Morgunblaðið - 15.06.2004, Page 14

ERLENT
14 ÞRIÐJUDAGUR 15. JÚNÍ 2004 MORGUNBLAÐIÐ
ÍRSKIR kjósendur samþykktu á
sunnudag með miklum mun að
þrengja lög um borgararéttindi og
afnema ákvæði um, að barn, sem
fætt er í Írlandi, fái sjálfkrafa rík-
isfang þar.
Um þetta var kosið samhliða
Evrópuþingskosningunum og nið-
urstaðan var, að tæp 80% sam-
þykktu tillöguna, sem komin var frá
stjórnvöldum, en rúm 20% voru
henni andvíg. Eru Írar eina Evr-
ópuríkið, sem veitir börnum borg-
araréttindi fyrir það eitt að vera
fædd þar og hefur það ýtt undir
það, sem Írar kalla „ríkisfangs-
ferðamennsku“. Er þá átt við, að út-
lendar og ófrískar konur komi til
landsins sem ferðamenn og eigi
barnið þar. Út á sitt „írska“ barn fá
þær síðan hæli í landinu. Kom þetta
fram á fréttavef BBC, breska rík-
isútvarpsins.
Ríkisstjórnin ætlar í framhaldi af
atkvæðagreiðslunni að leggja fram
frumvarp um, að börn fái því aðeins
ríkisfang í landinu, að annað for-
eldrið að minnsta kosti sé írskt eða
foreldrarnir hafi búið í Írlandi í
þrjú ár hið minnsta.
Á Nýja-Sjálandi eru í gildi sams
konar ákvæði um börn og ríkisfang
og í Írlandi en Helen Clark, for-
sætisráðherra landsins, hefur vakið
máls á því að breyta því. Er nú verið
að endurskoða lög um innflytjendur
og þá með það fyrir augum að
þrengja mjög möguleika þeirra á að
fá ríkisfang.
Írskir kjósendur loka
innflytjendasmugu
BJÖRGUNARMENN bera slas-
aðan mann úr rústum húss sem
hrundi þegar bílsprengja sprakk
í miðborg Bagdad í gærmorgun.
Sextán manns, þ.á m. fimm er-
lendir ríkisborgarar, létu lífið í
tilræðinu, og yfir sextíu manns
slösuðust.
Sprengjan sprakk á háanna-
tíma, upp úr klukkan átta í gær-
morgun að staðartíma, á einni
helstu verslunargötu borgar-
innar. Meðal þeirra sem létust
var maðurinn sem ók bílnum sem
sprengjan var í.
Reuters
16 létust í sprengjuárás í Bagdad
Pakistönsk stjórnvöld greindu frá
því á sunnudag að þau hefðu hand-
samað 10 menn sem grunaðir væru
um að vera liðsmenn al-Qaeda. Þar á
meðal væri bróðursonur Khalid
Shaikh Mohammeds, eins helzta
skipuleggjanda hryðjuverkanetsins,
og átta Mið-Asíumenn sem grunaðir
væru um að hafa reynt að ráða hátt-
settan yfirmann í pakistanska hern-
um af dögum fyrir skemmstu.
Mennirnir voru handteknir í
nokkrum áhlaupum öryggissveita í
hafnarborginni Karachi um helgina,
tjáði innanríkisráðherrann Faisal
Saleh Hayat blaðamönnum.
Meðal hinna handteknu er Marab
Arochi, náfrændi fyrrgreinds Mo-
hammads, sem kvað hafa verið þriðji
æðsti maður al-Qaeda áður en hann
náðist í marz 2003. Ein milljón
Bandaríkjadala hafði verið sett til
höfuðs Arochi, að sögn Hayats.
Hann væri grunaður um að hafa
staðið að baki mörgum árásum.
SHAUKAT Sultan, undirhershöfð-
ingi í pakistanska hernum, tilkynnti í
gær að lokið væri umsátri um bæki-
stöðvar liðsmanna al-Qaeda-hryðju-
verkanetsins nálægt landamærum
Pakistans og Afganistans. 72 hefðu
fallið í átökunum, þar af 55 skæru-
liðar og 17 hermenn.
Þar með lauk fimm daga löngu
áhlaupi Pakistanshers á bækistöðvar
skæruliða, í framhaldi af því að 15
liðsmenn pakistanskra öryggissveita
féllu í átökum þar síðastliðinn mið-
vikudag.
Sultan sagði að mennirnir 55
hefðu allir verið hryðjuverkamenn
en gaf ekki upp nöfn þeirra eða þjóð-
erni. Yfirmaður í öryggissveitunum,
sem vildi ekki láta nafns síns getið,
staðfesti að sumir þeirra væru út-
lendingar, reynt yrði að staðfesta
sem fyrst hverjir þeir væru og hvort
þeir tengdust al-Qaeda en ekki væri
unnt að skera úr um það að svo
stöddu.
Tugir meintra
al-Qaeda-liða
felldir í Pakistan
Tíu handteknir um helgina
Islamabad. AP.
