Morgunblaðið - 15.06.2004, Side 12

VIÐSKIPTI/ATHAFNALÍF
12 ÞRIÐJUDAGUR 15. JÚNÍ 2004 MORGUNBLAÐIÐ
ICES, alþjóðahafrannsóknaráðið,
ráðleggur Færeyingum að draga
verulega úr þorskveiðum til að
byggja upp þorskstofninn.
Í nýrri skýrslu um ástand þorsk-
stofna við Færeyjar heldur ICES
því fram að dánartala þorsks á
færeyska landgrunninu sé nú
meira en helmingi hærri en ráðlegt
er út frá svonefndri varúðarnálg-
un. Dánartala ýsu og ufsa er einn-
ig talvert umfram varúðarnálgun
að mati ICES. Ráðleggur ICES
Færeyingum að draga verulega úr
þorsk- og ýsuafla á næsta fisk-
veiðiári eða um allt að 67% og að
sókn í ufsastofninn verði minnkuð
um þriðjung. Hrygningarstofn
þorsks á færeyska landgrunninu er
nú sagður vera um 30 þúsund tonn
en ICES segir að með sama veiði-
álagi verði hrygningarstofninn orð-
inn 23 þúsund tonn árið 2006 en
nærri því jafnlítill og hann var á
árunum 1991 og 1992.
Jón Kristjánsson fiskifræðingur
hefur verið einn helsti ráðgjafi
færeyskra stjórnvalda um nýtingu
fiskistofna á undanförnum árum.
Hann segist ekki hafa kynnt sér
ráðgjöf ICES í þaula, en fyrirséð
hafi verið að þorskstofninn færi
minnkandi. Jón er hins vegar
ósammála ICES um hvernig
bregðast skal við því. „Fiskur við
Færeyjar var mjög horaður á síð-
asta ári, hafði ekki nóg æti og
lagði ég til að því yrði mætt með
því að fjölga veiðidögum til að
auka aflann. Það var reyndar ekki
gert, heldur var úthlutað jafn
mörgum veiðidögum og árið áður.
En að mínu viti er ekki ráðlegt að
draga úr veiðum þegar þorskurinn
sveltur, líkt og víðast hvar er
gert.“
Ráðgjöf ICES um þorskveiðar við Færeyjar
Sóknin verði
minnkuð um 67%
 


 




   

