.2004, Side 25

DAGLEGT LÍF
MORGUNBLAÐIÐ FÖSTUDAGUR 30. APRÍL 2004 25
LITLA stelpan hennar mömmu, litla
stelpan hennar mömmu, litla stelpan
hennar mömmu syng ég kannski
fyrir þig hástöfum á
meðan ég kyssi þig og
knúsa. Síðan kemur
viðlagið litla stelpan
hennar mömmu sinn-
ar, litla stelpan hennar
mömmu sinnar og
áfram heldur síðan
lagið, kannski með ör-
litlum viðbótum í
texta. Ef lítil börn
gætu talað eða skilið
allt til fullnustu yrðum við fullorðna
fólkið eins og hálfvitar. Mig hefur
langað að leigja spóluna „Look who’s
talking“ til að horfa á aftur, enda er
þetta mynd sem gerir í rauninni grín
að okkur fullorðna fólkinu í augum
ungbarnsins. Og við hljótum líka að
teljast svolítið skrýtin. Endurtekn-
ingar, hvort sem er á orðum eða til-
búnum söngtextum, eru nánast
endalausar. Síðan býr maður líka til
ný orð sem hvergi finnast í neinum
orðabókum. Þegar ég baða þig end-
urtek ég t.d. endalaust orðið kroppu-
lína sem varð reyndar ekki til fyrr
en ég fór að baða þig. Með því að
endurtaka þetta síðan nógu oft er
eins og maður haldi að þú skiljir
hlutina eitthvað betur og því getur
samtal við þig hljómað svona: litla
kroppulínan mín, litla kroppulínan
hennar mömmu, já ertu lítil kroppu-
lína? Þetta er náttúrulega alveg út í
hött þegar maður fer að spá í það en
fylgir okkur öllum væntanlega að
einhverju leyti.
T.d. tárast mamma
alltaf þegar hún fer að
tala barnamál. Barna-
mál er reyndar heldur
ekki til, en til að lýsa
því samt má segja að
það felist í að breyta
alfarið um tóntegund,
mynda eitthvert hjal í
stað orða og end-
urtaka síðan sömu
hlutina margsinnis.
Þegar þú fórst að sýna viðbrögð með
brosum og svipbrigðum, gerðist það
sama. Endurtekningar eru enda-
lausar þó að allir viti að auðvitað
finnist engum sami brandarinn
fyndinn tuttugu sinnum.
 DAGBÓK MÓÐUR
Barnahjal og nýyrði
Meira á þriðjudag.
FÓLK hefur tilhneigingu til að
gæða vélar mannlegum eig-
inleikum í huganum og getur
tengst tölvum ákveðnum böndum
þess vegna. Þetta er meðal nið-
urstaðna vísindamanna við Háskól-
ann í Pennsylvaníu í Bandaríkj-
unum og greint er frá á fréttavef
BBC.
Þetta samband fólks við tölvur
kemur m.a. fram í því að það kýs
eina tölvu fram yfir aðra, eins og
t.d. í tölvuveri skóla. Þar end-
urspeglast einnig þörf fólks fyrir
stöðugleika, að sögn vísindamann-
anna. Í rannsókninni var greind
hegðun háskólanema sem notuðu
800 tölvur. Í ljós kom að ein eða
tvær tölvur voru í uppáhaldi hjá
sumum nemum og þeir sýndu þeim
tryggð og biðu eftir þeim þótt aðr-
ar væru lausar. „Við komum fram
við tölvur eins og þær hafi tilfinn-
ingar, þrátt fyrir að við vitum innst
inni að þær hafa verið forritaðar af
mönnum,“ segir Shyam Sundar
prófessor sem stýrði rannsókninni.
Vísindamennirnir telja nið-
urstöðurnar hafa hagnýtt gildi
fyrir tölvuframleiðendur og aug-
lýsendur. Tölvur séu almennt
markaðssettar sem hlutir sem
nauðsynlegt sé að losa sig við
þegar þeir eru orðnir of gamlir
og þarf að endurnýja reglulega.
„Betri markaðsfræði væri að
lýsa tölvum sem einhverju áreið-
anlegu sem endist, einhverju
sem vex með manneskjunni,“
segir Sundar prófessor.
 TÖLVUR
Sérstakt
samband
við
tölvuna
Tengsl: Stundum skapast ákveðið
samband á milli tölvu og notanda.
Bæjarlind 12, Kópavogi, sími 544 2222.
www.feminin.is
Opið virka daga kl. 11-18, lau. kl. 10-16.
Mikið úrval af
DOMINIQUE vörum
Stærðir
42-60
AUGLÝSINGADEILD
netfang: augl@mbl.is eða sími 569 1111