Morgunblaðið - 15.06.2004, Qupperneq 16
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 669-1310. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 669-1115.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Kátir dagar framundan | Undirbúningur
fyrir hátíðina „Káta daga“ á Þórshöfn er í
fullum gangi en þeir verða dagana 15. til 18.
júlí með samfelldri dagskrá sem hefst strax
á fimmtudegi en þá verða í Þórshafnarkirkju
tónleikar með Guðrúnu Gunnarsdóttur og
Friðriki Hjörleifssyni ásamt píanóleikara.
Á föstudag er fjörið í íþróttamiðstöðinni
Verinu og verður sundsprell fram eftir degi.
Um kvöldið mætast hagyrðingar í Þórsveri
og nemendur grunnskólans sýna atriði úr
Hárinu. Þá verður unglingadansleikur í
Þórsveri með hljómsveitinni Von.
Á laugardag verður dorgveiðikeppni, úti-
markaður og kassabílarall verður á sínum
stað. Þá verður kaffisala og ljósmyndasýn-
ing í Verinu. Síðdegis hefst svo hraðmót
UNÞ í knattspyrnu. Um kvöldið verður svo
brenna þar sem sungið verður og spilað áður
en haldið er á stórdansleik með Von.
Á sunnudag verður gönguferð á Langa-
nesi og á Skálum á Langanesi verður keppt
um titilinn „Langanesvíkingur“ og að lokum
grillaðar pylsur og lambakjöt.
Veraldarvinir | Í júníbyrjun mátti sjá ung-
menni vinna við fjöruhreinsun og merkingu
gönguleiðar á Langanesi en það eru félagar
úr samtökunum „Veraldarvinir“ sem eru al-
þjóðleg samtök ungs áhugafólks um um-
hverfismál.
Þetta unga fólk er frá sex þjóðlöndum og
auk þess að hreinsa rusl á strandlengju luku
þau við merkingu gönguleiðar milli
Hrollaugsstaða og Skála á Langanesi. Leið-
sögumaður þeirra var Angantýr Einarsson
sem sagði unga fólkið vinna vel og af áhuga.
Í lok dvalar Veraldarvina á Þórshöfn efndu
þeir til samkomu í íþróttamiðstöðinni og
buðu heimamönnum að fræðast um sam-
tökin. Þá bauð unga fólkið upp á ýmsa rétti
frá sínum heimalöndum. Tónlistin gleymdist
ekki því frönsk sekkjapípa var með í för og
gafst heimafólki kostur á að prófa hana.
Veðurblíða | Síðustu daga hefur þurrviðri
og veðurblíða sett svip sinn á mannlífið hér á
Þórshöfn, gróðrarskúr var kærkomin þegar
jörðin var orðin skrælþurr.
Á tjaldstæðinu hefur verið nokkur umferð
en fyrst vorboðinn var Svisslendingurinn
Jósef á stóra pósthjólinu sínu sem var að
koma í tuttugasta og annað skiptið en hann
kemur jafnan mjög snemma vors með Nor-
rænu. Tjaldstæðið er ókeypis og þar er
hreinlætisaðstaða og vatn. Eru ferðamenn
duglegir að nýta sér það.
Úr
bæjarlífinu
ÞÓRSHÖFN
EFTIR LÍNEYJU SIGURÐARDÓTTUR
Ásvaldur Ævar Þor-móðsson var kjör-inn oddviti Þing-
eyjarsveitar á fundi
sveitarstjórnar í síðustu
viku. Hann tekur við af
Haraldi Bóassyni sem
kosinn var oddviti þegar
Þingeyjarsveit varð til við
sameiningu Hálshrepps,
Ljósavatnshrepps, Bárð-
dælahrepps og Reyk-
dælahrepps eftir kosn-
ingar árið 2002.
Við oddvitaskiptin voru
Haraldi Bóassyni færðar
þakkir fyrir farsælt starf
í stóli oddvita en sátt og
friðsemd hafa einkennt
störf sveitarstjórnar und-
ir hans stjórn alveg frá
upphafi, eins og segir á
heimasíðu sveitarfé-
lagsins. Þórunn Jóns-
dóttir var endurkjörin
varaoddviti Þingeyj-
arsveitar.
Oddvitaskipti
Fagridalur | Nokkrir íbúar
í Vík í Mýrdal voru í óða
önn að hreinsa upp rusl úr
fjörunni vestast í Vík-
urþorpi þegar fréttaritari
var þar á ferðinni. Þetta
er liður í átaki til að
hreinsa og fegra umhverf-
ið sem Umhverfis- og
ferðamálanefnd Mýrdals-
hrepps stendur fyrir, einn-
ig eru íbúar í sveitinni
hvattir til að taka til í
kring um sig og hefur
sveitarstjórn af því tilefni
ákveðið að greiða niður
leigu á einum gámi á hvert
lögbýli. Mikið drasl safn-
aðist í fjörunni sem hefur
verið að fjúka til og frá.
Morgunblaðið/Jónas Erlendsson
Sveinn Pálsson, sveitarstjóri Mýrdalshrepps, hendir
tunnu upp á pallbíl í hreinsunarátaki hreppsins.