● BRESKA verslunarkeðjan Co-
operative Group, eða Co-op, ætlar
sér að bjóða 66 milljónir punda, jafn-
virði 8,7 milljarða króna, í hverf-
isverslanakeðjuna Londis á næstu
dögum, að því er segir í breskum fjöl-
miðlum.
Stjórn Londis hefur þegar sam-
þykkt 60 milljóna punda tilboð írsku
keðjunnar Musgrave en á þriðjudag í
næstu viku verður tilboðið lagt undir
hluthafa Londis, sem eru eigendur
verslana Londis. Reiknað er með að
Co-op muni leggja sitt tilboð fram fyr-
ir þann tíma.
Í síðustu viku gerði fjárfesting-
arfélagið Lancelot, sem KB banki í
London stendur að baki, tilboð í
Londis-keðjuna sem metur hana á
63 milljónir punda en gerir ráð fyrir
að núverandi hluthafar eigi áfram
meirihluta.
Big Food Group, sem Baugur á
hlut í, hefur tilkynnt um að það hafi
ekki lengur áhuga á Londis.
Co-op býður í Londis
ÚR VERINU
ÞETTA HELST …
VIÐSKIPTI
● BRESKA Odeon-kvikmynda-
húsakeðjan verður boðin upp þar
sem hluthafar féllust ekki á tilboð
íranska athafnamannsins Roberts
Tchenguiz sem var gert m.a. með
stuðningi frá KB banka í London,
að því er segir í frétt Reuters.
Tchenguiz bauð rúmlega 360
milljónir punda, um 47 milljarða
króna, í kvikmyndahúsakeðjuna,
sem er sú stærsta í Bretlandi, og
reyndi þannig að koma í veg fyrir
að keðjan yrði boðin upp. Hann
naut til þess stuðnings þýska
bankans WestLB AG, sem á 43%
hlut í Odeon en sjálfur á hann
17,5% hlut í keðjunni. Til stóð að
KB banki yrði eigandi að litlum
hlut í keðjunni.
Tilboðið rann út sl. föstudag og
eru fjármálafyrirtækin Citigroup og
Goldman Sachs nú farin að und-
irbúa uppboð á Odeon.
Odeon-bíóhúsakeðjan
á uppboð
KB BANKI hefur keypt danska fjár-
festingarbankann FIH. Seljandi er
að stærstum hluta sænski bankinn
Svedbank, sem átti 77,2% hlut í FIH,
og kaupverðið er 84 milljarðar króna
auk vaxta frá 31. mars og þar til
gengið verður frá kaupunum. Að
auki fær seljandi greidda 28 millj-
arða króna af eigin fé FIH áður en til
lokauppgjörs kemur. Heildar-
greiðsla til seljanda eru því 112 millj-
arðar króna auk vaxta.
Nokkrir aðrir bankar og hópar
fjárfesta höfðu sýnt áhuga á FIH,
þar með talið Nordea, stærsti banki
Norðurlanda.
Fjármagnað með víkjandi
lánum og nýju hlutafé
Kaupverðið, 84 milljarðar króna,
verður fjármagnað með útgáfu víkj-
andi lána og hækkun hlutafjár til for-
gangsréttarhafa. Samkvæmt til-
kynningu frá KB banka til
Kauphallarinnar hafa hluthafar sem
ráða yfir 52% eignarhlut í KB banka
lýst yfir stuðningi við kaupin og
munu taka þátt í hlutafjárhækkun-
inni. Sigurður Einarsson, stjórnar-
formaður KB banka, sagði í samtali
við Morgunblaðið að ekki hefði verið
ákveðið nákvæmlega hvernig skipt-
ingin yrði á milli víkjandi lána og
aukningar hlutafjár, en líklega yrði
hún nokkuð jöfn.
Kaupin eru háð skilyrðum um
samþykki hluthafafundar KB banka
og samþykki fjármálaeftirlita Dan-
merkur og Íslands. Gert er ráð fyrir
að endanlega verði gengið frá kaup-
unum í september.
Vaxtartækifæri
Í tilkynningunni segir að með
kaupunum skapist ýmis vaxtartæki-
færi og jafnframt skapist tækifæri til
að bjóða hinum fjölbreytta viðskipta-
mannahópi FIH ýmsar fjölmargra
afurða KB banka. Hvorki sé fyrir-
hugað að gera breytingar á stjórn-
endahópi FIH né heldur á vöru-
merki bankans eða rekstri hans.
Í tilkynningu KB banka er haft
eftir Lars Johansen, framkvæmda-
stjóra FIH, að það sé mikið tilhlökk-
unarefni að starfa innan KB banka,
sem hafi undanfarin ár sýnt vilja og
getu til að ná markmiði sínu um að
verða leiðandi fjárfestingarbanki á
Norðurlöndum á sama tíma og bank-
inn hafi haft þarfir viðskiptavina
sinna að leiðarljósi.
Um 80% erlendis
KB banki gerbreytist við kaupin á
FIH. Heildareignir bankans rúm-
lega tvöfaldast og verða 1.366 millj-
arðar króna og hagnaður bankans,
hvort sem miðað er við allt árið í
fyrra eða fyrsta fjórðung þessa árs,
mun nær tvöfaldast. Reikna má með
að eftir kaupin verði um 80% starf-
seminnar erlendis.
Kostnaðarhlutfall KB banka, þ.e.
hlutfall gjalda af rekstrartekjum,
mun breytast umtalsvert ef miðað er
við uppgjör bankanna tveggja á
fyrsta fjórðungi ársins. Kostnaðar-
hlutfall KB banka var 53% á fyrsta
fjórðungi en hlutfallið hjá FIH
16,5%. Sameiginlega hefði kostnað-
arhlutfall bankanna verið 43%.
Minni breyting verður í starfs-
mannafjölda KB banka við kaupin.
Starfsmenn FIH eru aðeins 174 en
starfsmenn KB banka 1.325. Starfs-
menn eftir sameiningu verða því rétt
um 1.500.
KB banki kaupir FIH
á 84 milljarða króna
Heildareignir
KB banka rúmlega
tvöfaldast
Tvöföldun Sigurður Einarsson, stjórnarformaður KB banka, og Lars Jo-
hansen, framkvæmdastjóri FIH, á kynningarfundi í Kaupmannahöfn vegna
kaupa KB banka á FIH. Eignir KB banka rúmlega tvöfaldast við kaupin.
 
 
&' (  

 



 )*++ 

  ++   , - 
-+

 (+
 





 #$  %
. 


 - /.0 1+- #$  %
# #
# 2
 3
! "
#
 4
## 4
 

# %
## 3
 2

!"
3 !4
# 4
 "
% !
% !
#% #
#$

5 FIH-BANKINN var stofnaður
árið 1958 sem fjármálastofnun
fyrir danskan iðnað, að því er
segir í tilkynningu frá KB
banka. Stofnendur voru Seðla-
banki Danmerkur, Samband
banka, Samband trygginga-
félaga og danska Iðnsam-
bandið. FIH var skráður í
kauphöllina í Kaupmannahöfn
árið 1988 en afskráður aftur
árið 2000.
FIH fæst við lánveitingar til
fyrirtækja í Danmörku, allt
frá stórum fjölþjóðafyrir-
tækjum til lítilla og meðal-
stórra fyrirtækja og hefur
17% hlutdeild á þeim markaði.
Starfsmenn eru 174, flestir í
höfuðstöðvunum í Kaup-
mannahöfn en hluti þeirra
starfar í fjórum söluskrif-
stofum annars staðar í Dan-
mörku.
FIH hefur að stærstum
hluta verið í eigu sænska
bankans Svedbank, sem hefur
átt rúmlega 77% hlutafjárins.
FIH
MATSFYRIRTÆKIÐ Moody’s
hefur lánshæfismat KB banka
til skoðunar vegna mögu-
legrar hækkunar, en það er
A2 langtímaeinkunn og C+
einkunn vegna fjárhagslegs
styrkleika.
Í tilkynningu frá KB banka
til Kauphallarinnar segir að
samkvæmt Moody’s endur-
spegli matið sífellt aukinn
fjárhagslegan styrk KB banka
og fjölbreyttari tekjugrund-
völl. Kaup bankans á danska
bankanum FIH styrki þetta
mat enn frekar.
Lánshæfismat
KB banka
hækkað?