MÚSLÍMIR í Ontario-fylki í Kanada eiga
síðar á þessu ári að fá að styðjast við sharia-
lög, lagabókstaf byggðan á Kóraninum, þeg-
ar skorið er úr í deilum vegna hjónabanda,
skilnaða og fjölskyldumála, samkvæmt frétt
blaðsins The Toronto Star. Samkvæmt lögum
frá 1991 mun sharia-dómstóllinn heyra undir
Íslömsku borgararéttindastofnunina í Kan-
ada.
Fjölmargir kvenkyns-múslímir eru ein-
dregið á móti því að dómstóllinn verði settur
á fót, og hafa heitið því að koma í veg fyrir
það. „Okkur hafa borist fjölmörg tölvuskeyti
frá fólki sem vill leggja okkur lið,“ hefur Tor-
onto Star eftir Alia Hogben, forseta Kven-
múslímaráðs Kanada, en alls eru í því um 900
konur úr ýmsum íslömskum trúarhópum.
Hogben segir fólkið hneykslað á því að
neyða eigi konur, sem eru múslímir, til að
taka þátt í sharia-réttarhöldum, eða sæta ella
útskúfun fjölskyldu og múslímasamfélagsins
– eða jafnvel einhverju þaðan af verra. Hvers
vegna í ósköpunum eigi þessar konur að
hljóta öðru vísi meðferð en aðrar kanadískar
konur?
Nokkrir lögfræðingar í Toronto hafa boðist
til að leggja sitt af mörkum – án þess að taka
greiðslu fyrir – til að koma megi í veg fyrir að
sharia-dómstóllinn hefji störf. Einn þessara
lögmanna, Jonathan Schrieder, segir við
Toronto Star, að verði
sharia-lög leyfð í Ont-
ario, jafnvel í „kan-
adískri útgáfu“ eins og
fylgismenn dómstólsins
kalli það, muni kven-
múslímir verða órétti
beittir. Rithöfundurinn Sally Armstrong,
sem hefur skrifað um órættlæti sem konur
séu beittar undir sharia-lögum í löndum á
borð við Afganistan, Pakistan og Jórdaníu,
segir að túlkanir á sharia-lagabókstafnum
séu mismunandi frá einu landi til annars, en
hvergi njóti konur jafnréttis á við karla.
„Hvers vegna halda dómsmálayfirvöld í Ont-
ario að málum verði öðruvísi farið hér?“ spyr
hún.
Dómsmálaráðuneyti Ontario hefur ítrekað
sagt, að í lögunum
frá 1991 séu slegn-
ir varnaglar, eins
og til dæmis að
báðir aðilar verði
að mæta sjálfvilj-
ugir fyrir réttinn
og ef konum þyki niðurstaðan ekki í samræmi
við kanadísk lög geti þær áfrýjað henni til
undirréttar.
Mumtaz Ali, forseti Íslömsku borgararétt-
indastofnunarinnar, barðist fyrir því í áratug
að fá sharia-lög viðurkennd í Ontario. Hann
segir konur ekki þurfa að óttast að þær muni
ekki njóta jafnréttis og hefur ítrekað að allir
úrskurðir sharia-dómstólsins þurfi að sam-
ræmast kanadískum lögum og ákvæðum kan-
adíska réttindasáttmálans.
En Armstrong segir ekki koma til greina
að sharia-lög gildi nokkursstaðar í Kanada.
„Kanadískar konur munu ekki láta þetta yfir
sig ganga möglunarlaust,“ segir hún við Tor-
onto Star. „Það tók okkur 30 ár að koma á
fjölskyldu- og jafnréttindalöggjöf til að
tryggja öryggi kvenna og barna í landinu. Við
munum allar mótmæla þessu.“
Þarnæsta laugardag munu samtökin Al-
þjóðlegur baráttuhópur gegn sharia-dómstóli
í Kanada efna til opins fundar í Toronto, og í
byrjun september verða haldnir alþjóðlegir
mótmælafundir í borgum víða í Kanada og
fleiri löndum, þ. á m. Bretlandi, Svíþjóð,
Þýskalandi, Frakklandi og Finnlandi, að því
er einn skipuleggjenda mótmælanna, Homa
Arjomand, tjáir Toronto Star.
Ein af ástæðum þess, að yfirvöld í Ontario
vilja leyfa starfsemi sharia-réttarins er sú, að
árum saman hafa bókstafstrúaðir gyðingar í
fylkinu stuðst við lagabókstaf gyðinga.
Spurningin sé því sú, hvers vegna múslímum
skyldi ekki vera heimilt að gera slíkt hið
sama?
Deilt um sharia-
lög í Ontario
’Kanadískar konur munuekki láta þetta yfir sig ganga
möglunarlaust.‘
AP
LEIKKONAN Alicia Witt skartar hér dýrasta hatti heims, að því er talið
er, en hann er metinn á eina og hálfa milljón punda eða um 196,500,000 ísl.
kr. Hatturinn er alsettur demöntum og segir hattagerðarmaðurinn Louis
Mariette vafningsvið og bláklukkur hafa veitt sér innblástur við gerð hans.
Dýrasti hattur í heimi