Hreinsunarátak í Vík
Það er gjarnanskrafað um þjóð-málin í Vestur-
bæjarlauginni. Morg-
uninn eftir að samráðs-
fundur stjórnar og
stjórnarandstöðu fuðr-
aði upp orti Reynir Jón-
asson organisti:
Á örstuttum fundi varð engin sátt
og ekki var sopið kálið
er heyrðist talað úr hörðustu átt
um hegðunarvandamálið.
Skömmu áður hafði
Árni Björnsson þjóð-
háttafræðingur ort um
áhyggjuefni stjórnvalda:
Ógnir steðja að oss allt um kring
enginn sleppur án meiðsla:
Kötlugos, hryðjuverk, þrasgefið
þing
– og þjóðaratkvæðagreiðsla.
Aðalsteinn L. Valdi-
marsson horfir til
Bessastaða og ákvörð-
unar forsetans um að
synja fjölmiðlalögum Al-
þingis:
Sitt hefur stærsta góðverk gjört
gróðahring sem lifir.
Norðurljósin blika björt
Bessastöðum yfir.
Norðurljósin
pebl@mbl.is
Hrunamannahreppur | Land-
námsdagurinn var haldinn há-
tíðlegur í Skeiða- og Gnúpverja-
hreppi á laugardaginn.
Dagurinn er liður í verkefninu
Destination Viking Sagaland.
Boðið var upp á fjölbreytta
dagskrá víðs vegar í sveitarfé-
laginu. Þá var þess einnig
minnst að á þessu ári eru 100 ár
liðin frá stofnun Nautgripa-
félags Gnúpverja með sýningu á
hátæknifjósi í Þrándarholti en
þar er nú rekið félagsbú. Þess
má geta að fyrsta lausagöngu-
fjósið á Íslandi var byggt á þess-
um bæ árið 1955.
Margir heimsóttu Þrándar-
holt, en í hlöðu var yfirlitssýning
á ýmsum hlutum er tengdist
mjólkurframleiðslu í sveitinni.
Má þar nefna strokka og skil-
vindur, gamlar kúaskýrslubæk-
ur voru til sýnis auk mynda.
Við Stöng í Þjórsárdal var
fornleifanefnd með opið hús og
leiðsögn um Stangarbæ. Fé-
lagar úr Karlakór Hreppa-
manna sungu í hinni undurfögru
náttúruperlu Gjánni og Vörðu-
vinafélagið sýndi gestum vörðu-
hleðslu. Við Þjóðveldisbæinn
var séra Axel Árnason með tíða-
gjörð, Skugga-Sveinn kom í
heimsókn og söng við raust og
ungir glímukappar sýndu ís-
lenska glímu.
Landsvirkjun var með opið
hús í virkjunum sínum.
Morgunblaðið/Sigurður Sigmundsson
Guðjón Auðunsson með hvítan kálf í Þrándarholti en getraun fór fram um hve þungur hann væri.
Strokkar og kúaskýrslur til sýnis
Landnámsdagur
Hólmavík | Vínbúð var nýlega opnuð á
Hólmavík, en hún er sú 43. á landinu. Búð-
in er til húsa í verslun Kaupfélags Stein-
grímsfjarðar og er rekin í samstarfi við
Kaupfélagið. Vínbúðin verður opin sex
klukkustundir á viku, klukkutíma á dag frá
mánudegi til fimmtudags og tvo tíma á
föstudögum.
Höskuldur Jónsson, forstjóri ÁTVR,
kom til Hólmavíkur, ásamt nokkrum
starfsmönnum sínum þegar búðin var opn-
uð, og ávarpaði hann boðsgesti. Í máli
Höskuldar kom fram að þegar hann tók til
starfa árið 1986 voru vínbúðirnar þrettán.
Síðan hefði þeim markvisst verið fjölgað og
á landsbyggðinni séu þær gjarnan reknar í
samstarfi við önnur fyrirtæki. Eftir að hafa
skýrt frá ýmsu er varðar rekstur ÁTVR
flutti Höskuldur óskir um farsælt samstarf
og afhenti Jóni Eðvald Alfreðssyni kaup-
félagsstjóra lyklana að vínbúðinni. Tók
hann við þeim í fjarveru Bryndísar Sveins-
dóttur, starfsmanns kaupfélagsins, sem
veita mun búðinni forstöðu. Jón, svo og
Engilbert Ingvarsson, íbúi á Hólmavík,
ávörpuðu boðsgesti og rifjuðu m.a. upp
gamanvísur frá þeim tíma er Strandamenn
voru sjálfum sér nógir um aðföng og fram-
leiðslu áfengis. Fjölmargir boðsgestir voru
í þessu hófi, þar sem bornar voru fram veit-
ingar frá Café Riis og þeir Bjarni Ómar
Haraldsson og Kristján Sigurðsson fluttu
lifandi tónlist.
Vínbúð
opnuð á
Hólmavík
LÖGREGLAN á Húsavík lagði hald á 4
grömm af amfetamíni aðfaranótt sunnu-
dags og handtók hóp fólks fyrir utan
skemmtistað í tengslum við málið. Þegar
mál fóru að skýrast á lögreglustöð var einn
maður úr hópnum talinn eiga fíkniefnin og
telst málið upplýst af hálfu lögreglu en
verður rannsakað áfram uns ákæruvaldið
tekur við meðferð þess.
4 grömm af
amfetamíni tekin
♦♦♦